Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Gyanesh Kumar: SIR સામે 80 વૈજ્ઞાનિકોએ ઉઠાવ્યો અવાજ, મતદાર યાદીમાં પારદર્શિતા લાવવા કરી માગ

ભારત અને વિદેશની સંસ્થાઓ સાથે જોડાયેલા આશરે 80 વૈજ્ઞાનિકો અને સંશોધકોએ 23 ઓક્ટોબરે લખેલા ખુલ્લા પત્રમાં SIR રદ કરવાની, ખોટી રીતે દૂર કરાયેલાં પાત્ર મતદારોનાં નામ ફરી સામેલ કરવાની અને મતદાર યાદીમાં પારદર્શિતા વધારવાની માગ કરી છે.ભારતીય ચૂંટણી પંચની SIR પ્રક્રિયા સામે CJP અને કોંગ્રેસ સહિત અનેક સંગઠનોએ વિરોધ નોંધાવ્યો છે. હવે ભારત અને વિદેશની સંસ્થાઓ સાથે જોડાયેલા આશરે 80 ભારતીય વૈજ્ઞાનિકોએ ચૂંટણી પંચને ખુલ્લો પત્ર લખ્યો છે. આ પત્રમાં તેમણે 'સ્પેશિયલ ઇન્ટેન્સિવ રિવિઝન' (SIR) રદ કરવાની માગ કરી છે. વૈજ્ઞાનિકોએ આ પ્રક્રિયાને મોટી સંખ્યામાં લોકોને તેમના મતદાનના અધિકારથી વંચિત રાખતી પ્રક્રિયા ગણાવી છે. તેમણે મતદાર યાદીની સુધારણા પ્રક્રિયામાં પારદર્શિતા લાવવા, ખોટી રીતે દૂર કરાયેલા પાત્ર મતદારોનાં નામ ફરી સામેલ કરવા અને મનસ્વી રીતે મતદાનના અધિકાર છીનવી લેવાની સામે સુરક્ષાનાં પગલાં અમલમાં મૂકવાની માગ કરી છે.અનેક સંસ્થાઓના વૈજ્ઞાનિકોએ પત્ર લખ્યોપત્રમાં વૈજ્ઞાનિકોએ ચિંતા વ્યક્ત કરી છે કે SIR દ્વારા યોગ્ય પ્રક્રિયા અનુસર્યા વિના મોટી સંખ્યામાં નાગરિકોનાં નામ મતદાર યાદીમાંથી દૂર કરવામાં આવ્યાં છે.ટાઇમ્સ ઑફ ઇન્ડિયાના અહેવાલ મુજબ, આ પત્ર પર સહી કરનારા વૈજ્ઞાનિકોમાં IISER કોલકાતા, HBCSE-TIFR મુંબઈ, ઇન્સ્ટિટ્યૂટ ઑફ મેથેમેટિકલ સાયન્સિસ ચેન્નઈ, ટેક્સાસ ટેક યુનિવર્સિટી (અમેરિકા), યુનિવર્સિટી ઑફ બર્મિંગહામ (યુકે), IISc બેંગલુરુ, IIT દિલ્હી, ન્યૂયોર્ક યુનિવર્સિટી અને યુનિવર્સિટી ઑફ સ્ટુટગાર્ટ (જર્મની) જેવી સંસ્થાઓ સાથે જોડાયેલા વૈજ્ઞાનિકો સામેલ છે.પત્રમાં વૈજ્ઞાનિકોએ સ્પષ્ટ કર્યું છે કે તેમણે વ્યક્તિગત રીતે આ નિવેદનનું સમર્થન કર્યું છે. આ તેમના પોતાના વિચારો છે અને તેમની સંસ્થાઓના વિચારો સાથે તેને કોઈ સંબંધ નથી.સ્થળાંતરિત મજૂરોના નામ દૂર કરવા સામે સવાલવૈજ્ઞાનિકોએ સ્થળાંતરિત મજૂરો, વંચિત સમુદાયો અને નબળા વર્ગોના પાત્ર મતદારોનાં નામ યાદીમાંથી દૂર કરવાને 'મનસ્વી' અને 'અયોગ્ય' ગણાવ્યું છે. પત્રમાં કહેવામાં આવ્યું છે કે આવું પગલું લોકશાહી અધિકારોના પાયાને નુકસાન પહોંચાડે છે. તેમણે વધુમાં જણાવ્યું કે મતદાનનો અધિકાર લોકશાહીનો એક મૂળભૂત આધારસ્તંભ છે.ભારતીય ચૂંટણી પંચ (ECI)ના તાજેતરના આંકડા દર્શાવે છે કે અત્યાર સુધી મતદાર યાદીમાંથી 13 કરોડથી વધુ મતદારોનાં નામ દૂર કરવામાં આવ્યાં છે.પત્રમાં જણાવાયું છે કે કાયદા મુજબ કોઈ વ્યક્તિ દોષિત સાબિત ન થાય ત્યાં સુધી તેને નિર્દોષ માનવામાં આવે છે. એ જ રીતે, ચૂંટણી પ્રક્રિયામાં કોઈ પણ ફેરફારના આધારે નાગરિકોને તેમના મતદાનના અધિકારથી વંચિત રાખવાને યોગ્ય ઠેરવી શકાય નહીં. ખાસ કરીને ત્યારે, જ્યારે જટિલ પ્રક્રિયાઓ, પૂરતાં સુરક્ષાનાં પગલાંના અભાવ અથવા પોતાની પાત્રતા સાબિત કરવાની યોગ્ય તક ન મળવાને કારણે આવું કરવામાં આવ્યું હોય.

Read Full Story arrow_forward

calendar_today October 24, 2026

25 October Top News: PM મોદી અને CMના વિવિધ કાર્યક્રમો, 25 ઓક્ટોબરના રોજ આ ઘટનાઓ પર રહેશે સૌની નજર!

25 ઓક્ટોબરનો દિવસ દેશ અને ગુજરાત રાજ્ય માટે ખૂબ જ મહત્વપૂર્ણ સાબિત થવા જઈ રહ્યો છે. એક તરફ વડાપ્રધાન નરેન્દ્ર મોદી વારાણસી અને ઓડિશાના પ્રવાસે રહેશે, જ્યાં તેઓ રૂ. 100 કરોડના કાપડ પ્લાન્ટનું ઉદ્ઘાટન અને ભારતીય વાયુસેનાના ભવ્ય એર શોમાં હાજરી આપશે. બીજી તરફ, ગુજરાતમાં મુખ્યમંત્રી ભૂપેન્દ્ર પટેલ સુરત, મોરબી અને રાષ્ટ્રીય મોટરસાયકલ રેલીના કાર્યક્રમોમાં હાજરી આપશે. આ ઉપરાંત, શરદ પૂર્ણિમાના પાવન પર્વે સાળંગપુર અને રાજકોટમાં વિશિષ્ટ ઉત્સવોનું આયોજન કરવામાં આવ્યું છે.PM મોદીનો વારાણસી અને ઓડિશા પ્રવાસવડાપ્રધાન નરેન્દ્ર મોદી 25 ઓક્ટોબરના રોજ વારાણસી અને ઓડિશાના પ્રવાસે રહેશે. સવારે 11:00 વાગ્યે તેઓ વારાણસીમાં અર્વિંદ લિમિટેડના રૂ. 100 કરોડના ખર્ચે તૈયાર થયેલા ગારમેન્ટ મેન્યુફેક્ચરિંગ પ્લાન્ટનું ઉદ્ઘાટન કરશે, જેનાથી 1,000 મહિલાઓને રોજગારી મળશે. ત્યારબાદ બપોરે 1:00 વાગ્યે તેઓ નમો ઘાટ ખાતે વાયુસેનાના 94મા સ્થાપના દિવસ નિમિત્તે યોજાનારા એર શોમાં મુખ્ય અતિથિ તરીકે હાજરી આપશે. ઓડિશાના ભુવનેશ્વરમાં તેઓ RBIના ડેટા સેન્ટર અને સાયબર સિક્યોરિટી ટ્રેનિંગ ઇન્સ્ટિટ્યૂટનું ઉદ્ઘાટન પણ કરશે.CM યોગી આદિત્યનાથ નમો ઘાટ પર એર શો નિહાળશેઉત્તર પ્રદેશના મુખ્યમંત્રી યોગી આદિત્યનાથ 25 ઓક્ટોબરે વારાણસીના નમો ઘાટ ખાતે વડાપ્રધાન મોદી અને રક્ષા મંત્રી રાજનાથ સિંહ સાથે વાયુસેનાનો ભવ્ય એર શો નિહાળશે. આ એર શોમાં રાફેલ, સુખોઈ, તેજસ, સૂર્ય કિરણ અને સારંગ ટીમ પોતાના અદભુત કરતબો દર્શાવશે.