Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 21 ઓક્ટોબરના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
સોશિયલ મીડિયા પર ફેમસ થવા અને ભયનો માહોલ ઊભો કરવા માટે હથિયારો લહેરાવતા અસામાજિક તત્વો સામે પોલીસે લાલ આંખ કરી છે. આબુ રોડ-અંબાજી સરહદ પર રીકો પોલીસે મોટી કાર્યવાહી કરીને બે અલગ-અલગ ગુનાઓમાં સંડોવાયેલા કુલ 8 આરોપીઓને જેલના સળિયા પાછળ ધકેલી દીધા છે.સ્કૂટી સવાર યુવકો પર અસામાજિક તત્વો દ્વારા જીવલેણ હુમલોબનાસકાંઠાના અંબાજી વિસ્તાર નજીક આવેલા હાઈવે પરથી પસાર થઈ રહેલા નિર્દોષ સ્કૂટી સવાર યુવકો પર અસામાજિક તત્વો દ્વારા જીવલેણ હુમલો કરવામાં આવ્યો હતો. આ ઘટનાનો વીડિયો ઈન્સ્ટાગ્રામ પર વાયરલ થતાં સમગ્ર પંથકમાં ભારે ચકચાર મચી ગઈ હતી. ઘટનાની ગંભીરતાને ધ્યાને રાખીને પોલીસે ગુનો નોંધી આરોપીઓ સામે તપાસ શરૂ કરી હતી.હથિયારો સાથે ડાન્સ અને રીલ્સ બનાવનારા સામે કડક કાર્યવાહીબીજી ઘટનામાં 28 ઓક્ટોબરના રોજ ખુલ્લેઆમ તલવાર અને છરી જેવાં ઘાતક હથિયારો લહેરાવીને ડાન્સ કરતી રીલ્સ બનાવી સોશિયલ મીડિયા પર ભય ફેલાવવાનો પ્રયાસ કરવામાં આવ્યો હતો. આ મામલે પોલીસે 3 અન્ય યુવકોની પણ કડક કલમો હેઠળ ધરપકડ કરી છે. ગુનાહિત પ્રવૃત્તિઓમાં ઉપયોગમાં લેવાયેલી 3 મોટરસાયકલ અને ઘાતક હથિયારો પણ પોલીસે જપ્ત કર્યા છે.સેંકડો CCTV અને સાયબર ટીમની મદદસિરોહી SP અજેય સિંહ રાઠોડના કડક આદેશ બાદ DSP જીતેન્દ્ર સિંહ રાઠોડ અને PI લક્ષ્મણ સિંહ ચંપાવતની ટીમે સ્પેશિયલ ઓપરેશન હાથ ધર્યું હતું. પોલીસે સેંકડો સીસીટીવી કેમેરાના ફૂટેજ અને સાયબર ટેકનિકલ ડેટાની મદદથી ગણતરીના દિવસોમાં જ તમામ આરોપીઓને ઝડપી પાડ્યા છે. કાયદો હાથમાં લેનારાઓ સામે પોલીસે કડક સંદેશ આપ્યો છે.આ પણ વાંચો: Banaskantha News: પાલનપુર હિટ એન્ડ રનનો ભેદ ઉકેલાયો, ત્રણનો ભોગ લેનાર ટેન્કર ચાલક ઝડપાયો!
Read Full Story arrow_forward
21 ઓક્ટોબર 2026ના રોજ જામનગરમાં રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણી તથા એક્ઝિક્યુટિવ ડિરેક્ટર અનંત અંબાણીએ અમેરિકાના વિદેશ મંત્રી માર્કો રૂબિયો અને ભારતમાં અમેરિકાના રાજદૂત સર્જિયો ગોરનું સ્વાગત કર્યું હતું. બંને મહેમાનોને જામનગરમાં આવેલી રિલાયન્સની રિફાઇનરીનું નિરીક્ષણ કરાવવામાં આવ્યું હતું. આ મુલાકાત દરમિયાન અમેરિકાના બંને મહેમાનોએ રિફાઇનરીની વિશાળતા, તેમાં વપરાતી આધુનિક ટેક્નોલોજી અને એક જ સ્થળે ચાલતી અલગ-અલગ કામગીરી વિશે જાણકારી મેળવી હતી. જામનગરનું રિફાઇનિંગ કોમ્પ્લેક્સ વિશ્વનું સૌથી મોટું એક જ સ્થળે આવેલું રિફાઇનિંગ કોમ્પ્લેક્સ છે. ન્યૂ એનર્જી અને ડેટા સેન્ટરની પણ માહિતી આપીરિફાઇનરીની મુલાકાત ઉપરાંત રૂબિયો અને ગોરને રિલાયન્સના ન્યૂ એનર્જી પ્રોજેક્ટ્સ વિશે પણ માહિતી આપવામાં આવી હતી. કંપનીની ગીગા-ફેક્ટરીઓ હાલમાં તબક્કાવાર શરૂ કરવાની પ્રક્રિયામાં છે. આ ફેક્ટરીઓમાં નવી ઊર્જા સાથે જોડાયેલી ટેક્નોલોજી અને ઉત્પાદન ક્ષમતા વિકસાવવાની યોજના છે. બંને મહેમાનોને જામનગરમાં બની રહેલા ડેટા સેન્ટર્સ વિશે પણ સમજાવવામાં આવ્યું હતું. આ પ્રોજેક્ટ્સ રિલાયન્સના ઊર્જા અને ડિજિટલ ઇન્ફ્રાસ્ટ્રક્ચરમાં થઈ રહેલા રોકાણનો ભાગ છે. મુકેશ અંબાણી અને અનંત અંબાણીએ જામનગર કોમ્પ્લેક્સ માટે કંપનીની લાંબા ગાળાની યોજના વિશે પણ વાત કરી હતી. તેમનો ઉદ્દેશ જામનગરને માત્ર રિફાઇનિંગ પૂરતું મર્યાદિત ન રાખીને ડીપ-ટેક, નવીનતા અને આધુનિક ઉત્પાદન ક્ષેત્રે મહત્ત્વનું કેન્દ્ર બનાવવાનો છે.વૈશ્વિક ઊર્જા અને વેપાર પર ચર્ચામુલાકાત દરમિયાન વૈશ્વિક ઊર્જા ક્ષેત્રની સ્થિતિ અને પરંપરાગત તેમજ નવી ઊર્જામાં વેપારની ભાગીદારીની શક્યતાઓ અંગે ચર્ચા થઈ હતી. તેમાં ઊર્જાનો વિશ્વસનીય અને સસ્તો પુરવઠો જાળવવો, નવી ટેક્નોલોજીનો ઉપયોગ, સપ્લાય ચેઇનને મજબૂત બનાવવી અને વધતી માગને પહોંચી વળવા જરૂરી રોકાણ જેવા મુદ્દાઓનો સમાવેશ થયો હતો. આ ચર્ચા એવા સમયે થઈ છે જ્યારે વૈશ્વિક ઊર્જા બજારમાં પુરવઠા અને કિંમતોને લઈને દબાણ છે. માર્કો રૂબિયોની ભારત મુલાકાતના વ્યાપક એજન્ડામાં ઊર્જા ક્ષેત્રે સહકાર વધારવાનો મુદ્દો પણ સામેલ છે. અમેરિકી કંપનીઓ સાથે ભાગીદારીની શક્યતાચર્ચામાં ઊર્જા અને ડિજિટલ ઇન્ફ્રાસ્ટ્રક્ચર વચ્ચે વધતા સંબંધો પર પણ ધ્યાન આપવામાં આવ્યું હતું. ખાસ કરીને ડેટા સેન્ટર્સ ચલાવવા માટે વિશ્વસનીય વીજળીની જરૂરિયાત અને ડિજિટલ અર્થતંત્રના વિસ્તરણમાં ઊર્જાની ભૂમિકા અંગે વિચારો રજૂ કરાયા હતા. મુકેશ અંબાણી અને અનંત અંબાણીએ અમેરિકી કંપનીઓ સાથે મળીને કામ કરવાની શક્યતાઓ અંગે પોતાના વિચારો રજૂ કર્યા હતા. ટેક્નોલોજી, એન્જિનિયરિંગ અને આધુનિક ઉત્પાદન ક્ષેત્રે ભારત અને અમેરિકાની ક્ષમતાઓ એકબીજાને પૂરક બની શકે છે, તે મુદ્દે ચર્ચા થઈ હતી.રિલાયન્સના જણાવ્યા અનુસાર, આ મુલાકાત બંને પક્ષોને ઉદ્યોગ ક્ષેત્રના અનુભવો અને વિચારોની આપ-લે કરવાની તેમજ વેપાર માટે પરસ્પર હિત ધરાવતા ક્ષેત્રો શોધવાની તક પૂરી પાડે છે. કંપનીએ અમેરિકાના વિદેશ મંત્રી અને રાજદૂતની મુલાકાત બદલ આભાર પણ વ્યક્ત કર્યો હતો.આ પણ વાંચો: Jamnagarથી વિદેશી ડેલિગેશન પરત રવાના, માર્કો રુબિયોના નેતૃત્વમાં યોજાયેલો હાઇ-પ્રોફાઇલ પ્રવાસ સંપન્ન
Read Full Story arrow_forward