Community News & Updates

Stay informed with the latest happenings, achievements, and announcements from our community.

All News

calendar_today October 18, 2026

Gandhinagar News: કરજણ નદીના બ્રિજની નબળી ગુણવત્તા સામે સરકારની કાર્યવાહી, કોન્ટ્રાક્ટર સામે પોલીસ ફરિયાદ નોંધાઈ

નર્મદા જિલ્લામાં રાજપીપળા-રામગઢ રોડ ઉપર કરજણ નદી પરના મેજર બ્રિજના બાંધકામની નબળી ગુણવત્તા અંગે કોન્ટ્રાક્ટર સામે અસરકારક અને કડક પગલાં લેવામાં આવ્યા છે. મુખ્યમંત્રી ભૂપેન્દ્ર પટેલે રાજ્ય સરકારના માર્ગ મકાન વિભાગને આ બ્રિજના બાંધકામમાં સંકળાયેલા મેસર્સ રોયલ ઇન્ફ્રા એન્જિનિયરિંગ પ્રા. લિ.,સુરત સામે ફોજદારી ફરિયાદ-FIR દાખલ કરવાના દિશાનિર્દેશો આપવાને પગલે રાજપીપળા પોલીસ સ્ટેશનમાં FIR કરવામાં આવી છે.રાજપીપળા અને રામગઢ આસપાસના વિસ્તારો માટે ખૂબ જ અગત્યતા ધરાવતા આ બ્રિજની કામગીરી ગુણવત્તાયુક્ત ન હોવાથી આ પુલ જોખમી જણાયો હતો.કડક પગલાં લેવાના આદેશો આપવામાં આવ્યાંબ્રિજના નિરીક્ષણ અને પરીક્ષણ બાદ આ પુલના ઇજારદાર સામે ફોજદારી ફરિયાદ દાખલ કરવામાં આવી છે.આ ઉપરાંત નબળી કામગીરી માટે સંબંધિત અધિકારી અને કર્મચારીઓ સામે પણ કડક પગલાં લેવાના આદેશો આપવામાં આવ્યાં છે.માર્ગ અને મકાન વિભાગે આ બ્રિજનું કામ 2018-2019 માં ઇજારદાર મેસર્સ રોયલ ઇન્ફ્રા એન્જિનિયરિંગ પ્રા.લિ.સુરતને સોંપેલું હતું.આ કામની ટેન્ડર રકમ રૂ.10.71 કરોડ હતી અને કામગીરી શરૂ કરવાની તારીખ તા.15/09/2018 હતી તથા કામગીરી ભૌતિક રીતે ખરેખર તારીખ 14/08/2020ના રોજ પૂર્ણ થઈ હતી.વિભાગ દ્વારા બ્રિજની ચકાસણી દરમિયાન એક ફાઉન્ડેશન સેટલ થવાનું ધ્યાને આવેલ હતું. કંટ્રોલ પ્રભાગ દ્વારા સંપૂર્ણ બ્રિજનું પરીક્ષણ-નિરીક્ષણઆ ક્ષતિ જણાતા ક્વોલિટી કંટ્રોલ પ્રભાગ દ્વારા સંપૂર્ણ બ્રિજનું પરીક્ષણ-નિરીક્ષણ કરવા જણાવ્યું હતું. તેમાં તપાસમાં બ્રિજના અન્ય ભાગોમાં પણ ક્ષતિ ધ્યાને આવી હતી.બ્રિજ વાહનવ્યવહાર માટે યોગ્ય અને સલામત ન હોવાનું જણાતાં તેના પર વાહનવ્યવહાર બંધ કરવાની ફરજ પણ પડી હતી. મુખ્યમંત્રી ભૂપેન્દ્ર પટેલે આ ગંભીર ક્ષતિ ધ્યાને લઈને બ્રિજના બાંધકામ કરનારા કોન્ટ્રાક્ટર મેસર્સ રોયલ ઇન્ફ્રા એન્જિનિયરિંગ પ્રા. લિ. તથા તેના પ્રતિનિધિઓ સામે લાગુ પડતી કાયદાકીય જોગવાઈઓ અન્વયે ફોજદારી કાર્યવાહી કરવા સૂચનાઓ આપી હતી.મુખ્યમંત્રી ભૂપેન્દ્ર પટેલે આ કાર્યવાહી દ્વારા સ્પષ્ટ સંદેશ આ ઉપરાંત,તેમણે બ્રિજના બાંધકામમાં થયેલી નબળી કામગીરી અને સંબંધિત બેદરકારી અંગે જવાબદાર અધિકારીઓ સામે પણ ગુજરાત રાજ્ય સેવા નિયમો 1971 હેઠળ કાર્યવાહી હાથ ધરવા આદેશ આપ્યા છે. મુખ્યમંત્રી ભૂપેન્દ્ર પટેલે આ કાર્યવાહી દ્વારા સ્પષ્ટ સંદેશ આપ્યો છે કે, રાજ્ય સરકાર જાહેર બાંધકામોમાં ગુણવત્તા અને સલામતી સાથે કોઈ બાંધછોડ ચલાવી લેવા માગતી નથી.મુખ્યમંત્રી અવાર નવાર કહેછે કે બાંધકામની ગુણવત્તામાં ગંભીર ક્ષતિઓ અને જવાબદારીમાં બેદરકારી સામે કાયદા અને નિયમો મુજબ કડક કાર્યવાહી કરવામાં આવશે આ કડક કાર્યવાહીથી તેમની એ વાત સાકાર થઈ છે અને વડાપ્રધાન મોદીએ અપનાવેલી જે કહેવું તે કરવુંની કાર્યશૈલીનું વધુ એક ઉદાહરણ મુખ્યમંત્રીએ પૂરું પાડ્યું છે.આ પણ વાંચોઃ Morbiના હળવદમાં નવરાત્રીમાં શાંતિ ડહોળવાનો પ્રયાસ કરનાર કુખ્યાત આરોપીનું રિકન્સ્ટ્રક્શન

Read Full Story arrow_forward

calendar_today October 18, 2026

Ahmedabad News: એરપોર્ટ પર વિયેતનામથી લવાયેલો ગાંજો ઝડપાયો, બે આરોપીઓની ધરપકડ

અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર કસ્ટમ્સની એર ઇન્ટેલિજન્સ યુનિટ દ્વારા વિદેશથી આવતી ફ્લાઇટ્સ અને શંકાસ્પદ મુસાફરો પર સતત વોચ રાખવામાં આવી રહી હતી.આ સઘન ચેકિંગ દરમિયાન વિયેતનામથી અમદાવાદ એરપોર્ટ પહોંચેલા એક મુસાફરની હિલચાલ શંકાસ્પદ જણાતાં અધિકારીઓએ તેને રોકીને પૂછપરછ શરૂ કરી હતી.મુસાફરના સામાનની ઝીણવટભરી તપાસ હાથ ધરવામાં આવતાં તેની પાસે રહેલી ટ્રોલી બેગમાંથી ખાસ રીતે છુપાવેલા 7 વેક્યૂમ પેકેટ મળી આવ્યા હતા.કસ્ટમ્સ અધિકારીઓએ તાત્કાલિક આ તમામ પેકેટોને બહાર કાઢીને તેનું વજન કરતાં કુલ 2.117 કિલો શંકાસ્પદ વનસ્પતિજન્ય પદાર્થ હોવાનું સામે આવ્યું હતું. ગાંજાના સક્રિય ઘટકો હોવાના સ્પષ્ટ સંકેતો મળ્યાકસ્ટમ્સ તંત્ર દ્વારા આ શંકાસ્પદ જથ્થાનું પરીક્ષણ કરાવવા માટે તાત્કાલિક ફોરેન્સિક સાયન્સ લેબોરેટરી એટલે કે એફએસએલની મદદ લેવામાં આવી હતી. એફએસએલની પ્રાથમિક તપાસમાં આ સાતેય પેકેટમાં ગાંજાના સક્રિય ઘટકો હોવાના સ્પષ્ટ સંકેતો મળ્યા હતા.જેને પગલે કસ્ટમ્સના અધિકારીઓએ આ માદક પદાર્થનો સમગ્ર જથ્થો નિયમ મુજબ જપ્ત કરવાની કાર્યવાહી કરી હતી અને વિયેતનામથી આવેલા મુસાફરને કસ્ટડીમાં લઈ પૂછપરછ શરૂ કરી હતી.કસ્ટમ્સ અધિકારીઓ દ્વારા ઝડપાયેલા મુસાફરની સઘન અને કડક પૂછપરછ હાથ ધરવામાં આવતાં આ કેસમાં અન્ય વ્યક્તિઓની સંડોવણી હોવાની વિગતો પણ સપાટી પર આવી હતી. મુસાફર એરપોર્ટ પર જે ગાંજો લઈને આવ્યો હતો, તેની ડિલિવરી લેવા માટે એરપોર્ટ પરિસરમાં અન્ય એક શખ્સ પણ આવી પહોંચ્યો હતો. વોટ્સએપ ચેટમાંથી મહત્વની વિગતો પ્રકાશમાં આવીકસ્ટમ્સની ટીમે સમયસૂચકતા વાપરીને મુસાફર પાસેથી આ માદક પદાર્થનો જથ્થો સ્વીકારવા આવેલા તે શખ્સને પણ ઝડપી લીધો હતો.