Community News & Updates

Stay informed with the latest happenings, achievements, and announcements from our community.

All News

calendar_today October 21, 2026

Gandhinagar News : ગરબાની તકરાર લોહિયાળ બની, અરવિંદસિંહ ચાવડા પર 3 રાઉન્ડ ફાયરિંગ, 8 શખ્સો સામે ફરિયાદ નોંધાઈ

ગાંધીનગર જિલ્લાના માણસા તાલુકામાં આવેલા વરસોડા ગામમાં કાયદો અને વ્યવસ્થાની સ્થિતિ વણસી હોય તેવી એક ગંભીર અને ચોંકાવનારી ઘટના સામે આવી છે. ગામમાં રહેતા અરવિંદસિંહ ચાવડા નામના ખેડૂત પર જૂની તકરારનો ખાર રાખીને કેટલાક માથાભારે તત્વો દ્વારા અચાનક ફાયરિંગ કરવામાં આવ્યું હતું. આ બનાવના કારણે શાંત ગણાતા વરસોડા ગામ સહિત સમગ્ર માણસા પંથકમાં ભારે સન્નાટો અને દહેશતનો માહોલ વ્યાપી ગયો છે.ગરબાના સાઉન્ડ સિસ્ટમનો વિવાદમળતી પ્રાથમિક વિગતો અનુસાર, અગાઉ નવરાત્રી દરમિયાન ગરબામાં સાઉન્ડ સિસ્ટમ વગાડવા મુદ્દે અરવિંદસિંહ ચાવડાને સ્થાનિક કેટલાક લોકો સાથે બોલાચાલી અને જૂની અદાવત ચાલી રહી હતી. આ જ વિવાદનું વેર રાખીને 8 જેટલા શખ્સો ઘાતક હથિયારો સાથે એકસંપ થઈને ખેડૂત પર તૂટી પડ્યા હતા. હુમલાખોરોએ અરવિંદસિંહને લક્ષ્ય બનાવીને તાબડતોબ 3 રાઉન્ડ ફાયરિંગ કર્યું હોવાનો ગંભીર આક્ષેપ કરાયો છે. આ દરમિયાન ત્રીજી ગોળી ખેડૂતના જમણા પગના ભાગે વાગી જતાં તેઓ લોહીલુહાણ થઈને ઢળી પડ્યા હતા.ઈજાગ્રસ્ત ખેડૂત અમદાવાદ સિવિલમાં સારવાર હેઠળઘટના બની તુરંત જ આસપાસના લોકો એકઠા થઈ જતાં હુમલાખોરો ત્યાંથી ફરાર થઈ ગયા હતા. ગંભીર રીતે ઈજાગ્રસ્ત બનેલા ખેડૂત અરવિંદસિંહ ચાવડાને તાત્કાલિક અસરથી વધુ અને સઘન સારવાર અર્થે અમદાવાદની સિવિલ હોસ્પિટલમાં ખસેડવામાં આવ્યા છે, જ્યાં હાલ તેમની તબીબી સારવાર ચાલી રહી છે. આ બનાવ અંગે મળેલી માહિતીના આધારે માણસા સ્થાનિક પોલીસે ત્વરિત કાર્યવાહી કરીને હુમલો કરનાર 8 આરોપીઓ સામે ગુનો નોંધી તેમને ઝડપી પાડવા ચક્ર ગતિમાન કર્યા છે.આ પણ વાંચો : Kutchના મુન્દ્રામાં કાળમુખી માલગાડીનો આતંક, 17થી વધુ ગૌવંશ કચડાયા, પશુપ્રેમીઓમાં ભારે રોષ!

