Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Gujarat Government દ્વારા ફાયર સેફ્ટીના નવા નિયમો જાહેર, 15 મીટરથી ઊંચી ઇમારતો માટે પ્રમાણપત્ર ફરજિયાત

ગુજરાત રાજ્યમાં નાગરિકોની સુરક્ષાને સર્વોચ્ચ પ્રાથમિકતા આપીને ગુજરાત સરકારના શહેરી વિકાસ વિભાગ દ્વારા ફાયર સેફ્ટીના નિયમોમાં મોટા સુધારા કરવામાં આવ્યા છે. સરકાર દ્વારા અધિકૃત રીતે 'ગુજરાત ફાયર પ્રિવેન્શન એન્ડ લાઈફ સેફ્ટી મેઝર્સ સુધારા નિયમો 2026' (Gujarat Fire Prevention and Life Safety Measures Amendment Rules 2026) જાહેર કરવામાં આવ્યા છે, જેનું વિગતવાર નોટિફિકેશન બહાર પાડવામાં આવ્યું છે.હાઇ-રાઇઝ બિલ્ડિંગો અને શૈક્ષણિક સંકુલો માટે કડક જોગવાઈનવા નિયમો અનુસાર, રાજ્યમાં 15 મીટર કે તેથી વધુ ઊંચાઈ ધરાવતી તમામ હાઈ-રાઈઝ બિલ્ડિંગો માટે ફાયર સેફ્ટીનું પ્રમાણપત્ર મેળવવું ફરજિયાત કરવામાં આવ્યું છે. આ ઉપરાંત, ૯ મીટર કે તેથી વધુ ઊંચાઈ ધરાવતા શૈક્ષણિક સંકુલો અને હોસ્પિટલો માટે પણ ફાયર સેફ્ટી સર્ટિફિકેટ અનિવાર્ય કરાયું છે, જેથી વિદ્યાર્થીઓ અને દર્દીઓની સુરક્ષા સુનિશ્ચિત થઈ શકે.કોમર્શિયલ બિલ્ડિંગ્સ, હોટલ અને હંગામી બાંધકામો આવરી લેવાયાઆ નવા નિયમોના વ્યાપને વધારીને તેમાં 500 ચોરસ મીટરથી વધુ બાંધકામ ધરાવતી હોટલો અને કોમર્શિયલ બિલ્ડિંગોનો પણ સમાવેશ કરવામાં આવ્યો છે. આ ઉપરાંત, જાહેર જનતાની ભીડભાડવાળા સ્થળો જેવા કે મંડપ, ટેન્ટ અને પંડાલ જેવા હંગામી બાંધકામો માટે પણ કડક સુરક્ષાના નિયમો લાગુ કરવામાં આવ્યા છે. સાથે જ તમામ પેટ્રોલ પંપ અને મલ્ટીલેવલ કાર પાર્કિંગ માટે પણ ફાયર સેફ્ટી પ્રમાણપત્ર ફરજિયાત કરી દેવાયું છે.ઔદ્યોગિક એકમો માટે આગામી પહેલી એપ્રિલથી અમલસરકાર દ્વારા જાહેર કરાયેલા આ નવા અને વિસ્તૃત નિયમો ઔદ્યોગિક એકમો માટે આગામી પહેલી એપ્રિલથી અમલમાં આવશે. તમામ સંલગ્ન સંસ્થાઓ અને ઇમારતોએ નિર્ધારિત સમયમર્યાદામાં સુરક્ષાના આ નવા ધોરણોનું પાલન કરવાનું રહેશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 24, 2026

Sonam Wangchuk: વિરોધ પ્રદર્શન પર મોટુ નિવેદન, થઈ શકે છે શ્રીલંકા અને બાંગ્લાદેશ જેવી હાતલ !

