Panchmahal: બોડેલીનાં સુપ્રસિદ્ધ ઝંડ હનુમાન ખાતે શ્રાવણી શનિવારે ભક્તોનું ઘોડાપૂર
જાંબુઘોડા અભયારણ્યની ગીચ હરિયાળી વચ્ચે આવેલા સુપ્રસિદ્ધ યાત્રાધામ ઝંડ હનુમાન ખાતે પવિત્ર શ્રાવણ માસના ત્રીજા શનિવારે ભક્તોનું ઘોડાપૂર ઉમટયું હતું. વહેલી સવારથી જ દૂરદૂરના વિસ્તારોમાંથી હજારોની સંખ્યામાં ભાવિક ભક્તો ઝંડ હનુમાનના દર્શનાર્થે ઉમટી પડતાં સમગ્ર પંથક ભક્તિમય બની ગયો હતો.જાંબુઘોડાને અડીને આવેલા બોડેલી તાલુકાના ઝંડ ગામે આવેલ સુપ્રસિદ્ધ યાત્રાધામ ઝંડ હનુમાન ખાતે શ્રાવણ માસના ત્રીજા શનિવારને લઈ વહેલીસવારના 4 વાગ્યાથી જ ભક્તો મોટી સંખ્યામાં ઊમટી પડયા હતાં. જાંબુઘોડાથી ઝંડ હનુમાન તરફ્ જતો આશરે 11 કિ.મી.નો માર્ગ વાહનોથી ધમધમી ઉઠયો હતો. બજરંગબલી કી જયક્રના જયઘોષ સાથે અનેક ભક્તો હનુમાન ચાલીસાના પાઠ કરતા પગપાળા ઝંડ ધામ તરફ્ આગળ વધતા જોવા મળ્યા હતા. જેને લઈને મંદિર પરિસર નજીક ટ્રાફ્કિજામના દ્રશ્યો સર્જાયા હતા.પોલીસે પણ બંદોબસ્ત ગોઠવી ટ્રાફ્કિ જામ ન થાય અને અહીં આવતા ભક્તોને કોઈ તકલીફ્ ના પડે તેનું પણ ખાસ ધ્યાન રાખવામાં આવ્યું હતું. ભક્તોની સેવા માટે જાંબુઘોડા, બોડેલી, હાલોલ, વડોદરા સહિતના વિવિધ વિસ્તારોના સેવાભાવી ગ્રુપો દ્વારા માર્ગમાં ઠેરઠેર ભંડારા યોજાયા હતાં. જ્યાં ઠંડા પીણા અને નાસ્તાની પણ વ્યવસ્થા કરાઈ હતી. વડોદરા શહેર અને આસપાસના વિસ્તારના શ્રદ્ધાળુઓની સંખ્યા નોંધપાત્ર રહી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
