Community News & Updates

Stay informed with the latest happenings, achievements, and announcements from our community.

All News

calendar_today October 27, 2026

Ahmedabad News : ગુજરાત પોલીસનું 'ઓપરેશન લંગડા' સુપર હિટ, છેલ્લા 2 વર્ષમાં 21 આરોપીઓ પર ફાયરિંગ, ગુનેગારોમાં ભારે ફફડાટ!

ગુજરાતમાં ગુનાખોરી પર કાબૂ મેળવવા અને અસામાજિક તત્વોમાં કાયદાનો ડર ઊભો કરવા માટે ગુજરાત પોલીસ દ્વારા શરૂ કરાયેલ 'ઓપરેશન લંગડા' અંતર્ગત મોટો સપાટો બોલાવવામાં આવ્યો છે. ગંભીર ગુના આચરીને પોલીસ કસ્ટડીમાંથી ભાગવાનો કે પોલીસ ટુકડી પર હુમલો કરવાનો પ્રયાસ કરતા આરોપીઓ સામે પોલીસે આકરું વલણ અપનાવ્યું છે. આ ખાસ ઝુંબેશના કારણે રાજ્યભરના ગુનેગારો અને કેફી પદાર્થોના કારોબારીઓમાં ભારે ફફડાટ વ્યાપી ગયો છે.છેલ્લા 2 વર્ષમાં 21 આરોપીઓ પર ફાયરિંગપોલીસ વિભાગ દ્વારા જાહેર કરવામાં આવેલા સત્તાવાર આંકડાઓ અનુસાર, છેલ્લા 2 વર્ષના ટૂંકા ગાળામાં પોલીસે અલગ-અલગ ઘટનાઓમાં એકશન લેતા કુલ 21 આરોપીઓ પર ફાયરિંગ કર્યું છે. કસ્ટડીમાંથી ભાગવા જતાં હાથ ધરાયેલા સેલ્ફ-ડિફેન્સ અને વળતા પ્રહાર દરમિયાન બનેલી ફાયરિંગની ઘટનાઓમાં 2 આરોપીઓના મોત નીપજ્યા છે. આરોપીઓને ઘટનાસ્થળે જ અટકાવવા અને તેમની ભાગવાની યોજના નિષ્ફળ બનાવવા માટે પોલીસે આ આકરા પગલાં ભર્યા છે.2025 અને 2026 ના વર્ષવાર આંકડા, કાયદો અને વ્યવસ્થા મજબૂતવર્ષવાર આંકડાઓ પર નજર કરીએ તો, વર્ષ 2025 માં 10 આરોપીઓ સામે સ્વબચાવમાં ફાયરિંગ કરવામાં આવ્યું હતું. જ્યારે વર્ષ 2026 માં અત્યાર સુધી 11 આરોપીઓ પર ફાયરિંગ કરી તેમની અટકાયત કરવામાં આવી છે. ગુજરાત પોલીસની આ આકરી અને ઝંઝાવાતી કાર્યવાહીથી સ્પષ્ટ સંદેશ જાય છે કે રાજ્યમાં શાંતિ, સુરક્ષા અને કાયદો-વ્યવસ્થાની સ્થિતિ સાથે ચેડાં કરનાર કોઈપણ ગુનેગારને બક્ષવામાં આવશે નહીં.આ પણ વાંચો : Surat News : મર્ડર થયેલા બૂટલેગર પાસેથી તમંચો લીધાની વિચિત્ર કબૂલાત! આરોપીની કહાણીથી પોલીસ પણ ચક્કરે ચડી...

Read Full Story arrow_forward

calendar_today October 27, 2026

Cyclone Arnab: ચક્રવાત' અર્નબ'નો મહાખતરો, 5 રાજ્યોમાં હાઈ એલર્ટ અને 53 ટ્રેનો રદ

બંગાળની ખાડીમાં સર્જાયેલું ચક્રવાતી તોફાન 'અર્નબ' હવે વધુ મજબૂત બનીને અત્યંત ગંભીર સ્વરૂપ ધારણ કરી રહ્યું છે. ભારતીય હવામાન વિભાગ (IMD)ના અહેવાલ મુજબ, આ વાવાઝોડું ઝડપથી પશ્ચિમ તરફ આગળ વધી રહ્યું છે અને 28 ઓક્ટોબરે આંધ્રપ્રદેશના દરિયાકાંઠાના વિસ્તારમાં ત્રાટકે તેવી પૂરેપૂરી સંભાવના છે. 'અર્નબ' હાલ વિશાખાપટ્ટનમથી આશરે 490 કિમી, કાકીનાડાથી 560 કિમી અને બાપટલાથી 730 કિમી દૂર છે. તે આંધ્રપ્રદેશના બાપટલા અને વિશાખાપટ્ટનમ વચ્ચેના દરિયાકાંઠા તથા યાનમ નજીકથી પસાર થાય તેવી શક્યતા છે. લેન્ડફોલ (જમીન સાથે અથડાતી) વખતે પવનની સરેરાશ ઝડપ 115 થી 125 કિમી પ્રતિ કલાક રહેશે, જે વધીને 140 કિમી પ્રતિ કલાકની ઝડપે મિની-વાવાઝોડાનું રૂપ લઈ શકે છે.5 રાજ્યોમાં હાઈ એલર્ટ અને રાહત કામગીરીની તૈયારીઓવાવાઝોડાની ગંભીરતાને ધ્યાનમાં રાખીને કેન્દ્ર અને રાજ્ય સરકારો હરકતમાં આવી ગઈ છે. આંધ્રપ્રદેશ, ઓડિશા, તમિલનાડુ, તેલંગાણા, છત્તીસગઢ અને કેન્દ્રશાસિત પ્રદેશ પુડુચેરીમાં કટોકટી જેવી સ્થિતિ જાહેર કરીને 'હાઈ એલર્ટ' આપવામાં આવ્યું છે. આ ઉપરાંત, ભારે વરસાદની શક્યતાને પગલે બિહાર અને પૂર્વ ઉત્તર પ્રદેશના સ્થાનિક વહીવટીતંત્રને પણ સતર્ક રહેવા સૂચના અપાઈ છે. =દરિયામાં ન જવાની અપાઇ સૂચનામાછીમારોને 26 થી 29 ઓક્ટોબર દરમિયાન દરિયામાં ન જવાની સખત સૂચના આપવામાં આવી છે. કેબિનેટ સચિવ ટી.વી. સોમનાથનની અધ્યક્ષતામાં રાષ્ટ્રીય કટોકટી વ્યવસ્થાપન સમિતિ (NCMC) દ્વારા આપત્તિ વ્યવસ્થાપનની સમીક્ષા કરવામાં આવી છે. તમામ અધિકારીઓને જાનમાલનું નુકસાન અટકાવવા અને વીજળી, પાણી તથા સંદેશાવ્યવહાર જેવી આવશ્યક સેવાઓ જાળવી રાખવા નિર્દેશ અપાયા છે.રેલ સેવા પર અસર અને રાહત દળોની તૈનાતીદરિયાકાંઠાના વિસ્તારોમાં સલામતીના ભાગરૂપે 27 અને 28 ઓક્ટોબરે દોડનારી ૫૩ જેટલી ટ્રેનો રદ કરવામાં આવી છે. રદ કરાયેલી ટ્રેનોમાં વિજયવાડા, રાજમુન્દ્રી, વિશાખાપટ્ટનમ, કાકીનાડા અને ગુંટુર જેવા મહત્વના રેલવે સ્ટેશનોને જોડતા રૂટ સામેલ છે.પરિસ્થિતિને પહોંચી વળવા ટીમ તૈનાતકોઈપણ આકસ્મિક પરિસ્થિતિને પહોંચી વળવા માટે નેશનલ ડિઝાસ્ટર રિસ્પોન્સ ફોર્સ (NDRF) અને સ્ટેટ ડિઝાસ્ટર રિસ્પોન્સ ફોર્સ (SDRF)ની અનેક ટીમો તૈનાત કરી દેવામાં આવી છે. આ સાથે જ ભારતીય સેના, નૌકાદળ (Navy), વાયુસેના (Air Force) અને કોસ્ટ ગાર્ડને પણ સ્ટેન્ડબાય રાખવામાં આવ્યા છે. ગૃહ મંત્રાલય અને એનડીએમએ (NDMA) સતત પરિસ્થિતિ પર નજર રાખી રહ્યા છે.આ પણ વાંચોઃ Guwahati Firing: આસામના ગુવાહાટીમાં ફાયરિંગની ઘટના! 5 લોકોનાં મોત, 5 ઘાયલ

Read Full Story arrow_forward

calendar_today October 27, 2026

Microsoft Exit Package: માઇક્રોસોફ્ટનો મોટો નિર્ણય! AIમાં રોકાણ વધારવા 60,000 કર્મચારીઓને નોકરી છોડવાની ઓફર

દિગ્ગજ ટેક કંપની માઇક્રોસોફ્ટે ખર્ચ ઘટાડવા અને આર્ટિફિશિયલ ઇન્ટેલિજન્સ (AI) ક્ષેત્રમાં રોકાણને વેગ આપવા માટે મોટું પગલું ભર્યું છે. કંપનીએ પોતાના વૈશ્વિક કર્મચારી વર્ગના લગભગ એક ચતુર્થાંશ હિસ્સાને આવરી લેતી સ્વૈચ્છિક નોકરી છોડવાની યોજના રજૂ કરી છે. આ યોજના હેઠળ અંદાજે 60,000 કર્મચારીઓને નોકરી છોડવા માટે આર્થિક પેકેજની ઓફર કરવામાં આવી છે. કંપનીના આ નિર્ણયથી ટેકનોલોજી ક્ષેત્રમાં ફરી એકવાર કર્મચારીઓની સંખ્યા અને AIમાં વધતા રોકાણ અંગે ચર્ચા શરૂ થઈ છે.આ ઓફર અમેરિકા, કેનેડા, બ્રિટન અને ભારતમાં કામ કરતી પસંદગીની ટીમોના કર્મચારીઓ માટે છેમાઇક્રોસોફ્ટના પ્રવક્તા અનુસાર, આ ઓફર અમેરિકા, કેનેડા, બ્રિટન અને ભારતમાં કામ કરતી પસંદગીની ટીમોના કર્મચારીઓ માટે છે. કંપનીમાં વાઇસ પ્રેસિડેન્ટ (VP) સ્તર અને તેનાથી નીચેના હોદ્દા પર કામ કરતા કર્મચારીઓ આ યોજનાનો લાભ લેવા માટે પાત્ર રહેશે. જોકે, ડેટા સેન્ટર, વેચાણ અને માર્કેટિંગ જેવી મહત્ત્વપૂર્ણ ટીમોમાં કામ કરતા કર્મચારીઓને આ યોજનામાંથી બાકાત રાખવામાં આવ્યા છે. ઉપલબ્ધ માહિતી અનુસાર, કંપનીના કુલ કર્મચારીઓમાંથી આશરે 27 ટકા કર્મચારીઓ આ બાયઆઉટ ઓફર માટે પાત્ર છે.કંપનીએ શું કહ્યું?માઇક્રોસોફ્ટનાં એક્ઝિક્યુટિવ વાઇસ પ્રેસિડેન્ટ અને ચીફ પીપલ ઓફિસર એમી કોલમેન દ્વારા કર્મચારીઓને મોકલવામાં આવેલા સત્તાવાર મેમોમાં આ યોજનાનો હેતુ સમજાવવામાં આવ્યો હતો. તેમના જણાવ્યા અનુસાર, સ્વૈચ્છિક રીતે નોકરી છોડવાની આ ઓફર કંપનીના પરિવર્તનના અભિગમને દર્શાવે છે. તેનો મુખ્ય ઉદ્દેશ કર્મચારીઓને વધુ સુગમતા આપવાનો અને તેમની કારકિર્દીના આગામી તબક્કા અંગે નિર્ણય લેવા માટે વધુ વિકલ્પો ઉપલબ્ધ કરાવવાનો છે.