Community News & Updates

Stay informed with the latest happenings, achievements, and announcements from our community.

All News

calendar_today January 20, 2026

Ahmedabad: JEE-2026ની પરીક્ષાને લઈ પોલીસ કમિશનરનું જાહેરનામું, જાણો શું છે પરીક્ષાનું ટાઈમ ટેબલ અને નિયમો

નેશનલ ટેસ્ટિંગ એજન્સી (NTA) દ્વારા આગામી જાન્યુઆરી મહિનામાં લેવાનારી JEE-2026 (Joint Entrance Examination) ની તૈયારીઓ પૂર્ણ કરી દેવામાં આવી છે. અમદાવાદમાં પરીક્ષાના સુચારૂ આયોજન અને કાયદો-વ્યવસ્થા જાળવવા માટે શહેર પોલીસ કમિશનર દ્વારા ખાસ જાહેરનામું બહાર પાડવામાં આવ્યું છે.પરીક્ષાની તારીખો અને સમયપત્રકJEE-2026 ની પરીક્ષા બે તબક્કામાં અને વિવિધ શિફ્ટમાં યોજાશે. NTA દ્વારા જાહેર કરાયેલા સમયપત્રક મુજબ  પરીક્ષાની તારીખો 21, 22, 23, 24 જાન્યુઆરી અને 28, 29 જાન્યુઆરી 2026.પ્રથમ શિફ્ટ સવારે 9:00 થી 12:00 કલાક સુધી. બીજી શિફ્ટ: બપોરે 3:00 થી 6:00 કલાક સુધી. ખાસ નોંધ (29 જાન્યુઆરી): પેપર-2 માટેનો સમય સવારે 9:00 થી બપોરે 12:30 સુધીનો રહેશે.પોલીસ કમિશનરનું જાહેરનામુંઅમદાવાદ પોલીસ કમિશનરે પરીક્ષા કેન્દ્રોની આસપાસ શાંતિ જળવાઈ રહે અને વિદ્યાર્થીઓને કોઈ ખલેલ ન પહોંચે તે માટે પ્રતિબંધાત્મક આદેશો જારી કર્યા છે. જાહેરનામા મુજબ પરીક્ષા કેન્દ્રોની આસપાસના 100 મીટરના વિસ્તારમાં બિનઅધિકૃત વ્યક્તિઓના પ્રવેશ પર મનાઈ છે. કેન્દ્રોની આસપાસ ઝેરોક્ષ મશીન ચલાવવા કે ભીડ એકઠી કરવા પર પ્રતિબંધ રહેશે. પરીક્ષાર્થીઓને ખલેલ પહોંચે તે રીતે લાઉડ સ્પીકર વગાડવા પર પણ રોક લગાવવામાં આવી છે.આ પણ વાંચો: Daman: ભરચક બજારમાં દીપડાની લટાર, ત્રીજા માળે ઘૂસી જતાં અફરાતફરી

Read Full Story arrow_forward

calendar_today January 20, 2026

Anand માં બ્રિજ નિર્માણ દરમિયાન મોટી દુર્ઘટના, ગંભીરા પાસે મહીસાગર નદી પર શ્રમિક ઊંચાઈથી પટકાયો

આણંદ જિલ્લાના ગંભીરા પાસે મહીસાગર નદી પર બની રહેલા નવા બ્રિજના નિર્માણ કાર્યમાં કોન્ટ્રાક્ટરની ગંભીર બેદરકારી સામે આવી છે. બ્રિજના કોલમ પર સેન્ટિંગનું કામ ચાલી રહ્યું હતું ત્યારે અચાનક અકસ્માત સર્જાયો હતો, જેમાં એક શ્રમિક અંદાજે 10 ફૂટની ઊંચાઈથી નીચે પટકાયો હતો. આ ઘટનામાં મૂળ બિહારના વતની એવા જુલફર ખાન નામના શ્રમિક યુવાનને શરીરે ગંભીર ઈજાઓ પહોંચી હતી. ઈજાગ્રસ્ત યુવકને તાત્કાલિક અસરથી વધુ સારવાર માટે વડોદરાની હોસ્પિટલમાં ખસેડવામાં આવ્યો છે. આ અકસ્માતે કન્સ્ટ્રક્શન સાઇટ પર શ્રમિકોની સુરક્ષાને લઈને અનેક સવાલો ઊભા કર્યા છે.સુરક્ષાના નિયમો નેવે મૂકાયા કન્સ્ટ્રક્શન સાઇટ પર થયેલા આ અકસ્માતમાં સુરક્ષાના નિયમોનું સરેઆમ ઉલ્લંઘન જોવા મળ્યું છે. ચોંકાવનારી બાબત એ છે કે, આટલી ઊંચાઈ પર કામ કરી રહેલા શ્રમિકો પાસે હેલ્મેટ કે સેફ્ટી બેલ્ટ જેવા અનિવાર્ય સુરક્ષા સાધનો ઉપલબ્ધ નહોતા. સુરક્ષાના સાધનો વિના જોખમી કામ કરાવતા કોન્ટ્રાક્ટરની ઘોર બેદરકારીને કારણે જ આ દુર્ઘટના ઘટી હોવાનું પ્રાથમિક દ્રષ્ટિએ જણાઈ રહ્યું છે. સરકારી ધારાધોરણો મુજબ કામદારોની સુરક્ષાની જવાબદારી જે તે એજન્સીની હોય છે, પરંતુ અહીં નિયમોને નેવે મૂકીને શ્રમિકોના જીવના જોખમે કામ કરાવવામાં આવતું હોવાનું બહાર આવ્યું છે. આ પણ વાંચો : Gir Somnath News : તાલાલા પંથકમાં ધરા ધ્રુજી, બપોરના સમયે ભૂકંપનો આંચકો અનુભવાતા લોકોમાં ફફડાટ

