Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Banaskantha News : વડનગર સિવિલમાં હોબાળો, મોતીપુરામાં યુવકના શંકાસ્પદ મોત મામલે પરિજનોનો આક્રંદ

મહેસાણા જિલ્લાના વડનગર તાલુકાના મોતીપુરા ગામે એક યુવકનું શંકાસ્પદ સંજોગોમાં મોત નિપજતા વડનગર સિવિલ હોસ્પિટલ ખાતે ભારેલા અગ્નિ જેવી સ્થિતિ સર્જાઈ છે. મૃતક યુવક બનાસકાંઠાના વાલપુરા ગામનો હોવાનું જાણવા મળ્યું છે. મૃતકના પરિવારજનોએ અત્યંત ગંભીર આક્ષેપ કર્યો છે કે, યુવક પર વાયર ચોરીનો ખોટો આરોપ મૂકી તેને નિર્દયતાપૂર્વક મૂઢ માર મારવામાં આવ્યો હતો, જેના કારણે તેનું મોત નીપજ્યું છે. આ ઘટનાને પગલે આક્રોશિત પરિવારે જ્યાં સુધી જવાબદાર શખ્સો સામે પોલીસ ફરિયાદ (FIR) દાખલ ન થાય ત્યાં સુધી મૃતદેહ સ્વીકારવાનો સ્પષ્ટ ઇનકાર કરી દીધો છે.વડનગર સિવિલમાં તંગદિલી હોસ્પિટલ પરિસરમાં મોટી સંખ્યામાં લોકો ઉમટી પડતા પોલીસનો ચુસ્ત બંદોબસ્ત ગોઠવી દેવામાં આવ્યો છે. પરિવારની માંગ છે કે આ મામલે તટસ્થ તપાસ કરવામાં આવે અને હત્યાનો ગુનો નોંધી આરોપીઓની ધરપકડ કરવામાં આવે. બીજી તરફ, પોલીસ આ મામલે શંકાસ્પદ મોતનો ગુનો નોંધી પોસ્ટમોર્ટમ રિપોર્ટની રાહ જોઈ રહી છે. જોકે, પરિવારે આક્ષેપ કર્યો છે કે યુવકના શરીર પર ઈજાના નિશાનો દેખાઈ રહ્યા છે, જે તેને ઢોર માર માર્યો હોવાની સાબિતી આપે છે. જ્યાં સુધી ન્યાય નહીં મળે ત્યાં સુધી લાશ ન સ્વીકારવાના મક્કમ નિર્ધારને કારણે હાલમાં તંત્ર મુંઝવણમાં મુકાયું છે. આ પણ વાંચો : Banaskantha માં માનવતા શર્મસાર, થરાના રામવાડીમાં કચરાના ઢગલામાંથી મળ્યું જીવતું નવજાત બાળ

Read Full Story arrow_forward

calendar_today January 8, 2026

અમદાવાદની ઉદગમ અને મુક્તજીવન સ્કૂલે RTE હેઠળના વિદ્યાર્થીઓ સાથે મતભેદ કર્યાનો આક્ષેપ, જુઓ Video

આ બન્ને સ્કૂલોમાં વધુ ફી માટે દબાણ કરાતું હોવાનો વાલીઓનો આક્ષેપ છે અને જન સંવાદ પોર્ટલમાં 200થી વધુ ફરિયાદ વાલીઓની આવી છે અને અન્ય જિલ્લાઓની સ્કૂલોમાં પણ મતભેદનો આક્ષેપ કરવામાં આવ્યો છે. આ મામલે ડીઈઓ દ્વારા તપાસ કરવામાં આવે તેવી માગ વાલીઓ દ્વારા કરવામાં આવી છે. 1.50 લાખથી વધુ આવકવાળા વાલીઓને RTEનો લાભ ન મળે સર્વ શિક્ષા અભિયાન અંતર્ગત ગરીબ અને વંચિત બાળકો પણ ગુણવત્તાયુક્ત શિક્ષણ મેળવે તે હેતુથી દર વર્ષે RTE અંતર્ગત વિદ્યાર્થીઓને પ્રવેશ ફાળવવાની પ્રક્રિયા કરવામાં આવે છે. RTE એડમિશન માટે ગ્રામ્ય વિસ્તારમાં 1.20 લાખ જ્યારે શહેરી વિસ્તારમાં 1.50 લાખની આવક મર્યાદા નક્કી કરવામા આવી છે અને આ માટે આવકનો પુરાવો અને જો વાલી ઇન્કમટેક્સનુ રિટર્ન ફાઇલ કરતા હોય તો તેની કોપી પણ અપલોડ કરવી ફરજીયાત કરવામાં આવી છે. આ પણ વાંચો : Ahmedabad Kite Festival 2026 : અમદાવાદ ખાતે આંતરરાષ્ટ્રીય પતંગ મહોત્સવ-2026માં 50 દેશના 135 પતંગબાજો સહભાગી થશે 

