Community News & Updates

Stay informed with the latest happenings, achievements, and announcements from our community.

All News

calendar_today January 15, 2026

Surat પોલીસની મોટી સફળતા, હત્યાના પ્રયાસનો આરોપી 28 વર્ષ પછી ઓરિસ્સાથી ઝડપાયો

સુરતની ઉધના પોલીસે અંદાજે ત્રણ દાયકા જૂના હત્યાના પ્રયાસના ગુનામાં નાસતા-ફરતા આરોપીને ઝડપી પાડવામાં મોટી સફળતા મેળવી છે. વર્ષ 1998 માં ઉધના વિસ્તારમાં આદિકંડ ઉર્ફે આદિયા પ્રધાન નામના શખ્સે પોતાના જ મિત્ર પર જીવલેણ હુમલો કર્યો હતો. નવાઈની વાત એ છે કે આ સમગ્ર વિવાદ માત્ર 200 રૂપિયા જેવી નજીવી રકમ ઉછીની આપવા બાબતે થયો હતો. ફરિયાદી મિત્રએ આદિકંડ પાસે પોતાના 200 રૂપિયા પરત માંગતા ઉશ્કેરાયેલા આદિકંડે મિત્ર પર જીવલેણ હુમલો કર્યો હતો, જેમાં ફરિયાદી ગંભીર રીતે ઇજાગ્રસ્ત થયો હતો. આ ઘટના બાદ આરોપી પોલીસને ચકમો આપીને ફરાર થઈ ગયો હતો.મિત્રતામાં ખૂની ખેલ છેલ્લા 28 વર્ષથી ધરપકડથી બચવા માટે આરોપી પોતાનું રહેઠાણ બદલીને વતન ઓરિસ્સામાં છુપાઈને રહેતો હતો. જોકે, સુરત પોલીસની 'વોન્ટેડ' ગુનેગારોને પકડવાની ઝુંબેશ અંતર્ગત ટેકનિકલ સર્વેલન્સ અને ગુપ્ત બાતમીદારોની મદદથી પોલીસને તેના લોકેશનની જાણ થઈ હતી. ઉધના પોલીસની એક ખાસ ટીમ ઓરિસ્સાના ગંજામ જિલ્લામાં પહોંચી હતી અને ત્યાંથી આદિકંડ ઉર્ફે આદિયા પ્રધાનને દબોચી લીધો હતો. વર્ષો જૂના આ કિસ્સામાં આરોપીની ધરપકડ થતા કાયદાકીય પ્રક્રિયા તેજ કરવામાં આવી છે અને પોલીસે આ ગુનામાં વધુ તપાસ હાથ ધરી છે. આ પણ વાંચો : Surat News : પતંગની દોરીએ આખા પરિવારનો ભોગ લીધો, પતિ-પુત્રી બાદ પત્નીનું પણ મોત

Read Full Story arrow_forward

calendar_today January 15, 2026

Gondalમાં ઉતરાયણ લોહીયાળ બની, પતંગની હુંસાતુસી બે પરિવાર વચ્ચે ઝઘડો હત્યામાં પરિણમ્યો

ગોંડલના ભગવતપરા વિસ્તારમાં ઉતરાયણનો પર્વ માતમમાં ફેરવાયો હતો. પતંગ ચગાવવા જેવી નજીવી બાબતે બે પાડોશી પરિવારો વચ્ચે થયેલી બોલાચાલીએ હિંસક વળાંક લેતા એક વ્યક્તિની હત્યા થઈ છે, જ્યારે અન્ય ત્રણ ગંભીર રીતે ઇજાગ્રસ્ત થયા છે.ભગવતપરાની શાંત શેરી લોહીથી ખરડાઈ ગઈ  મળતી માહિતી પ્રમાણે ભગવતપરા ગેઇટ વાળી શેરીમાં એક જ સમાજના બે પરિવારો પોતપોતાની અગાસી પર પતંગનો આનંદ માણી રહ્યા હતા. આ દરમિયાન પતંગ કાપવા અથવા દોરીના પેચ બાબતે બંને પરિવારો વચ્ચે તકરાર થઈ હતી. જોતજોતામાં આ ઝઘડો ઉગ્ર બન્યો અને પરિવારો નીચે ઉતરી આવ્યા હતા. આવેશમાં આવીને તીક્ષણ હથિયારો વડે એકબીજા પર હુમલો કરવામાં આવ્યો હતો, જેનાથી ભગવતપરાની શાંત શેરી લોહીથી ખરડાઈ ગઈ હતી. એકનું મોત અને ત્રણ ઘાયલ થયા આ હિંસક અથડામણમાં અનિલભાઈ પુંજાભાઇ લુણસીયા, કાંતિભાઈ મકવાણા, સાગરભાઈ મકવાણા અને સુનીલભાઈ મકવાણાને ગંભીર ઈજાઓ પહોંચી હતી. ચારેયને તાત્કાલિક ગોંડલની સરકારી હોસ્પિટલમાં ખસેડવામાં આવ્યા હતા. જોકે, અનિલભાઈ લુણસીયાની સ્થિતિ વધુ નાજુક જણાતા તેમને રાજકોટ રિફર કરાયા હતા, પરંતુ સારવાર મળે તે પહેલા જ તેમનું કરુણ મોત નીપજ્યું હતું. પોલીસની કાર્યવાહી એક વ્યક્તિના મોતના સમાચાર વાયુવેગે પ્રસરતા આખા શહેરમાં સનસનાટી મચી ગઈ હતી. ઘટનાની જાણ થતા જ એ-ડિવિઝન પોલીસનો કાફલો ઘટનાસ્થળે અને હોસ્પિટલ દોડી ગયો હતો. પોલીસે મૃતકનું ફોરેન્સિક પીએમ કરાવી, ઇજાગ્રસ્તોના નિવેદન લેવાની અને આરોપીઓ વિરુદ્ધ હત્યાનો ગુનો નોંધવાની તજવીજ હાથ ધરી છે. ઉત્સવના દિવસે થયેલી આ હત્યાએ સાબિત કર્યું છે કે ક્ષણિક આવેશ કેવી રીતે વર્ષો જૂના પાડોશી સંબંધો અને જીવનનો અંત લાવી શકે છે. આ પણ વાંચોઃ Ahmedabad: હેરિટેજ સિટીમાં વાસી ઉત્તરાયણનો જામ્યો માહોલ, પોળોમાં NRIની દેશી મોજ

Read Full Story arrow_forward

calendar_today January 15, 2026

Indian Army Day News : 15 જાન્યુઆરી ઈન્ડિયન આર્મી ડે, "સેવા પરમો ધર્મના” સૂત્રને સાર્થક કરતી ઈન્ડિયન આર્મી

સૈનિકોના બલિદાન, શૌર્ય અને સમર્પણને સન્માન આપવા માટે દર વર્ષે 15 જાન્યુઆરીના રોજ ભારતીય આર્મી ડે ઉજવવામાં આવે છે. પરંતુ આ ખાસ દિવસ માટે 15 જાન્યુઆરીની તારીખ જ કેમ પસંદ કરવામાં આવી છે, તે વિશે બહુ ઓછા લોકો જાણે છે. આર્મી ડે શા માટે ઉજવવામાં આવે છે? 15 જાન્યુઆરી 1949ના રોજ એક ઐતિહાસિક ઘટના ઘટી હતી. આ દિવસે જનરલ કેએમ કરિયપ્પાએ બ્રિટિશ કમાન્ડર-ઇન-ચીફ જનરલ સર એફઆરઆર બુચર પાસેથી ભારતીય સેનાની કમાન સંભાળી હતી. આ સાથે જ જનરલ કરિયપ્પા સ્વતંત્ર ભારતનાં પ્રથમ ભારતીય કમાન્ડર-ઇન-ચીફ બન્યાં હતાં. બાદમાં તેમને ફિલ્ડ માર્શલનું ગૌરવસભર પદ પણ મળ્યું. આ ઐતિહાસિક ક્ષણની યાદમાં 15 જાન્યુઆરીને આર્મી ડે તરીકે ઉજવવામાં આવે છે. ભારતીય સેનાનો ઐતિહાસિક પ્રવાસ ભારતીય સેનાની શરૂઆત ઇસ્ટ ઇન્ડિયા કંપનીની સેના તરીકે થઈ હતી. બાદમાં તે બ્રિટિશ ઇન્ડિયન આર્મી અને રજવાડી સેનાઓ તરીકે ઓળખાઈ. 1947માં ભારત સ્વતંત્ર બન્યાં પછી, 1949માં ભારતીય સેના સંપૂર્ણપણે રાષ્ટ્રીય સેનામાં રૂપાંતરિત થઈ. ત્યારથી લઈને આજ સુધી ભારતીય સેના દરેક યુદ્ધ અને સંકટકાળમાં દેશની ઢાલ બનીને ઊભી રહી છે. ભારતીય સેનાની તાકાત આજનાં સમયમાં ભારતીય સેના વૈશ્વિક સ્તરે પોતાની શક્તિ માટે ઓળખાય છે. ગ્લોબલ ફાયરપાવર ઇન્ડેક્સ અનુસાર ભારતીય સેના વિશ્વની ચોથી સૌથી શક્તિશાળી સેના છે. 145 દેશોની યાદીમાં ભારત ટોચનાં પાંચમાં સ્થાન ધરાવે છે. સંખ્યાની દૃષ્ટિએ, ભારતીય સેના પાસે ૧.૨ કરોડથી વધુ સક્રિય સૈનિકો છે. આધુનિક હથિયારો, ટેક્નોલોજી અને વ્યૂહરચનામાં ભારતીય સેના સતત આગળ વધી રહી છે, જેનું દ્રષ્ટાંત તાજેતરનાં સૈન્ય અભિયાનોથી જોવા મળે છે. ભારતીય આર્મી ડેનું મહત્વ આર્મી ડે માત્ર એક ઉજવણી નથી, પરંતુ તે ભારતીય સેનાની શૂરવીરતા, આત્મનિર્ભરતા અને વ્યાવસાયિક ક્ષમતાનું પ્રતિક છે. આ દિવસ 1947 પછી સ્વતંત્ર ભારતની સુરક્ષામાં સેનાની અમૂલ્ય ભૂમિકાને યાદ કરાવે છે અને દેશના દરેક નાગરિકના દિલમાં સેનાપ્રત્યે ગૌરવ અને આદરની લાગણી જગાવે છે. આર્મી ડે કેવી રીતે ઉજવવામાં આવે છે? આર્મી ડેના અવસર પર દેશભરમાં વિવિધ કાર્યક્રમો યોજવામાં આવે છે. સૈનિકોના બલિદાનને યાદ કરવામાં આવે છે, શહીદોને શ્રદ્ધાંજલિ આપવામાં આવે છે અને સેનાની શક્તિ દર્શાવતા પરેડ તથા પ્રદર્શન યોજાય છે. આ દિવસ ભારતીય સેનાની નિઃસ્વાર્થ સેવા અને દેશપ્રેમને સમર્પિત હોય છે. 15 જાન્યુઆરીનો દિવસ ભારતીય ઇતિહાસમાં ગૌરવપૂર્ણ સ્થાન ધરાવે છે. આર્મી ડે આપણને યાદ અપાવે છે કે દેશની સુરક્ષા માટે અડગ ઉભેલા સૈનિકોના કારણે જ આપણે સુરક્ષિત જીવન જીવી રહ્યાં છીએ. ભારતીય સેના ખરેખર “સેવા પરમો ધર્મઃ”ના સિદ્ધાંતને જીવંત રાખે છે.માહિતી સંકલન :- રાજેશ કુમાર ભીંડી આ પણ વાંચો : Botad News : બોટાદ ARTOઓ દ્વારા સઘન વાહન ચેકિંગ કરાયું, વાહનોમાં ગેરકાયદેસર રીતે LED લાઇટ્સ લગાવનારને પણ ફટકારાયો દંડ

Read Full Story arrow_forward