Community News & Updates

Stay informed with the latest happenings, achievements, and announcements from our community.

All News

calendar_today January 12, 2026

Stock Market Today: ટેરિફ ટેન્શન વચ્ચે હવે ઇરાન સંકટથી શેરબજાર પર ડબલ ખૌફ! રોકાણકારોના 19 લાખ કરોડ સ્વાહા

લાગી રહ્યું છે કે શેરબજાર માટે વર્ષ 2026 દમદાર નથી. કારણ કે સતત 6 કારોબારી દિવસથી શેકબજારમાં ઘટાડો જ થઇ રહ્યો છે. રોકાણકારોના 6 દિવસમાં 19 લાખ કરોડ રૂપિયા ડૂબી ગયા છે. ખાસ વાત તો એછે કે સેન્સેક્સ લાઇફ ટાઇમ હાઇથી લગભગ 4 ટકા ઘટી ગયો છે. સતત 6 દિવસથી ઘટાડાને કારણે સેન્સેક્સમાં 2900 અંકો કરતા વધારે ઘટાડો જોવા મળે છે. શેરબજારમાં ઘટાડાનું શું છે કારણ ? શેરબજારને અસર કરતા મુખ્ય પરિબળોની વાત કરીએ તો અમેરિકાના વેનેઝુએલા સાથેના સંઘર્ષ અને ત્યારબાદ ઈરાન સાથેના દુશ્મનાવટથી ભૂરાજકીય તણાવ સંપૂર્ણપણે વકર્યો છે. ભારતનો અમેરિકા સાથે વેપાર સોદો કરવામાં અસમર્થતા પણ રોકાણકારોના ભાવનાઓને સતત નબળી પાડી રહી છે. વિદેશી રોકાણકારોનું સ્થળાંતર યથાવત છે. રૂપિયામાં ઘટાડો ચાલુ છે. ઈરાન સાથેના સંઘર્ષનો અર્થ ક્રૂડ ઓઇલ સપ્લાયમાં વિક્ષેપ અને ભાવમાં વધારો થયો છે, જેની સ્પષ્ટ અસર ભારતના આયાત બિલ પર પડી છે. શેરબજારમાં સતત 6 દિવસથી ઘટાડો સેન્સેક્સ સતત છઠ્ઠા દિવસે ઘટાડો જોવા મળી રહ્યો છે. આનો અર્થ એ થયો કે સતત છ દિવસમાં ઘટાડામાં, સેન્સેક્સ 2,900.94 પોઈન્ટ ઘટ્યો છે. આનો અર્થ એ થયો કે સેન્સેક્સે રોકાણકારોને 3.38 ટકાનું નુકસાન પહોંચાડ્યું છે. બીજી તરફ, સેન્સેક્સ તેના જીવનકાળના ઉચ્ચતમ સ્તરથી 3,297.95 પોઈન્ટ ઘટ્યો છે, જેનો અર્થ એ છે કે રોકાણકારોએ લગભગ 4 ટકા ગુમાવ્યા છે. 1 ડિસેમ્બરે, સેન્સેક્સ તેના જીવનકાળના ઉચ્ચતમ સ્તર 86,159.02 પોઈન્ટ પર પહોંચ્યો હતો. બીજી તરફ નિફ્ટીમાં સતત છઠ્ઠા દિવસે ઘટાડો થઈ રહ્યો છે. આ સમયગાળા દરમિયાન, નિફ્ટીમાં 3.25% ઘટાડો થયો છે. 2 જાન્યુઆરીએ, નિફ્ટી 26,328.55 પોઈન્ટ પર હતો, જે ત્યારથી 855.15 પોઈન્ટનો ઘટાડો દર્શાવે છે. 5 જાન્યુઆરીએ, નિફ્ટી 26,373.20 પોઈન્ટના જીવનકાળના ઉચ્ચ સ્તરે પહોંચ્યો હતો. ત્યારથી, નિફ્ટીમાં 899.8 પોઈન્ટનો ઘટાડો થયો છે. આનો અર્થ એ થયો કે નિફ્ટી રોકાણકારોને 3.41% નુકસાન થયું છે. 6 દિવસમાં રોકાણકારોએ કેટલું ગુમાવ્યું? રોકાણકારોનું નુકસાન નોંધપાત્ર છે. જોકે તેમનું નુકસાન BSEના માર્કેટ કેપ સાથે જોડાયેલું છે. ડેટા દર્શાવે છે કે 2 જાન્યુઆરીએ, BSEનું માર્કેટ કેપ ₹4,81,24,779.35 કરોડ હતું, જે ટ્રેડિંગ સત્ર દરમિયાન ઘટીને ₹4,62,18,075.93 કરોડ થયું. આનો અર્થ એ થયો કે રોકાણકારોએ ₹19,06,703.42 લાખ કરોડ ગુમાવ્યા છે. સોમવારે ગયા અઠવાડિયાના છેલ્લા ટ્રેડિંગ દિવસે, માર્કેટ કેપ ₹4,67,74,908.44 કરોડ જોવા મળી હતી. આનો અર્થ એ થયો કે સોમવારના ટ્રેડિંગ સત્ર દરમિયાન રોકાણકારોએ ₹5,56,832.51 કરોડ ગુમાવ્યા છે.

Read Full Story arrow_forward

calendar_today January 12, 2026

Donald Trump: ભારત આવી શકે છે ડોનાલ્ડ ટ્રમ્પ, ભારતમાં અમેરિકાના નવા રાજદૂતે આપ્યું મહત્વનું નિવેદન

ભારતમાં નવા નિયુક્ત યુએસ રાજદૂત સર્જિયો ગોરે દિલ્હીમાં પોતાનો પદ સંભાળ્યા પછી એક મહત્વનું નિવેદન આપ્યું છે. તેમણે કહ્યું કે ટ્રમ્પ ટૂંક સમયમાં ભારતની મુલાકાત લઈ શકે છે. આ નિવેદેન દ્વિપક્ષીય સંબંધો માટે નવી દિશા દર્શાવે છે. રાજદૂત ગોરે જણાવ્યું હતું કે અમેરિકા અને ભારત ફક્ત સહિયારા હિતો દ્વારા બંધાયેલા નથી, પરંતુ તેમના સંબંધો ઉચ્ચતમ સ્તર પર આધારિત છે. તેમણે કહ્યું કે સાચા મિત્રોમાં મતભેદ હોય છે, પરંતુ તેઓ હંમેશા તેમના મતભેદોને દૂર કરે છે. પીએમ મોદી ટ્રમ્પના ખાસ મિત્ર ગોરે ભારતીય લોકોની સ્થિતિસ્થાપકતા નવીનતા અને આધ્યાત્મિકતાની પ્રશંસા કરી અને સમગ્ર દેશમાં મુસાફરી કરવાની ઇચ્છા વ્યક્ત કરી. રાજદૂત ગોરે જણાવ્યું હતું કે ભારત અને યુએસ વચ્ચે વેપાર કરાર પર આગામી વાટાઘાટો આવતીકાલે થશે. તેમણે રાષ્ટ્રપતિ ડોનાલ્ડ ટ્રમ્પનો સંદેશ શેર કર્યો, જેમાં વડા પ્રધાન નરેન્દ્ર મોદીને તેમના "ખાસ મિત્ર" ગણાવ્યા. ભારત યુએસ પહેલમાં જોડાશેસર્જિયોએ સત્તાવાર રીતે જાહેરાત કરી હતી કે ભારત આવતા મહિને પેક્સસિલિકા પહેલમાં સંપૂર્ણ સભ્ય તરીકે જોડાશે. આ યુએસની આગેવાની હેઠળની વ્યૂહાત્મક પહેલ છે જેનો હેતુ ખનીજો, સેમિકન્ડક્ટર્સ, એઆઈ વિકાસ અને અદ્યતન ઉત્પાદન માટે સુરક્ષિત સિલિકોન સપ્લાય ચેઇન બનાવવાનો છે. સર્જિયો ગોરના મતે વેપાર ઉપરાંત, બંને દેશો વચ્ચે સુરક્ષા, આતંકવાદ વિરોધી, ઉર્જા અને આરોગ્ય જેવા ક્ષેત્રોમાં સહયોગ ચાલુ રહેશે. તેમણે આ ભાગીદારીને સદીની સૌથી મહત્વપૂર્ણ વૈશ્વિક ભાગીદારી બનાવવાની પ્રતિબદ્ધતા વ્યક્ત કરી. પેક્સસિલિકા અને ભારતની ભૂમિકા શું છે? રાજદૂત સર્જિયો ગોરે પેક્સસિલિકાનું વર્ણન વૈશ્વિક નવીનતા-સંચાલિત સપ્લાય ચેઇન તરીકે કર્યું. આ પહેલ મહત્વપૂર્ણ ખનિજો, ઉર્જા ઇનપુટ્સ, સેમિકન્ડક્ટર્સ અને લોજિસ્ટિક્સને જોડે છે. ગયા મહિને જાપાન, દક્ષિણ કોરિયા, યુનાઇટેડ કિંગડમ અને ઇઝરાયલ જોડાયા હતા. હવે આવતા મહિને ભારતને પૂર્ણ સભ્ય તરીકે આમંત્રણ આપવામાં આવ્યું છે. ગોરના મતે ભારત અને અમેરિકા માટે નવી તકનીકો અપનાવવા માટે સાથે મળીને કામ કરવું જરૂરી છે. ટ્રેડ ડીલ અંગે શું આપ્યો જવાબ? લાંબા સમયથી રાહ જોવાતી વેપાર સોદા અંગે અપડેટ આપતા રાજદૂતે કહ્યું કે બંને પક્ષો સક્રિય રીતે જોડાયેલા છે. તેમણે કહ્યું કે આ બાબતે આગામી મહત્વપૂર્ણ વાતચીત આવતીકાલે થશે. સર્જિયો ગોરે જણાવ્યું કે તેમણે રાષ્ટ્રપતિ ટ્રમ્પ સાથે વાત કરી છે અને ટ્રમ્પ અને પીએમ મોદી વચ્ચેની મિત્રતાનો ઉલ્લેખ કર્યો છે.ગોરે કહ્યું કે 2013 પછી તેમની પહેલી ભારત યાત્રા છે. તેમણે કહ્યું કે ટ્રમ્પના રાષ્ટ્રપતિ બન્યા બાદ તેમમે હજારો સંઘીય નિયુક્તિઓની જવાબદારી સંભાળી હતી. ભારતની પ્રશંસા કરી રાજદૂત ગોરે ભારતની ખૂબ પ્રશંસા કરી. તેમણે કહ્યું, "નમસ્તે, અહીં આવવાનો અનુભવ ખૂબ જ સારો રહ્યો. અમારું લક્ષ્ય ભારત-અમેરિકાની ભાગીદારીને આગલા સ્તર પર લઈ જવાનું છે." તેમણે 2023 માં જયપુર, રણથંભોર અને પંજાબની મુલાકાત દરમિયાન ભારતની તેમની પ્રથમ મુલાકાતને યાદ કરી. તેમણે કહ્યું કે ભારતના લોકો અત્યંત મૈત્રીપૂર્ણ છે અને "અતુલ્ય ભારત" ખરેખર તેના નામ પર ખરા ઉતરે છે.

Read Full Story arrow_forward

calendar_today January 12, 2026

Karur Tragedy : થલાપતિ વિજય CBI સમક્ષ હાજર, કરુર રેલી ભાગદોડ કેસમાં CBI ઓફિસમાં પૂછપરછ

સાઉથ અભિનેતા થલાપતિ વિજયની વધી મુશ્કેલી. તમિલ સુપરસ્ટાર થલાપતિ વિજય છેલ્લા કેટલાક દિવસોથી સમાચારમાં છે. તાજેતરમાં અભિનેતા કરુર જિલ્લામાં થયેલ ટ્રેજેડીને લઈને આજે સમાચારમાં છે. તમિલનાડુના કરુર જિલ્લામાં થલપતિની રાજકિય પાર્ટીએ એક રેલીનું આયોજન કર્યું હતું. જેમાં અચાનક ભાગદોડ થતા વેટ્ટી કઝગમ (TVK)માં 41 લોકોના મોત થયા હતા. આજે આ કેસમાં CBI સમક્ષ થલાપતિ વિજય હાજર થયો છે. CBI ઓફિસમાં વિજયની અધિકારીઓ દ્વારા સઘન પૂછપરછ કરવામાં આવશે.થલાપતિનો વિજયનો રાજકારણમાં પ્રવેશઅભિનેતા વિજયે થોડા સમય પહેલા રાજકારણમાં પ્રવેશ કર્યો હતો. દરમિયાન ગયા વર્ષે પ્રચાર અર્થે વિજયની પાર્ટીએ કરુર જિલ્લાના વેટ્ટી કઝગમમાં એક રેલીનું આયોજન કર્યું હતું. જ્યારે રેલીમાં થલાપતિ વિજય હાજર ભીડમાં ભાષણ આપી રહ્યા હતા, ત્યારે અચાનક ત્યાં ભાગદોડ મચી ગઈ. રેલીમાં અફરાતફરી સર્જાતા લોકો ભયના મારે ભાગવા લાગ્યા હતા. ભીડ બેકાબુ બની જતા કેટલાક લોકો નીચે કચડાયા, કેટલાક ગંભીર થયા હતા. આ ઘટનામાં 41 લોકો માર્યા ગયા હતા. આ ઘટનાની સમગ્ર વિસ્તારમાં હોબાળો મચ્યો હતો. મૃતકોના પરિવાર દ્વારા આ મામલે ન્યાયિક તપાસની માગ કરાઈ હતી.વિજયની કરુર જિલ્લામાં રેલીમા ંમચી ભાગદોડકરુર જિલ્લામાં થયેલ ભાગદોડને લઈને રેલીના આયોજનને લઈને થલાપતિ વિજય પર સવાલો ઉઠયા હતા. આ મામલે વિજયની પૂછપરછ કરવાને લઈને અભિનેતા CBI સમક્ષ હાજર થયો છે. દરમિયાન સીબીઆઈ અધિકારીઓએ જાહેર સભા દરમિયાન બનેલી ઘટનાઓ વિશે વિજયની વિસ્તૃત પૂછપરછ કરી. કે કાર્યક્રમ દરમિયાન કઈ પ્રક્રિયાઓનું પાલન કરવામાં આવ્યું હતું અને કઈ ભૂલો થઈ હતી વગરે સવાલો ઉપરાંત આ મુખ્ય સવાલો કર્યા હતા.સીબીઆઈ ઓફિસમાં વિજયની સઘન પૂછપરછCBIએ થલપતિને મુખ્ય ત્રણ પ્રશ્ન પૂછયા હતા. પહેલો પ્રશ્ન હતો, "તમે ખુલ્લા વાહન પર ઉભા હતા અને ભીડમાં રહેલા લોકો બેભાન થઈ રહ્યા હતા તે સ્પષ્ટ દેખાતું હતું, છતાં તમે તમારું ભાષણ ચાલુ રાખ્યું. બીજો પ્રશ્ન હતો, "જ્યારે કેટલાક લોકો બેભાન થઈ રહ્યા હતા, ત્યારે તમને ભીડને પાણીની બોટલો વહેંચતા જોવા મળ્યા હતા, છતાં તમે આ મામલે તાત્કાલિક કોઈ કાર્યવાહી કેમ ન કરી?" ત્રીજો અને સૌથી ગંભીર પ્રશ્ન હતો, "તમે સભા સ્થળે સમયસર કેમ ન પહોંચ્યા? તમારા વિલંબથી ભીડમાં અશાંતિ અને દબાણ સર્જાયું. શું આ તમારી રાજકીય શક્તિનું પ્રદર્શન હતું?" કરુલ જિલ્લા ટ્રેજેડી મામલે સીબીઆઈની તપાસસીબીઆઈ એ પણ તપાસ કરી રહી છે કે રેલી દરમિયાન પોલીસ અને પાર્ટી વચ્ચે જે વ્યવસ્થા અને ભીડ નિયંત્રણ પર સંમતિ થઈ હતી તેનું યોગ્ય રીતે પાલન કેમ ન થયું. એજન્સીની તપાસ મુખ્યત્વે રેલી પહેલા પાર્ટીના નેતાઓ સાથે થયેલી બેઠકોની સંખ્યા અને તે બેઠકો દરમિયાન લેવામાં આવેલા મુખ્ય નિર્ણયો પર કેન્દ્રિત છે. તે એ પણ નક્કી કરવાનો પ્રયાસ કરી રહી છે.આ પણ વાંચો : 

Read Full Story arrow_forward