Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 02 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
ગુજરાતમાં દારૂબંધી કાયદા હેઠળ જપ્ત કરવામાં આવેલા વાહનોની વચગાળાની મુક્તિને લઈને સુપ્રીમ કોર્ટે મહત્વપૂર્ણ નિર્ણય કર્યો છે. કોર્ટે સ્પષ્ટ કર્યું છે કે ગુજરાત પ્રોહિબીશન અધિનિયમ હેઠળ જપ્ત થયેલા વાહનોને વચગાળે છોડવા પર સંપૂર્ણ અથવા નિરપેક્ષ પ્રતિબંધ નથી. કોર્ટે જણાવ્યું કે દરેક કેસની હકીકત, પરિસ્થિતિ અને કાયદાકીય જોગવાઈઓને ધ્યાનમાં રાખીને સંબંધિત કોર્ટ વાહનની વચગાળાની મુક્તિ અંગે યોગ્ય નિર્ણય લઈ શકે છે.ખાણીપીણીના સામાન વચ્ચે મળી હતી દારૂની 8,064 બોટલઆ સમગ્ર મામલો દારૂની તસ્કરીમાં જપ્ત કરાયેલા એક ટ્રક સાથે સંબંધિત છે. ટ્રકને મોડાસાથી વડોદરા તરફ જતા સમયે રોકી તપાસ કરવામાં આવી હતી. તપાસ દરમિયાન ખાણીપીણીના સામાન વચ્ચે 8,064 બોટલ IMFL મળી આવી હતી. જપ્ત કરાયેલી દારૂની માત્રા અંદાજે 22,532 લીટર હોવાનું અને તેની કિંમત આશરે 17.02 લાખ હોવાનું સામે આવ્યું હતું. ત્યારબાદ પોલીસે ગુજરાત પ્રોહિબીશન અધિનિયમ હેઠળ ગુનો નોંધી ટ્રક જપ્ત કરી લીધો હતો.ટ્રક એક વર્ષથી પોલીસ સ્ટેશનમાં પડ્યો હતોટ્રક માલિક અને ટ્રાન્સપોર્ટ કંપનીએ કોર્ટમાં રજૂઆત કરી હતી કે તેમનો ગુના સાથે કોઈ સીધો સંબંધ નથી અને ટ્રક લાંબા સમયથી પોલીસ સ્ટેશનમાં પડ્યો હોવાથી તેની હાલત ખરાબ થઈ રહી છે. ટ્રાયલ કોર્ટ, સેશન કોર્ટ અને ગુજરાત હાઇકોર્ટે અગાઉ ટ્રકની વચગાળાની મુક્તિ આપવાનો ઇનકાર કર્યો હતો. ત્યારબાદ મામલો સુપ્રીમ કોર્ટ સુધી પહોંચ્યો હતો.15 લાખની સુરક્ષા પર ટ્રક છોડવાનો આદેશસુપ્રીમ કોર્ટે જણાવ્યું કે ગુજરાત પ્રોહિબીશનના અધિનિયમની કલમ 98(2) વાહનને વચગાળે છોડવા પર સંપૂર્ણ પ્રતિબંધ લગાવતી નથી. આ કેસમાં કોર્ટે 15 લાખની સુરક્ષા આપવાની શરતે ટ્રક માલિકને વાહનની વચગાળાની કસ્ટડી સોંપવાનો આદેશ કર્યો છે. જોકે, ટ્રક વેચવા અથવા તેના પર કોઈ ત્રીજા પક્ષનો અધિકાર ઊભો કરવા પર રોક લગાવવામાં આવી છે.દારૂ તસ્કરીને રાહત નહીંસુપ્રીમ કોર્ટે સ્પષ્ટ કર્યું કે આ નિર્ણય દારૂની તસ્કરીને યોગ્ય ઠેરવતો નથી. કેસનો અંતિમ નિર્ણય ટ્રાયલ દરમિયાન જ થશે. પરંતુ કેસ ચાલે ત્યાં સુધી જપ્ત વાહન વર્ષો સુધી પોલીસ સ્ટેશનમાં ખુલ્લામાં પડી સડી જાય અને તેની કિંમત ઘટતી જાય તે જરૂરી નથી. આ નિર્ણય ગુજરાતમાં પ્રોહિબીશન કાયદા હેઠળ જપ્ત વાહનોના માલિકો માટે મહત્વપૂર્ણ માનવામાં આવી રહ્યો છે. આ પણ વાંચો : Sandesh Digital Explainer : ગુજરાતમાં ચોમાસાનો મૂડ બદલાયો, ઓગસ્ટમાં નોર્મલ કરતાં 41% ઓછો વરસાદ, આ જિલ્લાઓમાં 87% સુધીની ઘટ
Read Full Story arrow_forward
અમદાવાદમાં ભાજપના પ્રભારી તરુણ ચૂગે પાર્ટીના નેતાઓ સાથે બેઠક યોજી સંગઠનને લઈને મહત્વપૂર્ણ સૂચનાઓ આપી હતી. બેઠક દરમિયાન તેમણે પાર્ટીમાં નાની ઉંમરના યુવાઓને વધુ તક આપવા પર ભાર મૂક્યો હતો. તરુણ ચૂગે ભાજપના નેતાઓને સ્પષ્ટ કહ્યું કે પાર્ટીના કાર્યક્રમો અને સંગઠનાત્મક પ્રવૃત્તિઓમાં યુવાઓને વધુ તક આપવામાં આવે.25 વર્ષથી નાની ઉંમરના યુવાઓને પાર્ટી સાથે જોડવા સૂચનાબેઠકમાં ખાસ કરીને 25 વર્ષથી નાની ઉંમરના યુવાઓને ભાજપ સાથે વધુ સંખ્યામાં જોડવા માટે ટકોર કરવામાં આવી હતી. યુવા વર્ગને પાર્ટી સાથે જોડીને આગામી સમયમાં સંગઠનને વધુ મજબૂત બનાવવાનો પ્રયાસ કરવામાં આવી રહ્યો હોવાનું બેઠકમાં ચર્ચાયું હતું.મંડળ સ્તરે પણ યુવા નેતાઓને તક આપવા ભારતરુણ ચૂગે મંડળ સ્તરે પણ 35 વર્ષથી નાની ઉંમરના યુવાઓને સંગઠનમાં વધુ જવાબદારી અને તક આપવા પર ભાર મૂક્યો હતો. તેમના જણાવ્યા મુજબ, યુવા નેતાઓને યોગ્ય સમયે તક આપવામાં આવશે તો સંગઠનને નવા વિચારો, નવી ઊર્જા અને ભવિષ્ય માટે મજબૂત નેતૃત્વ મળી શકશે.પાર્ટીમાં યુવા નેતાઓને પહેલેથી મળી રહી છે તકપ્રદેશ સંગઠનના નેતાઓએ તરુણ ચૂગ સમક્ષ રજૂઆત કરી હતી કે હાલમાં પણ પાર્ટીમાં નાની ઉંમરના નેતાઓને વધુ તક આપવામાં આવી રહી છે. જોકે, તરુણ ચૂગે આ દિશામાં વધુ સક્રિયતાથી કામ કરવાની સલાહ આપી હોવાનું સામે આવ્યું છે.યુવા નેતૃત્વથી પાર્ટીનું ભવિષ્ય ઉજ્જવળ બનશેતરુણ ચૂગે નેતાઓને સલાહ આપી કે જો અત્યારે નાની ઉંમરના યુવાઓને સંગઠનમાં તક આપવામાં આવશે તો ભવિષ્યમાં પાર્ટીને તેનો મોટો લાભ મળશે. યુવા કાર્યકરોને સંગઠન સાથે જોડીને તેમને જવાબદારીઓ આપવાથી ભાજપનું સંગઠનાત્મક માળખું વધુ મજબૂત બનશે અને પાર્ટીનું ભવિષ્ય ઉજ્જવળ બનશે તેવો મત વ્યક્ત કરવામાં આવ્યો હતો. આ પણ વાંચો : Sandesh Digital Explainer : ગુજરાતમાં ચોમાસાનો મૂડ બદલાયો, ઓગસ્ટમાં નોર્મલ કરતાં 41% ઓછો વરસાદ, આ જિલ્લાઓમાં 87% સુધીની ઘટ
Read Full Story arrow_forward