Community News & Updates

Stay informed with the latest happenings, achievements, and announcements from our community.

All News

calendar_today October 20, 2026

Ahmedabad News: દશેરાએ ફાફડા જલેબીનો ચસ્કો મોંઘો, અધધધ ભાવ છતાં એડવાન્સ બુકિંગનો ધસારો

દશેરાના તહેવાર નિમિત્તે ફાફડા અને જલેબી ખાવાની પરંપરા આ વર્ષે મોંઘવારી વચ્ચે પણ ખૂબ ઉત્સાહપૂર્વક જળવાઈ રહી છે.સામાન્ય રીતે દશેરાના દિવસે લોકો સવારથી જ ગરમાગરમ ફાફડા અને જલેબી ખાવાનું પસંદ કરતા હોય છે.પરંતુ આ વખતે મોંઘવારીના કારણે આ સ્વાદિષ્ટ ચસ્કો વધુ ખર્ચાળ બન્યો છે.બજારમાં ફાફડાના ભાવમાં સીધો કિલોએ 100 રૂપિયાનો વધારો નોંધાયો છે. જેના પરિણામે ફાફડાનો ભાવ હવે પ્રતિ કિલો 900 રૂપિયા સુધી પહોંચી ગયો છે.બીજી તરફ શુદ્ધ ઘીની જલેબીના ભાવમાં પણ કિલોએ 100 રૂપિયાનો જંગી વધારો થયો છે. જેના કારણે ઘીની જલેબી હવે પ્રતિ કિલો 1000 રૂપિયાના ભાવે વેચાઈ રહી છે.આ રીતે પ્રતિ કિલોએ સો રૂપિયા જેટલો તોતિંગ ભાવવધારો થયો હોવા છતાં સ્વાદના શોખીનોના ઉત્સાહમાં કોઈ ઘટાડો થયો નથી. મોંઘાદાટ ફાફડા અને જલેબીની ખરીદીલોકો કોઈપણ જાતના સંકોચ વિના ખુશી અને શોખથી આ મોંઘાદાટ ફાફડા અને જલેબીની ખરીદી કરી રહ્યા છે.મોંઘવારીના આકરા માર વચ્ચે પણ લોકો તહેવારની મજા માણવા માટે ઉત્સુક જણાય છે.દશેરાના દિવસે વહેલી સવારથી જ ફરસાણ અને મીઠાઈની તમામ દુકાનોમાં ભારે ભીડ જોવા મળી રહી છે.લોકો સૂર્યોદય પહેલાંથી જ દુકાનો બહાર પહોંચી ગયા હતા.જેના લીધે અનેક જગ્યાએ લાંબી કતારો દ્રશ્યમાન થઈ હતી.છેલ્લી ઘડીએ ખરીદીમાં પડતી અસુવિધા અને કતારોથી બચવા માટે ઘણા ગ્રાહકોએ અગાઉથી જ એડવાન્સ બુકિંગ કરાવી લીધું હતું.આ વર્ષે ફાફડા અને જલેબી માટે એડવાન્સ બુકિંગ કરાવવાનો પણ ગ્રાહકોમાં ભારે ધસારો જોવા મળ્યો હતો. પોતાનો વારો આવે તેની ધીરજપૂર્વક રાહ જોઈ રહ્યા છેવેપારીઓ પાસે અગાઉથી મોટા પ્રમાણમાં ઓર્ડર નોંધાયેલા હોવા છતાં આજે સવારથી સીધી ખરીદી કરવા આવનારા લોકોની સંખ્યા પણ ખૂબ વિશાળ રહી છે.લોકો કલાકો સુધી લાઈનમાં ઊભા રહીને પણ પોતાનો વારો આવે તેની ધીરજપૂર્વક રાહ જોઈ રહ્યા છે.આ પરિસ્થિતિ દર્શાવે છે કે ઊંચા ભાવો પણ લોકોના ઉત્સાહને ઓછો કરી શક્યા નથી અને દશેરાના પર્વે ફાફડા-જલેબીની જબરદસ્ત જાયફત જામી છે.તહેવારના માહોલમાં લોકો પોતાના પરિવારજનો સાથે આ પરંપરાગત વાનગીઓનો ભરપૂર આનંદ માણી રહ્યા છે.આજના તહેવારના દિવસે સ્વાદ રસિયાઓમાં આરોગ્ય અને ગુણવત્તા બાબતે પણ ભારે ચિંતા અને જાગૃતિ જોવા મળી રહી છે. ભેળસેળવાળા ફાફડા કે ભેળસેળવાળી જલેબી ન મળે તેવી લાગણીતહેવારના સમયમાં બજારમાં કોઈપણ જગ્યાએ ભેળસેળવાળા ફાફડા કે ભેળસેળવાળી જલેબી ન મળે તેવી પ્રબળ લાગણી સ્વાદરસિયાઓ વ્યક્ત કરી રહ્યા છે.લોકોનું સ્પષ્ટ માનવું છે કે જ્યારે તેઓ કિલોના 900 અને 1000 રૂપિયા જેવા ઊંચા દામ આપી રહ્યા છે,ત્યારે તેમને સંપૂર્ણપણે સાત્વિક, તાજા અને શુદ્ધ ઘી-તેલમાંથી બનેલા ખાદ્ય પદાર્થો જ મળવા જોઈએ. ભેળસેળની આશંકા વચ્ચે પણ ગ્રાહકો માત્ર વિશ્વસનીય ગુણવત્તા આપતી દુકાનો પર જ પસંદગી ઉતારી રહ્યા છે.આમ,ભાવવધારા અને ભેળસેળની ચિંતા વચ્ચે પણ દશેરાના પવિત્ર દિવસે ફાફડા અને જલેબીની ભવ્ય જાયફત સમગ્ર બજારમાં કેન્દ્રસ્થાને રહી છે.આ પણ વાંચોઃ Ahmedabad News: શહેરમાં 10 દિવસમાં લોકોએ 2 કરોડની કિંમત સુધીની લક્ઝુરિયસ કાર ખરીદી, જાણો ટુવ્હીલર કેટલા વેચાયા?

Read Full Story arrow_forward

calendar_today October 20, 2026

Ahmedabad News: ગટરમાં ખાબકેલી પ્રજ્ઞાચક્ષુ બાળકી 9 દિવસથી લાપતા, નિષ્ફળ તંત્રએ ઢાંકણું ઢાંકીને સંતોષ માન્યો

અમદાવાદમાં 10 ઓક્ટોબરને શનિવારે બપોરે ત્રણ વાગ્યાના સુમારે નારોલ-વિશાલા નેશનલ હાઈવે ઉપર પીપળજ-પીરાણા રોડ પાસે ખુલ્લી એક ગટરમાં પ્રજ્ઞાચક્ષુ મનીષા નામની નવ વર્ષની દીકરી અજાણતાં પડી જાય છે.આ ઘટનાના નવ દિવસ પછી 19 ઓક્ટોબરે જે ગટરમાં મનીષા પડી હતી તે ગટર ઉપર ઢાંકણું મૂકી દઈ આજુબાજુ માટી પાથરી દેવામાં આવે છે.દરેક ઘટનામાં સ્થળ ઉપર દોડી જતા શહેરના મેયર હિતેશ બારોટ સહિતના અમુકરોના ઉચ્ચ અધિકારીઓ અને પદાધિકારીઓ પહેલા દિવસે પબ્લિસિટી લેવા ઘટનાસ્થળે પહોંચ્યા પછી ક્યારેય કામગીરી જોવા માટે પણ પહોંચ્યા નહોતા એમ સત્તાવાર સૂત્રોમાંથી જાણવા મળ્યું છે.ઢાંકણું નેશનલ હાઈવે ઓથોરિટી દ્વારા મુકાયું હશેપહેલા દિવસની જેમ ફરી એક વખત ખુલ્લી ગટર ઉપર ઢાંકણું નેશનલ હાઈવે ઓથોરિટી દ્વારા મુકાયું હશે.એવો જવાબ ઉત્તર ઝોનના એડિશનલ સિટી ઈજનેર હિમાંશુ મહેતા દ્વારા આપવામાં આવે છે. આઘાતજનક બાબત એ છે કે,એડિશનલ સિટી ઈજનેર, ડ્રેનેજ પ્રોજેક્ટ વોટર અને ડ્રેનેજ જેવા મહત્વના બે પ્રોજેક્ટની કામગીરી સંભાળતા વિજય પટેલને તો ગટર ઉપર ઢાંકણું મૂકી દેવાયું તે પણ ખબર નથી. તેમણે કહ્યું, ‘હું તમને પૂછીને કહું.’ પછી તેમણે સંપર્ક જ ના કર્યો. અધિકારીઓ આટલા લાગણીહીન કઈ રીતે બની શકે છેઈન્ચાર્જ ચીફ ફાયર ઓફિસર જયેશ ખડિયાએ કહ્યું,ફાયરના જવાનો નદીમાં આવેલા આઉટલેટ આસપાસ દીકરીની શોધ કરી રહ્યા છે.આનાથી વધુ બેદરકારી બીજી કઈ હોઈ શકે?દર મહિને મોટા પગાર મેળવવા ઉપરાંત એરકન્ડિશન્ડ કાર અને ઓફિસમાં બેસી ફરજ બજાવતા અમ્યુકોના ક્લાસ વન અધિકારીઓને,નવ દિવસ પહેલાં ખુલ્લી ગટરમાં ગરકાવ થયેલી પ્રજ્ઞાચક્ષુ નવ વર્ષની દીકરીને શોધવાની કામગીરી અંગે પૂછવામાં આવેલા પ્રશ્નો અને તેમના દ્વારા અપાયેલા જવાબો પરથી એમ લાગે કે, આ અધિકારીઓ આટલા લાગણીહીન કઈ રીતે બની શકે છે ? નેશનલ હાઈવે ઓથોરિટી પર જવાબદારી થોપી દઈ આ તમામ અધિકારીઓ કઈ રીતે શાંતિથી ઊંઘી શકે છે?ઘટનાસ્થળની ગટર પૂરી દેવાતાં અનેક શંકા કુશંકાઓબાળકી હજુ સુધી મળી નથી ત્યાં જ ઘટનાસ્થળ પર આવેલી ખુલ્લી અને ઊંડી ગટરને તંત્ર દ્વારા માટી પૂરીને બંધ કરી દેવામાં આવતાં વિવાદ વધુ ઘેરો બન્યો છે. બાળકીની શોધખોળ હજુ ચાલુ છે કે પછી તંત્રએ શોધખોળ બંધ કરીને હાથ ઊંચા કરી લીધા છે, તે અંગે સ્થાનિકોમાં ભારે રોષ જોવા મળી રહ્યો છે. ગટર પૂરવાનો નિર્ણય કોણે અને કયા આધારે લીધો તે અંગે પણ અનેક શંકા-કુશંકાઓ સેવાઈ રહી છે, જેનાથી તંત્રની દાનત અને ભૂમિકા સામે આંગળીઓ ચિંધાઈ રહી છે.જવાબદાર અધિકારીઓ સામે આકરાં પગલાં ક્યારે?નારોલ-પીરાણા રોડ જેવા વ્યસ્ત વિસ્તારમાં ખુલ્લી ડ્રેનેજ લાઈન રાખવા બદલ અને આવી જીવલેણ બેદરકારી દાખવવા બદલ જવાબદાર અધિકારીઓ સામે ક્યારે કાર્યવાહી કરવામાં આવશે તે મોટો પ્રશ્ન બની ગયો છે. 9 દિવસ વીતી જવા છતાં બાળકીનો પત્તો ન મળવા પાછળ તંત્રની ઘોર બેદરકારી છે કે પછી વહીવટી તંત્રની સંપૂર્ણ નિષ્ફળતા, તેની જવાબદારી સ્વીકારવા કોઈ તૈયાર નથી. સ્થાનિક રહીશો અને પીડિત પરિવારે જવાબદાર અધિકારીઓ સામે સખત કાર્યવાહી કરવાની અને બાળકીની શોધખોળ ઝડપી બનાવવાની આકરી માગ કરી છે.કોર્પોરેશનના અધિકારીઓએ શું જવાબો આપ્યાગટર ઉપર ઢાંકણું નેશનલ હાઈવે ઓથોરિટી દ્વારા મુકાયું હશે.કદાચ નેશનલ હાઈવે ઓથોરિટી અને ફાયરનો સ્ટાફ એકબીજાના સંકલનમાં હશે તેથી તેમણે ખબર હશે:હિમાંશુ મહેતા એડિશનલ સિટી ઈજનેર ઉત્તર ઝોનફાયરના જવાનો સાબરમતી નદીમાં જ્યાં ડ્રેનેજના આઉટલેટ ખુલે છે તેવી તમામ સંભવિત જગ્યાઓમાં પેટ્રોલિંગ કરી અને કિનારા ઉપર વાંસી દ્વારા દેખરેખ રાખી શોધખોળ કરે છે:જયેશ ખડિયા ઈન્ચાર્જ ચીફ ફાયર ઓફિસરખુલ્લી ગટર ઉપર ઢાંકણું મૂકી દેવાયું? એ અંગે મારે હિમાંશુ મહેતાને પૂછવું પડશે: વિજય પટેલ સિટી ઈજનેરનેશનલ હાઈવે ઓથોરિટી જ ગટરના ઢાંકણાં મૂકે અને ખોલે : હર્ષાબેન પટેલ એડિશનલ સિટી ઈજનેર ડ્રેનેજ પ્રોજેક્ટપ્રશ્ન : પીપળજ રોડ ઉપર ખુલ્લી ગટરમાં દીકરી પડી ગઈ હતી, તે ગટરનું ઢાંકણું ફરીથી મૂકી દેવાયું?જવાબ : આપણી આ રોડ નેશનલ હાઈવે ઓથોરિટીને ડેવલપ કરવા આપી દીધો છે. એટલે ગટરના ઢાંકણાં પણ નેશનલ હાઈવે ઓથોરિટી મૂકે અને ખોલે પણ નેશનલ હાઈવે ઓથોરિટી.પ્રશ્ન : પરંતુ અમ્યુકોની સુપરવિઝન કરવાની કોઈ જવાબદારી બને કે કેમ?જવાબ : ના ના બધું નેશનલ હાઈવે ઓથોરિટીને જ જોવાનું

Read Full Story arrow_forward

calendar_today October 20, 2026

Morbi: શેરબજારમાં જંગી કમાણીની લાલચે વેપારીના ₹84.80 લાખ સ્વાહા! ‘Galad Arab’ એપથી સર્જાયો ઠગાઈનો ખેલ

ઔદ્યોગિક પાટનગર મોરબીમાં શેરબજાર અને આઈપીઓમાં રોકાણના નામે મસમોટા વળતરની લાલચ આપી નાગરિકોની જીવનભરની મૂડી સાફ કરી નાખતી સાયબર ગેંગ સક્રિય બની છે. મોરબીમાં જંતુનાશક દવાનો વ્યવસાય કરતા સ્થાનિક વેપારી વિજ્ઞેશ પરમારને શેરબજારના ટ્રેડિંગમાં રોકાણ કરાવી અધધ નફો કમાઈ આપવાની લાલચ આપીને અજાણ્યા સાયબર ગઠિયાઓએ રૂપિયા 84.80 લાખની તોતિંગ રકમની છેતરપિંડી આચરી હોવાની સનસનાટીભરી ફરિયાદ નોંધાઈ છે. સાયબર ઠગોએ વેપારીને ભરોસામાં લેવા માટે બનાવટી એપ્લિકેશનનો ઉપયોગ કરી આખું ષડયંત્ર પાર પાડ્યું હતું.‘Vip 2 investment alliance training group A’ દ્વારા બિછાવી જાળસાયબર ઠગોએ વેપારી વિજ્ઞેશ પરમારના મોબાઈલ નંબરને ‘Vip 2 investment alliance training group A’ નામના વોટ્સએપ ગ્રૂપમાં સામેથી એડ કર્યો હતો.આ ગ્રૂપમાં અગાઉથી સંડોવાયેલા એડમિન અને બોગસ સભ્યો દ્વારા શેરબજારમાં રોકાણ કરીને લાખો રૂપિયાનો નફો કમાઈ લીધાના ફેક સ્ક્રીનશોટ્સ અને મેસેજ સતત મોકલવામાં આવતા હતા.વેપારીને વિશ્વાસમાં લઈ બે અલગ-અલગ લિસ્ટેડ કંપનીઓના શેરમાં પ્રાઇવેટ એલોટમેન્ટ અને બ્લોક ડીલ થકી ખૂબ જ ટૂંકા ગાળામાં જંગી રિટર્ન મળવાની લાલચ આપવામાં આવી હતી.‘Galad Arab’ એપ ડાઉનલોડ કરાવી આભાસી નફો દેખાડ્યોવેપારીને શંકા ન જાય તે માટે આરોપીઓએ હાઇટેક સ્કેમ રચી નાણાં પડાવ્યા. ઠગોએ વેપારીના ફોનમાં ‘Galad Arab’ નામની એક થર્ડ-પાર્ટી અજાણી એપ્લિકેશન ડાઉનલોડ કરાવી હતી.વેપારી દ્વારા રોકાણ પેટે મોકલવામાં આવતા નાણાં આ એપ્લિકેશનના વોલેટમાં જમા દેખાતા હતા અને સાથે સાથે શેરના ભાવ વધતાં નફો પણ સ્ક્રીન પર લાખો રૂપિયામાં દર્શાવવામાં આવતો હતો.જ્યારે વેપારીએ પોતાનો નફો અને મૂળ રકમ ઉપાડવા (વિથડ્રો કરવા) નો પ્રયાસ કર્યો ત્યારે ઠગોએ ટેક્સ, સર્વિસ ચાર્જ અને કમિશનના બહાના હેઠળ વધુ પૈસાની માંગણી ચાલુ રાખી હતી.આખરે નફો કે મૂળ રકમ કશું જ પરત ન મળતાં વેપારીને ભાન થયું કે એપમાં દેખાતી બેલેન્સ માત્ર ડિજિટલ છેતરપિંડી હતી અને પોતે ₹84,80,000ગુમાવી ચૂક્યા છે.મોરબી સાયબર ક્રાઇમ પોલીસ મથકે ગુનો દાખલપોતાની સાથે થયેલી વિશાળ ઠગાઈનો અહેસાસ થતાં વેપારીએ પોલીસનો સંપર્ક સાધ્યો હતો.મોરબી સાયબર ક્રાઇમ પોલીસે ભોગ બનનાર વેપારી વિજ્ઞેશ પરમારની ફરિયાદના આધારે બે વોટ્સએપ મોબાઈલ નંબર તેમજ તપાસ દરમિયાન આ કૌભાંડમાં જેમના પણ નામ કે ભૂમિકા ખુલે તે તમામ વિરુદ્ધ કાયદેસરનો ગુનો દાખલ કર્યો છે.સાયબર ટીમો દ્વારા જે જે બેંક ખાતાઓમાં પૈસા ટ્રાન્સફર કરાવવામાં આવ્યા હતા તે તમામ એકાઉન્ટ્સની વિગતો મેળવીને રકમ ફ્રીઝ કરાવવાની તજવીજ હાથ ધરાઈ છે.‘Galad Arab’ એપ સાથે સંકળાયેલા આઈપી એડ્રેસ અને સર્વર લોકેશન મેળવી આંતરરાજ્ય સાયબર નેટવર્ક સુધી પહોંચવા ચક્રો ગતિમાન કરાયા છે.આ પણ વાંચો: Rajkot: શહેરમાં વાયરલ અને મચ્છરજન્ય રોગચાળાનો વિસ્ફોટ, સરકારી અને ખાનગી દવાખાનાઓમાં દર્દીઓની લાંબી કતારો

Read Full Story arrow_forward