રક્ષા મંત્રી રાજનાથ સિંહ કાશીની મુલાકાતેરક્ષા મંત્રી રાજનાથ સિંહ પણ 25 ઓક્ટોબરે વારાણસીમાં હાજર રહેશે. વડાપ્રધાન મોદીના પ્રવાસ દરમિયાન તેઓ નમો ઘાટ ખાતે આયોજિત વાયુસેના દિવસ એર ડિસ્પ્લે-2026 કાર્યક્રમમાં વિશેષ ઉપસ્થિતિ આપશે.મુખ્યમંત્રી ભૂપેન્દ્ર પટેલનો સુરત પ્રવાસગુજરાતના મુખ્યમંત્રી ભૂપેન્દ્ર પટેલ 25 ઓક્ટોબરે સુરતના પ્રવાસે રહેશે. તેઓ સુરતથી વડાપ્રધાન નરેન્દ્ર મોદીના 'મન કી બાત' કાર્યક્રમનું પ્રસારણ સાંભળશે અને સુરત શહેર માટે વિવિધ વિકાસ કાર્યોનું લોકાર્પણ પણ કરશે.CM ભૂપેન્દ્ર પટેલ મોરબીની મુલાકાતેસુરત બાદ મુખ્યમંત્રી મોરબીની મુલાકાત લેશે. તેઓ ભાજપ કાર્યાલય કમલમ ખાતે બેઠક કરશે, ન્યુ પેલેસમાં સ્વ. રાજમાતા અને અજંતા ગ્રુપના મોભી સ્વ. પ્રવીણભાઈ ભાલોડિયાને શ્રદ્ધાંજલિ અર્પણ કરશે. આ ઉપરાંત સ્વામિનારાયણ મંદિર ખાતે યોજાનાર મૂર્તિ પ્રતિષ્ઠા મહોત્સવમાં પણ ભાગ લેશે.પોરબંદર સમુદ્રમાં પ્રદૂષિત પાણી છોડવા સામે વિરોધજેતપુરનું પ્રદૂષિત પાણી પોરબંદરના સમુદ્રમાં છોડવાના વિરોધમાં 'સેવ પોરબંદર સી ગ્રુપ' અને પર્યાવરણ પ્રેમીઓ દ્વારા 25 ઓક્ટોબરના રોજ સાંજે વસ્માવતી ઘાટ પર દાનવ દહન કરી ઉગ્ર વિરોધ પ્રદર્શનનું આયોજન કરવામાં આવ્યું છે.રાષ્ટ્રીય મોટરસાયકલ રેલીને ફ્લેગ ઓફએકતા દિવસ 2026 અંતર્ગત 25 ઓક્ટોબરના રોજ સવારે 7:30 વાગ્યે રાષ્ટ્રીય મોટરસાયકલ રેલીનું આયોજન કરવામાં આવ્યું છે, જેને મુખ્યમંત્રી ભૂપેન્દ્ર પટેલ લીલી ઝંડી આપી ફ્લેગ ઓફ કરાવશે.રાજકોટ મહાપાલિકા દ્વારા શરદોત્સવ અને ત્રિશૂળ દીક્ષારાજકોટ મહાનગરપાલિકા દ્વારા પ્રથમ વખત રેસકોર્સ ખાતે શરદ પૂર્ણિમા નિમિત્તે 'શરદોત્સવ'ની ઉજવણી કરાશે. આ જ દિવસે દુર્ગા વાહિની દ્વારા શીશીમાંથી ખાતે વિશિષ્ટ ત્રિશૂળ દીક્ષા કાર્યક્રમ પણ યોજાશે.