આ યોજના દ્વારા કંપની કર્મચારીઓને પોતાની ઇચ્છા મુજબ નોકરી છોડવાની તક આપી રહી છે. જોકે, આ ઓફર હેઠળ કેટલા કર્મચારીઓ નોકરી છોડવાનો નિર્ણય લેશે તે અંગેની અંતિમ માહિતી ઉપલબ્ધ નથી.આ વર્ષે બીજી વખત બાયઆઉટ ઓફરમાઇક્રોસોફ્ટે આ વર્ષે બીજી વખત કર્મચારીઓ માટે આવી યોજના રજૂ કરી છે. આ પહેલાં એપ્રિલ મહિનામાં કંપનીએ અમેરિકામાં કાર્યરત પોતાના કર્મચારી વર્ગના આશરે સાત ટકા કર્મચારીઓને વહેલી નિવૃત્તિ લેવાનો વિકલ્પ આપ્યો હતો. મીડિયા અહેવાલો અનુસાર, તે સમયે આ યોજના માટે પાત્ર કર્મચારીઓમાંથી લગભગ 30 ટકાએ વહેલી નિવૃત્તિની યોજના પસંદ કરી હતી.આ અગાઉની યોજનાને ધ્યાનમાં રાખીને નવી ઓફર કંપનીની કર્મચારી વ્યવસ્થાપન નીતિમાં થઈ રહેલા ફેરફારોનો એક ભાગ હોવાનું માનવામાં આવે છે.માઇક્રોસોફ્ટમાં કર્મચારીઓની સંખ્યા ઘટીનિયમનકારી દસ્તાવેજોમાં આપવામાં આવેલા આંકડા અનુસાર, માઇક્રોસોફ્ટના વૈશ્વિક કર્મચારીઓની સંખ્યામાં ઘટાડો નોંધાયો છે. જૂનના અંત સુધીમાં કંપનીમાં કુલ 2,23,000 કર્મચારીઓ કાર્યરત હતા, જ્યારે 2025ના અંતમાં આ સંખ્યા 2,28,000 હતી.કંપનીનો આ નિર્ણય એવા સમયે આવ્યો છે જ્યારે તે આ સપ્તાહના અંતમાં પોતાના ત્રિમાસિક નાણાકીય પરિણામો જાહેર કરવાની તૈયારી કરી રહી છે. બજારના નિષ્ણાતોના મતે, ટેકનોલોજી ક્ષેત્રની કંપનીઓ હાલમાં AI સંબંધિત પ્રોજેક્ટ્સ પાછળ થતા મોટા ખર્ચને પહોંચી વળવા માટે પોતાના બજેટ અને સંસાધનોનું પુનર્ગઠન કરી રહી છે.AI ક્ષેત્રમાં વધતી સ્પર્ધા વચ્ચે માઇક્રોસોફ્ટ માટે રોકાણ અને ખર્ચ વચ્ચે સંતુલન જાળવવું મહત્ત્વપૂર્ણ બની રહ્યું છે. જોકે, સ્વૈચ્છિક નોકરી છોડવાની આ યોજનાની લાંબા ગાળાની અસર કંપનીના કર્મચારીઓ, કામગીરી અને ભવિષ્યની ભરતી પર કેવી પડશે તે આગામી સમયમાં સ્પષ્ટ થશે.

Read Full Story arrow_forward