Community News & Updates

Stay informed with the latest happenings, achievements, and announcements from our community.

All News

calendar_today January 15, 2026

Bhavnagar : બગદાણામાં નવનીત બાલધિયા પર હુમલાના કેસમાં SITની મોટી કાર્યવાહી, વધુ એક આરોપીની અટકાયત

ભાવનગર જિલ્લાના બગદાણા ગામે નવનીત બાલધિયા પર થયેલા હુમલાના કેસમાં તપાસ તેજ બની છે. આ મામલે રચાયેલ SIT ટીમે પાદરી ગામના એક યુવકની અટકાયત કરી છે.યુવકનું નામ કાના કામળિયા અટકાયત કરાયેલા યુવકનું નામ કાના કામળિયા હોવાનું જાણવા મળ્યું છે. SIT દ્વારા આરોપીની અટકાયત બાદ તેનું મેડિકલ ચેકઅપકરાવવામાં આવ્યું છે. કેસમાં કુલ નવ જેટલા આરોપીઓની ધરપકડ તપાસ અધિકારીઓના જણાવાયા મુજબ અત્યાર સુધી આ કેસમાં કુલ નવ જેટલા આરોપીઓની ધરપકડ કરવામાં આવી છે. સમગ્ર મામલે વધુ પૂછપરછ ચાલુ પોલીસ દ્વારા સમગ્ર મામલે વધુ પૂછપરછ ચાલુ છે અને કાયદેસર કાર્યવાહી આગળ વધારવામાં આવી રહી છે. કેસની ગંભીરતા ધ્યાનમાં લઈ બગદાણા સહિત આસપાસના વિસ્તારોમાં સુરક્ષા વ્યવસ્થા યથાવત રાખવામાં આવી છે. આ પણ વાંચો---   BMC Election 2026 : મુંબઈ સહિત મહારાષ્ટ્રમાં 29 મ્યુનિસિપલ કોર્પોરેશનો માટે મતદાન શરુ, અક્ષય કુમારે કહ્યું, ડાયલોગબાજી બંધ કરીને મતદાન કરવા બહાર નિકળો

Read Full Story arrow_forward

calendar_today January 15, 2026

Valsad : વાપીમાં ડુપ્લીકેટ નોટ છાપવાના કૌભાંડનો પર્દાફાશ, 30 લાખ સામે આપતા 80 લાખની લાલચ

ઔદ્યોગિક નગરી વાપીમાં રાતોરાત અમીર બનવાના સપના જોતા તત્વો દ્વારા ચલાવવામાં આવતી નકલી નોટ બનાવવાની ફેક્ટરી પર પોલીસે ત્રાટકીને મોટા રેકેટનો પર્દાફાશ કર્યો છે. પોલીસે બાતમીના આધારે દરોડો પાડીને નકલી નોટો, છાપકામના સાધનો અને બે મુખ્ય આરોપીઓને ઝડપી પાડ્યા છે.નકલી નોટો છાપવાની ફેક્ટરી ઝડપાઇ વાપી પોલીસને ચોક્કસ માહિતી મળી હતી કે શહેરના એક ચોક્કસ વિસ્તારમાં ગુપ્ત રીતે ભારતીય ચલણી નોટો જેવી જ આબેહૂબ ડુપ્લીકેટ નોટો છાપવામાં આવી રહી છે. દરોડા દરમિયાન પોલીસને સ્થળ પરથી રૂપિયા 500ના દરની કુલ 1215 ચલણી નકલી નોટો મળી આવી જેની કિંમત કુલ અંદાજે 6 લાખ 7 હજાર 500 થાય છે. પોલીસે માત્ર નોટો જ નહીં, પરંતુ નોટ છાપવા માટે વપરાતા કલર પ્રિન્ટર, ખાસ પ્રકારના કાગળ, શાહી અને અન્ય સાધનો પણ કબ્જે કર્યા છે. 30 લાખના સામે 80 લાખની લાલચ તપાસમાં જે વિગત બહાર આવી છે તે ચોંકાવનારી છે. આ ટોળકી લોકોને લાલચ આપતી હતી કે જો તેઓ ₹30 લાખની અસલી કરન્સી આપશે, તો બદલામાં તેમને ₹80 લાખની નકલી કરન્સી (જે બજારમાં અસલી જેવી જ દેખાય) આપવામાં આવશે. આ 'મની લોન્ડરિંગ' અથવા 'ડબલિંગ' સ્કીમના બહાને આરોપીઓ ભોળા લોકોને છેતરવાની પેરવીમાં હતા. પોલીસે કરી કડક કાર્યવાહી પોલીસે આ મામલે બે શખ્સોની ધરપકડ કરી છે. આ નકલી નોટો ક્યાં સપ્લાય થવાની હતી અને આ નેટવર્કમાં અન્ય કેટલા લોકો સામેલ છે તે દિશામાં સઘન પૂછપરછ હાથ ધરવામાં આવી છે. વાપી પોલીસે સામાન્ય જનતાને પણ અપીલ કરી છે કે આવી લાલચમાં આવીને કોઈએ પોતાની મહેનતની કમાણી ગુમાવવી નહીં અને શંકાસ્પદ લેવડદેવડની જાણ તુરંત પોલીસને કરવી. આ પણ વાંચોઃ Gondalમાં ઉતરાયણ લોહીયાળ બની,પતંગ ની હુંસાતુસી બે પરિવાર વચ્ચે ઝઘડો હત્યામાં પરિણમ્યો

Read Full Story arrow_forward

calendar_today January 15, 2026

Rajkot: તિજોરી તળિયા ઝાટક થતાં RMC એક્શન મોડમાં, મોચીબજારની અનેક દુકાનો પર વહીવટી તંત્રના તાળા

રાજકોટ મહાનગરપાલિકા (RMC) દ્વારા હાલમાં બાકી મિલકત વેરાની વસૂલાત માટે આક્રમક ઝુંબેશ હાથ ધરવામાં આવી છે. આ કડક કાર્યવાહીના ભાગરૂપે તાજેતરમાં શહેરના મુખ્ય વેપારી મથક એવા મોચીબજાર વિસ્તારમાં તંત્ર દ્વારા લાલ આંખ કરવામાં આવી છે અને બાકી વેરો ન ભરનાર અનેક દુકાનોને સીલ મારી દેવામાં આવ્યા છે.મોચીબજારમાં કોર્પોરેશનની ત્રાટકતી ટીમરાજકોટ મનપાની વેરા વસૂલાત શાખા દ્વારા મોચીબજારમાં અચાનક હાથ ધરાયેલી આ કાર્યવાહીથી સમગ્ર વિસ્તારના વેપારીઓમાં ફફડાટ વ્યાપી ગયો છે. જે મિલકતધારકો લાંબા સમયથી નોટિસ આપવા છતાં વેરો ભરપાઈ કરવામાં આળસ કરી રહ્યા હતા, તેમની સામે કોર્પોરેશને કડક વલણ અપનાવ્યું છે. તંત્ર દ્વારા સીધી દુકાનો પર તાળા લગાવી દેવામાં આવતા અન્ય બાકીદારોમાં પણ ફાળ પડી છે.શા માટે આટલી કડક કાર્યવાહી?સૂત્રોના જણાવ્યા અનુસાર, મહાનગરપાલિકાની તિજોરી અત્યારે તળિયા ઝાટક જોવા મળી રહી છે. વિકાસના કામો અને વહીવટી ખર્ચને પહોંચી વળવા માટે કોર્પોરેશન પાસે આવકનો મુખ્ય સ્ત્રોત મિલકત વેરો છે. ચાલુ નાણાકીય વર્ષના અંતિમ મહિનાઓ નજીક હોવાથી, મનપાએ પોતાનો લક્ષ્યાંક પૂરો કરવા માટે હવે 'નમ્ર અપીલ' છોડીને 'સીલિંગ'નો માર્ગ અપનાવ્યો છે.વેપારીઓમાં ફફડાટ અને ચિંતામોચીબજારમાં જે રીતે સામૂહિક ધોરણે દુકાનો સીલ કરવામાં આવી છે, તેને જોઈને સ્થાનિક વેપારી સંગઠનો અને દુકાનદારોમાં ચિંતા જોવા મળી રહી છે. વેપારીઓનું કહેવું છે કે મંદીના માહોલ વચ્ચે એકસાથે મોટી રકમ ભરવી મુશ્કેલ છે, જ્યારે કોર્પોરેશનનું કહેવું છે કે પૂરતો સમય આપવા છતાં વેરો ન ભરાતા આ આખરી પગલું લેવું પડ્યું છે.આ પણ વાંચો: Vadodara : રેસકોર્સ વિસ્તારમાં સીને મોલ કોમ્પલેક્ષમાં આગ, ફાયર બ્રિગેડ ઘટનાસ્થળે

Read Full Story arrow_forward