સાળંગપુર કષ્ટભંજન હનુમાનજી મંદિરે ભવ્ય શરદોત્સવયાત્રાધામ સાળંગપુર ધામે શરદ પૂર્ણિમા નિમિત્તે રાત્રે 9 થી 11 વાગ્યા સુધી ભવ્ય રાસ ગરબાનું આયોજન કરાયું છે, જેમાં ડીજે અને વાજિંત્રોના સંગાથે સંતો અને ભક્તો રાસ ગરબાની રમઝટ બોલાવશે.ધોરાજીમાં નવા ST ડેપો વર્કશોપનું ખાતમુહૂર્તGSRTC દ્વારા ધોરાજી ખાતે લાખોના ખર્ચે નિર્માણ પામનારા નવા ST ડેપો વર્કશોપનું ખાતમુહૂર્ત પોરબંદરના સાંસદ અને કેન્દ્રીય મંત્રી મનસુખ માંડવિયા તથા ધારાસભ્ય મહેન્દ્રભાઈ પાડલિયાના હસ્તે કરવામાં આવશે.આંતરરાષ્ટ્રીય કલાકાર દિવસ દુનિયાભરના ચિત્રકારો, શિલ્પકારો અને સંગીતકારોના યોગદાનને બિરદાવવા આ દિવસ ઉજવાય છે. આ જ દિવસે પ્રખ્યાત ચિત્રકાર પાબ્લો પિકાસોનો જન્મદિન પણ છે.વર્લ્ડ ઓપેરા ડેસંગીત અને નાટકના સમન્વય એવી 'ઓપેરા' કલાના સાંસ્કૃતિક મહત્વને ઉજાગર કરવા અને શાંતિ તથા સદ્ભાવના ફેલાવવા માટે વર્લ્ડ ઓપેરા ડે મનાવવામાં આવે છે.વિશ્વ પાસ્તા દિવસઈટાલિયન વાનગી પાસ્તાની વિવિધતા અને સ્વાસ્થ્યવર્ધક ગુણોની ઉજવણી માટે 1995થી રોમમાં યોજાયેલી પ્રથમ પાસ્તા કોંગ્રેસ બાદ આ દિવસ ઉજવવામાં આવે છે.25 ઓક્ટોબરની મહત્વપૂર્ણ ઘટનાઓ1415 - ઈંગ્લેન્ડે ઉત્તરી ફ્રાન્સમાં એજિનકોર્ટનું યુદ્ધ જીત્યું.1812 - અમેરિકન ફ્રિગેટ યુનાઇટેડ સ્ટેટ્સે બ્રિટિશ જહાજ મેસેડોનિયા પર કબજો કર્યો.1917 - વ્લાદિમીર ઇલિચ લેનિનના નેતૃત્વમાં બોલ્શેવિક્સ (સામ્યવાદીઓ) દ્વારા રશિયામાં સત્તા કબજે કરાઈ.1924 - બ્રિટિશ અધિકારીઓ દ્વારા સુભાષ ચંદ્ર બોઝની ધરપકડ કરી 2 વર્ષ માટે જેલમાં મોકલાયા.1951 - ભારતમાં પ્રથમ સામાન્ય ચૂંટણીઓની શરૂઆત થઈ (જે 21 ફેબ્રુઆરી 1952 સુધી ચાલી).1962 - અમેરિકન લેખક જ્હોન સ્ટેનબેકને સાહિત્ય માટે નોબેલ પુરસ્કાર એનાયત કરાયો.1964 - આવડી ફેક્ટરીમાં પ્રથમ સ્વદેશી ટેન્ક 'વિજયંત'નું ઉત્પાદન શરૂ થયું.1971 - સંયુક્ત રાષ્ટ્ર મહાસભામાં તાઈવાનને ચીનમાં સમાવવા માટે મતદાન થયું.1995 - તત્કાલીન વડાપ્રધાન પી. વી. નરસિમ્હા રાવે સંયુક્ત રાષ્ટ્રના 50મા વર્ષગાંઠ સત્રને સંબોધિત કર્યું.2000 - યુએસએનું સ્પેસક્રાફ્ટ ડિસ્કવરી 13 દિવસના મિશન બાદ સુરક્ષિત પરત ફર્યું.2005 - ઇરાકમાં નવા બંધારણને લોકમતમાં બહુમતી સાથે મંજૂરી આપવામાં આવી.2007 - તુર્કીના યુદ્ધ વિમાનોએ ઉત્તરી ઈરાકમાં બોમ્બમારો કર્યો અને ઇન્ડોનેશિયામાં