Read Full Story arrow_forward

calendar_today January 8, 2026

Ed Raids Ipac: I-PACની ઑફિસ પર EDના દરોડા, મમતા બેનર્જીએ દર્શાવી નારાજગી, જાણો મામલો

એન્ફોર્સમેન્ટ ડિરેક્ટોરેટ (ED) એ મની લોન્ડરિંગ કેસના સંદર્ભમાં IPAC ડિરેક્ટર પ્રતીક જૈનના પરિસરમાં દરોડા પાડ્યા છે. ED એ ચારથી પાંચ સ્થળોએ દરોડા પાડ્યા હતા. ED એ કોલકાતામાં પણ દરોડા પાડ્યા હતા. ગુરુવારે સવારે, એન્ફોર્સમેન્ટ ડિરેક્ટોરેટે સોલ્ટ લેકમાં રાજકીય સલાહકાર કંપની I-PAC ની ઓફિસ અને તેના વડા પ્રતીક જૈનના ઘરે દરોડા પાડ્યા હતા. આ કંપની અગાઉ પ્રશાંત કિશોરની માલિકીની હતી. I-PACએ ભજવી હતી મુખ્ય ભૂમિકા પ્રશાંત કિશોરે 2014ની લોકસભા ચૂંટણી પહેલા I-PAC ની સ્થાપના કરી હતી. 2019ની લોકસભા ચૂંટણીથી, I-PAC તૃણમૂલ કોંગ્રેસ અને બંગાળ સરકાર સાથે કામ કરી રહ્યું છે, જોકે પ્રશાંત કિશોર હવે પૂર્ણ-સમય રાજકારણમાં પ્રવેશી ચૂક્યા છે. 2021ની વિધાનસભા ચૂંટણી અને 2024ની લોકસભા ચૂંટણીમાં પ્રચંડ વિજય સાથે પાર્ટીને સત્તામાં પરત લાવવામાં I-PAC એ મુખ્ય ભૂમિકા ભજવી હતી.કેમ કરવામાં આવી રહી છે તપાસ? ED સૂત્રોના જણાવ્યા અનુસાર, પ્રતીક બિલ્ડિંગના ત્રીજા માળે રહે છે. ED અધિકારીઓ તેના ઘરે તપાસ કરી રહ્યા છે. સેક્ટર 5 માં I-Pac ની ઓફિસમાં પણ તપાસ શરૂ થઈ ગઈ છે. પરંતુ આ અચાનક તપાસ શા માટે? ED સૂત્રોના જણાવ્યા અનુસાર, દિલ્હીથી ED અધિકારીઓ ગઈકાલે રાત્રે કોલકાતા પહોંચ્યા હતા. દિલ્હી ઝોનના તે અધિકારીઓએ આજે કોલકાતામાં ત્રણ સ્થળોએ તપાસ શરૂ કરી હતી. પ્રતીકના ઘર ઉપરાંત, I-Pac ની ઓફિસ અને પોસ્તામાં એક ઉદ્યોગપતિના ઘરની પણ તપાસ કરવામાં આવી રહી છે. ટીએમસીના આઇટી વિભાગે પણ દરોડા પાડ્યા મમતા બેનર્જીએ જણાવ્યું હતું કે ED એ ટીએમસીના આઇટી વિભાગ પર દરોડા પાડ્યા હતા. ED ના દરોડા દરમિયાન મુખ્યમંત્રી મમતા બેનર્જી પણ ઘટનાસ્થળે પહોંચ્યા હતા. તેમણે પ્રશ્ન કર્યો હતો કે શું ED નું કામ વિપક્ષને હેરાન કરવાનું છે. દરોડા દરમિયાન મમતા બેનર્જી પ્રતિક જૈનના ઘરે પહોંચ્યા હતા. તેમણે જણાવ્યું હતું કે તેમના પક્ષ વિશે માહિતી એકત્રિત કરવામાં આવી રહી છે. મમતાએ એમ પણ કહ્યું હતું કે એસઆઈઆર દરમિયાન 2 કરોડ લોકોના નામ યાદીમાંથી દૂર કરવામાં આવ્યા હતા. તેમણે કહ્યું હતું કે આ જાણી જોઈને કરવામાં આવી રહ્યું છે.આ પણ વાંચો- Shani Dev 2026: 30 વર્ષ બાદ શનિ સાથે મળીને આ ગ્રહ રચશે દુર્લભ રાજયોગ, આ 3 રાશિને થશે ફાયદો

Read Full Story arrow_forward