Community News & Updates

Stay informed with the latest happenings, achievements, and announcements from our community.

All News

calendar_today October 26, 2026

Surendranagar News: લખતરના 33 ગામોના ખેડૂતોએ નર્મદાના પ્રશ્ને ધારાસભ્ય પીકે પરમારને કરી રજૂઆત

સુરેન્દ્રનગર જિલ્લાના લખતર તાલુકામાંથી ખેડૂતોના પ્રશ્નોને લઈને મહત્વના સમાચાર સામે આવ્યા છે. લખતર તાલુકાના 33 ગામોના ખેડૂતો નર્મદા યોજના સંબંધિત વિવિધ મુશ્કેલીઓને લઈને એકઠા થયા હતા અને લખતર સર્કિટ હાઉસ ખાતે સ્થાનિક ધારાસભ્ય પીકે પરમારની ઉપસ્થિતિમાં રૂબરૂ રજૂઆત કરી હતી. ખેડૂતોની આ રજૂઆતથી વિસ્તારમાં સિંચાઈના પાણીનો પ્રશ્ન ફરી એકવાર એરપોર્ટ પર આવ્યો છે.કેનાલોની સફાઈ, લીકેજ અને ઓવર ટોપિંગની સમસ્યાખેડૂતો દ્વારા કરવામાં આવેલી રજૂઆતમાં મુખ્યત્વે નર્મદા કેનાલોની ખરાબ હાલતનો મુદ્દો ઉઠાવવામાં આવ્યો હતો. કેનાલોની યોગ્ય સાફ-સફાઈ ન થવી, કેનાલોમાં મોટા પ્રમાણમાં લીકેજ હોવું, ઓવર ટોપિંગ થવું તેમજ આસપાસના ખેતરોમાં ભેજ લાગવા જેવી ગંભીર સમસ્યાઓ અંગે ધારાસભ્યને વિગતવાર માહિતી આપવામાં આવી હતી. ખેડૂતોનું કહેવું છે કે, સમયસર મરામત ન થવાને કારણે તેમને ભારે નુકસાન સહન કરવાનો વારો આવી રહ્યો છે.વડલા, અણીયારી સહિતના ગામોમાં પાણી ન પહોંચવાની રાવઆ બેઠક દરમિયાન ખેડૂતોએ ખાસ ઉલ્લેખ કર્યો હતો કે વડલા, સાકર, અણીયારી, તલસાણા, તાવી સહિતના અનેક ગામોમાં કેનાલના અંતિમ છેડા સુધી પૂરતું પાણી પહોંચતું નથી. સિંચાઈ માટે પાણી ન મળવાના કારણે ખેડૂતોના ઊભા પાકને નુકસાન થવાની ભીતી સેવાઈ રહી છે, જેના કારણે ખેડૂતોમાં ભારે ચિંતા જોવા મળી રહી છે.ધારાસભ્ય દ્વારા વહેલી તકે નિરાકરણ લાવવાની ખાતરીખેડૂતોની આ તમામ રજૂઆતો સાંભળ્યા બાદ ધારાસભ્ય પીકે પરમારે ખેડૂતોને હૈયાધારણ આપી હતી. તેમણે આગામી સમયમાં સંબંધિત નર્મદા વિભાગના ઉચ્ચ અધિકારીઓ સમક્ષ આ તમામ પ્રશ્નો રજૂ કરવાની અને વહેલી તકે તમામ મુશ્કેલીઓનું કાયમી નિરાકરણ આવે તે માટે સઘન પ્રયાસો હાથ ધરવાની ખાતરી આપી હતી.આ પણ વાંચો: Surendranagar: PGVCLની 31 ટીમોના સામૂહિક દરોડામાં ₹20.30 લાખની વીજ ચોરી પકડાઈ

Read Full Story arrow_forward

calendar_today October 26, 2026

New Delhi: સુપ્રીમ કોર્ટમાં ECI નું સોગંદનામું; 'SIR ના તમામ નિર્ણયો સર્વાનુમતે લેવાયા

ભારતીય ચૂંટણી પંચ (ECI) ની કામગીરી અને મુખ્ય ચૂંટણી કમિશનર (CEC) ની સત્તાઓ સામે સવાલો ઉઠાવતી અરજીઓના મામલે ચૂંટણી પંચે સુપ્રીમ કોર્ટમાં પોતાનું વલણ સ્પષ્ટ કર્યું છે. દેશની સર્વોચ્ચ અદાલતમાં દાખલ કરાયેલા સત્તાવાર પ્રતિ-એફિડેવિટ (Counter-Affidavit) માં પંચે જણાવ્યું છે કે મતદાર યાદીઓના સ્પેશિયલ ઇન્ટેન્સિવ રિવિઝન (SIR) સંબંધિત જૂન 2025, ઓક્ટોબર 2025 અને મે 2026 ના તમામ મહત્વપૂર્ણ આદેશો પંચના ત્રણેય સભ્યો મુખ્ય ચૂંટણી કમિશનર અને બંને ચૂંટણી કમિશનરો (ECs) દ્વારા સંપૂર્ણપણે સર્વાનુમતે લેવામાં આવ્યા હતા. આ સાથે જ પંચે સ્પષ્ટ કર્યું કે CEC ને કામ કરતા અટકાવવાની માંગ કરતી અરજી કાયદાકીય રીતે ટકી શકે તેમ નથી, કારણ કે બંધારણીય જોગવાઈ મુજબ CEC ને ફક્ત સુપ્રીમ કોર્ટના ન્યાયાધીશની જેમ જ હોદ્દા પરથી દૂર કરી શકાય છે.બંધારણની કલમ 324 અને કાયદાકીય સત્તાનો પુનરોચ્ચારરાકેશ કુમાર સિંહ ઉર્ફે રાકેશ સિંહ વિરુદ્ધ યુનિયન ઓફ ઇન્ડિયા કેસમાં દાખલ સોગંદનામાની મુખ્ય કાયદાકીય બાબતો.  પંચે ભારતના સંવિધાનની કલમ 324 તેમજ જનપ્રતિનિધિત્વ અધિનિયમ, 1950 ની કલમ 21 હેઠળ મુક્ત અને ન્યાયી ચૂંટણીઓ સુનિશ્ચિત કરવા માટે મતદાર યાદીઓમાં વિશેષ સુધારો (SIR) કરવાની પોતાની સંપૂર્ણ સત્તાનો દાવો કર્યો છે. લોકશાહીમાં પારદર્શિતા જાળવવા માટે ડુપ્લિકેટ એન્ટ્રીઓ દૂર કરવી અને તમામ પાત્ર નાગરિકોના નામ યાદીમાં યોગ્ય રીતે સામેલ કરવા જરૂરી છે. પંચની કડક માર્ગદર્શિકા છે કે જે મતદારોના નામ અગાઉની ઊંડાણપૂર્વક સુધારેલી યાદી સાથે મેળ ખાતા નથી અથવા વિસંગતતા છે, તેમને ડ્રાફ્ટ યાદી પ્રસિદ્ધ થયા બાદ સત્તાવાર નોટિસ આપીને પોતાની યોગ્યતા સાબિત કરવાની પૂરતી તક આપવામાં આવે છે.આંતરિક ફાઇલ પ્રોસેસિંગ અને વહીવટી વિવાદો પર સ્પષ્ટતાસોગંદનામામાં કમિશને આંતરિક કાર્યપ્રણાલી અંગે મહત્વપૂર્ણ ખુલાસા કર્યા છે. ફાઇલ જ્યારે પ્રોસેસિંગમાં હોય ત્યારે CEC અથવા ચૂંટણી કમિશનરો દ્વારા કરવામાં આવતી ટિપ્પણીઓ, પૂછવામાં આવતા પ્રશ્નો કે સૂચનો એ પંચના સત્તાવાર ‘નિર્ણયો’ નથી. અંતિમ નિર્ણય ત્રણેય સભ્યોની સંમતિ બાદ જ રેકોર્ડ થાય છે.28 જુલાઈના રોજ ડેપ્યુટેશન પર આવેલા અધિક સચિવ દ્વારા કાર્ય ફાળવણીનો આદેશ બહાર પડાયો હતો. બંને કમિશનરો દ્વારા કેબિનેટ સચિવને પત્ર લખાયા બાદ 30 જુલાઈના સંયુક્ત નિર્દેશથી તે આદેશનો ક્યારેય અમલ કરાયો નહોતો. SIR કામગીરીમાં સામેલ અધિકારીઓને પૂરતા સંસાધનો પૂરા પાડવામાં આવ્યા છે અને પંચની મંજૂરી વિના આવા અધિકારીઓની બદલી કરવા પર મનાઈ છે.ફોર્મ 6, ECINet અને IIT-IISc નિષ્ણાતોની સમિતિ નિયમ મુજબ ફોર્મ 6 માં સુધારો કરવાની સત્તા માત્ર કેન્દ્ર સરકાર પાસે છે. SIR ઘોષણાપત્ર એક અલગ દસ્તાવેજ છે. ઓનલાઇન ડિસ્પ્લેમાં રહેલી ગેરસમજ દૂર કરવા માટે 21 ઓક્ટોબરથી ઓનલાઇન અરજીને ફોર્મ 6 અને ઘોષણાપત્રમાં વિભાજિત કરી દેવામાં આવી છે.જે મતદારોના નામ યાદી સાથે મેપ નથી થયા તેમને કોઈ ઓફિસે સુનાવણી માટે જવાની જરૂર નથી. BLO પોતે તેમના ઘરે જઈને દસ્તાવેજો એકત્રિત કરશે. ECINet પર નિયમ મુજબ ચૂંટણી નોંધણી અધિકારી (ERO) ના આદેશ વિના કોઈનું નામ ઉમેરી કે કાઢી શકાતું નથી. સિસ્ટમની વિશ્વસનીયતા ચકાસવા માટે IIT અને IISc ના ઉચ્ચ નિષ્ણાતોની એક પેનલ ગઠિત કરવામાં આવી છે. ગોવામાં યાદી બહાર રહેલા 97 માંથી 88 મતદારો પહેલેથી અન્યત્ર નોંધાયેલા હતા, ૬ વિદેશમાં હતા અને 3 પાસે પોર્ટુગીઝ પાસપોર્ટ હતા.આ પણ વાંચો: Gandhinagar: PM મોદીના આગમન પૂર્વે ગાંધીનગરમાં ધમધમાટ! હર્ષ સંઘવીએ બોલાવી હાઈ-લેવલ બેઠક

