Community News & Updates

Stay informed with the latest happenings, achievements, and announcements from our community.

All News

calendar_today October 20, 2026

Bardoali : ના વિદ્યાર્થી વિશાલ પટેલની વીર નર્મદ યુનિવર્સિટીની સ્વિમિંગ-વોટર પોલો ટીમમાં પસંદગી

બારડોલીની પી.આર.બી. આર્ટસ એન્ડ પી.જી.આર. કોમર્સ કોલેજના ખેલાડી વિશાલ શંકરભાઈ પટેલની વીર નર્મદ દક્ષિણ ગુજરાત યુનિવર્સિટી સુરતની સ્વિમીંગ અને વોટર પોલો એમ બંને ટીમોમાં સતત બીજી વખત પસંદગી થઈ છે. વિશાલ તા.17 થી 21 ડિસેમ્બર દરમિયાન એસ.આર.એમ. યુનિવર્સિટી ચેન્નાઈ ખાતે યોજાનારી સ્વિમિંગ ચેમ્પિયનશિપમાં ભાગ લેશે. ત્યારબાદ 9 માર્ચથી 11 માર્ચ 2027 દરમિયાન યુનિવર્સિટી ઓફ કલકત્તા ખાતે યોજાનારી વોટર પોલો સ્પર્ધામાં પણ ભાગ લેશે. વિશાલને કોલેજના કાર્યકારી આચાર્ય ડો. ભાવિન પુરોહિત, બારડોલી પ્રદેશ કેળવણી મંડળના પદાધિકારીઓ તથા જિમખાના ચેરમેન પ્રા.ચિરાગભાઈ દેસાઈ તેમજ કોલેજ પરીવારે અભિનંદન પાઠવ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 20, 2026

Bardoali : ના બાબેનની વસિષ્ઠ જેનેસીસ સ્કૂલ દ્વારા નવરાત્રી મહોત્સવની ઉજવણી કરાઈ

બારડોલીના બાબેનમાં આવેલ વસિષ્ઠ જેનેસીસ સ્કૂલના ગુજરાતી માધ્યમમાં ધોરણ-5 થી 10ના વિદ્યાર્થીઓએ નવરાત્રીની ઉત્સાહભેર ઉજવણી કરી હતી. ટ્રેડિશનલ ડ્રેસમાં સજ્જ વિદ્યાર્થીઓએ ગરબાની રમઝટ જમાવી હતી. ગરબા સ્પર્ધા યોજાઈ હતી. જેમાં રાજભાઈ પટેલ અને પ્રતિકભાઈ ઠાકોરે નિર્ણાયક તરીકેની ભૂમિકા ભજવી હતી. વિજેતા વિદ્યાર્થીઓને સ્મૃતિભેટ આપીને સન્માનિત કરવામાં આવ્યા હતા. શાળાના ચેરમેન રમણિકભાઈ ડાવરીયા, ડાયરેકટર વિજયભાઈ ડાવરીયા તેમજ રવિભાઈ ડાવરીયા અને શાળા પરિવારે નવરાત્રિની શુભેચ્છાઓ પાઠવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 20, 2026

Vyara : નિઝર-કુકરમુંડાની વિવિધ શાળાઓમાં ગરબાની રમઝટ

નિઝરની સરદાર વલ્લભભાઇ વિદ્યાલય અને સરકારી મોડલ સ્કુલ સહિત કુકરમુંડા તાલુકાની વિવિધ શાળાઓમાં વિદ્યાર્થીઓએ ગરબે ધુમી નવરાત્રિની ઉજવણી કરી હતી. નવરાત્રિ પર્વના સાતમા દિવસે નિઝર અને કુકરમુંડા તાલુકાની વિવિધ શાળાઓમાં ગરબાનું આયોજન કરવામાં આવ્યું હતું. મા દુર્ગાના સાતમા સ્વરૂપ મા કાલરાત્રિની આરાધના સાથે શાળાઓમાં વિદ્યાર્થીઓએ પરંપરાગત ગરબા રમી નવરાત્રિ પર્વની ઉત્સાહભેર ઉજવણી કરી હતી. વિદ્યાર્થીઓ સાથે શાળાના આચાર્યો, શિક્ષકો સહિતના તમામ કર્મચારીઓએ ગરબામાં જોડાઇને ઉત્સવની ઉજવણીમાં સહભાગી બન્યા હતા. કુકરમુંડા તાલુકામાં પ્રાથમિક શાળા રાજપુર, પ્રાથમિક શાળા મૌલીપાડા(બેજ), ચીખલીપાડા, મૌલીપાડા(આમોદા) તેમજ પીએમ શ્રી કેન્દ્ર શાળા બેજ ખાતે ગરબાનું આયોજન કરવામાં આવ્યું હતું. વિવિધ શાળાઓમાં આયોજીત ગરબા કાર્યક્રમોમાં વિદ્યાર્થીઓએ ઉત્સાહભેર ભાગ લીધો હતો. પરંપરાગત વેશભુષા, ગરબાના તાલ અને ભકિતમય વાતાવરણ વચ્ચે નવરાત્રિનો રંગ જામ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward