Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Rajkot: સૌરાષ્ટ્ર-કચ્છ વાઈબ્રન્ટ ગુજરાત રિઝનલ કોન્ફરન્સનું કાઉન્ટડાઉન શરૂ થઈ ગયું

રાજકોટમાં સૌરાષ્ટ્ર-કચ્છ વાઈબ્રન્ટ ગુજરાત રિજનલ કોન્ફરન્સનું કાઉન્ટડાઉન શરૂ થઈ ગયું છે. આગામી 11મીએ વડાપ્રધાનના હસ્તે વાઈબ્રન્ટ સમિટ અને ટ્રેડ શોનું ઉદ્ઘાટન થનાર હોય જિલ્લા વહીવટી તંત્ર-પોલીસ અને SPGની ટીમ દ્વારા આજે મારવાડી યુનિવર્સિટીની સ્થળ વિઝિટ કરી અંતિમઓપ આપવામાં આવ્યો હતો. વાઈબ્રન્ટ સમિટમાં દેશ-વિદેશના 3000થી વધુ મહાનુભવો આવનાર હોય રહેવા-જમવાની હોટલ-ટ્રાન્સપોર્ટની વ્યવસ્થા કરવામાં આવી છે.વડાપ્રાધન તા.11ના બપોરના 1:30 વાગ્યાની આસપાસ સીધા મારવાડી યુનિવર્સિટીમાં હેલીકોપ્ટરમાં આવી પહોચશે. જ્યાં તેઓ સૌ પ્રથમ ટ્રેડ શોનું ઉદ્ઘાટન કરી પ્રદર્શન નીહાળશે અને તે પછી વાઈબ્રન્ટ સમિટનું ઓપનીંગ કરશે. દેશના વિકાસમાં ઉદ્યોગોની હિસ્સેદારીની સમજણ આપવા માટે રાજકોટ જિલ્લાની તમામ યુનિવર્સિટી-કોલેજના 4000 વિદ્યાર્થીઓ, જિલ્લાની 3000 સખીમંડળની મહિલાઓ, 6000 ખેડુતો, યાર્ડના હોદ્દેદારો-દુઘ મંડળીઓના 4000 લોકો, નગરપાલિકાના 3000 સભ્યો હાજર રહેશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Bhavnagar: ચિત્રા, હાદાનગર કોળિયાક અને મામસો સહિતમાં વીજ રેડ, 106 વીજચોર ઝડપાયા

ભાવનગર સિટી-2 ડિવિઝનમાં આવતા વિસ્તારોમાં પીજીવીસીએલ દ્વારા ચિત્રા, ઘોઘા, મામસા બસ ડિવિઝનના ગ્રાહકો પર દરોડા પાડવામાં આવ્યા હતા. જેમાં 106 વીજ ચોરો ઝડપાતા રૂપિયા 57.62 લાખના બિલ ફટકારવામાં આવ્યા હતા.આજે શહેર વિસ્તારમાં રેડ કરવામાં આવી હતી. કુલ 42 ટીમ ત્રાટકી છે, સાથે વડોદરા અને રાજકોટની ટીમ જોડાઈ હતી. એસઆરપી તેમજ વીજ પોલીસ બંદોબસ્ત સાથે પાંચ વીડિયોગ્રાફર સાથે ચેકિંગ કરવામાં આવ્યું હતું. જેમાં કુલ 765 કનેકશન ચેક કરવામાં આવ્યા હતા. તેમાં રહેણાંકી 709 જોડાણો પૈકી 98 કનેકશનોમાં વીજ ચોરી આચરવામાં આવી રહી હોવાનું બહાર આવ્યું હતું. તેવી જ રીતે બિનરહેણાંકી 28 કનેકશનો ચેક કરતા 4 અને ખેતીવાડીના 28 કનેકશનો ચેક કરાતા 4 કનેકશનોમાં વીજ ગેરરીતિ આચરવામાં આવી રહી હોવાનું બહાર આવ્યું હતું. શહેરના ચિત્રા વિસ્તારમાં હાદાનગર 11 કેવી અર્બન ફીડર નીચે આવતા મીરાનગર સહિતના વિસ્તારમાં ચેકિંગ કરવામાં આવ્યુ હતુ. તેવી જ રીતે ઘોઘામાં ચેકિંગ કરવામાં આવ્યુ હતુ. જેથી વીજ ચોરોમાં ભારે ફફડાટ વ્યાપી ગયો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Rajkot: ચાર જિલ્લામાં સિઝનનો સૌથી ઠંડો દિવસ

સૌરાષ્ટ્ર-કચ્છમાં ઠંડીની સાથે ઠારનું પણ મોજુ ફરી વળ્યું છે. લાગલગાટ બીજા દિવસે સવારે હવામાં ભેજનું પ્રમાણ ઘટતા ઠારના સામ્રાજ્યના કારણે સિઝનનું રેકોર્ડ બ્રેક તાપમાન નોંધાયું છે.મહતમ તાપમાનમાં બે ડિગ્રી અને લઘુતમ તાપમાનમાં ચાર ડિગ્રી સુધી પારો નીચે ઉતરી જતા રાજકોટ, પોરબંદર, જામનગર, દ્વારકા શહેરમાં સિઝનનો સૌથી ઠંડો દિવસ નોંધાયો છે. ઉત્તરાયણ પર્વ નજીક આવતાની સાથે જ ઠંડીએ તેનો અસ્સલ મિજાજ બતાવવાનું શરૂ કર્યુ છે. છેલ્લા એક સપ્તાહથી ઠંડીનું મોજુ ચાલી રહ્યું છે. હજુ આગામી બે દિવસ સુધી ઉતર-પૂર્વના પવનના કારણે ઠંડીનું જોર યથાવત્ રહેવાની આગાહી કરવામાં આવી છે. 48 કલાક બાદ લઘુતમ તાપમાનમાં વધારો થવાની શક્યતા હવામાન વિભાગે દર્શાવી છે. સૌરાષ્ટ્ર-કચ્છમાં છેલ્લા 24 કલાક દરમિયાન તાપમાનના પારામાં ચાર ડિગ્રી સુધીનો ઘટાડો થતા ઠંડથી લોકો ધ્રુજ્યા છે. કચ્છના નલિયા અને ગિરનાર પર્વત ઉપર આજે પણ પારો સિંગલ આંકડાએ રહ્યો છે. જ્યારે જામનગરમાં એકસાથે ચાર ડિગ્રી, પોરબંદરમાં ત્રણ ડિગ્રી, દ્વારકા-ઓખા, દીવ-વેરાવળમાં બે ડિગ્રી અને સુરેન્દ્રનગર-મહુવામાં એક-એક ડિગ્રીનો ઘટાડો થયો છે. આ ઉપરાંત આ શહેરોના મહતમ તાપમાનમાં પણ બે ડિગ્રી સુધીનો ઘટાડો થતા લોકો કાતિલ ઠંડીમાં ઠીંગરાયા હતા. રાજકોટ શહેરમાં સવારે હવામાં ભેજનું પ્રમાણ 76 ટકા સાથે 6 કિલોમીટરની ઝડપે પવન ફૂંકાતા લઘુતમ તાપમાનનો પારો 10.1 ડિગ્રીએ સ્થિર થયો હતો જ્યારે બપોરે પવનની ગતિ વધીને 8 કિલોમીટર સુધી થઈ ગઈ હતી અને મહત્તમ તાપમાન 27.5 ડિગ્રી થઈ જતા આખો દિવસ વાતાવરણ ટાઢુબોળ રહેતા શહેરીજનો ગરમ વસ્ત્રોમાં સજ્જ થઈ હરવા-ફરવા નિકળ્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward