Ahmedabad: ભાટ ગામના કેફેમાં નજીવી બાબતે ઝઘડો થતાં 4 શખ્સોએ યુવકનો હાથ તોડી નાખ્યો
શહેરના એરપોર્ટ પોલીસ સ્ટેશન વિસ્તારમાં આવેલ ભાટ ગામના એક કેફેમાં મોડી રાત્રે લોહિયાળ જંગ ખેલાયો હોવાની ઘટના સામે આવી છે. નજીવી બાબતે ચાર શખ્સોએ એક યુવક પર લાકડીઓ વડે હુમલો કરતા તેનો જમણો હાથ ભાંગી ગયો છે.સરદારનગરમાં રહેતા ગૌરવ રાજુભાઈ શર્મા ગત 6 જાન્યુઆરીની મોડી રાત્રે તેમના મિત્રો વરુણ ભાટિયા અને રાહુલ હિરવાણી સાથે ભાટ ગામમાં આવેલા કેફેમાં ગયા હતા. રાત્રિના અંદાજે 2:30 વાગ્યાના સુમારે કેફેમાં હાજર કેટલાક શખ્સો થિયેટર રૂમમાં અત્યંત મોટા અવાજે ગીતો વગાડી રહ્યા હતા. ગૌરવભાઈએ ત્યાં હાજર સાગર ભરવાડ નામના શખ્સને અવાજ ધીમો કરવા વિનંતી કરતા સાગર ભરવાડ અને સાહિલ ચૌધરી ઉશ્કેરાઈ ગયા હતા અને ગાળાગાળી શરૂ કરી દીધી હતી. તકરાર વધતા આ બંને શખ્સોએ અન્ય બે અજાણ્યા શખ્સોને બોલાવી લીધા હતા. તેઓએ પોતાની બાઈક અને એક્ટિવામાં રાખેલી લાકડીઓ કાઢી ગૌરવ અને તેના મિત્રોને માર માર્યો હતો. હુમલા દરમિયાન સાગર ભરવાડે ગૌરવના જમણા હાથ પર લાકડીના ફટકા ઝીંકી દીધા હતા, જેના કારણે તેને ફેક્ચર થયું હતું. જેથી તેને સારવાર અર્થે હોસ્પિટલમાં ખસેડાયો હતો. યુવકની ફરિયાદને આધારે એરપોર્ટ પોલીસે સાગર ભરવાડ, સાહિલ ચૌધરી અને અન્ય બે અજાણ્યા શખ્સો વિરુદ્ધ આઈપીસીની સંબંધિત કલમો હેઠળ ગુનો નોંધી ચક્રો ગતિમાન કર્યા છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