Read Full Story arrow_forward

calendar_today October 21, 2026

Surendranagar : માલગાડીની બોગી પાટા પરથી ખડી પડતાં તમામ ટ્રેન વ્યવહાર સંપૂર્ણ ખોરવાયો

સુરેન્દ્રનગરમાં ટીબી હોસ્પિટલ પાસે અમદાવાદથી રાજકોટ તરફ જઈ રહેલી એક માલગાડીની બોગી અચાનક પાટા પરથી નીચે ઉતરી જવાની ગંભીર ઘટના બની છે. આ દુર્ઘટનાને પગલે સમગ્ર રેલવે તંત્રમાં ભારે દોડધામ અને અફરાતફરી મચી જવા પામી હતી. ટ્રેનની બોગી પાટા પરથી ખડી પડવાના કારણે તમામ રૂટ બંધ કરી દેવામાં આવતાં ટ્રેન વ્યવહાર ખોરવાઈ ગયો હતો.બોગી અચાનક ટ્રેક પરથી નીચે ઉતરી ગઈ સુરેન્દ્રનગર શહેરના ટીબી હોસ્પિટલ વિસ્તાર નજીકથી પસાર થઈ રહેલી અમદાવાદથી રાજકોટ તરફ જતી માલગાડી સાથે આ બનાવ બન્યો હતો. ટ્રેન નંબર ENKDPRTK 24686 ધરાવતી આ માલગાડી નિયત રૂટ પર આગળ વધી રહી હતી ત્યારે તેની એક બોગી અચાનક ટ્રેક પરથી નીચે ઉતરી ગઈ હતી.ઘટનાસ્થળે ભારે અફરાતફરી સર્જાઈમાલગાડીની એક બોગી ટ્રેક પરથી ખડી પડતાં જ ઘટનાસ્થળે ભારે અફરાતફરી સર્જાઈ હતી અને કર્મચારીઓમાં નાસભાગ તથા દોડધામનો માહોલ જોવા મળ્યો હતો. માલગાડી પાટા પરથી ઉતરી જવાની આ ઘટનાને લીધે રેલવે લાઇન પરની સલામતી સામે મોટો પ્રશ્ન ઊભો થયો હતો અને તાત્કાલિક ધોરણે આ લાઇન પરનો વાહનવ્યવહાર અટકાવી દેવાની ફરજ પડી હતી.અધિકારીઓ તાબડતોબ ઘટનાસ્થળે દોડી આવ્યાઆ ઘટનાની જાણ થતાં જ રેલવે વિભાગના ઉચ્ચ અધિકારીઓ તાબડતોબ ઘટનાસ્થળે દોડી આવ્યા હતા. બોગી નીચે ઉતરી જતાં સલામતીના પગલારૂપે તાત્કાલિક અસરથી ટ્રેનના તમામ સંબંધિત રૂટ બંધ કરી દેવામાં આવ્યા હતા.ટ્રેન વ્યવહાર સંપૂર્ણપણે પ્રભાવિત તમામ રેલવે રૂટ બંધ કરી દેવાતાં અમદાવાદ અને રાજકોટ વચ્ચેનો ટ્રેન વ્યવહાર સંપૂર્ણપણે પ્રભાવિત થયો હતો અને રેલવે વ્યવહાર ખોરવાઈ જવા પામ્યો હતો. ઘટનાસ્થળે પહોંચેલા રેલવે અધિકારીઓએ પરિસ્થિતિનું નિરીક્ષણ કરીને આગળની કામગીરી હાથ ધરી હતી અને સમગ્ર તંત્રમાં ભારે દોડધામ મચી ગઈ હતી. ટ્રેક પરથી ઉતરેલી બોગીને કારણે અન્ય ટ્રેનોના સંચાલન પર સીધી અસર પડી હતી અને રેલવે તંત્ર દ્વારા પરિસ્થિતિ થાળે પાડવાના પ્રયાસો શરૂ કરવામાં આવ્યા હતા. આ સમગ્ર બનાવને પગલે રેલવે તંત્રમાં ભારે ચકચાર અને દોડધામ જોવા મળી હતી.  આ પણ વાંચો    :   Dussehra Explainer: ફાફડા જલેબી આરોગી લીધા ? તો હવે વાંચો કે તમારા ચટકારાનો આખો ફંડા શું છે..

Read Full Story arrow_forward

calendar_today October 21, 2026

Shiva Sharma Murder: શ્રદ્ધા દુબેના Ex બોયફ્રેન્ડની ધરપકડ, શિવાની મોત દરમિયાન હાજર હતો આમિર

લખનૌમાં કરોડપતિ ઉદ્યોગપતિ શિવ શર્માની હત્યાના કેસમાં ઉત્તર પ્રદેશ સ્પેશિયલ ટાસ્ક ફોર્સ (STF) એ શ્રદ્ધા દુબેના ભૂતપૂર્વ પ્રેમી આમિરની ધરપકડ કરી છે. આમિર પર શ્રદ્ધાને નેપાળ ભાગી જવામાં મદદ કરવાનો આરોપ છે. શિવ શર્મા હત્યા કેસમાં આ ચોથી ધરપકડ છે; આ પહેલા મંગળવારે, યુપી STFએ નાગપુરમાં શ્રદ્ધા દુબે, તેની બહેન રશ્મિ દુબે અને તેમના ડ્રાઈવર દાનિશની ધરપકડ કરી હતી.નાગપુરમાં પકડાયેલી શ્રદ્ધા દુબેને લખનૌ લાવવાના પ્રયાસો ચાલી રહ્યા છે. STFના સૂત્રોના જણાવ્યા અનુસાર, જરૂરી કાગળની કાર્યવાહી પૂર્ણ કરવામાં સમય લાગવાને કારણે મંગળવારે તેને કોર્ટમાં રજૂ કરી શકાઈ ન હતી; તેથી, તેને નાગપુરના હુડકેશ્વર પોલીસ સ્ટેશનમાં રાતભર રાખવામાં આવી હતી. આજે સવારે જરૂરી દસ્તાવેજી કાર્યવાહી પૂર્ણ કર્યા બાદ પોલીસ તેને નાગપુરની કોર્ટમાં રજૂ કરી રહી છે, જ્યાંથી તેને ટ્રાન્ઝિટ રિમાન્ડ પર લખનૌ લાવવામાં આવશે.સાથીદારો પર પણ ધ્યાન રાખી રહી છે પોલીસયુપી STF એવા લોકો પર સકંજો કસી રહી છે જેમણે આરોપીઓને ફરાર થવામાં મદદ કરી હતી. પોલીસ અધિકારીઓના જણાવ્યા અનુસાર, શ્રદ્ધા દુબેને મદદ કરનાર છથી વધુ વ્યક્તિઓ હાલમાં પોલીસની નજરમાં છે. તેમાંથી બે લોકોને પૂછપરછ માટે કસ્ટડીમાં લેવામાં આવ્યા છે, જ્યારે શ્રદ્ધાના ભૂતપૂર્વ પ્રેમી આમિરની ધરપકડ કરવામાં આવી છે. પોલીસ પૂછપરછ દરમિયાન આમિરે ખુલાસો કર્યો કે તેણે 9 ઓક્ટોબરની રાત્રે શ્રદ્ધાને લખનૌથી નેપાળ ભાગી જવામાં મદદ કરી હતી અને તે પોતે તેને નેપાળ સરહદ સુધી મૂકવા પણ ગયો હતો.આમિરે સિમ કાર્ડ ઉપલબ્ધ કરાવ્યું હતુંફરાર હોવા દરમિયાન, શ્રદ્ધાએ તેનો મોબાઈલ ફોન બંધ કરી દીધો હતો. સંપર્કમાં રહેવા માટે, આમિરે બનાવટી ઓળખપત્ર (ID) નો ઉપયોગ કરીને એક સિમ કાર્ડ મેળવ્યું અને તેને શ્રદ્ધાને આપ્યું. પૂછપરછ દરમિયાન આમિરે આ ગુનામાં પોતાની ભૂમિકા હોવાની પણ કબૂલાત કરી છે.આ પણ વાંચો: "તમે Gen-Z નથી", આશુતોષ અને સૌરભને દિલ્હી હાઈકોર્ટે કેમ આવું કહ્યું? પાછી ખેંચી અરજી

Read Full Story arrow_forward