Community News & Updates

Stay informed with the latest happenings, achievements, and announcements from our community.

All News

calendar_today October 26, 2026

Rajkotમાં દિવાળી પહેલાં સૂકામેવાના ભાવમાં ધરખમ ઉછાળો, આંતરરાષ્ટ્રીય યુદ્ધના કારણે આયાત ઘટતા ગૃહિણીઓનું બજેટ ખોરવાયું!

રાજકોટ બજારમાંથી દિવાળીના તહેવાર ટાણે જ ગૃહિણીઓ અને વેપારીઓ માટે ચિંતાજનક સમાચાર સામે આવ્યા છે. તહેવારોની મોસમ શરૂ થતાં જ શહેરમાં સૂકામેવા (ડ્રાયફ્રૂટ) ના ભાવમાં ભારે ઉછાળો જોવા મળ્યો છે. આંતરરાષ્ટ્રીય સ્તરે પ્રવર્તતી પરિસ્થિતિ અને ખાસ કરીને ઈરાન તથા અમેરિકા વચ્ચેના યુદ્ધના કારણે આયાત-નિકાસની સપ્લાય ચેઈન ગંભીર રીતે ખોરવાઈ ગઈ છે. સામાન્ય દિવસોમાં બજારમાં અંદાજે 200 કન્ટેનરની જરૂરિયાત સામે હાલમાં માત્ર 20 કન્ટેનરની જ આવક થઈ રહી છે, જેના કારણે માલની ભારે અછત વર્તાઈ રહી છે અને સીધી અસર ભાવ પર પડી છે.બદામ, પિસ્તા અને કાજુના ભાવમાં જબરદસ્ત વધારો, પ્રતિ કિલોના નવા ભાવ જાહેરબદામ, પિસ્તા અને કાજુ જેવા લોકપ્રિય સૂકામેવાના ભાવમાં 25 ટકાથી લઈને 55 ટકા સુધીનો મોટો વધારો નોંધાયો છે. રાજકોટના બજારમાં પ્રવર્તતા જૂના અને નવા ભાવ પર નજર કરીએ તો:બદામ: જૂનો ભાવ પ્રતિ કિલો રૂપિયા 800 હતો, જે વધીને હવે રૂપિયા 1,200 થયો છે.કાજુ: જૂનો ભાવ પ્રતિ કિલો રૂપિયા 700 હતો, જે વધીને હવે રૂપિયા 1,000 થયો છે.પિસ્તા: જૂનો ભાવ પ્રતિ કિલો રૂપિયા 1,200 હતો, જે વધીને હવે રૂપિયા 1,800 થયો છે.પિસ્તા મોરા: સીધા વધીને હવે રૂપિયા 3,000 પ્રતિ કિલો વેચાઈ રહ્યા છે.અન્ય વસ્તુઓમાં ચારોળી રૂપિયા 2,000 પ્રતિ કિલો, અખરોટ રૂપિયા 700થી 1,000, કિસમિસ રૂપિયા 500થી 800, જ્યારે અંજીરના ભાવ ઘટીને રૂપિયા 600 થયા છે. આ ઉપરાંત જલદારૂના ભાવ રૂપિયા 400થી વધીને સીધા રૂપિયા 800થી 1,200 સુધી પહોંચી ગયા છે.આ દિવાળીએ ડ્રાયફ્રૂટ ખરીદવું મોંઘું બનશે, ગ્રાહકોના બજેટ પર અસરતહેવારોની સિઝનમાં ગિફ્ટિંગ કરવા માટે અને ઘરના ઉપયોગ માટે ડ્રાયફ્રૂટનું વિશેષ મહત્ત્વ હોય છે, પરંતુ આ અણધાર્યા ભાવવધારાના કારણે આ વર્ષે દિવાળીની ખરીદીમાં લોકોનું બજેટ ખોરવાઈ જવાની પૂરી સંભાવના છે. વેપારીઓના જણાવ્યા મુજબ જો આયાતની સ્થિતિ જલ્દી સુધરશે નહીં તો આગામી દિવસોમાં ભાવ હજી ઊંચા જઈ શકે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Gandhinagar News: સરકાર અને રેન્જ IG વિરુદ્ધ કોંગ્રેસનું પ્રદર્શન, DGP કચેરી બહાર કિલ્લેબંધી

ગાંધીનગર ખાતે કોંગ્રેસ દ્વારા રાજ્ય સરકાર અને પોલીસની કામગીરી સામે વિરોધ પ્રદર્શનનું આયોજન કરવામાં આવ્યું હતું.કોંગ્રેસ પક્ષના નેતાઓ સામે પોલીસ તંત્ર દ્વારા એક પછી એક ખોટી ફરિયાદો નોંધવામાં આવી હોવાના મુદ્દે પક્ષના અગ્રણીઓમાં ભારે રોષ જોવા મળ્યો હતો.કોંગ્રેસના કાર્યકરો અને આગેવાનો મોટી સંખ્યામાં એકઠા થઈને પોલીસ ભવન પાસે પહોંચ્યા હતા અને સરકારની નીતિ સામે સૂત્રોચ્ચાર કરીને ઉગ્ર વિરોધ નોંધાવ્યો હતો.આ સમગ્ર પ્રદર્શન દરમિયાન કોંગ્રેસ પક્ષે ગંભીર આક્ષેપ કર્યો હતો કે વિરોધ પક્ષના નેતાઓને દબાવવા અને તેમને સતત હેરાન કરવા માટે જાણીજોઈને ફરિયાદો દાખલ કરવામાં આવી રહી છે.આ હેરાનગતિ બંધ થાય તે માટે કોંગ્રેસના આગેવાનો ડીજીપી કચેરી તરફ કૂચ કરવા માટે આગળ વધ્યા હતા.અત્યંત ચુસ્ત પોલીસ બંદોબસ્ત ગોઠવી દેવામાં આવ્યોકોંગ્રેસની આ કૂચ અને વિરોધ પ્રદર્શનના પગલે પાટનગરમાં પોલીસ તંત્ર સંપૂર્ણપણે હરકતમાં આવી ગયું હતું.ઘર્ષણ અને કાયદો વ્યવસ્થાની સ્થિતિને ધ્યાનમાં રાખીને ડીજીપી કચેરી તરફ જવાના તમામ મુખ્ય માર્ગો પર અત્યંત ચુસ્ત પોલીસ બંદોબસ્ત ગોઠવી દેવામાં આવ્યો હતો.વિરોધને પગલે ડીજીપી કચેરી બહાર જાણે મજબૂત કિલ્લેબંધી કરી દેવામાં આવી હોય તેવા દ્રશ્યો સર્જાયા હતા.પોલીસ ભવન આસપાસ પોલીસ જવાનોનો મોટો કાફલો તૈનાત કરી દેવાયો હતો.જેથી કોઈપણ અનિચ્છનીય બનાવ ન બને અને પ્રદર્શનકારીઓને કચેરીમાં પ્રવેશતા અટકાવી શકાય.કોંગ્રેસના આગેવાનોએ સ્પષ્ટ કર્યું હતું કે તેઓ પોતાના નેતાઓ સામે થઈ રહેલી અન્યાયી કાર્યવાહી અને હેરાનગતિના વિરોધમાં રાજ્યના પોલીસ વડાને રૂબરૂ આવેદનપત્ર આપીને પોતાની રજૂઆત કરશે. રસ્તો બંધ કરીને કોંગ્રેસના કાર્યકરોને અટકાવી દીધાગાંધીનગરમાં કોંગ્રેસના કાર્યકરોને રોકવા માટે પોલીસે મજબૂત ઘેરાબંધી કરી હતી. આ ઘેરાબંધીને તોડીને પણ કોંગ્રેસના કાર્યકરો આગળ વધ્યા હતાં. પોલીસે ડીજીપી કચેરી તરફનો રસ્તો બંધ કરીને કોંગ્રેસના કાર્યકરોને અટકાવી દીધા હતાં. તે છતાંય કોંગ્રેસના કાર્યકરો પોલીસે કરેલા બેરિકેડ તોડીને કચેરી તરફ કૂચ કરી રહ્યા હતાં. ઉલ્લેખનીય છે કે, ભાજપે પણ આવતીકાલે એક પદયાત્રાનું આયોજન કર્યું છે. જેમાં લોકતંત્ર બચાવો અને ભીડ તંત્ર હટાવો જેવા સુત્રો સાથે રાજ્યમાં પદયાત્રા કરવામાં આવશે. જેમાં ભાજપના રાષ્ટ્રીય નેતાઓ પણ જોડાશે. આ પણ વાંચોઃ Morbi News: સાયબર ફ્રોડમાં 3.49 કરોડની હેરાફેરી ઝડપાઈ, વચેટિયા સહિત 3 સામે ફરિયાદ

Read Full Story arrow_forward

calendar_today October 26, 2026

Gandhinagar News: સોમનાથ બાદ હવે ઇકો ફ્રેન્ડલી પ્રસાદ પેકેજિંગ મોડેલને અંબાજી મંદિરમાં અપનાવાશે

