Community News & Updates

Stay informed with the latest happenings, achievements, and announcements from our community.

All News

calendar_today October 22, 2026

Vallabh vidyanagar : સીવીએમના ફેકલ્ટીઓનું વૈજ્ઞાનિકોની યાદીમાં સ્થાન

ચારૂતર વિદ્યામંડળ સંચાલિત અને સીવીએમ યુનિવર્સિટીની સંસ્થા ઇન્સ્ટિટયુટ ઓફ સાયન્સ એન્ડ ટેકનોલોજી ફોર એડવાન્સ સ્ટડીંજ એન્ડ રિસર્ચ આઇસ્ટારના ફેકલ્ટી ડૉ.રોહિત વેકરિયા તેમજ એન.વી.પટેલ કોલેજ ઓફ પ્યોર એન્ડ એપ્લાઇડ સાયન્સના ફેકલ્ટી ડૉ.યાચના ઝાએ સંશોધનક્ષેત્રે ઉત્તમ યોગદાન બદલ સ્ટેનફોર્ડ તથા એલ્સેવીર ડેટાબેઝના આધારે વિશ્વના ટોચના 2 ટકા વૈજ્ઞાનિકોની યાદીમાં સ્થાન પામી યુનિવર્સિટી અને સંસ્થાનું ગૌરવ વધાર્યુ છે. તેમની સિદ્ધિ બદલ સંસ્થાના પ્રેસિડેન્ટ ભીખુભાઇ પટેલ, પ્રોવોસ્ટ ઇન્દ્રજીત પટેલ , રજિસ્ટ્રાર સંદિપ વાલિયાએ શુભેચ્છા પાઠવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 22, 2026

Vallabh vidyanagar : કસ્તુરબા કન્યા વિદ્યાલયમાં ક્વિઝ સ્પર્ધા યોજાઇ

ચરોતર એજ્યુકેશન સોસાયટી સંચાલિત કસ્તુરબા કન્યા વિદ્યાલય આણંદ ખાતે સરદાર પટેલ રિન્યુએબલ એનર્જી રિસર્ચ ઇન્સ્ટિટયુટના સંયુક્ત ઉપક્રમે પુનઃપ્રાપ્ય ઉર્જા અને પર્યાવરણ સંરક્ષણ અંગે જાગૃતિ લાવવાના હેતુથી ગ્રીનપાર્ક ક્વિઝ સ્પર્ધા યોજાઇ હતી. સ્પેરીના શ્રદ્ધા પંડયા અને શિવમ ઠાકરના વડપણ હેઠળ યોજાયેલી સ્પર્ધામાં શાળાના માધ્યમિક વિભાગની વિદ્યાર્થિનીઓએ પોતાની તર્કશક્તિ અને વિષયજ્ઞાનનું ઉત્કૃષ્ટ પ્રદર્શન કર્યું હતું. જેમાં ટીમ એ ની વિદ્યાર્થિની શિઝા સમીર મન્સૂરી અને ખુશી પ્રવીણ પ્રજાપતિએ પ્રથમ ક્રમાંક હાંસલ કરી શાળાનું ગૌરવ વધાર્યુ હતું. વિજેતાઓને સ્પેરી તરફથી પ્રોત્સાહક ઇનામો આપ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 22, 2026

Anand : બોરસદમાં 40 દિવ્યાંગ બાળકોને સાધન-સહાયનું વિતરણ કરાયું

કેન્દ્રીય ગૃહમંત્રી અમિત શાહના જન્મદિવસ નિમિત્તે બોરસદ ખાતે આવેલા સાથી મનો દિવ્યાંગ શાળામાં સેવાભાવી કાર્યક્રમનું આયોજન કરવામાં આવ્યું હતું. આ પ્રસંગે કેબિનેટ મંત્રી રમણભાઈ સોલંકીના હસ્તે શાળામાં અભ્યાસ કરતા 40 દિવ્યાંગ બાળકોને વિવિધ સાધન સહાયનું વિતરણ કરવામાં આવ્યું હતું. દિવ્યાંગ બાળકોને જરૂરી સાધન સહાય પૂરી પાડવાના આ સેવાકર્ય થકી તેમના જીવનમાં ખુશીઓની નવી આશા જગાવવાનો પ્રયાસ કરવામાં આવ્યો હતો. બાળકોને સહાય મળતાં તેમના ચહેરા પર ખુશીની લાગણી જોવા મળી હતી. આ પ્રસંગે બાળકોના સર્વાંગ વિકાસ આત્મવિશ્વાસ અને જીવનમાં આગળ વધવાની પ્રેરણાને પ્રોત્સાહન આપવાનો સંદેશ આપવામાં આવ્યો હતો. આ સેવાકીય પ્રવૃત્તિઓ માનવતા અને સંવેદનશીલતાનું ઉદાહરણ પૂરૂં પાડયું હતું. બાળકોના ચહેરા પરની ખુશી એ જ સાચી સેવાનો સંતોષ છે. તે ભાવના સાથે આયોજીત આ કાર્યક્રમ દિવ્યાંગ બાળકોના જીવનમાં આનંદની ક્ષણો લઈને આવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward