Community News & Updates

Stay informed with the latest happenings, achievements, and announcements from our community.

All News

calendar_today January 12, 2026

Surat News: ઓલપાડના મહિલા નાયબ મામલતદારે જીવન ટૂંકાવ્યું

સુરતના વહીવટી તંત્ર અને મહેસૂલ વિભાગને હચમચાવી દેતી એક ઘટના સામે આવી છે. ઓલપાડમાં નાયબ મામલતદાર તરીકે ફરજ બજાવતા મહિલા અધિકારીએ રહસ્યમય સંજોગોમાં આપઘાત કરી લેતા ચકચાર મચી જવા પામી છે. સુરત શહેરના રાંદેર વિસ્તારમાં આવેલા પોતાના નિવાસસ્થાને મહિલાએ અંતિમ પગલું ભર્યું હતું.ઘરે જ ગળેફાંસો ખાધો ઘટનાની મળતી માહિતી અનુસાર, 36 વર્ષીય હિનીશા પટેલે આજે સવારે 10 વાગ્યાની આસપાસ રાંદેર સ્થિત પોતાના ઘરે ગળેફાંસો ખાઈ લીધો હતો. આ ઘટનાની જાણ થતા જ પરિવારજનો અને પોલીસ કાફલો ઘટના સ્થળે દોડી આવ્યો હતો. આત્મહત્યા પાછળનું ચોક્કસ કારણ હજુ જાણી શકાયું નથી. પતિ-પત્ની બંને નાયબ મામલતદાર આ કેસમાં કરૂણતા એ છે કે મૃતક હિનીશા પટેલ અને તેમના પતિ બંને મહેસૂલ વિભાગમાં નાયબ મામલતદાર તરીકે કાર્યરત છે. બંને સાથે જ રહેતા હતા અને સુખી પરિવાર હતો, ત્યારે કયા સંજોગોમાં મહિલા અધિકારીએ આત્મહત્યા જેવું આકરું પગલું ભર્યું તે મહેસૂલ વિભાગમાં ચર્ચાનો વિષય બન્યો છે. પોલીસ તપાસ શરૂ રાંદેર પોલીસ દ્વારા મૃતદેહને પોસ્ટ મોર્ટમ અર્થે ખસેડીને અકસ્માત મોતનો ગુનો નોંધવાની તજવીજ હાથ ધરી છે. પોલીસે આ મામલે હિનીશા પટેલના પતિ અને અન્ય પરિવારજનોના નિવેદન લેવાની કાર્યવાહી શરૂ કરી છે. પ્રાથમિક દ્રષ્ટિએ આ કોઈ પારિવારિક તણાવ કે કામનું ભારણ હતું કે, કેમ તે દિશામાં પણ તપાસ આગળ વધારવામાં આવી રહી છે. આ પણ વાંચો - Surat News : દેશભરની પોલીસને 20 વર્ષથી હંફાવતો "ડાકુ" રહેમાન ડકેત સુરત પોલીસની કસ્ટડીમાં, આરોપી મોંઘી લક્ઝુરીયસ કાર, ઘોડા અને બાઈકનો શોખીન

Read Full Story arrow_forward

calendar_today January 12, 2026

Ahmedabad News: શહેરના બજારોમાં પતંગ રસિયાઓની ભીડ જામી, જાણો આ વખતે શું છે ભાવ?

ગુજરાતમાં ઉત્તરાયણનો માહોલ જામ્યો છે. આજે વડાપ્રધાન મોદીએ આંતરરાષ્ટ્રીય પતંગ મહોત્સવનો પ્રારંભ પણ કરાવ્યો છે. ત્યારે ઉત્તરાયણને હવે ગણતરીના દિવસો જ બાકી રહ્યાં છે. લોકો છેલ્લી ઘડીની ખરીદી માટે માર્કેટમાં જઈ રહ્યાં છે. પતંર અને દોરીના સ્ટોલ પાસે લોકોની ભીડ જામી છે. અમદાવાદ શહેરમાં રાયપુર અને દિલ્લી દરવાજા વિસ્તાર સહિતના માર્કેટમાં ખરીદી જામી છે. પતંગના ભાવમાં 20 રૂપિયા કરતાં વધુનો વધારો થયો અમદાવાદના રાયપુર અને દિલ્લી દરવાજા વિસ્તારમાં પતંગ અને દોરીની ખરીદી માટે લોકોની ભીડ જામી છે. પતંગ રસીયાઓ પતંગ ખરીદવા બજારમાં પહોંચ્યા છે. ગત વર્ષ કરતાં પતંગના ભાવમાં આ વખતે ભારે વધારો થયો છે. ગત વર્ષના 130 રૂપિયાના ભાવ સામે આ વર્ષે એક કોડી પતંગનો ભાવ 150 રૂપિયા થયો છે. કોડીએ પતંગના ભાવમાં 20 રૂપિયા કરતાં વધુનો વધારો થયો છે. દોરીની વાત કરીએ તો પાંચ હજાર વાર દોરીની ફિરકી એક હજારની સામે 1200 રૂપિયામાં વેચાઈ રહી છે. ઊંધિયુ, જલેબી અને ચિક્કીના ભાવમાં પણ વધારો આ વખતે ઊંધિયુ, જલેબી અને ચિક્કીના ભાવમાં પણ વધારો થયો છે. ભાવ વધારો હોવા છતાં લોકો તહેવારની મસ્ત બનીને ઉજવણી કરી રહ્યાં છે. તહેવારની મોજ માટેની ઉજવણીમાં લોકો ભારે ખરીદી પણ કરી રહ્યાં છે. આ પણ વાંચોઃ Ahmedabad: આંતરરાષ્ટ્રીય પતંગ મહોત્સવમાં વિદેશી પતંગબાજની તબિયત લથડી

Read Full Story arrow_forward

calendar_today January 12, 2026

Vadodaraમાં CCTV બન્યા મદદરૂપ, દાગીના ભરેલી મહિલાની ગુમ થયેલી બેગ ત્રણ કલાકમાં શોધી કાઢી

વડોદરા શહેરમાં સ્થાપિત કરવામાં આવેલા સીસીટીવી કેમેરાઓ ગુનાહિત કૃત્યોના ઉકેલ માટે કેટલા ઉપયોગી સાબિત થઈ રહ્યા છે તેવો વધુ એક કિસ્સો સામે આવ્યો છે. સીસીટીવીના સહારે પોલીસે માત્ર ત્રણ કલાકમાં એક મહિલાની ગુમ થયેલી બેગ શોધી કાઢી પરત કરી હતી.મહિલા પિયર જવા રિક્ષામાં બેઠી હતી હાલોલ નજીક જરોદ ગામે રહેતા સંગીતાબેન ચૌહાણ ગઈકાલે બસ મારફતે વડોદરા આવ્યા હતા. તેઓ બસ ડેપોથી રિક્ષામાં બેસી ઓપી રોડ પર આવેલા વિદ્યુત નગર સ્થિત તેમના પિયરમાં પહોંચ્યા હતા. રિક્ષામાંથી ઉતરી ઘરમાં ગયા બાદ જાણ થઇ કે બેગ બુલી ગયા છે રિક્ષામાંથી ઉતરી ઘરમાં ગયા બાદ તેમને ખ્યાલ આવ્યો કે રોકડા રૂ. 17,000, સોનાની બે તોલાની ચેન અને બે મોબાઈલ ફોન ધરાવતી તેમની બેગ રિક્ષામાં જ રહી ગઈ છે.  એસટી બસ ડેપોથી વિદ્યુત નગર સુધીના સીસીટીવી કેમેરાના ફૂટેજ ચકાસવામાં આવ્યા ઘટનાની જાણ થતા જ સંગીતાબેને સયાજીગંજ પોલીસ મથકમાં ફરિયાદ નોંધાવી હતી. પોલીસ દ્વારા તરત જ એસટી બસ ડેપોથી વિદ્યુત નગર સુધીના સીસીટીવી કેમેરાના ફૂટેજ ચકાસવામાં આવ્યા હતા. એક રિક્ષા ચાલકે કહ્યું કે મારી રિક્ષામાં બેગ છે વિવિધ રિક્ષાના નંબરના આધારે તપાસ કરતા એક રિક્ષા ચાલકે પોતાની રિક્ષામાં કોઈ મુસાફરની બેગ મળી આવી હોવાનું જણાવ્યું હતું. પોલીસે મહિલાની બેગ પરત કરી પોલીસે તાત્કાલિક કાર્યવાહી કરી બેગ મેળવી સંગીતાબેનને પરત કરી હતી. માત્ર ત્રણ કલાકમાં થયેલી આ કામગીરીને કારણે શહેર પોલીસની સતર્કતા અને સીસીટીવી વ્યવસ્થાની અસરકારકતા ફરી એકવાર સાબિત થઈ છે.આ પણ વાંચો----  Ahmedabad : ગાંધીઆશ્રમનું પુનઃનિર્માણ, 1200 કરોડના ખર્ચે વિશ્વસ્તરીય સ્મારક બનશે, સાદગી-અધિકૃત સ્થાપત્યોને જાળવીને જીર્ણોદ્ધાર કરાશે

Read Full Story arrow_forward