Surendranagar : કપાસના રૂપિયાની લેતીદેતીમાં કૌટુંબિક ભાઈઓની તકરાર હત્યામાં તબદીલ
ધ્રાંગધ્રા તાલુકાના રાજચરાડી ગામે મામા ફોઈના બે ભાઇઓ વચ્ચે કપાસના રૂપીયાની લેતીદેતી મામલે બોલાચાલી બાદ મામલો વધુ ઉગ્ર બનતા વાત મારામારી સુધી પહોંચી હતી. જેમાં ધોકાથી હુમલા કરતા એક વ્યક્તિનું મોત થતા પોલીસે કાર્યવાહી હાથ ધરી છે.પ્રાપ્ત વિગતો અનુસાર અમુક સમયે નજીવી બોલાચાલી કે નજીવી ઘટના હત્યાને અંજામ આપતી હોય છે.એવામાં ધ્રાગધ્રા તાલુકાના રાજચરાડી ગામે રહેતા વનાભાઇ શંકરભાઇ સુરેલા અને એમના ફોઈના દીકરા હરીભાઇ ઉર્ફે હરજીભાઇ ભાવજીભાઇ થરેસા બંન્ને વચ્ચે રાત્રે કપાસના રૂપીયા લેતી દેતી મામલે બોલાચાલી બાદ ગાળાગાળી થઇ હતી. અને ઉસ્કેરાઇ જઇ ફૌઈના દીકરા હરીભાઇએ લાકડીના ધોકા વડે હુમલો કરી વનાભાઇના માથાના ભાગમાં માર માર્યો હતો. આ હુમલામાં ગંભીર ઇજા થતા વનાભાઇનું ઘટના સ્થળે જ મોત થયુ હતુ.આ ગંભીર બાબતની ધ્રાંગધ્રા તાલુકા પોલીસને જાણ કરતા પી.આઇ.એન.એચ.ચુડાસમા સહિતનો પોલીસ કાફલો ઘટના સ્થળે પહોચી મૃતકનું પી.એમ.કરવા માટે રાજકોટ મોકલી પોલીસે આગળની કાર્યવાહી હાથ ધરી હતી.આમ એક નાનકડી લેતીદેતી મામલે લાકડાનો ઘા ઝીંકી હુમલો કરતા હત્યા થઇ જતા નાના એવા ગામમાં ગમગીની ફેલાઇ હતી. આરોપીની તપાસ મામલે આગળની કાર્યવાહી ધ્રાંગધ્રા તાલુકા પોલીસ ચલાવી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