માઉન્ટ સોપુટન જ્વાળામુખી ફાટ્યો.2008 - સિક્કિમના પૂર્વ મુખ્યમંત્રી નર બહાદુર ભંડારીને 6 મહિનાની જેલની સજા થઈ.2009 - બગદાદમાં શ્રેણીબદ્ધ બોમ્બ વિસ્ફોટોમાં 155 લોકોના મોત અને 721 ઈજાગ્રસ્ત થયા.2012 - ક્યુબા અને હૈતીમાં ચક્રવાત 'સેન્ડી'ના કારણે 65 લોકોના મોત થયા.2013 - નાઈજીરિયામાં સેનાએ આતંકી સંગઠન બોકો હરામના 74 આતંકીઓને ઠાર કર્યા.25 ઓક્ટોબરના રોજ જન્મેલી મહાન હસ્તીઓ1800 - લોર્ડ મેકોલે: પ્રખ્યાત અંગ્રેજી કવિ, નિબંધકાર, ઇતિહાસકાર અને રાજકારણી.1881 - પાબ્લો પિકાસો: સ્પેનના વિશ્વપ્રસિદ્ધ ચિત્રકાર.1890 - કોતારો તનાકા: જાપાની ન્યાયશાસ્ત્રી અને કાયદાના પ્રોફેસર.1896 - મુકુંદી લાલ શ્રીવાસ્તવ: ભારતના પ્રખ્યાત સાહિત્યકાર અને લેખક.1911 - ઘનશ્યામભાઈ ઓઝા: ભારતીય રાષ્ટ્રીય કોંગ્રેસના નેતા અને ગુજરાતના પૂર્વ મુખ્યમંત્રી.1912 - મદુરાઈ મણિ ઐયર: કર્ણાટક સંગીતના પ્રખ્યાત ગાયક.1920 - બરકતુલ્લા ખાન: રાજસ્થાનના પૂર્વ 6ઠ્ઠા મુખ્યમંત્રી.1920 - રિશાંગ કીશિંગ: મણિપુરના પૂર્વ 6ઠ્ઠા મુખ્યમંત્રી.1929 - એમ.એન. વેંકટચેલૈયા: ભારતના પૂર્વ 25મા મુખ્ય ન્યાયાધીશ (CJI).1931 - ક્લાઉસ હસેલમેન: અગ્રણી જર્મન સમુદ્રશાસ્ત્રી અને જળવાયુ મોડેલર.1937 - શારદા: હિન્દી ફિલ્મોની પ્રખ્યાત પ્લેબેક સિંગર.1938 - મૃદુલા ગર્ગ: પ્રખ્યાત હિન્દી લેખિકા.1948 - અદલા પ્રભાકર રેડ્ડી: આંધ્રપ્રદેશના રાજકારણી.1995 - ગુરજીત કૌર: ભારતીય મહિલા હોકી ખેલાડી.25 ઓક્ટોબરના રોજ મહાન હસ્તીની પુણ્યતિથિ1296 - સંત જ્ઞાનેશ્વર: પ્રખ્યાત ધાર્મિક સંત અને ફિલસૂફ.1980 - સાહિર લુધિયાનવી: ભારતીય સિનેમાના પ્રખ્યાત ગીતકાર અને કવિ.1990 - વિલિયમસન એ. સંગમા: મેઘાલય રાજ્યના પ્રથમ મુખ્યમંત્રી.2003 - પાંડુરંગ શાસ્ત્રી આઠવલે: સ્વાધ્યાય પરિવારના સ્થાપક અને સમાજ સુધારક.2005 - નિર્મલ વર્મા: પ્રખ્યાત સાહિત્યકાર અને લેખક.2012 - જસપાલ ભટ્ટી: પ્રખ્યાત હાસ્ય કલાકાર અને અભિનેતા.2018 - શિવેન્દ્ર સિંહ સિંધુ: મણિપુર, ગોવા અને મેઘાલયના પૂર્વ રાજ્યપાલ.2019 - દિલીપભાઈ રમણભાઈ પરીખ: ગુજરાતના પૂર્વ 13મા મુખ્યમંત્રી.આ પણ વાંચો: 24 October Top News: મતદાર યાદીમાં મોટું કૌભાંડ, 21 લાખ કરોડ સ્વાહા, કઈ વાતનો ભય?

Read Full Story arrow_forward

calendar_today October 24, 2026

Suratમાં ચંદી પડવા નિમિત્તે ઘારીની ધૂમ ખરીદી: 21 હજાર રૂપિયા કિલો ગોલ્ડ ઘારી બની આકર્ષણનું કેન્દ્ર!

સુરત શહેરના લોકોનો સૌથી પ્રિય અને લોકપ્રિય તહેવાર એટલે કે 'ચંદીપડવો', અને આ પર્વ નિમિત્તે સુરતીઓ હજારો ટન ઘારીની ઝાપટ બોલાવવા માટે સંપૂર્ણપણે તૈયાર છે. સુરતની આગવી ઓળખ સમાન ઘારીના તહેવારને લઈને સમગ્ર શહેરમાં ભારે ઉત્સાહ અને ઉમંગ જોવા મળી રહ્યો છે. દર વર્ષની જેમ આ વર્ષે પણ સુરતીઓ મીઠાઈની દુકાનો પર લાંબી કતારો લગાવીને પોતાની મનપસંદ ઘારીની ખરીદી કરી રહ્યા છે, અને આ સ્વાદિષ્ટ મીઠાઈ વિદેશોમાં પણ ખાસ મોકલવામાં આવે છે.વિવિધ ફ્લેવર્સ અને સ્પેશિયલ ગોલ્ડ ઘારીનું આકર્ષણઆ વર્ષે સુરતની બજારમાં ઘારી અનેક નવા અને આકર્ષક ફ્લેવર્સ સાથે ઉપલબ્ધ છે, જેમાં બ્લુબેરી ઘારી, ચીકુ ચોકલેટ, અંજીર અખરોટ, કલકત્તી પાન મસાલા, બદામ પિસ્તા, કેસર પિસ્તા અને કાજુ મેંગો જેવા વૈવિધ્યસભર સ્વાદો ગ્રાહકોને આકર્ષી રહ્યા છે. આ બધાની વચ્ચે સૌથી મોટું આકર્ષણ 'ગોલ્ડ ઘારી' બની છે, જેના એક કિલોના 1 કિલોના ભાવ પૂરા 21,000 રૂપિયા સુધીના છે. આ વિશેષ ઘારી જોવામાં અને બનાવટમાં અત્યંત સમૃદ્ધ હોવાથી લોકોમાં ભારે કુતૂહલ સર્જાયું છે. =મોંઘવારીની અસર: ગત વર્ષ કરતાં 40 ટકાનો ભાવ વધારોએક તરફ ચંદીપડવાના તહેવારનો ઉમંગ છે, તો બીજી તરફ મોંઘવારીની સીધી અસર ઘારીના ભાવ પર પણ જોવા મળી રહી છે. ગત વર્ષની સરખામણીમાં આ વર્ષે ઘારીના ભાવમાં આશરે 40 ટકા જેટલો મોટો ભાવ વધારો નોંધાયો છે. તેમ છતાં સુરતીઓની ઘારી ખાવાની પરંપરા અને ઉત્સાહમાં જરાય ઘટાડો થયો નથી. સુરત જ નહીં પરંતુ આસપાસના વિસ્તારોમાંથી પણ લોકો ખાસ ઘારી ખરીદવા માટે સુરત આવી રહ્યા છે અને આ પર્વની ઉજવણી ઉત્સાહભેર કરી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward