Community News & Updates

Stay informed with the latest happenings, achievements, and announcements from our community.

All News

calendar_today January 9, 2026

Surat News : માંગરોળમાં સ્કૂલ બસ ચાલકની ઘોર બેદરકારી, વિદ્યાર્થીઓને મધદરિયે મૂકી ડ્રાઈવર બસમાંથી કૂદી પડ્યો

સુરત જિલ્લાના માંગરોળ તાલુકાના મોટી નરોલી પાસે ધનવંતરી શાળાના બસ ચાલકની ભારે બેદરકારી સામે આવતા વાલીઓમાં રોષ ફાટી નીકળ્યો છે. પ્રાપ્ત માહિતી અનુસાર, વિદ્યાર્થીઓથી ભરેલી સ્કૂલ બસ હાઈવે પરના એક ટેકરા પર ચઢી ગઈ હતી. અચાનક બસ રિવર્સ આવવા લાગતા ચાલક ગભરાઈ ગયો હતો અને બસમાં બેઠેલા નિર્દોષ વિદ્યાર્થીઓને સુરક્ષિત કરવાને બદલે તે પોતે ચાલુ બસમાંથી કૂદીને ભાગી છૂટ્યો હતો. બસમાં ફસાયેલા માસૂમ બાળકોના જીવ તાળવે ચોંટ્યા હતા, જોકે સદનસીબે કોઈ મોટી જાનહાનિ થઈ નથી અને બાળકોનો આબાદ બચાવ થયો છે.વાલીઓ લાલઘૂમ આ ઘટના બાદ વાલીઓનો રોષ બેવડાયો હતો કારણ કે અકસ્માતની જાણ કરવા છતાં શાળા મેનેજમેન્ટ તરફથી કોઈ પણ વ્યક્તિ ઘટનાસ્થળે પહોંચી ન હતી. વાલીઓએ આક્ષેપ કર્યો છે કે શાળા તંત્ર બાળકોની સુરક્ષાને લઈને બિલકુલ ગંભીર નથી. રસ્તા પર બસ રિવર્સ આવવાની અને ડ્રાઈવરના ફરાર થઈ જવાની આ ઘટનાએ ખાનગી શાળાઓમાં ટ્રાન્સપોર્ટેશનની સુરક્ષા સામે અનેક સવાલો ઉભા કર્યા છે. હાલમાં વાલીઓ દ્વારા આ મામલે જવાબદાર ચાલક અને શાળા સામે કડક પગલાં લેવાની માંગ કરવામાં આવી રહી છે. આ પણ વાંચો : Surat માં રોંગમાં આવતા બાઈકને કારણે અકસ્માત!, સીટી બસ નીચે કચડાતા 29 વર્ષીય યુવાનનું કરુણ મોત

Read Full Story arrow_forward

calendar_today January 9, 2026

Surendranagar News: લીંબડીમાંથી બોગસ ડોક્ટર ઝડપાયો, 'મુન્નાભાઈ'ની ધરપકડ

સુરેન્દ્રનગર જિલ્લામાંથી એક બોગસ ડોક્ટર ઝડપાતા સમગ્ર પંથકમાં ચકચાર મચી જવા પામી છે. લીંબડીના મોટી કઠેચીમાં એસઓજી દ્વારા રેડ કરવામાં આવી હતી. જે દરમિયાન બે વર્ષથી લોકોના આરોગ્ય સાથે ચેડા કરતો બોગસ MBBS ડોક્ટર ઝડપાયો છે.સુરેન્દ્રનગર જિલ્લામાં લોકોના સ્વાસ્થ્ય સાથે ચેડા કરતા બોગસ ડોક્ટર્સ સામે પોલીસે લાલ આંખ કરી છે. સુરેન્દ્રનગર એસઓજી પોલીસ દ્વારા લીંબડી તાલુકામાં આવેલા મોટી કઠેચી ગામમાં રેડ કરીને કોઈ પણ માન્ય ડિગ્રી વગર એલોપેથિક પ્રેક્ટિસ કરતા એક બોગસ MBBS ડોક્ટરને ઝડપી લઈ જેલના સળિયા પાછળ ધકેલી દીધો છે. બે વર્ષથી કરી રહ્યો હતો પ્રક્ટિસ ઘટનાની મળતી માહિતી અનુસાર, સુરેન્દ્રનગર એસઓજી પોલીસને બાતમી મળી હતી કે, મોટી કઠેચી ગામે એક શખ્સ ડોક્ટરની ડિગ્રી વગર દવાખાનું ખોલીને બેઠો છે. મળેલી બાતમીના આધારે પોલીસે તપાસ કરતા મૂળ અંકલેશ્વરનો અને હાલ મોટી કઠેચીમાં રહેતો 36 વર્ષીય પ્રદીપ વિનોદ વિસ્વાસ ઝડપાઈ ગયો હતો. આ બોગસ ડોક્ટર છેલ્લા બે વર્ષથી અહીં પ્રેક્ટિસ કરી રહ્યો હતો, અને ભોળા લોકોને દવાઓ આપી રહ્યો હતો. એલોપેથિક દવાઓનો જથ્થો જપ્ત પોલીસ તપાસમાં બહાર આવ્યું છે કે, પ્રદીપ પાસે તબીબી પ્રેક્ટિસ માટેની કોઈ પણ કાયદેસરની ડિગ્રી કે પ્રમાણપત્ર નથી. રેડ દરમિયાન પોલીસ દ્વારા દવાખાનામાંથી મોટી માત્રામાં એલોપેથિક દવાઓ, તબીબી સાધનો અને ઈન્જેક્શનનો જથ્થો જપ્ત કરવામાં આવ્યો છે. આ આરોપી વિરૂદ્ધ પાણશીણા પોલીસ મથક ખાતે ગુનો દાખલ કરવામાં આવ્યો છે. હાલ પોલીસ દ્વારા કાયદેસરની કાર્યવાહી હાથ ધરવામાં આવી છે. નળકાંઠા વિસ્તારમાં બોગસ ડોક્ટર્સનો રાફડો ઉલ્લેખનીય છે કે, લીંબડીના નળકાંઠા અને ભાલકાંઠા વિસ્તારમાં ડિગ્રી વિનાના અનેક નફ્ફટ ડોક્ટર્સે દવાખાનાના નામે હાટડીઓ ખોલી છે. આવા લેભાગુ તત્વો ગ્રામ્ય વિસ્તારની ભોળી જનતાના આરોગ્ય સાથે ગંભીર ચેડા કરી રહ્યા છે. એસઓજીની આ કાર્યવાહીથી આવા બોગસ ડોક્ટરોમાં ફફડાટ વ્યાપી ગયો છે. આ પણ વાંચો - Surendranagar: જિલ્લામાં ત્રિ-દિવસિય મુખ્ય શિક્ષક વ્યવસાયીક સજ્જતા તાલીમનો આરંભ કરાયો

Read Full Story arrow_forward

calendar_today January 9, 2026

Railway News : કાંદિવલી–બોરીવલી વિભાગ પર મેજર બ્લોકના કારણે આ ટ્રેનોને થશે મોટી અસર

ટ્રેનોના સ્ટોપેજ, સમય અને સંરચના અંગે વિગતવાર માહિતી માટે, મુસાફરો કૃપા કરીને www.enquiry.indianrail.gov.in પર જઈને અવલોકન શકે છે. આંશિક રીતે રદ થનારી ટ્રેનો 01-10 જાન્યુઆરી, 2026ની ટ્રેન નંબર 19418 અમદાવાદ–બોરીવલી એક્સપ્રેસ વસઈ રોડ પર શોર્ટ ટર્મિનેટ થશે. આ રીતે આ ટ્રેન વસઈ રોડ–બોરીવલી વચ્ચે આંશિક રીતે રદ રહેશે. 02-11 જાન્યુઆરી, 2026ની ટ્રેન નંબર 19417 બોરીવલી–અમદાવાદ એક્સપ્રેસ વસઈ રોડ પરથી શોર્ટ ઓરિજિનેટ થશે. આ રીતે આ ટ્રેન બોરીવલી–વસઈ રોડ વચ્ચે આંશિક રીતે રદ રહેશે. રી-શેડ્યૂલ થનારી ટ્રેનો: 01-10 જાન્યુઆરી, 2026 ની ટ્રેન નંબર 12902 અમદાવાદ–દાદર એક્સપ્રેસ તેના માર્ગમાં 20 મિનિટ રી-શેડ્યૂલ થશે. 02-10 જાન્યુઆરી, 2026 ની ટ્રેન નંબર 19218 વેરાવળ–બાંદ્રા ટર્મિનસ એક્સપ્રેસ 45 મિનિટ રી-શેડ્યૂલ થશે, એટલે કે આ ટ્રેન વેરાવળથી 12:35 વાગ્યે પ્રસ્થાન કરશે. 03- 11 જાન્યુઆરી, 2026 ની ટ્રેન નંબર 22953 મુંબઈ સેન્ટ્રલ–અમદાવાદ ગુજરાત સુપરફાસ્ટ એક્સપ્રેસ 30 મિનિટ રી-શેડ્યૂલ થશે, એટલે કે આ ટ્રેન 06:10 વાગ્યે પ્રસ્થાન કરશે. આ પણ વાંચો : Gir Somnath News : રાજકોટ, સુરત, વડોદરા, અમદાવાદથી ટ્રેનમાં પધારેલા યાત્રિકોનું વેરાવળ સ્ટેશન પર ઢોલ નગારા, શરણાઈ, ભાતીગળ ગરબાથી સ્વાગત કરાયું

Read Full Story arrow_forward