સામાજિક કાર્યકર સોનમ વાંગચુકે વિરોધ પ્રદર્શનના અધિકાર અંગે વાત કરતાં શ્રીલંકા અને બાંગ્લાદેશમાં થયેલાં જનઆંદોલનોનું ઉદાહરણ આપ્યું. તેમણે સમજાવવાનો પ્રયાસ કર્યો કે જ્યારે લોકોની સમસ્યાઓ અને નારાજગીને યોગ્ય રીતે સાંભળવામાં આવતી નથી, ત્યારે અસંતોષ વધી શકે છે અને તે મોટા આંદોલનનું સ્વરૂપ ધારણ કરી શકે છે. વાંગચુકના મતે, વિરોધ પ્રદર્શન માત્ર સરકાર સામે નારાજગી વ્યક્ત કરવાનું માધ્યમ નથી, પરંતુ સરકારને પોતાની નીતિઓ અને કામગીરી અંગે લોકોનો અભિપ્રાય જાણવાની તક પણ આપે છે. જો સરકાર લોકોની વાત સાંભળીને જરૂરી સુધારા કરે, તો સમસ્યાઓને વધુ ગંભીર બનતી અટકાવી શકાય છે.શ્રીલંકામાં આર્થિક સંકટથી જનઆંદોલનશ્રીલંકામાં 2022 દરમિયાન ગંભીર આર્થિક સંકટ સર્જાયું હતું. મોંઘવારી, ઇંધણ અને અન્ય આવશ્યક ચીજોની અછતને કારણે લોકો મુશ્કેલીમાં મુકાયા હતા. આ સ્થિતિ સામે દેશભરમાં મોટા પાયે વિરોધ પ્રદર્શનો થયાં હતાં. આંદોલન વધુ ઉગ્ર બનતાં તત્કાલીન રાષ્ટ્રપતિ ગોટાબાયા રાજપક્ષેએ દેશ છોડ્યો હતો અને બાદમાં રાજીનામું આપ્યું હતું. બાંગ્લાદેશમાં વિદ્યાર્થી આંદોલન સરકારવિરોધી પ્રદર્શનમાં ફેરવાયુંબાંગ્લાદેશમાં 2024માં સરકારી નોકરીઓમાં અનામતના વિરોધથી વિદ્યાર્થી આંદોલન શરૂ થયું હતું. સમય જતાં આ આંદોલન વ્યાપક સરકારવિરોધી પ્રદર્શનમાં ફેરવાયું. હિંસા અને રાજકીય સંકટ વચ્ચે તત્કાલીન વડાંપ્રધાન શેખ હસીનાએ પદ છોડ્યું અને દેશ છોડ્યો હતો.વાંગચુકનો સંદેશ શું હતો?શ્રીલંકા અને બાંગ્લાદેશનાં ઉદાહરણો આપીને વાંગચુકે વિરોધ પ્રદર્શન અને લોકોની નારાજગીને સાંભળવાના મહત્ત્વ તરફ ધ્યાન દોર્યું હતું. જોકે, બંને દેશોમાં સંકટ પાછળ અલગ-અલગ આર્થિક, સામાજિક અને રાજકીય કારણો હતાં. તેથી આ ઘટનાઓને માત્ર વિરોધ પ્રદર્શન પરનાં નિયંત્રણોનું પરિણામ ગણવું યોગ્ય નથી. વાંગચુકની વાતનો મુખ્ય અર્થ એ હતો કે લોકશાહીમાં લોકોને પોતાની સમસ્યાઓ રજૂ કરવાની તક મળવી જોઈએ. સરકાર માટે વિરોધના અવાજને દબાવવાને બદલે તેની પાછળનાં કારણો સમજવા અને સમસ્યાઓનો ઉકેલ લાવવો જરૂરી છે.આ પણ વાંચો: Gyanesh Kumar: SIR સામે 80 વૈજ્ઞાનિકોએ ઉઠાવ્યો અવાજ, મતદાર યાદીમાં પારદર્શિતા લાવવા કરી માગ

Read Full Story arrow_forward

calendar_today October 24, 2026

Gandhinagar News: ખોરજ જમીન વિવાદમાં મોટો વળાંક, ફરિયાદી કાજલ ઠાકોરે રેન્જ IG વિરેન્દ્ર યાદવ અને પોલીસ સામે લગાવ્યા ગંભીર આક્ષેપો

ગાંધીનગરના ચર્ચાસ્પદ ખોરજ જમીન વિવાદમાં એકદમ નવો અને ચોંકાવનારો વળાંક સામે આવ્યો છે. અગાઉ અપહરણ અને અન્ય મામલે પોલીસ સમક્ષ ફરિયાદ નોંધાવનાર મહિલા ફરિયાદી કાજલ ઠાકોરે હવે પોલીસ પર જ ગંભીર આક્ષેપો કર્યા છે. આ રૂ. 150 કરોડની કિંમતી જમીન વિવાદમાં ખુદ પોલીસની ભૂમિકા શંકાના ઘેરામાં આવી જતાં ચકચાર મચી ગઈ છે.'પોલીસે જાતે ફરિયાદ તૈયાર કરી સહી કરાવી' - કાજલ ઠાકોરમીડિયા સમક્ષ નિવેદન આપતા કાજલ ઠાકોરે દાવો કર્યો છે કે, તેમણે પોતાની મરજીથી કોઈ ફરિયાદ નોંધાવી ન હતી, પરંતુ પોલીસે દબાણ કરીને જાતે જ ફરિયાદ તૈયાર કરી હતી અને તેમની સહી કરાવી લીધી હતી. પોલીસના ડર અને દબાણ હેઠળ જ જગદીશ ઠાકોર સામે ખોટી ફરિયાદ નોંધાવવામાં આવી હોવાનો તેમણે આક્ષેપ કર્યો છે. તેમજ પોલીસ અને દલાલો દ્વારા વારંવાર ફોન કરીને કડીના લોકોને જમીન આપી દેવા માટે દબાણ કરવામાં આવતું હોવાનું પણ તેમણે ઉમેર્યું હતું. =રેન્જ IG વિરેન્દ્ર યાદવ અને અડાલજ PI સામે ગંભીર આરોપોઆ વિવાદમાં ગાંધીનગર રેન્જ IG વિરેન્દ્ર યાદવ સામે સીધા અને ગંભીર આરોપો લાગ્યા છે. કાજલ ઠાકોરે આક્ષેપ કર્યો છે કે, રેન્જ IG વિરેન્દ્ર યાદવ દ્વારા જમીનના 10% હિસ્સાની માંગણી કરવામાં આવી હતી. આ ઉપરાંત અડાલજ પોલીસ સ્ટેશનના પીઆઈ (PI) પર પણ પૈસા લીધા હોવાના ગંભીર આક્ષેપો કરવામાં આવ્યા છે. પોલીસના આ ત્રાસ અને ડરના કારણે જ તેમનો પરિવાર અને પતિ છેલ્લા બે મહિનાથી ઘર બહાર રહેવા મજબૂર બન્યા છે. =તપાસ સામે ઊભા થયા અનેક સવાલોએક તરફ કરોડો રૂપિયાની જમીનનો વિવાદ અને બીજી તરફ ખુદ પોલીસ અધિકારીઓ પર જ ઉત્કોચ તેમજ દબાણના ગંભીર આક્ષેપો થવાથી સમગ્ર પોલીસ બેડામાં ખળભળાટ મચી ગયો છે. ફરિયાદી મહિલાના આ યુ-ટર્ન અને સનસનીખેજ ખુલાસાઓ બાદ હવે આ સમગ્ર અપહરણ અને જમીન કેસની તપાસ તંત્ર સામે અનેક સવાલો ઊભા થયા છે.આ પણ વાંચો: 25 October Top News: PM મોદી અને CMના વિવિધ કાર્યક્રમો, 25 ઓક્ટોબરના રોજ આ ઘટનાઓ પર રહેશે સૌની નજર!

Read Full Story arrow_forward