અધિકારીઓએ બંને આરોપીઓની અટકાયત કરીને તેમના મોબાઈલ ફોનની તપાસ કરતાં તેમાં રહેલા વોટ્સએપ ચેટમાંથી મહત્વની વિગતો પ્રકાશમાં આવી હતી.આરોપીઓના મોબાઈલના વોટ્સએપ મેસેજમાંથી મુસાફરીના આયોજન અને બેગ અંગેના સંદેશા મળી આવ્યા હતા. તપાસમાં ખુલાસો થયો હતો કે આ સમગ્ર પ્રકરણમાં વિદેશમાં બેઠેલા શખ્સો મુખ્ય ભૂમિકા ભજવી રહ્યા હતા. વિદેશમાં બેઠેલા શખ્સોના કહેવાથી જ આ મુસાફરની મુસાફરી તેમજ સામાનની વ્યવસ્થા કરાઈ હોવાની વિગતો તપાસમાં સામે આવી હતી. એરપોર્ટ પરથી ઝડપાયેલા આ શંકાસ્પદ પદાર્થ અંગે કસ્ટમ્સ વિભાગ દ્વારા નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ એટલે કે એનડીપીએસ એક્ટ હેઠળ કાયદેસરની કાર્યવાહી કરવામાં આવી છે.સમગ્ર નેટવર્ક અંગે વધુ ઊંડાણપૂર્વક તપાસકાયદાકીય પ્રક્રિયા હાથ ધરીને વિયેતનામથી ગાંજો લાવનાર મુસાફર અને તેની ડિલિવરી લેવા આવેલા શખ્સ એમ બંને આરોપીઓની વિધિવત ધરપકડ કરવામાં આવી છે.કસ્ટમ્સ વિભાગ હવે આ સમગ્ર નેટવર્ક અંગે વધુ ઊંડાણપૂર્વક તપાસ ચલાવી રહ્યું છે. વિદેશમાં બેસીને આ કામગીરી કરાવનારા શખ્સો કોણ છે અને તેઓ ક્યાંથી આ નેટવર્ક ઓપરેટ કરી રહ્યા હતા તેની કડીઓ મેળવવા તપાસ તેજ કરાઈ છે. વોટ્સએપ ચેટમાં મળેલા મુસાફરી અને બેગ અંગેના સંદેશાઓના આધારે અન્ય લોકોની સંડોવણી બાબતે પણ વિગતો મેળવવામાં આવી રહી છે. કસ્ટમ્સના અધિકારીઓ આ સમગ્ર આંતરરાષ્ટ્રીય કડીઓની ઊંડાણપૂર્વક તપાસ કરીને આ ગેરકાયદેસર પ્રવૃત્તિના મૂળ સુધી પહોંચવા પ્રયાસ કરી રહ્યા છે. આગામી દિવસોમાં આ સમગ્ર નેટવર્ક સાથે જોડાયેલા વધુ તથ્યો સામે આવવાની શક્યતા છે.આ પણ વાંચોઃ Gandhinagar News: કરજણ નદીના બ્રિજની નબળી ગુણવત્તા સામે સરકારની કાર્યવાહી, કોન્ટ્રાક્ટર સામે પોલીસ ફરિયાદ નોંધાઈ

Read Full Story arrow_forward

calendar_today October 18, 2026

Festival Shopping: દિવાળી-ધનતેરસની ખરીદી ખિસ્સા પર પડશે ભારે, કાજુ-બદામથી ઇલેક્ટ્રોનિક્સ સુધી ભાવમાં ઉછાળો

