Community News & Updates

Stay informed with the latest happenings, achievements, and announcements from our community.

All News

calendar_today January 3, 2026

Maharashtra : નવા વર્ષમાં શિરડી સાંઈ બાબા મંદિરમાં દાનનો થયો વરસાદ, 22 કરોડ રોકડા સહિત સોના-ચાંદીનું મળ્યું દાન

મહારાષ્ટ્રના શિરડી સાંઈ બાબા મંદિરમાં ભક્તોએ નવા વર્ષના દિવસે ઉદાર હાથે દાન આપ્યું છે. સંસ્થાના મુખ્ય કાર્યકારી અધિકારીએ જણાવ્યું હતું કે, એક જ દિવસમાં આશરે રૂપિયા 23.29 કરોડનું દાન આપવામાં આવ્યું હતું. તેમણે જણાવ્યું હતું કે નાતાલની રજાઓ દરમિયાન, નવા વર્ષને વિદાય આપતા અને નવા વર્ષનું સ્વાગત કરતા લોકોએ તેમની શ્રદ્ધા અનુસાર દાન આપ્યું હતું.26 અલગ અલગ દેશોમાંથી દાન મળ્યું તેમણે વધુમાં જણાવ્યું કે દાન પેટીઓમાંથી કુલ રૂપિયા 22,02,61,006, દાન કાઉન્ટરમાંથી રૂપિયા 3,22,43,388, પીઆર ટોલ પાસમાંથી રૂપિયા 2,42,60,000, અને ડેબિટ/ક્રેડિટ કાર્ડ, ઓનલાઈન દાન, ચેક/ડીડી અને મની ઓર્ડર દ્વારા પણ દાન આપવામાં આવ્યું હતું, જે કુલ રૂપિયા 10,18,86,955 અને રૂપિયા 16,83,673 વિદેશી ચલણમાં 26 અલગ અલગ દેશોમાંથી આવ્યા હતા. મુખ્ય કાર્યકારી અધિકારીએ માહિતી આપી હતી કે લોકોએ ઘરેણાં પણ દાન કર્યા છે. મંદિરમાં રૂપિયા 36,38,610ની કિંમતનું સોનું (293.910 ગ્રામ) અને રૂપિયા 9,49,741ની કિંમતનું ચાંદી (05 કિલો 983 ગ્રામ) દાન કરવામાં આવ્યું હતું. ઉપરાંત, નવા વર્ષના પહેલા દિવસે, શ્રી સાંઈ બાબાના ચરણોમાં 655 ગ્રામ વજનનો સોના-હીરાનો મુગટ અને એક આકર્ષક નક્ષિકમ અર્પણ કરવામાં આવ્યું હતું. આ મુગટની કિંમત રૂપિયા 80 લાખ હોવાનો અંદાજ છે અને તેમાં આશરે 585 ગ્રામ શુદ્ધ સોનું અને આશરે 153 કેરેટ કિંમતી હીરા છે. 1,09,000થી વધુ સાંઈ ભક્તોએ ફૂડ પેકેટનો લાભ લીધો આ રીતે સંસ્થાને વિવિધ સ્ત્રોતોમાંથી કુલ આશરે રૂપિયા 23,29,23,,373નું દાન પ્રાપ્ત થયું છે. ઉપરાંત, આ સમયગાળા દરમિયાન શ્રી સાંઈ પ્રસાદાલયમાં 6 લાખથી વધુ સાંઈ ભક્તોએ મફત પ્રસાદ ભોજનનો લાભ લીધો હતો. જ્યારે 1,09,000થી વધુ સાંઈ ભક્તોએ ફૂડ પેકેટનો લાભ લીધો છે. 7,67,444 લાડુ પ્રસાદ પેકેટ વેચાયા હતા, જેના દ્વારા 2,30,23,000 રૂપિયા પ્રાપ્ત થયા છે. 5,76,400 સાંઈ ભક્તોએ મફત પ્રસાદ પેકેટનો લાભ લીધો છે. તે ક્યાં ખર્ચવામાં આવશે? મળતી માહિતી મુજબ શ્રી સાંઈબાબા સંસ્થાન દ્વારા પ્રાપ્ત દાનનો ઉપયોગ શ્રી સાંઈબાબા હોસ્પિટલ અને શ્રી સાંઈનાથ હોસ્પિટલ, શ્રી સાંઈ પ્રસાદાલય, સંસ્થાનની વિવિધ શૈક્ષણિક સંસ્થાઓમાં મફત ભોજન પૂરું પાડવા, બહારના દર્દીઓ માટે દાન, સાંઈ ભક્તોની સુવિધા માટે શરૂ કરવામાં આવી રહેલી વિવિધ પ્રવૃત્તિઓ અને વિવિધ સામાજિક કાર્યો માટે કરવામાં આવી રહ્યો છે.આ પણ વાંચો: Bastar Pandum 2026 : રાષ્ટ્રપતિ દ્રૌપદી મુર્મૂને મુખ્ય અતિથિ તરીકે હાજરી આપવા આમંત્રણ આપવામાં આવ્યું

Read Full Story arrow_forward

calendar_today January 3, 2026

Surendranagar: નીલગાયનો શિકાર કરી માંસ વેચતી ટોળકી પર ત્રાટકી વન વિભાગની ટીમ, બે શિકારી ઝડપાયા

વન્યપ્રાણીઓના રક્ષણ માટે સતર્ક બનેલા વન વિભાગને સુરેન્દ્રનગર જિલ્લામાં મોટી સફળતા મળી છે. સાયલા તાલુકાના સેજકપર ગામની સીમમાં માદા નીલગાયનો શિકાર કરી તેનું માંસ વેચવાના કૌભાંડનો પર્દાફાશ થયો છે. વન વિભાગની ટીમે મધરાત્રે દરોડો પાડીને બે શખ્સોને મુદ્દામાલ સાથે ઝડપી પાડ્યા છે, જ્યારે ત્રણ અન્ય શખ્સો ફરાર થઈ ગયા છે.મધરાત્રે 30 કર્મચારીઓની ટીમનું સિક્રેટ ઓપરેશનસાયલા રેન્જ ફોરેસ્ટ ઓફિસર સાગરભાઈ મકવાણાને બાતમી મળી હતી કે સેજકપરના રેવન્યુ સર્વે નંબર-375માં કેટલાક શખ્સો નીલગાયનો શિકાર કરી રહ્યા છે. આ માહિતીના આધારે વનપાલ અને વનરક્ષકો સહિત 25 થી 30 કર્મચારીઓની ટીમે રાત્રિના અંધકારમાં ઓચિંતી રેઇડ કરી હતી. સ્થળ પર પાંચ શખ્સો નીલગાયના માંસનું કટીંગ કરતા રંગેહાથ ઝડપાયા હતા.પીછો કરીને બેની ધરપકડ, ત્રણ ફરારદરોડા દરમિયાન અંધારાનો લાભ લઈ પાંચ પૈકી ત્રણ શખ્સો નાસી છૂટ્યા હતા. જોકે, વન વિભાગની ટીમે સતર્કતા દાખવી પીછો કરીને નીચે મુજબના બે શખ્સોને દબોચી લીધા હતા. કુરેશી જુબેદ ઇબરાલ અહેમદ, હનીફ ઇબ્રાહીમ સંધી.મુદ્દામાલ અને કાયદેસરની કાર્યવાહીઝડપાયેલા શખ્સોએ કબૂલાત કરી હતી કે તેઓ રાત્રિના સમયે માદા નીલગાયનો શિકાર કરી તેનું માંસ વેચતા હતા. વન વિભાગે સ્થળ પરથી નીચે મુજબનો મુદ્દામાલ જપ્ત કર્યો છે. 30 કિલો નીલગાયનું માંસ, એક સેન્ટ્રો કાર અને એક બાઇક, તીક્ષ્ણ છરા, લોખંડના સળીયા અને બે મોબાઇલ ફોન ₹19,200ની રોકડ રકમ તપાસનીશ અધિકારી દ્વારા વન્યપ્રાણી સંરક્ષણ અધિનિયમ-1972 ની કડક કલમો હેઠળ ગુનો નોંધી, પકડાયેલ બંને શિકારીઓને બે દિવસના રિમાન્ડ પર લેવામાં આવ્યા છે. હાલમાં વન વિભાગ નાસી છૂટેલા અન્ય ત્રણ શખ્સોને પકડવા માટે ચક્રો ગતિમાન કર્યા છે.આ પણ વાંચો: અજાપુરાની ઘરફોડ ચોરીનો ભેદ ઉકેલાયો, ભડીયો લુહાર મુદ્દામાલ સાથે ઝડપાયો

