Nadiad: દાંડી પથ યાત્રાનો ત્રીજો દિવસ, NCC કેડેટ્સ અને ગ્રામીણ મહિલાઓએ દાંડી પથના યાત્રિકોને ઉમળકાભેર વધાવ્યા
ઐતિહાસિક દાંડી કૂચની સ્મૃતિમાં આયોજિત 'દાંડી પથ યાત્રા'નો ત્રીજો દિવસ આધ્યાત્મિકતા અને સામુદાયિક જોડાણનો સાક્ષી બન્યો. 10 યાત્રિકોના જૂથે સવારે 7:00 કલાકે નડિયાદથી 23 કિમી લાંબી પદયાત્રાનો પ્રારંભ કર્યો હતો, જે બપોરે 12:30 વાગ્યે આણંદ પહોંચી હતી.આધ્યાત્મિક શરૂઆત અને યુવા ઊર્જાનો સંગમયાત્રાના પ્રસ્થાન પૂર્વે સંતરામ મંદિરના મહારાજશ્રીના આશીર્વાદ લેવામાં આવ્યા હતા, જેણે દિવસભર યાત્રિકોમાં સકારાત્મક ઊર્જા ભરી હતી. નડિયાદ શહેરમાંથી પસાર થતી વખતે NCC કેડેટ્સ દ્વારા શિસ્તબદ્ધ સ્વાગત કરવામાં આવ્યું હતું. આ કેડેટ્સ યાત્રિકો સાથે જોડાઈને ચાલ્યા હતા, જે પેઢી દર પેઢી જળવાયેલા મૂલ્યોની પ્રતીતિ કરાવતું હતું.લોકસંપર્ક અને નારી શક્તિનો પ્રભાવમાર્ગમાં આવતા દરેક ગામમાં લોકો દ્વારા ઉમળકાભેર સ્વાગત કરવામાં આવ્યું હતું. વિશેષ નોંધનીય બાબત એ હતી કે સ્વાગત, તિલક અને પરંપરાગત વિધિઓમાં મહિલાઓએ આગેવાની લીધી હતી, જે સમાજમાં તેમની સક્રિયતા દર્શાવતી હતી. ઉતરસંડા ગામે પૂર્વ સૈનિકો અને સરપંચ સાથે મુલાકાત થઈ. અહીં ગ્રામજનોએ સ્થાનિક ફંડ દ્વારા તળાવ પુનર્જીવિત કરવાની જે વાત કરી, તે સામૂહિક જવાબદારીનું શ્રેષ્ઠ ઉદાહરણ પૂરું પાડે છે.વી.વી.નગર ખાતે સંવાદનડિયાદની વી.વી.નગર કોલેજ ખાતે NCC કેડેટ્સ સાથે એક આત્મીય સંવાદ યોજાયો હતો. આ મુલાકાતમાં માત્ર ભાષણો નહીં, પરંતુ સેવા, શિસ્ત અને આજના સમયમાં દાંડી પથના આદર્શોને નાગરિક તરીકે કઈ રીતે અપનાવી શકાય તે અંગે ઊંડો વિચારવિમર્શ કરવામાં આવ્યો હતો.સાહસ અને સંયમની અણધારી ક્ષણદિવસના અંતે આણંદમાં રોકાણ સ્થળથી માત્ર 500 મીટર દૂર એક રોમાંચક અને જોખમી ઘટના બની હતી. એકાએક એક બળદ એક યાત્રિક પર દોડી આવ્યો હતો. જોકે, ગભરાયા વિના સાહસ અને સંયમ દાખવીને યાત્રિકે બળદના શિંગડા પકડી તેને શાંત પાડી બાજુ પર ખસેડ્યો હતો, જેથી મોટી દુર્ઘટના ટળી હતી.આ પણ વાંચો: કાયદામાં રહેશો તો ફાયદામાં રહેશો, મારામારીના 8 આરોપીઓનું કુંભારવાડામાં સરઘસ કાઢતી પોલીસ
Read Full Story arrow_forward
