Gujarat News: સુરત અને ગણદેવીમાં પોલીસ અને મરિન કમાન્ડોએ કોસ્ટલ પેટ્રોલિંગ કર્યું
ગુજરાતમાં દરિયાઈ સુરક્ષાને લઈને તપાસ એજન્સીઓ સતર્ક બની ગઈ છે. નવસારી જિલ્લામાં દરિયાઈ સુરક્ષાની તકેદારીના ભાગ રૂપે ચેકિંગ હાથ ધરવામાં આવ્યું હતું. સુરક્ષા એજન્સીઓ દ્વારા જિલ્લાના ગણદેવી તાલુકામાં કોસ્ટલ પેટ્રોલિંગનું આયોજન કર્યું હતું. પોલીસે કેફી પદાર્થોની હેરાફેરી અટકાવવા માટે પ્રયાસો હાથ ધર્યા હતાં. બીજી તરફ સુરતમાં પણ ઓલપાડના ડભારીમાં કોસ્ટલ પેટ્રોલિંગ કરવામાં આવ્યું હતું. સઘન કોસ્ટલ પેટ્રોલીંગનું આયોજન નવસારી જિલ્લામાં દરિયાઈ સુરક્ષાની તકેદારી અંતર્ગત આંતકવાદી પ્રવૃત્તિઓ અટકાવવા તેમજ કાંઠા વિસ્તારમાં શંકાસ્પદ વ્યકિતઓની હિલચાલ તેમજ દરિયાકાંઠા વિસ્તારમાંથી મળી આવતા શંકાસ્પદ બોટ, ડ્રોન, ડ્રગ્સ પેકેટ્સ, બેગ તેમજ કેફી પદાર્થોની હેરાફેરી અટકાવવા પોલીસ તેમજ મરીન કમાન્ડો ટીમ દ્વારા સઘન કોસ્ટલ પેટ્રોલીંગનું આયોજન કરવામાં આવ્યું હતું.જે અન્વયે નવસારી જિલ્લાના ગણદેવી તાલુકાના દરિયાઇ વિસ્તાર ફિશ લેન્ડીંગ સેન્ટર ભાટ વિસ્તાર ફ્રુટ પેટ્રોલીંગ દ્વારા સઘન કોસ્ટલ પેટ્રોલીંગનું આયોજન કરવામાં આવ્યું હતું. શંકાસ્પદ બોટ, વાહન અને લોકોનુ પણ ચેકિંગ આ સઘન કોસ્ટલ પેટ્રોલીંગ દરમિયાન મરીન કમાન્ડોની અલગ અલગ ટીમો દ્વારા શંકાસ્પદ વ્યકિત, વાહનો, બોટો, અવાવરૂ જગ્યાઓની તપાસ હાથ ધરવામાં આવી હતી.આ ઉપરાંત સુરતના ઓલપાડના ડભારીમાં પણ કોસ્ટલ પેટ્રોલિંગ કરવામાં આવ્યું હતું. દરિયામા મરીન કમાન્ડો દ્વારા સઘન પેટ્રોલિંગ હાથ ધરાયું હતું. મરીન કમાન્ડોની જુદી જુદી ટીમનું સઘન પેટ્રોલિંગ યોજાયુ હતું. શંકાસ્પદ બોટ, વાહન અને લોકોનુ પણ ચેકિંગ કરવામાં આવ્યું હતું.આ પણ વાંચોઃ Gir Somnath: તાલાલાના લોટસ રિસોર્ટમાં દારૂની મહેફિલ પર LCBનો દરોડો, 21.76 લાખના મુદ્દામાલ સાથે રાજકોટના 5 શખ્સો ઝડપાયા
Read Full Story arrow_forward