Read Full Story arrow_forward

calendar_today January 3, 2026

Bhavnagarના વલ્લભીપુર-ઘાંઘળી રોડ પર અજાણ્યા વાહનની ટક્કરે બાઈક સવાર શિક્ષકનું કરુણ મોત

ભાવનગર જિલ્લાના વલ્લભીપુર-ઘાંઘળી હાઇવે પર આજે એક ગંભીર માર્ગ અકસ્માતની ઘટના સામે આવી છે. રાઘવ પેટ્રોલ પંપ પાસે આવેલા નાળા નજીક એક અજાણ્યા વાહન ચાલકે બાઈક સવાર બે યુવાનોને જોરદાર અડફેટે લીધા હતા. આ હૃદયદ્રાવક અકસ્માતમાં એક યુવાનનું ઘટનાસ્થળે જ કમકમાટીભર્યું મોત નીપજ્યું છે, જ્યારે અન્ય એક યુવાન ગંભીર રીતે ઈજાગ્રસ્ત થયો છે. અકસ્માત એટલો ભયાનક હતો કે બાઈક સવાર યુવાનનું સ્થળ પર જ મોત થયું હતું.રાઘવ પેટ્રોલ પંપ પાસેના નાળામાં બની ઘટનામૃતક યુવાનની ઓળખ દીપકકુમાર જયપાલ તરીકે થઈ છે, જેઓ વલ્લભીપુર ખાતે આવેલી પ્રાથમિક શાળામાં શિક્ષક તરીકે ફરજ બજાવતા હતા. અકસ્માત બાદ બીજા ઇજાગ્રસ્ત યુવાનને તાત્કાલિક 108 એમ્બ્યુલન્સ મારફતે સારવાર માટે હોસ્પિટલ ખસેડવામાં આવ્યો હતો. અકસ્માતને પગલે હાઇવે પર વાહનોની લાંબી કતારો લાગી ગઈ હતી અને ટ્રાફિક જામની સ્થિતિ સર્જાઈ હતી. ઘટનાની જાણ થતા જ વલ્લભીપુર અને સિહોર પોલીસનો કાફલો સ્થળ પર દોડી આવ્યો હતો. મૃતદેહને પીએમ અર્થે સિહોર હોસ્પિટલ ખસેડાયોપોલીસે મૃતક શિક્ષકના દેહને પોસ્ટમોર્ટમ અર્થે સિહોર હોસ્પિટલ ખસેડ્યો હતો અને હાઇવે પરથી અકસ્માતગ્રસ્ત વાહનો હટાવી ટ્રાફિક ક્લિયર કરાવ્યો હતો. અજાણ્યો વાહન ચાલક અકસ્માત સર્જીને નાસી છૂટ્યો હતો, જેને ઝડપી પાડવા માટે પોલીસે આગળની તપાસ હાથ ધરી છે. એક સેવાભાવી શિક્ષકના આકસ્મિક અવસાનથી શૈક્ષણિક જગતમાં અને પરિવારમાં શોકનું મોજું ફરી વળ્યું છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward