Community News & Updates

Stay informed with the latest happenings, achievements, and announcements from our community.

All News

calendar_today January 9, 2026

Sabarkantha News: વિજયનગરમાં સગીરા પર દુષ્કર્મ બાદ હત્યા, પોલીસે ફરિયાદ નહીં લેતા પરિવારે ત્રણ દિવસ મૃતદેહ મુકી રાખ્યો

સાબરકાંઠાના વિજયનગરમાં સગીરા પર દુષ્કર્મ બાદ હત્યાનો બનાવ સામે આવ્યો છે. ધોરીવાવ ગામે સગીરાની હત્યાનો આક્ષેપ કરવામાં આવ્યો છે. આ ઘટનામાં પોલીસ ફરિયાદ નહીં લેતી હોવાનો આક્ષેપ કરાયો છે. પરિવારજનોએ મૃતદેહ સ્વીકારવાનો ઈનકાર કર્યો છે. પરિવારજનોનું કહેવું છે કે ત્રણ દિવસથી મૃતદેહ રાખી મુક્યો છે ફરિયાદ નહીં નોંધાય ત્યાં સુધી તેને નહીં ઉઠાવીએ. પરિજનોનો મૃતદેહ સ્વીકારવાનો ઇનકાર સાબરકાંઠાના વિજયનગરમાં ધોરીવાવ ગામે એક સગીરા પર દુષ્કર્મ ગુજાર્યા બાદ તેની હત્યા કરી દેવાઈ હોવાનો આક્ષેપ કરવામાં આવ્યો છે. આ ઘટનામાં પરિવારજનોએ છેલ્લા ત્રણ દિવસથી મૃતદેહ મુકી રાખ્યો છે. તેમનું કહેવું છે કે પોલીસ ફરિયાદ લેતી નથી અને ફરિયાદ નહીં નોંધાય ત્યાં સુધી મૃતદેહ સ્વીકારવામાં નહીં આવે. પોલીસે ફરિયાદ નહીં લેતા મામલો ઉગ્ર બન્યો છે. પરિવારજનોએ ન્યાય માટે મૃતદેહને મુકી રાખ્યો છે. સગીરા પર દુષ્કર્મ બાદ તેની હત્યાના આક્ષેપને પગલે સમગ્ર વિસ્તારમાં ભારે હડકંપ જોવા મળ્યો છે. આ પણ વાંચોઃ Narmada News : રાજપીપળા વન્યજીવ તસ્કરી કેસ, 37 વાઘના ચામડા અને 133 નખ મળતા ખળભળાટ

Read Full Story arrow_forward

calendar_today January 9, 2026

Vadodara News: નશાના નેટવર્કનો પર્દાફાશ, દોઢ કિલો ચરસ સાથે 2 શખ્સોની ધરપકડ

ગુજરાતને નશામુક્ત બનાવવાના અભિયાન હેઠળ વડોદરા શહેર પોલીસે એક મોટી સફળતા હાંસલ કરી છે. વડોદરા શહેરના હરણી ગોલ્ડન ટોલનાકા પાસેથી ઉત્તર પ્રદેશના કાંસગંજથી લાવવામાં આવતો માદક પદાર્થ ચરસનો મોટો જથ્થો ઝડપી લેવામાં આવ્યો છે. આ ઓપરેશનમાં પોલીસે બે આરોપીઓની ધરપકડ કરી કુલ રૂપિયા 19.17 લાખથી વધુનો મુદ્દામાલ કબ્જે કર્યો છે.ઘટનાની વિગત ઘટનાની મળતી માહિતી અનુસાર, વડોદરા પોલીસને ચોક્કસ બાતમી મળી હતી કે, ઉત્તર પ્રદેશના કાંસગંજથી કેટલાક ઇસમો નશીલા પદાર્થો સાથે વડોદરામાં પ્રવેશી રહ્યા છે. આ બાતમીના આધારે પોલીસે હરણી ગોલ્ડન ટોલનાકા પાસે વોચ ગોઠવી હતી. તપાસ દરમિયાન શંકાસ્પદ હાલતમાં આવતા બે ઇસમોને અટકાવી તેમની તલાશી લેતા, તેમની પાસેથી 1 કિલો 510 ગ્રામ ચરસ મળી આવ્યું હતું. કરોડોની કિંમતનો મુદ્દામાલ જપ્ત કરાયો વડોદરા પોલીસ દ્વારા જપ્ત કરવામાં આવેલા આ ચરસની બજાર કિંમત અંદાજે રૂપિયા 3,77,500/- આંકવામાં આવી છે. આ ઉપરાંત, પોલીસે આરોપીઓ પાસેથી વાહન, મોબાઈલ ફોન અને અન્ય વસ્તુઓ મળી કુલ રૂપિયા 19,17,790/- નો મુદ્દામાલ જપ્ત કર્યો છે. આ સાથે આ મામલે બે આરોપીઓની ધરપકડ કરી લેવામાં આવી છે. જેમના નામ સબીર અનવરમીયા શેખ અને જાહીદ બાબુભાઈ શેખ છે. પોલીસ કાર્યવાહી ઝડપાયેલા બંને આરોપીઓ આ નશીલો પદાર્થ ક્યાંથી લાવ્યા હતા અને વડોદરામાં કોને સપ્લાય કરવાના હતા, તે દિશામાં પોલીસે તપાસ તેજ કરી છે. પ્રાથમિક પૂછપરછમાં આ નેટવર્ક ઉત્તર પ્રદેશ સાથે જોડાયેલું હોવાનું સામે આવ્યું છે. વડોદરા પોલીસે NDPS એક્ટ હેઠળ ગુનો નોંધી આગળની કાયદેસરની કાર્યવાહી હાથ ધરી છે. આ કાર્યવાહીથી વડોદરામાં નશીલા પદાર્થોનું વેચાણ કરતા તત્વોમાં ફફડાટ વ્યાપી ગયો છે. આ પણ વાંચો - Vadodara માં બુટલેગરોની અનોખી તરકીબ, બાઈકની પેટ્રોલ ટાંકીમાં 'દારૂખાનું' બનાવી કરી હેરાફેરી

Read Full Story arrow_forward

calendar_today January 9, 2026

Vadodara News: મુખ્યમંત્રીને પત્ર લખનારા ભાજપના 5 ધારાસભ્યો કરતાં સાંસદ હેમાંગ જોશીનો મત અલગ

વડોદરામાં ભાજપના પાંચ ધારાસભ્યોએ મુખ્યમંત્રીને પત્ર લખીને અધિકારીઓ કોઈનું સાંભળતા નથી. લોકોની રજૂઆતો સાંભળવામાં આવતી નથી તેવી રજૂઆત કરી હતી. આ ઉપરાંત જિલ્લા વહીવટીતંત્રની કામગીરી સામે ગંભીર સવાલો ઉઠાવ્યા હતાં. ધારાસભ્યોએ આરોપ લગાવ્યો હતો કે અધિકારીઓ જમીન પરની હકીકતથી વિપરીત પરિસ્થિતિનું ગુલાબી ચિત્ર સરકાર સમક્ષ રજૂ કરે છે. ભાજપના આ ધારાસભ્યો કરતાં સાંસદ હેમાંગ જોશીનો મત કંઈક જુદો જ છે. અમારે ત્યાં બધી જ યોજનાઓના કેમ્પ ચાલે છે વડોદરાના ભાજપના જ સાંસદ હેમાંગ જોશીએ કહ્યું હતું કે, જનતાના કામ થાય જ છે. ધારાસભ્યોએ શું રજૂઆત કરી છે તે મને ખ્યાલ નથી. તમામ લોકો એકબીજાને સહયોગ કરે છે. મારી ઓફિસ જ કલેક્ટર કચેરીના સંકુલમાં છે.અમારે ત્યાં બધી જ યોજનાઓના કેમ્પ ચાલે છે. કલેક્ટર સહિત તમામ અધિકારીઓ અમારા સંકલનમાં રહે છે. અમને હજુ કોઈ કડવો અનુભવ થયો નથી. ધારાસભ્યોએ મુખ્યમંત્રીને જે પત્ર લખ્યો છે આ પત્ર મને મળશે તો તેની તપાસ કરીશ. ભાજપમા જ મતભેદ હોય તેવા ભણકારા વડોદરામાં ધારાસભ્યો અને સાંસદ સામ સામે હોય તેવું ચિત્ર ઉપસી આવ્યું છે. ધારાસભ્યોએ મુખ્યમંત્રીને પત્ર લખીને અધિકારીઓની ફરિયાદ કરી અને તે જગજાહેર થઈ તે છતાંય સાંસદ એવું કહે છે કે આ પત્ર અંગે મને ખબર નથી. સાંસદના આ પ્રકારના નિવેદનથી ભાજપમા જ મતભેદ હોય તેવા ભણકારા વાગી રહ્યાં છે. ઉલ્લેખનીય છે કે, ડભોઈના ધારાસભ્ય શૈલેશ સોટ્ટા, સાવલીના ધારાસભ્ય કેતન ઈનામદાર, વાઘોડિયાના ધારાસભ્ય ધર્મેન્દ્રસિંહ વાઘેલા, કરજણના અક્ષય પટેલ અને પાદરાના ચૈતન્યસિંહ ઝાલાએ એક પત્ર લખી મુખ્યમંત્રીને અધિકારીઓ કામ નથી કરતા તે અંગે રજૂઆત કરી હતી. આ પણ વાંચોઃ Weather News : ગુજરાતમાં હજુ 48 કલાક હાડ થીજવતી ઠંડી પડશે, હવામાન વિભાગની મહત્વની આગાહી

Read Full Story arrow_forward