Palitana News: ઓવરબ્રિજની કામગીરીમાં તંત્રની ઘોર બેદરકારી, બાઇક સવાર યુવક ખાડામાં ખાબક્યો
ભાવનગર જિલ્લાના પાલીતાણામાં નિર્માણાધીન ઓવરબ્રિજની કામગીરીમાં કોન્ટ્રાક્ટર અને તંત્રની ગંભીર બેદરકારી સામે આવી છે. ઓવરબ્રિજની કામગીરી માટે ખોદવામાં આવેલા ઊંડા ખાડામાં એક સ્થાનિક યુવક બાઇક સહિત ખાબકતા ગંભીર રીતે ઇજાગ્રસ્ત થયો છે. આ ઘટનાને પગલે સ્થાનિક રહીશોમાં ભારે રોષ જોવા મળી રહ્યો છે. પાલીતાણામાં છેલ્લા ઘણા સમયથી ઓવરબ્રિજનું કામ ચાલી રહ્યું છે. અહીં કોન્ટ્રાક્ટર દ્વારા મોટા ખાડા ખોદવામાં આવ્યા છે, પરંતુ સલામતીના કોઈ પણ સાધનો રાખવામાં આવ્યા નથી.સ્થાનિક યુવક બાઇક સહિત ખાડામાં પડ્યોવાહન વ્યવહાર માટે રોડ સત્તાવાર રીતે બંધ હોવા છતાં, ત્યાં રહેતા રહીશો અને શાળાએ જતા બાળકો માટે અવરજવર ચાલુ છે. કામગીરીના સ્થળે કોઈપણ પ્રકારના બેરીકેટ કે ડાયવર્ઝન બોર્ડ ન લગાવવામાં આવ્યા હોવાથી અંધારામાં કે અજાણતા આ યુવક સીધો ખાડામાં પડ્યો હતો. દુર્ઘટના બાદ સ્થાનિક લોકોએ ભેગા થઈને યુવકને ખાડામાંથી બહાર કાઢ્યો હતો અને ૧૦૮ એમ્બ્યુલન્સ મારફતે તાત્કાલિક સારવાર અર્થે હોસ્પિટલ ખસેડ્યો હતો. યુવકને ગંભીર ઈજાઓ થતાં હોસ્પિટલ ખસેડાયોરહીશોનો આક્ષેપ છે કે ઓવરબ્રિજની કામગીરી છેલ્લા ઘણા વર્ષોથી ગોકળગતિએ ચાલી રહી છે. તંત્રની ઢીલી નીતિ અને કોન્ટ્રાક્ટરની લાપરવાહીને કારણે નિર્દોષ લોકો અકસ્માતનો ભોગ બની રહ્યા છે. સ્થાનિકોએ માંગ કરી છે કે જ્યાં સુધી કામ પૂર્ણ ન થાય ત્યાં સુધી સલામતી માટે યોગ્ય બેરીકેટિંગ અને સૂચના બોર્ડ લગાવવામાં આવે, જેથી અન્ય કોઈ વ્યક્તિ કે બાળક આવી દુર્ઘટનાનો ભોગ ન બને. જો તંત્ર જાગશે નહીં તો આગામી સમયમાં ઉગ્ર આંદોલનની ચીમકી પણ ઉચ્ચારવામાં આવી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
