Community News & Updates

Stay informed with the latest happenings, achievements, and announcements from our community.

All News

calendar_today October 24, 2026

Nadiad : સંત કંવરરામ સાહેબનો વર્ષી મહોત્સવ

નડિયાદ સિંધી સમાજ દ્વારા જવાહરનગરમાં આવેલા સંત કંવરરામ સાહેબના મંદિરમાં સંત કંવરરામ સાહેબ વર્ષી મહોત્સવ ધામધૂમથી ઉજવાયો હતો. આ નમિતિ વિવિધ સાંસ્કૃતિક અને ધાર્મિક કાર્યક્રમો આસ્થાભેર ઉજવાયા હતા. આ અંતર્ગત યોજાયેલ સમૂહ જનોઇ કાર્યક્રમમાં 12 જેટલા બટુકોએ જનોઇ ધારણ કરી હતી.સંત કંવરરામ સાહેબના સ્મરણો સાથે ધાર્મિક કાર્યક્રમો યોજાયા હતા. આ પ્રસંગે ભજન કિર્તન , સંસ્કૃતિક, સંત આગમન ધાર્મિક કાર્યક્રમો યોજાયા હતા. આ કાર્યક્રમમાં મોટી સંખ્યામાં સિંધી ભાઇઓ, બહેનો ઉપસ્થિત રહીને દર્શન તથા પ્રસાદનો લાભ લઇને ધન્યતા અનુભવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 24, 2026

Nadiad : ચાલુ સર્જરીએ સગર્ભાને કોર્ડિયાક એરેસ્ટ, તબીબે જીવ બચાવી લીધો

નડિયાદની ડૉ.એન.ડી.દેસાઈ હોસ્પિટલમાં પ્લેસેન્ટા એક્રીટાની જટિલ સર્જરી દરમિયાન એક સાધારણ પરિવારની સગર્ભા મહિલા દર્દીને કાર્ડિયાક એરેસ્ટ આવ્યો હતો. લગભગ મોતના મુખમાં સરી પડેલ દર્દીને ડૉકટર્સે સતત સીપીઆર, 37 બોટલ રક્ત, બ્લડ પ્રોડક્ટ્સ, વેન્ટિલેટર પર રાખીને દર્દીની ના ફક્ત નિઃશુલ્ક સફળ સર્જરી કરી છે, પણ તેને પુનર્જીવન પણ આપતા દર્દીના પરિવારે ડૉકટર્સ ટીમને ભગવાનનું બીજું સ્વરૂપ કહી તેમની માનવતાને બિરદાવી હતી. મહુધા પંથકની એક 25 વર્ષીય સગર્ભા કે જેને પ્લેસેન્ટા ગર્ભાશય ઉપરાંત મુત્રાશય સુધી પણ ફેલાઈ ગઈ હતી. અન્ય હોસ્પિટલમાંથી રીફર થઈને દર્દી નડિયાદની ડૉ.એન.ડી.દેસાઈ હોસ્પિટલમાં સારવાર માટે આવ્યા હતા. હોસ્પિટલના સ્ત્રીરોગ અને પ્રસુતિ વિભાગના વડા ડૉ.ચિંતન ઉપાધ્યાયએ જણાવ્યું હતું કે દર્દીને પાંચમા માસે જ આકસ્મિક ગર્ભાવસ્થાની જાણ થઈ હતી. તપાસમાં પ્લેસેન્ટા ગર્ભની ઓરડી ગર્ભાશયની દિવાલમાં અસામાન્ય રીતે ઊંડે પ્રવેશી ગઈ હતી. આ જટિલ સર્જરી દરમિયાન જીવલેણ રક્તસ્ત્રાવનું જોખમ પણ હતું. દર્દીના પરિવારને ગંભીરતા, સારવારની જટિલતા અને જોખમોથી અવગત કરીને દર્દીને ઓપરેશન ટેબલ પર લેવામાં આવ્યા હતા. જટિલ સર્જરી દરમિયાન તેમને ભારે રક્તસ્ત્રાવ થયો હતો, અને દર્દીને ટેબલ પર જ કાર્ડિયાક અરેસ્ટ પણ આવ્યો હતો. જેથી એનેસ્થેસીયા વિભાગે તાત્કાલિક સીપીઆર, જરૂરી ઈલેકટ્રીક શોક સહિતની પુનર્જીવન પ્રક્રિયા હાથ ધરી હતી, અને દર્દીને ફરીથી જીવંત અને સ્થિર કર્યા હતા. ગંભીર સ્થિતિના કારણે દર્દીને વેન્ટિલેટર પર રાખવામાં આવ્યા હતા. દર્દીને કુલ 37 બોટલ યુનિટ અને બ્લડ પ્રોડક્ટ્સ આપી તબીબોની સતત દેખરેખ, સમયસર સારવાર અને વિવિધ વિભાગોની સંકલિત સહયોગથી દર્દીની સ્થિતિમાં ધીમે ધીમે સુધારો થયો હતો. આજે લગભગ દસ દિવસની સારવાર બાદ દર્દી સ્વસ્થ થઈ પોતાના ઘરે પરિવાર સાથે પરત ફર્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 24, 2026

Mahesana : સૂંઢિયામાં નવનિર્મિત સામૂહિક આરોગ્ય કેન્દ્રનું ઈ-લોકાર્પણ કરાયું

વડનગર તાલુકાના સૂંઢિયામાં રૂ.6.4 કરોડના ખર્ચે નવનિર્મિત સામૂહિક આરોગ્ય કેન્દ્રનું મુખ્યમંત્રી ભૂપેન્દ્ર પટેલ દ્વારા ડિજિટલ માધ્યમથી ઈ-લોકાર્પણ કરવામાં આવ્યું હતું. આરોગ્ય કેન્દ્ર શરૂ થવાથી સૂંઢિયા સહિત આસપાસના ગામના લોકોને સ્થાનિક સ્તરે આધુનિક આરોગ્ય સેવાઓ ઉપલબ્ધ બનશે. આ પ્રસંગે ઊંઝાના ધારાસભ્ય કિરીટ પટેલ સહિત જિલ્લાના પદાધિકારીઓ અને આરોગ્ય વિભાગના અધિકારીઓ ઉપસ્થિત રહ્યા હતા. લોકાર્પણ પ્રસંગે ધારાસભ્ય કિરીટભાઈ પટેલે જણાવ્યું હતું કે, રાજ્ય સરકાર ગ્રામ્ય વિસ્તારના નાગરિકોને ઘરઆંગણે ગુણવત્તાયુક્ત આરોગ્ય સેવાઓ પૂરી પાડવા માટે પ્રયત્નશીલ છે. નવનિર્મિત આરોગ્ય કેન્દ્રમાં તબીબો, નર્સિંગ સ્ટાફ્ અને આધુનિક તબીબી સાધન સામગ્રીની સુવિધા ઉપલબ્ધ કરાવવામાં આવી છે. આથી ગ્રામજનોને સામાન્ય તેમજ જરૂરી તબીબી સારવાર માટે દૂરનાં શહેરોમાં જવાની મુશ્કેલીમાં રાહત મળશે.આયુષ્માન ભારત યોજના અને 108 એમ્બ્યુલન્સ સેવા જેવી સુવિધાઓથી નાગરિકોને આરોગ્યલક્ષી સેવાઓ મેળવવામાં મદદ મળી રહી છે. ધારાસભ્યએ વધુમાં જણાવ્યું હતું કે, છેવાડાના માનવી સુધી આરોગ્ય સુવિધાઓ પહોંચાડવા માટે પ્રાથમિક આરોગ્ય કેન્દ્રો અને સામૂહિક આરોગ્ય કેન્દ્રોને વધુ સુવિધાસભર બનાવવામાં આવી રહ્યાં છે. આશા વર્કરો અને આરોગ્ય વિભાગના કર્મચારીઓ દ્વારા સગર્ભા મહિલાઓ તથા બાળકોની આરોગ્ય સંભાળ માટે વિવિધ પ્રવૃત્તિઓ હાથ ધરવામાં આવે છે. આ કાર્યક્રમ દરમિયાન ઉપસ્થિત મહાનુભાવો અને ગ્રામજનોએ મુખ્યમંત્રીના કાર્યક્રમનું જીવંત પ્રસારણ નિહાળ્યું હતું. આ પ્રસંગે જિલ્લા પંચાયત આરોગ્ય સમિતિના ચેરમેન રોહિત પટેલ, તાલુકા પંચાયત પ્રમુખ કલાજી ઠાકોર, કેશુભાઈ પટેલ, કમલભાઈ પટેલ, મહેશભાઈ પટેલ, ઉદાજી ઠાકોર, મુખ્ય જિલ્લા આરોગ્ય અધિકારી પ્રવીણભાઈ પટેલ, તાલુકા આરોગ્ય અધિકારી ચંદ્રકાંત કડિયા સહિત આરોગ્ય વિભાગના અધિકારીઓ, કર્મચારીઓ અને ગ્રામજનો ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો 

Read Full Story arrow_forward