Morbiના હળવદમાં નવરાત્રીમાં શાંતિ ડહોળવાનો પ્રયાસ કરનાર કુખ્યાત આરોપીનું રિકન્સ્ટ્રક્શન
મોરબી જિલ્લાના હળવદ શહેરમાં નવરાત્રી મહોત્સવ દરમિયાન શાંતિનો માહોલ ડહોળવાનો નિષ્ફળ પ્રયાસ કરવામાં આવ્યો હતો. નવરાત્રીના પ્રથમ દિવસે જ બાઇક અને કાર સામસામે આવી જતાં સામાન્ય અકસ્માત સર્જાયો હતો. આ અકસ્માત બાદ બંને પક્ષો વચ્ચે ઉગ્ર માથાકૂટ થઈ હતી અને જોતજોતામાં મામલો ગંભીર મારામારી સુધી પહોંચી ગયો હતો. ઘટનાને પગલે નવરાત્રીના પવિત્ર તહેવાર ટાણે સ્થાનિક રહીશો અને ખેલૈયાઓમાં ભારે અફરાતફરી અને ભયનો માહોલ સર્જાયો હતો.ભારે પોલીસ કાફલા સાથે ઘટનાસ્થળે રિકન્સ્ટ્રક્શનબનાવની ગંભીરતાને ધ્યાને લઈને પોલીસ તંત્ર દ્વારા ત્વરિત અને આકરી કાર્યવાહી કરવામાં આવી છે. હળવદ પોલીસે DySP, LCB PI તેમજ પોલીસ જવાનોના મોટા કાફલા સાથે ઘટનાસ્થળે પહોંચીને મુખ્ય આરોપીનું કડક સુરક્ષા વચ્ચે રિકન્સ્ટ્રક્શન કરાવ્યું હતું. ગુનેગારોમાં કાયદાનો ભય રહે અને સામાન્ય જનતામાં સુરક્ષાની ભાવના મજબૂત થાય તે હેતુથી પોલીસે આ વિસ્તારમાં આરોપીને સાથે રાખીને આખી ઘટનાનું પુનરાવર્તન (રીકન્સ્ટ્રક્શન) કર્યું હતું.રાજકોટનો કુખ્યાત આરોપી 33થી વધુ ગુનામાં સંડોવાયેલોરિકન્સ્ટ્રક્શન દરમિયાન સામે આવ્યું છે કે ઝડપાયેલો આરોપી સદ્દામ હુસૈન મૂળ રાજકોટનો કુખ્યાત શખ્સ છે અને તેની સામે અગાઉ વિવિધ પોલીસ સ્ટેશનોમાં ૩૩થી વધુ ગંભીર ગુનાઓ નોંધાયેલા છે. આ હિંસક માથાકૂટના પ્રકરણમાં બંને પક્ષો દ્વારા સામસામે ફરિયાદો દાખલ કરવામાં આવી છે. તે સિવાય કાયદો અને વ્યવસ્થા જાળવવાના ભાગરૂપે પોલીસે પોતે પણ ફરિયાદી બનીને ગુનો દાખલ કર્યો છે અને આગળની કાયદેસરની કાર્યવાહી હાથ ધરી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