સોમનાથ મંદિર ખાતે ઇકો-ફ્રેન્ડલી પ્રસાદ પેકેજિંગની સફળતા બાદ ગુજરાત પ્રદૂષણ નિયંત્રણ બોર્ડ હવે આ મોડેલને આરાસુરી અંબાજી માતા મંદિરમાં ટૂંક સમયમાં અમલમાં મૂકશે.આ પહેલનો હેતુ મંદિરમાં ધરાવવામાં આવતા પ્રસાદનાં પેકેજિંગમાંથી સિંગલ-યુઝ્ડ પ્લાસ્ટિકનો ઉપયોગ ઘટાડવાનો છે.GPCB દ્વારા અમદાવાદની નેશનલ ઇન્સ્ટિટ્યૂટ ઑફ ડિઝાઇન પાસે તૈયાર કરવામાં આવેલા વિકલ્પોમાં શેરડીનાં વેસ્ટમાંથી બનાવવામાં આવેલા કન્ટેનર અને ફરીથી ઉપયોગમાં લઈ શકાય તેવા ટીનનાં કન્ટેનરનો સમાવેશ થાય છે. આ પહેલનો હેતુ પ્લાસ્ટિક વેસ્ટને દૂર કરી યાત્રાધામોમાં ઇકો-ફ્રેન્ડલી વ્યવસ્થાપનને પ્રોત્સાહન આપવા અને પ્રસાદ વિતરણની પરંપરાના સાંસ્કૃતિક અને આધ્યાત્મિક મહત્ત્વને જાળવી રાખવાનો પણ પ્રયાસ છે.કાગળનાં બોક્સ અને ફરીથી ઉપયોગમાં લઈ શકાયસોમનાથ મંદિરમાં હવે પ્રસાદનું વિતરણ પ્લાસ્ટિકમુક્ત કાગળનાં બોક્સ અને ફરીથી ઉપયોગમાં લઈ શકાય તેવા ટીનનાં ડબ્બામાં કરવામાં આવે છે.આ નવી ઇકો-ફ્રેન્ડલી પ્રસાદ પેકેજિંગ વ્યવસ્થાનું મુખ્યમંત્રી ભૂપેન્દ્ર પટેલના હસ્તે 17 સપ્ટેમ્બરે ઉદ્ઘાટન કરવામાં આવ્યું હતું.સોમનાથ મંદિરમાં દરરોજ આશરે 4200 કિલોગ્રામ પ્રસાદનું વિતરણ લગભગ 27700 બોક્સ દ્વારા કરવામાં આવે છે.પ્લાસ્ટિકનાં પાત્રોને દૂર કરી, ટકાઉ વિકલ્પોનો ઉપયોગ કરવાથી દર વર્ષે 203 ટનથી વધુ પ્લાસ્ટિકનો વપરાશ અટકાવી શકાશે.સોમનાથ મંદિર ખાતે મળેલી સફળતાના આધારે ગુજરાત પ્રદૂષણ નિયંત્રણ બોર્ડ આરાસુરી અંબાજી માતા મંદિરમાં પણ આવી જ પેકેજિંગ વ્યવસ્થા અમલમાં મૂકશે.દર મહિને આશરે 10 લાખ બોક્સનું વિતરણ વન અને પર્યાવરણ મંત્રી અર્જુન મોઢવાડિયાએ જણાવ્યું કે,અંબાજી મંદિરમાં સામાન્ય દિવસોમાં આશરે 15000 પ્લાસ્ટિકનાં પ્રસાદ બોક્સનો ઉપયોગ થાય છે, જ્યારે તહેવારો અને વિશેષ પ્રસંગોએ તેની માંગમાં નોંધપાત્ર વધારો થાય છે.દર મહિને આશરે 10 લાખ બોક્સનું વિતરણ કરવામાં આવે છે.જેના પરિણામે પેકેજિંગને કારણે અંદાજે 11299.5 કિલોગ્રામ પ્લાસ્ટિકનો કચરો પેદા થાય છે.અર્જુન મોઢવાડિયાએ વધુમાં જણાવ્યું કે,પ્રસાદ વિતરણમાં ઇકોફ્રેન્ડલી વિકલ્પો અપવનાવવાથી અંબાજીમાં દર વર્ષે આશરે 135.6 ટન પ્લાસ્ટિકના કચરાને અટકાવી શકાશે.આ પેકેજિંગ વિકલ્પો પ્રસાદ વિતરણ માટે જરૂરી સ્વચ્છતા, કાર્યક્ષમતા અને સુવિધા જાળવી રાખવાની સાથે તેની સાંસ્કૃતિક ઓળખને પણ જાળવવા માટે તૈયાર કરવામાં આવ્યા છે.આ પણ વાંચોઃ Morbi News: સાયબર ફ્રોડમાં 3.49 કરોડની હેરાફેરી ઝડપાઈ, વચેટિયા સહિત 3 સામે ફરિયાદ

Read Full Story arrow_forward