Read Full Story arrow_forward

calendar_today October 26, 2026

Defence: સુરક્ષા ક્ષેત્રે મોટો ધડાકો: ભારતે મંજૂર કર્યા 1.87 લાખ કરોડ રૂપિયા ના ઘાતક હથિયારો!

ભારતે પોતાની સૈન્ય શક્તિ અને સંરક્ષણ ક્ષમતાઓને વધુ મજબૂત બનાવવા માટે મોટું પગલું ભર્યું છે. 26 ઑક્ટોબર, 2026ના રોજ સંરક્ષણ મંત્રી રાજનાથ સિંહની અધ્યક્ષતામાં મળેલી ડિફેન્સ એક્વિઝિશન કાઉન્સિલ (DAC)એ ₹2.12 લાખ કરોડ એટલે કે આશરે $22.27 બિલિયનના સંરક્ષણ સાધનો અને હથિયારોની ખરીદીના પ્રસ્તાવોને સૈદ્ધાંતિક મંજૂરી આપી છે. આ નિર્ણયનો હેતુ થલસેના, નૌકાદળ અને વાયુસેનાની કામગીરી, સુરક્ષા અને યુદ્ધક્ષમતાને વધુ મજબૂત બનાવવાનો છે. આ પ્રસ્તાવોમાં ટૂંકા અંતરની હવાઈ સંરક્ષણ પ્રણાલીઓ, ડ્રોન વિરોધી સિસ્ટમો, દેખરેખ અને હુમલા માટેનાં સાધનો, હેલિકોપ્ટર તથા લાંબા અંતર સુધી હુમલો કરી શકે તેવા કામિકાઝે ડ્રોનનો સમાવેશ થાય છે. થલસેનાને મળશે ડ્રોન અને હવાઈ હુમલાથી બચાવની ક્ષમતાથલસેના માટે હાઈ મોબિલિટી વાહનો, સ્વચાલિત ટ્રેકવાળી તોપ પ્રણાલીઓ, ગનશોટ રિસ્પોન્સ સિસ્ટમ, લાઇટ મલ્ટી-રોલ હેલિકોપ્ટર, ટૂંકા અંતરની હવાઈ સંરક્ષણ સિસ્ટમ અને ડ્રોન વિરોધી સાધનોના પ્રસ્તાવોને મંજૂરી આપવામાં આવી છે. હાઈ મોબિલિટી વાહનો મુશ્કેલ ભૌગોલિક વિસ્તારોમાં સૈનિકો અને સાધનોની હેરફેરમાં મદદ કરશે. જ્યારે સ્વચાલિત ટ્રેકવાળી તોપ પ્રણાલીઓ સેનાની ગતિશીલતા અને ફાયરપાવર વધારવામાં ઉપયોગી થશે. ગનશોટ રિસ્પોન્સ સિસ્ટમથી ગોળીબારના સ્થળ અંગે ઝડપી માહિતી મેળવી સૈનિકોને પરિસ્થિતિ સમજવામાં મદદ મળી શકે છે. આ ઉપરાંત, સર્વેલન્સ UAV, સંકલિત દેખરેખ અને હુમલા માટેની સિસ્ટમો તથા લાંબા અંતરના કામિકાઝે ડ્રોનનો પણ સમાવેશ થાય છે. આ સાધનોનો હેતુ દુશ્મનની હિલચાલ પર નજર રાખવી, લક્ષ્ય ઓળખવું અને જરૂર પડે ત્યારે ચોક્કસ હુમલાની ક્ષમતા વધારવાનો છે. નૌકાદળને મિસાઈલ સામે સુરક્ષાનૌકાદળ માટે એક્ટિવ ઑફબોર્ડ ડિકોય સિસ્ટમ (AODS) અને અન્ય નૌકાદળનાં પ્લેટફોર્મની ખરીદીના પ્રસ્તાવને મંજૂરી આપવામાં આવી છે. ડિકોય સિસ્ટમનું કામ દુશ્મન તરફથી આવતી એન્ટી-શિપ મિસાઈલોને ભટકાવવામાં મદદ કરવાનું છે, જેથી જહાજોની સુરક્ષા મજબૂત બની શકે. ભારતમાં ડિઝાઇન અને નિર્માણ કરવામાં આવનારા નૌકાદળનાં પ્લેટફોર્મથી પણ નૌકાદળની યુદ્ધક્ષમતા વધારવાનો હેતુ છે. આ નિર્ણય સમુદ્રી સુરક્ષા અને આધુનિક મિસાઈલ જોખમો સામે તૈયારીના દૃષ્ટિકોણથી મહત્વપૂર્ણ છે. વાયુસેનાને હેલિકોપ્ટર અને આધુનિક રડારભારતીય વાયુસેના માટે હેલિકોપ્ટર, હવાઈ સંરક્ષણ પ્રણાલીઓ, શસ્ત્રો અને મોબાઇલ X-બેન્ડ ડોપ્લર વેધર રડાર સિસ્ટમના પ્રસ્તાવો પણ મંજૂર થયા છે. સ્પેશિયલ યુટિલિટી હેલિકોપ્ટરથી હવાઈ પરિવહનની જરૂરિયાતો પૂરી કરવામાં મદદ મળશે. જ્યારે મોબાઇલ રડારથી આગળના વિસ્તારોમાં હવામાનની વધુ ચોક્કસ અને સ્થાનિક માહિતી મળી શકશે. આ પ્રકારની માહિતી સૈન્ય કામગીરીના આયોજનમાં ઉપયોગી બની શકે છે, ખાસ કરીને જ્યાં હવામાન ઝડપથી બદલાતું હોય. 82% ખરીદી ભારતીય ઉદ્યોગ પાસેથી કરવાની યોજનાઆ સંરક્ષણ પ્રસ્તાવોની ખાસ બાબત એ છે કે ખરીદીના કુલ મૂલ્યમાંથી લગભગ 82% હિસ્સો ભારતીય ઉદ્યોગ પાસેથી મેળવવાની યોજના છે. તેનાથી સ્થાનિક સંરક્ષણ ઉત્પાદકો, ટેક્નોલોજી કંપનીઓ અને તેમની સપ્લાય ચેઇનને તકો મળી શકે છે. આ સાથે દેશની સંરક્ષણ ઉત્પાદન ક્ષમતા અને આત્મનિર્ભરતાને પણ પ્રોત્સાહન મળી શકે છે. હાલમાં દરેક સાધનની ચોક્કસ કિંમત, સંખ્યા, સપ્લાયર અને ડિલિવરીની સમયમર્યાદા જાહેર કરવામાં આવી નથી. આગામી તબક્કામાં ખરીદીની પ્રક્રિયા આગળ વધશે અને ત્યારબાદ અંતિમ કરારો અંગે વધુ વિગતો સામે આવી શકે છે.આ પણ વાંચો: New Delhi: સુપ્રીમ કોર્ટમાં ECI નું સોગંદનામું; 'SIR ના તમામ નિર્ણયો સર્વાનુમતે લેવાયા

Read Full Story arrow_forward