Patan News: કાર પર ધારીયા અને લાકડીઓ વડે તૂટી પડ્યા અસામાજિક તત્વો!
પાટણ જિલ્લાના રાધનપુર શહેરમાં અસામાજિક તત્વો હવે બેફામ બન્યા હોય તેવું જણાઈ રહ્યું છે. અસામાજિક તત્વોને હવે પોલીસ કે કાયદાનો ડર ન રહ્યો હોય તેમ ગુનાની ઘટનાને અંજામ આપી રહ્યા છે. રાધનપુરના મઘાપુરા તરફ જવાના માર્ગ પર મોડી સાંજે અજાણ્યા અસામાજિક તત્વોએ એક કાર પર જીવલેણ હુમલો કરી ભયનો માહોલ પેદા કર્યો હતો. આ હુમલા બાદ હુમલાખોરો ઘટના સ્થળેથી ફરાર થઈ ગયા છે.જાહેરમાં કાર પર ધારીયા ઝીંક્યા ઘટનાની મળતી માહિતી અનુસાર, રાધનપુરના મઘાપુરા માર્ગ પરથી એક કાર પસાર થઈ રહી હતી, ત્યારે અચાનક ધસી આવેલા અસામાજિક તત્વોએ કારને રોકી તેના પર હુમલો કર્યો હતો. હુમલાખોરો પાસે ધારીયા અને લાકડીઓ જેવા જીવલેણ હથિયારો હતા. તેઓએ કાર પર આડેધડ ધારીયાના ઘા ઝીંક્યા હતા અને તોડફોડ કરી હતી. કારમાં સવાર વ્યક્તિ પર જીવલેણ હુમલો કરવાનો પ્રયાસ કરવામાં આવતા સમગ્ર વિસ્તારમાં ચકચાર મચી જવા પામી છે. હુમલો કરીને શખ્સો ફરાર, પોલીસ તપાસ તેજ આ ભયાનક હુમલા બાદ અસામાજિક તત્વો ત્યાંથી નાસી છૂટવામાં સફળ રહ્યા હતા. આ ઘટનાની જાણ થતા જ સ્થાનિક પોલીસનો કાફલો તાત્કાલિક ઘટના સ્થળે દોડી આવ્યો હતો. પોલીસે કારની હાલત અને ઘટનાસ્થળનું પંચનામું કરી હુમલાખોરોની ઓળખ મેળવવા માટે આસપાસના સીસીટીવી ફૂટેજ તપાસવાની તજવીજ હાથ ધરી છે. રાધનપુર શહેરમાં જાહેરમાં થયેલા આ હુમલાને પગલે સ્થાનિક રહીશોમાં ભયની લાગણી પ્રસરી છે. પોલીસ આ મામલે કડક હાથે કામ લે તેવી માગ ઉઠી રહી છે. અંગત અદાવતમાં આ હુમલો થયો છે કે, અન્ય કોઈ કારણોસર, તે દિશામાં પોલીસ તપાસ કરી રહી છે.આ પણ વાંચો - Patan: વધુ એક વખત 111 ચાઈનીઝ દોરીની ફીરકીઓ ઝડપાઈ
Read Full Story arrow_forward
