Community News & Updates

Stay informed with the latest happenings, achievements, and announcements from our community.

All News

calendar_today January 21, 2026

Maharashtraની રાજનીતિમાં મોટો વળાંક? રાજ ઠાકરે શું ઉદ્ધવને સાઈડલાઈન કરી શિંદેને ટેકો આપશે!

મહારાષ્ટ્રના રાજકારણમાં હાલ ભારે ઉતાર-ચઢાવ જોવા મળી રહ્યો છે અને તેનું કેન્દ્ર બન્યું છે કલ્યાણ-ડોંબિવલી મ્યુનિસિપલ કોર્પોરેશન (KDMC). અહીં કોઈ પણ પક્ષને સ્પષ્ટ બહુમતી ન મળતા રાજકીય પરિસ્થિતિ વધુ રસપ્રદ બની ગઈ છે. આવી સ્થિતિમાં હવે ચર્ચા છે કે રાજ ઠાકરેની મનસે અને એકનાથ શિંદેની શિવસેના વચ્ચે ગઠબંધન થઈ શકે છે. ચર્ચાઓ ચાલી રહી હોવાના અહેવાલો છેલ્લા કેટલાક દિવસોથી મનસે અને શિંદે છાવણીના નેતાઓ વચ્ચે ચર્ચાઓ ચાલી રહી હોવાના અહેવાલો સામે આવી રહ્યા છે. જોકે, બંને પક્ષોમાંથી કોઈએ પણ આ અંગે સત્તાવાર રીતે નિવેદન આપ્યું નથી. તેમ છતાં, બુધવાર 21 જાન્યુઆરીના રોજ બનેલી એક ઘટના બાદ આ ચર્ચાઓને વધુ બળ મળ્યું છે. કમિશનરની કચેરીએ જૂથ નોંધણી માટે પહોંચ્યા આ દિવસે મનસેના 5 કાઉન્સિલરો અને શિંદે સેનાના 53 કાઉન્સિલરો એકસાથે કોંકણ વિભાગીય કમિશનરની કચેરીએ જૂથ નોંધણી માટે પહોંચ્યા હતા. બંને પક્ષોના કાઉન્સિલરોનું એકસાથે આવવું માત્ર સંયોગ છે કે કોઈ મોટી રાજકીય યોજના, તે અંગે હવે અનેક સવાલો ઉઠી રહ્યા છે. ચૂંટણી જીતવા માટે કુલ 62 કાઉન્સિલરોનો ટેકો KDMCમાં મેયરની ચૂંટણી જીતવા માટે કુલ 62 કાઉન્સિલરોનો ટેકો જરૂરી છે. હાલની સ્થિતિ જોવામાં આવે તો શિંદેની શિવસેનાને 53 કાઉન્સિલરોનો ટેકો છે, જ્યારે ભાજપ પાસે 50 કાઉન્સિલરો છે. સૂત્રોના જણાવ્યા અનુસાર, શિંદે જૂથ ઠાકરે જૂથમાંથી પણ બે કાઉન્સિલરોને પોતાની તરફ ખેંચવાની કોશિશ કરી રહ્યું છે. સરકાર રચાય તો મનસેમાં જ રહે તેવી શક્યતા આ વચ્ચે, અગાઉ ઠાકરે જૂથમાંથી મનસેમાં પરત ફરેલા કાઉન્સિલરો પણ જો સરકાર રચાય તો મનસેમાં જ રહે તેવી શક્યતા છે. જેના કારણે મનસેના કાઉન્સિલરોની સંખ્યા 5થી વધીને સાત થઈ શકે છે. જો મનસેનો ટેકો શિંદે સેના ને મળે, તો મેયર પદ માટેનો રસ્તો લગભગ સરળ બની શકે છે. જ્યારે મનસે અને શિંદે સેનાના કાઉન્સિલરો કમિશનરની કચેરી પહોંચ્યા ત્યારે તેમણે શ્રીકાંત શિંદે, નરેશ મ્હસ્કે અને રાજુ પાટીલ સાથે મુલાકાત કરી હતી. આ મુલાકાતનો ફોટો સોશિયલ મીડિયા પર વાયરલ થયો છે, જેને લઈને રાજકીય ચર્ચાઓ વધુ તેજ બની ગઈ છે. સાંસદ શ્રીકાંત શિંદેનું નિવેદન આ મુલાકાત બાદ સાંસદ શ્રીકાંત શિંદેએ નિવેદન આપ્યું હતું કે મનસે શિંદે સેનાને ટેકો આપે છે. તેમણે કહ્યું કે વિકાસના કામમાં જે પણ તેમની સાથે જોડાશે, તેને સાથે રાખવામાં આવશે. આ નિવેદનથી સ્પષ્ટ થાય છે કે આવનારા દિવસોમાં મહારાષ્ટ્રની રાજનીતિમાં મોટો ફેરફાર જોવા મળી શકે છે.આ પણ વાંચો : સ્પેસમાં 608 દિવસ ! જાણો Sunita Williamsની અંતરિક્ષ યાત્રાઓ

Read Full Story arrow_forward

calendar_today January 21, 2026

Republic Day 2026 : બોટાદ જિલ્લાના પ્રજાસત્તાક પર્વની જિલ્લા કક્ષાની ભવ્ય ઉજવણી ગઢડા ખાતે યોજાશે

આ જિલ્લા કક્ષાના કાર્યક્રમમાં પ્રભારી મંત્રી રીવાબા જાડેજાના અધ્યક્ષસ્થાને ધ્વજવંદન કરાશે. પ્રજાસત્તાક પર્વની ઉજવણી સુચારૂ, શિસ્તબદ્ધ અને ભવ્ય રીતે સંપન્ન થાય તે હેતુસર જિલ્લા કલેક્ટર ડૉ. જીન્સી રોયની અધ્યક્ષતામાં ઔદ્યોગિક તાલીમ કેન્દ્ર, ગઢડા ખાતે પૂર્વતૈયારી અંગે બેઠક યોજાઈ હતી. પોલીસ વિભાગ દ્વારા શિસ્તબદ્ધ માર્ચ પાસ્ટ પરેડનું પણ આયોજન કરવામાં આવશે બેઠક દરમિયાન કલેક્ટરે કાર્યક્રમની તમામ વ્યવસ્થાઓ સમયસર પૂર્ણ થાય તેમજ કાર્યક્રમની ગુણવત્તા અને ગૌરવ જળવાઈ રહે તે માટે સંબંધિત વિભાગોને જરૂરી માર્ગદર્શન આપ્યું હતું. જિલ્લા કક્ષાના આ પ્રજાસત્તાક પર્વના કાર્યક્રમમાં વિવિધ સરકારી કચેરીઓ દ્વારા વિકાસલક્ષી તથા થીમ આધારિત ટેબ્લો રજૂ કરવામાં આવશે. ઉપરાંત દેશભક્તિના ભાવને ઉજાગર કરતી વિશેષ સાંસ્કૃતિક કૃતિઓનું પ્રદર્શન કરવામાં આવશે. કાર્યક્રમ દરમિયાન પોલીસ વિભાગ દ્વારા શિસ્તબદ્ધ માર્ચ પાસ્ટ પરેડનું પણ આયોજન કરવામાં આવશે, જે કાર્યક્રમનું મુખ્ય આકર્ષણ રહેશે. પ્રજાસતાક પર્વની ઉજવણીમાં બોટાદ જીલ્લાના નાગરિકોને હર્ષભેર જોડાવવા અનુરોધ છે આ આયોજન બેઠકમાં જિલ્લા વિકાસ અધિકારી અક્ષય બુડાનીયા, નિવાસી અધિક કલેક્ટર પી. કે. ઝણકાત, ગઢડા પ્રાંત અધિકારી આરતી ગોસ્વામી સહિત સંકલન સાથે સંકળાયેલા વિવિધ વિભાગોના અધિકારીઓ ઉપસ્થિત રહ્યા હતા. પ્રજાસતાક પર્વની ઉજવણીમાં બોટાદ જીલ્લાના નાગરિકોને હર્ષભેર જોડાવવા અનુરોધ છે. આ પણ વાંચો : Surendranagar News : મુળી તાલુકામાં મધ્યાહન ભોજન યોજનના કેન્દ્રો માટે સંચાલક કમ કૂકની કરાશે નિમણૂંક 

Read Full Story arrow_forward

calendar_today January 21, 2026

OMG : દિકરીના લગ્ન માટે પિતાએ બનાવી એવી કંકોત્રી કે જોઈને તમે પણ કહી ઉઠશો વાહ! જુઓ Video