તહેવારોની સિઝનમાં આ વખતે ખરીદી કરવી લોકોના ખિસ્સા પર ભારે પડી રહી છે. પૂજા-પાઠથી લઈને ખાવા-પીવાની ચીજવસ્તુઓ સુધી દરેક વસ્તુ માટે પહેલાં કરતાં વધુ ખર્ચ કરવો પડી રહ્યો છે. રસોડામાં વપરાતા મસાલા, દાળ-ચોખા અને ખાંડથી લઈને કાજુ-બદામ જેવા સૂકાં મેવા પણ મોંઘા થઈ ગયા છે. ધનતેરસ પર વાસણો ખરીદવા અથવા ઘર માટે ટીવી, ફ્રિજ કે વૉશિંગ મશીન લેવાનું આયોજન કરી રહેલા લોકોના બજેટ પર પણ ભાવવધારાની અસર પડી રહી છે.ઘણી ખાદ્ય ચીજવસ્તુઓના ભાવ થોડા જ દિવસોમાં ઝડપથી વધ્યા છે. બીજી તરફ, ઇલેક્ટ્રોનિક્સ કંપનીઓએ તહેવારોની ઑફર શરૂ થાય તે પહેલાં જ પોતાનાં ઉત્પાદનોના ભાવ વધારી દીધા છે. આવી સ્થિતિમાં ડિસ્કાઉન્ટ અને આકર્ષક ઑફર છતાં ગ્રાહકોએ ખરીદી માટે વધુ પૈસા ખર્ચવા પડી શકે છે.ખાંડથી લઈને જીરા સુધીના ભાવવધારાએ રસોડાનું બજેટ ખોરવ્યુંકરિયાણાના બજારમાં ખાંડના ભાવમાં થતા ઉતાર-ચઢાવને કારણે ગ્રાહકોની મુશ્કેલી વધી છે. લગભગ 20 દિવસ પહેલાં ખાંડનો ભાવ પ્રતિ કિલો ₹70 સુધી પહોંચ્યો હતો, જે ઘટીને ₹50 થયો હતો. જોકે, માત્ર 3 દિવસમાં જ પ્રતિ કિલો ₹8નો વધારો થતાં ખાંડનો ભાવ ફરી વધીને ₹58 થયો છે.મસાલાના ભાવમાં પણ રાહત મળી રહી નથી. ચોમાસું નબળું રહેવાને કારણે પાકના ઉત્પાદન પર અસર પડી છે. તેના કારણે માત્ર 15 દિવસમાં જીરું, ધાણા અને હળદરના ભાવમાં 15 ટકા સુધીનો વધારો થયો છે.મેથીદાણાના ભાવમાં લગભગ 10 ટકાનો વધારો થયો છે. ચણા અને કાળા ચણાના ભાવ 15 ટકા વધ્યા છે, જ્યારે છેલ્લા 2 મહિનામાં ચોખાના ભાવમાં 25 ટકા સુધીનો ઉછાળો આવ્યો છે. મોંઘવારીનો માર માત્ર મોંઘા મસાલા પૂરતો મર્યાદિત નથી. રોજિંદા વપરાશની અનેક ચીજવસ્તુઓ માટે પણ હવે વધુ પૈસા ખર્ચવા પડી રહ્યા છે.એક મહિનામાં સૂકાં મેવાના ભાવમાં મોટો ઉછાળોતહેવારોમાં મીઠાઈ અને સૂકાં મેવાના પૅકેટ ગીફ્ટમાં આપવાની પરંપરા છે. જોકે, આ વખતે બદામ, કાજુ, પિસ્તા, અખરોટની ગીરી અને કિસમિસના ભાવમાં નોંધપાત્ર વધારો થયો છે. તેના કારણે આ ભેટ તૈયાર કરવાનો ખર્ચ પણ વધ્યો છે. પરિણામે, તહેવારોમાં સૂકાં મેવા અને મીઠાઈ ભેટ આપવી લોકોના ખિસ્સા પર વધુ બોજ નાખી રહી છે.સપ્ટેમ્બરની સરખામણીમાં ઑક્ટોબરમાં કરિયાણાના ભાવમાં કેટલો વધારો થયો?- બદામ: ₹900થી વધીને ₹1,200 પ્રતિ કિલો- કાજુ: ₹1,000થી વધીને ₹1,100 પ્રતિ કિલો- પિસ્તા: ₹1,200થી વધીને ₹1,800થી ₹1,900 પ્રતિ કિલો- અખરોટની ગીરી: ₹1,350થી વધીને ₹1,500 પ્રતિ કિલો- જીરું: ₹250થી વધીને ₹300થી ₹350 પ્રતિ કિલો- ધાણા: ₹230થી વધીને ₹280 પ્રતિ કિલો- હળદર: ₹190થી વધીને ₹250 પ્રતિ કિલો- ખાંડ: ₹52થી વધીને ₹58 પ્રતિ કિલો- ચોખા: ₹40થી ₹100ની કિંમતની શ્રેણીમાંથી વધીને ₹60થી ₹120 પ્રતિ કિલો- તુવેરની દાળ: ₹130થી વધીને ₹150 પ્રતિ કિલોઆ ચીજવસ્તુઓમાં પિસ્તાના ભાવમાં સૌથી વધુ ઉછાળો જોવા મળ્યો છે. સપ્ટેમ્બરમાં પ્રતિ કિલો ₹1,200માં મળતા પિસ્તાનો ભાવ હવે ₹1,800થી ₹1,900 સુધી પહોંચ્યો છે. બદામ માટે પણ ગ્રાહકોએ પ્રતિ કિલો ₹300 વધુ ચૂકવવા પડી રહ્યા છે. કાજુનો ભાવ ₹1,000થી વધીને ₹1,100 અને અખરોટની ગીરીનો ભાવ ₹1,350થી વધીને ₹1,500 પ્રતિ કિલો થયો છે. જીરું, ધાણા અને હળદરના વધતા ભાવને કારણે પણ કરિયાણાની ખરીદીનું કુલ બિલ વધી રહ્યું છે.સૂકાં મેવા મોંઘા થતાં ગિફ્ટ પૅકના ભાવ પર પણ અસરભારતમાં સૂકાં મેવાની ઉપલબ્ધતા મોટા પ્રમાણમાં અફઘાનિસ્તાન, ઈરાન અને અમેરિકાથી થતી આયાત પર આધારિત છે. આંતરરાષ્ટ્રીય બજારમાં પુરવઠો, પાકની સ્થિતિ, ડૉલર સામે રૂપિયાની સ્થિતિ તેમજ આયાત અને પરિવહનનો ખર્ચ સ્થાનિક બજારમાં ભાવને સીધી અસર કરે છે.રૂપિયો નબળો પડવાથી અને આયાત ઘટવાથી પણ બજાર પર દબાણ વધ્યું છે. આવી સ્થિતિમાં તહેવારો દરમિયાન સૂકાં મેવાની માંગ વધતાં ભેટ માટેના બજેટ પર ભાવવધારાની અસર સ્પષ્ટ જોવા મળી રહી છે.ચીજવસ્તુઓના ભાવ વધવા પાછળનાં કારણો શું છે?ખાદ્ય ચીજવસ્તુઓની મોંઘવારી પાછળ એકસાથે અનેક કારણો જવાબદાર છે. ડુંગળીના વધતા ભાવ, ખાદ્ય તેલની મોંઘવારી અને ચોખાના ભાવમાં વધારાને કારણે અન્ય ખાદ્ય ચીજવસ્તુઓના ખર્ચ પર પણ દબાણ વધી રહ્યું છે.ઉત્પાદનમાં ઘટાડો અને આગામી દિવસોમાં ભાવ વધુ વધવાની આશંકા વચ્ચે ખેડૂતો તથા મોટા વેપારીઓ દ્વારા માલનો જથ્થો રોકી રાખવામાં આવતો હોવાને પણ મોંઘવારીનું એક કારણ ગણાવવામાં આવે છે. તેના કારણે બજારમાં ચીજવસ્તુઓની ઉપલબ્ધતા પર અસર પડી શકે છે.સૂકાં મેવાના કિસ્સામાં આયાત પર નિર્ભરતા, રૂપિયાની નબળાઈ અને આંતરરાષ્ટ્રીય બજારમાં પુરવઠો મહત્ત્વનાં કારણો છે. બીજી તરફ, ઇલેક્ટ્રોનિક્સનાં ઉત્પાદનોના ભાવ વધવા પાછળ કાચા માલના પુરવઠામાં અડચણ અને ઊર્જા સંકટને કારણભૂત ગણાવવામાં આવે છે. ઈરાન-અમેરિકા વચ્ચેના સંઘર્ષને કારણે પુરવઠા અંગે ઊભી થયેલી અનિશ્ચિતતાની પણ ઉત્પાદન ખર્ચ પર અસર પડી રહી હોવાનું કહેવાય છે.ટીવી, ફ્રિજ અને વૉશિંગ મશીન ખરીદવાં પણ મોંઘાંતહેવારોની સિઝનમાં ઇલેક્ટ્રોનિક્સ કંપનીઓ સામાન્ય રીતે ગ્રાહકોને આકર્ષવા માટે ડિસ્કાઉન્ટ અને ખાસ ઑફર આપે છે. જોકે, આ વખતે તહેવારોની ખરીદી શરૂ થાય તે પહેલાં જ ઉત્પાદનોના ભાવ વધી ગયા છે. કંપનીઓએ તહેવારોની સિઝન પહેલાં ફ્રિજ, ટીવી અને અન્ય ઇલેક્ટ્રોનિક્સ ઉત્પાદનોના ભાવમાં 8થી 10 ટકાનો વધારો કર્યો છે.બજારમાં આ ઉત્પાદનોના ભાવ ગયા વર્ષની સરખામણીમાં લગભગ 10 ટકા વધુ છે. તેના કારણે ઑફર મળવા છતાં ગ્રાહકોએ પહેલાં કરતાં વધુ પૈસા ચૂકવવા પડી શકે છે. ખાસ કરીને તહેવારોના અવસરે નવું ટીવી, ફ્રિજ કે વૉશિંગ મશીન ખરીદવાનું આયોજન કરતાં પરિવારોને પોતાના બજેટમાં ફેરફાર કરવો પડી શકે છે.ધનતેરસ પર વાસણો ખરીદવા માટે પણ બજેટ વધારવું પડશેધનતેરસ પર વાસણો ખરીદવા શુભ માનવામાં આવે છે. આ દિવસે સ્ટીલ, પિત્તળ, તાંબા અને અન્ય ધાતુઓનાં વાસણોની માંગ વધે છે. જોકે, આ વખતે ધાતુઓના ભાવમાં વધારો થતાં વાસણોની ખરીદી પણ મોંઘી થઈ રહી છે. તાંબા અને ઍલ્યુમિનિયમના ભાવમાં 25થી 30 ટકાનો વધારો થયો છે. સ્ટેનલેસ સ્ટીલના ભાવ પણ 15 ટકા સુધી વધ્યા છે.ધાતુઓના ભાવમાં આવેલા ઉછાળાની અસર વાસણોના ઉત્પાદન ખર્ચ પર પડી રહી છે. તેથી ધનતેરસ પર ખરીદી કરનારા ગ્રાહકોએ ગયા વર્ષની સરખામણીમાં વધુ ખર્ચ કરવા તૈયાર રહેવું પડશે.ખાવાની થાળી પણ મોંઘી થઈમોંઘવારીની અસર બજારથી લઈને ઘરના રસોડા અને જમવાની થાળી સુધી પહોંચી છે. ક્રિસિલ ઇન્ટેલિજન્સના અહેવાલ અનુસાર, સપ્ટેમ્બરમાં શાકાહારી થાળીનો ખર્ચ ગયા વર્ષના સમાન મહિનાની સરખામણીમાં 10 ટકા વધ્યો હતો. જ્યારે માંસાહારી થાળીના ખર્ચમાં 6 ટકાનો વધારો થયો હતો.તહેવારો દરમિયાન ઘરોમાં વિવિધ વાનગીઓ બનાવવી, મહેમાનોની આગતા-સ્વાગતા કરવી અને ભેટ ખરીદવા જેવી બાબતોમાં વધારાનો ખર્ચ થતો હોય છે. આવા સમયે કરિયાણું, સૂકાં મેવા, વાસણો અને ઇલેક્ટ્રોનિક્સનાં વધતાં ભાવને કારણે તહેવારોની ખરીદી પહેલાં કરતાં વધુ મોંઘી બની રહી છે.

Read Full Story arrow_forward