Read Full Story arrow_forward

calendar_today January 20, 2026

Ahmedabad News : સ્થાનિક સ્વરાજ્યની ચૂંટણીમાં 10 ટકા EWS અનામતની માગ, સવર્ણ સમાજ સરકારમાં રજૂઆત કરશે

ગુજરાતમાં આગામી સમયમાં સ્થાનિક સ્વરાજ્યની ચૂંટણી યોજાશે. SIRની કામગીરી બાદ ચૂંટણી પંચ દ્વારા લોકલ બોડી ઈલેક્શનની તૈયારીઓ શરૂ કરી દેવાશે. આ ચૂંટણીમાં EWS અનામતની માગ હવે પ્રબળ બની છે. આજે આ મુદ્દે સવર્ણ સમાજની એક બેઠક મળી હતી. જેમાં પાટીદાર, ક્ષત્રિય અને બ્રહ્મ સમાજ સહિતના સવર્ણ વર્ગના આગેવાનો જોડાયા હતાં. આ બેઠકમાં આગામી સ્થાનિક સ્વરાજ્યની ચૂંટણીમાં 10 ટકા EWS અનામતની માગ કરવામાં આવી હતી. કમિટીમાં દરેક સમાજના આગેવાનને સ્થાન આજે મળી સવર્ણ વર્ગની બેઠકમાં આગામી સ્થાનિક સ્વરાજ્યની ચૂંટણીમાં 10 ટકા EWS અનામતની માગ કરવામાં આવી છે. આ બેઠકમાં 109 જાતિઓની એક કમિટી બનાવવાનું નક્કી કરવામાં આવ્યું છે. આ કમિટીમાં દરેક સમાજના આગેવાનને સ્થાન આપવામાં આવશે. આ ઉપરાંત સવર્ણ વર્ગ દ્વારા આગામી ચૂંટણીમાં ઝવેરી પંચની ભલામણોને લાગુ કરવા પણ રજૂઆત કરવામાં આવી છે. ઝવેરી પંચની ભલામણો લાગુ કરવામાં પણ ગેરરીતિ થઈ હોવાનો આક્ષેપ કરવામાં આવ્યો છે. માગ નહીં સ્વીકારાય તો પરચો બતાવીશું પાટીદાર આગેવાન દિનેશ બાંભણિયાએ જણાવ્યું હતું કે, આગામી સ્થાનિક સ્વરાજ્યની ચૂંટણીમાં 10 ટકા અનામત મુદ્દે સરકારને રજૂઆત કરીશું. આજે લેખિતમાં સહિઓ સાથે સરકારમાં રજૂઆત થશે. તમામ સાંસદો અને ધારાસભ્યોને પણ રજૂઆત કરાશે. અમારી માગ ચૂંટણીમાં 10 ટકા EWS અનામતની છે. જો અમારી માગ નહીં સ્વીકારાય તો પરચો બતાવીશું. એસટી વિસ્તારમાં પણ અનામત લાગુ કરવામાં ખામીઓ સામે આવી છે. સરકારમાં રોસ્ટર પદ્ધતિ લાગુ કરવા મુદ્દે પણ રજૂઆત કરાશે. બ્લોકમાં વસ્તી પ્રમાણે અનામત ફાળવાવી જોઇએ. આ અંગે ક્ષત્રિય આગેવાન રમજુભા જાડેજાએ કહ્યું હતું કે, આજની બેઠકમાં તમામ મુદ્દાઓ પર ચર્ચા થઈ છે. EWS અનામતની માગને ક્ષત્રિય સમાજનું સમર્થન છે. આ પણ વાંચોઃ Republic Day 2026: 26 જાન્યુઆરીએ પરેડમાં દેખાશે ભારતના 7 ઘાતક હથિયાર, જાણો તેની ખાસિયત

Read Full Story arrow_forward