જયપુરના નિવાસી શિવ જોહરીએ પોતાની દીકરી શ્રુતિ જોહરીના લગ્નને યાદગાર બનાવવા માટે લગ્નકાર્ડની પરંપરાને નવી ઊંચાઈ પર પહોંચાડી છે. તેમણે 3 કિલોગ્રામ શુદ્ધ ચાંદીનો ઉપયોગ કરીને આશરે રૂ. 25 લાખ કિંમતનું અદ્વિતીય લગ્ન આમંત્રણ તૈયાર કર્યું છે. આ કાર્ડ 128 અલગ-અલગ ચાંદીના ટુકડાઓથી બનાવવામાં આવ્યું છે, જેમાં એકપણ નખ કે સ્ક્રૂનો ઉપયોગ કરવામાં આવ્યો નથી. 8 × 6.5 ઇંચના માપ અને 3 ઇંચ ઊંડાઈ ધરાવતું આ કાર્ડ 65થી વધુ બારીક કોતરાયેલા દેવી-દેવતાઓથી શોભિત છે.દેવી-દેવતાઓથી શોભિત ચાંદીનું અદ્ભુત કાર્ડ કાર્ડના શિર્ષ ભાગે શ્રી ગણેશાય નમઃ લખાણ સાથે ભગવાન ગણેશ સ્થાપિત છે. તેમના જમણે માતા પાર્વતી અને ડાબે ભગવાન શિવ છે. નીચે માતા લક્ષ્મી અને ભગવાન વિષ્ણુ દર્શાવવામાં આવ્યા છે. સાથે જ ભગવાન કૃષ્ણના જીવન પ્રસંગો, ભગવાન વિષ્ણુના દસ અવતાર, તેમજ દક્ષિણ ભારતીય શૈલીમાં પાંચ શરીર ધરાવતા કૃષ્ણ અને તેમની આસપાસ આઠ ગાયોની અદભુત રચના જોવા મળે છે. કાર્ડના બહારના સ્તર પર માતા લક્ષ્મીના આઠ સ્વરૂપો તેમના સેવકો અને સૂર્યદેવ સાથે દર્શાવવામાં આવ્યા છે. ભગવાન વેંકટેશ્વર બે સ્વરૂપોમાં ઉપસ્થિત છે. ઉપરાંત રથચાલકો, ચામર ધારણ કરેલા સેવકો, દીવો ધરાવતી દેવીઓ, શંખ અને નગારા વગાડતા દેવતાઓ પણ કોતરાયેલા છે. ==પરંપરા અને કલાનું સુંદર મિલન આ અનોખા કાર્ડ પર દુલ્હન શ્રુતિ જોહરી અને વરરાજા હર્ષ સોનીના નામો પણ ઉંકેલવામાં આવ્યા છે, જ્યાં તેમના નામોની આસપાસ હાથીઓ ફૂલોની વર્ષા કરતા દર્શાવવામાં આવ્યા છે. કાર્ડની અંદર પરંપરાગત આમંત્રણની જેમ બંને પરિવારના માતા-પિતા અને પરિવારજનોના નામો કોતરવામાં આવ્યા છે. દીકરી માટે પિતાની અવિસ્મરણીય ભેટ...શિવ જોહરી કહે છે, હું ઈચ્છતો હતો કે મારી દીકરીના લગ્નમાં ફક્ત સગાંસંબંધીઓ નહીં, પરંતુ તમામ દેવી-દેવતાઓને પણ આમંત્રણ મળે. હું મારી દીકરીને એવું કંઈક આપવું માગતો હતો જે પેઢીઓ સુધી યાદ રાખવામાં આવે. 6 મહિના વિચાર કર્યા બાદ તેમણે આ અનોખી કલ્પનાને સાકાર કરવાનો નિર્ણય લીધો અને એક વર્ષ સુધી સતત મહેનત કરીને આ ચાંદીનું અદભુત લગ્નકાર્ડ તૈયાર કર્યું. આ પણ વાંચો- રાતોરાત નસીબ ચમક્યું! બોલીવુડના આ સુપરસ્ટાર્સ પહેલી જ ફિલ્મથી થયા ફેમસ, પણ હવે ક્યાં છે?

Read Full Story arrow_forward