Community News & Updates

Stay informed with the latest happenings, achievements, and announcements from our community.

All News

calendar_today October 20, 2026

Vyara : નિઝર-કુકરમુંડાની વિવિધ શાળાઓમાં ગરબાની રમઝટ

નિઝરની સરદાર વલ્લભભાઇ વિદ્યાલય અને સરકારી મોડલ સ્કુલ સહિત કુકરમુંડા તાલુકાની વિવિધ શાળાઓમાં વિદ્યાર્થીઓએ ગરબે ધુમી નવરાત્રિની ઉજવણી કરી હતી. નવરાત્રિ પર્વના સાતમા દિવસે નિઝર અને કુકરમુંડા તાલુકાની વિવિધ શાળાઓમાં ગરબાનું આયોજન કરવામાં આવ્યું હતું. મા દુર્ગાના સાતમા સ્વરૂપ મા કાલરાત્રિની આરાધના સાથે શાળાઓમાં વિદ્યાર્થીઓએ પરંપરાગત ગરબા રમી નવરાત્રિ પર્વની ઉત્સાહભેર ઉજવણી કરી હતી. વિદ્યાર્થીઓ સાથે શાળાના આચાર્યો, શિક્ષકો સહિતના તમામ કર્મચારીઓએ ગરબામાં જોડાઇને ઉત્સવની ઉજવણીમાં સહભાગી બન્યા હતા. કુકરમુંડા તાલુકામાં પ્રાથમિક શાળા રાજપુર, પ્રાથમિક શાળા મૌલીપાડા(બેજ), ચીખલીપાડા, મૌલીપાડા(આમોદા) તેમજ પીએમ શ્રી કેન્દ્ર શાળા બેજ ખાતે ગરબાનું આયોજન કરવામાં આવ્યું હતું. વિવિધ શાળાઓમાં આયોજીત ગરબા કાર્યક્રમોમાં વિદ્યાર્થીઓએ ઉત્સાહભેર ભાગ લીધો હતો. પરંપરાગત વેશભુષા, ગરબાના તાલ અને ભકિતમય વાતાવરણ વચ્ચે નવરાત્રિનો રંગ જામ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 20, 2026

Mandvi : રતનીયા શાળાનો વિદ્યાર્થી લાંબી કૂદ સ્પર્ધામાં ઝળક્યો

અંધાત્રી(માંડવી) : નડિયાદના સ્પોર્ટ્સ કોમ્પ્લેક્સ ખાતે રાજ્યકક્ષાની શાળાકીય રમતોત્સવ એથ્લેટિક્સ સ્પર્ધા યોજાઈ હતી. આ સ્પર્ધામાં માંડવી તાલુકાના રતનીયા ગામની પ્રાથમિક શાળાના વિદ્યાર્થી યશકુમાર ગિરીશભાઈ ગામીતે અન્ડર-14 વિભાગની લાંબી કૂદ સ્પર્ધામાં ભાગ લીધો હતો. યશકુમારે આ ઇવેન્ટમાં ઉત્કૃષ્ટ પ્રદર્શન કરીને સમગ્ર રાજ્યમાં 6 ઠ્ઠો ક્રમાંક મેળવીને શાળાને ગૌરવ અપાવ્યું છે. વિદ્યાર્થીની આ સિદ્ધિ પાછળ તાલુકા કક્ષાના અધિકારી મધુબેન અને અન્ય તાલુકા કક્ષાના અધિકારીઓએ જરૂરી માર્ગદર્શન પૂરું પાડયું હતું. શાળાના આચાર્ય અર્જુનભાઈ ચૌધરી અને સમગ્ર સ્ટાફે યશકુમારને અભિનંદન પાઠવ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 20, 2026

Navasari : ના બોરસી માછીવાડથી દીપલા સુધી દરિયાકાંઠે મરીન કમાન્ડોનું ચેકિંગ

નવસારી : ગુજરાત રાજ્યના દરિયાઈ સુરક્ષાચક્રને વધુ મજબૂત કરવા અને આતંકવાદી પ્રવૃત્તિઓ સામે તકેદારીના ભાગરૂપે અને કચ્છમાં પાકિસ્તાની બોટ પકડાયા બાદ નવસારી જિલ્લાના દરિયાકાંઠે મરીન ટાસ્કફોર્સ દ્વારા સઘન કોસ્ટલ ફૂટ પેટ્રોલિંગ હાથ ધરવામાં આવ્યું છે. દરિયાઈ કાંઠા વિસ્તારમાંથી મળી આવતા શંકાસ્પદ શખ્સો, શંકાસ્પદ બોટ, બિનવારસી ડ્રગ્સ પેકેટ્સ, ડ્રોન, દાણચોરી તેમજ કેફી પદાર્થોની ગેરકાયદેસર હેરાફેરી અટકાવવાના હેતુથી આ ખાસ કામગીરી હાથ ધરાઈ હતી. જેમાં ઉચ્ચ પોલીસ અધિકારીઓ એ.ટી.એસ. અને કોસ્ટલ સિક્યુરિટીના એડિશનલ ડીજીપી અમિતકુમાર વિશ્વકર્મા, મરીન ટાસ્કફોર્સના ડીઆઈજી એ.એમ. મુનિયા તથા પોલીસ અધિક્ષક એસ.જે. પરમારના સીધા માર્ગદર્શન હેઠળ નવસારી મરીન સેક્ટરના અધિકારીઓ અને મરીન કમાન્ડોની અલગ-અલગ હિટ ટીમોએ નવસારી જિલ્લાના દરિયાકાંઠાનાં ગામ બોરસી માછીવાડથી લઇને દીપલા સુધીના તમામ સંવેદનશીલ વિસ્તારોમાં ફૂટ પેટ્રોલિંગ કર્યું હતું. મરીન પોલીસે દરિયાકાંઠે ફરતા શંકાસ્પદ ઇસમો, શંકાસ્પદ વાહનો, માછીમારી બોટો તેમજ કાંઠા વિસ્તારની અવાવરું જગ્યાઓનું સઘન ચેકિંગ હાથ ધર્યું હતું.જોકે આ લખાઈ રહ્યું છે ત્યાં સુધીમાં કોઈ વાંધાજનક વસ્તુ મળી નથી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward