IRCTC Tatkal Ticket: દિવાળી અને છઠ પૂજા માટે મળશે કન્ફર્મ ટ્રેન ટિકિટ, આ રીતે કરો તત્કાલ ટિકિટ બુક
દિવાળી અને છઠ પૂજા જેવા મોટા તહેવારોમાં વતન જતા મુસાફરોના ભારે રશને કારણે ટ્રેનોમાં કન્ફર્મ સીટ મળવી અત્યંત મુશ્કેલ બની જતી હોય છે. મહિનાઓ અગાઉથી બુકિંગ કરાવવા છતાં ઘણા લોકોને વેટિંગ ટિકિટથી જ સંતોષ માનવો પડે છે. આવી સ્થિતિમાં ભારતીય રેલ્વેનો 'તત્કાલ ક્વોટા' મુસાફરો માટે આશીર્વાદરૂપ સાબિત થઈ શકે છે. યોગ્ય આયોજન અને સમયસર બુકિંગ કરવાથી તત્કાલ ક્વોટા હેઠળ કન્ફર્મ ટિકિટ મળવાની સંભાવના ઘણી વધી જાય છે.તત્કાલ બુકિંગનો સમય અને નિયમોતત્કાલ ટિકિટ મેળવવા માટે સૌથી મહત્વની બાબત તેનો નિર્ધારિત સમય છે. રેલ્વે નિયમો મુજબ, ટ્રેન તેના પ્રારંભિક સ્ટેશનથી ઉપડવાના એક દિવસ અગાઉ તત્કાલ વિન્ડો ખુલે છે.એસી (AC) ક્લાસ: સવારે 10.00 વાગ્યે બુકિંગ શરૂ થાય છે.સ્લીપર (Non-AC) ક્લાસ: સવારે 11.00 વાગ્યે બુકિંગ શરૂ થાય છે.ઉદાહરણ તરીકે, જો તમારી ટ્રેન 28 ઓક્ટોબરે ઉપડવાની હોય, તો તમારે ૨૭ ઓક્ટોબરની સવારે જ બુકિંગ કરવું પડશે.IRCTC પર અગાઉથી કરી રાખો આ તૈયારીઓતહેવારોના સમયે સીટો મિનિટોમાં ભરાઈ જતી હોવાથી વિલંબ ટાળવા માટે અગાઉથી કેટલીક તૈયારીઓ જરૂરી છે:1. IRCTC એકાઉન્ટ: તમારું એકાઉન્ટ એક્ટિવ રાખો અને લોગિન વિગતો ચકાસી લો.2. આધાર વેરિફિકેશન: ઝડપી બુકિંગ માટે એકાઉન્ટને આધાર કાર્ડ સાથે લિંક કરી રાખો.3. માસ્ટર લિસ્ટ: મુસાફરોના નામ, ઉંમર અને ટ્રેન નંબર જેવી માહિતી અગાઉથી સેવ કરી રાખવાથી બુકિંગ વખતે સમય બચે છે.4. ઝડપી પેમેન્ટ: બુકિંગ ખુલતાની સાથે જ ટ્રેન અને તત્કાલ ક્વોટા પસંદ કરી, યુપીઆઈ (UPI) કે નેટ બેંકિંગ દ્વારા ઝડપથી પેમેન્ટ પૂર્ણ કરો.રિફંડ અને અન્ય મહત્વપૂર્ણ નિયમોતત્કાલ ટિકિટ બુક કરતી વખતે એ ધ્યાન રાખવું જરૂરી છે કે એક PNR પર વધુમાં વધુ ૪ મુસાફરોની ટિકિટ બુક થઈ શકે છે. તત્કાલ ક્વોટા માટે સામાન્ય ભાડા ઉપરાંત વધારાનો તત્કાલ ચાર્જ ચૂકવવો પડે છે. સૌથી મહત્વની બાબત એ છે કે જો તમારી તત્કાલ ટિકિટ કન્ફર્મ થઈ જાય છે, તો તેને રદ કરવા પર રેલ્વે દ્વારા કોઈ રિફંડ આપવામાં આવતું નથી. તેથી ચુકવણી કરતા પહેલા મુસાફરોની વિગતો અને મુસાફરીની તારીખ કાળજીપૂર્વક ચકાસી લેવી હિતાવહ છે.આ પણ વાંચોઃ Highest Salary : ભારતમાં કઈ નોકરીમાં મળે છે સૌથી વધુ પગાર? CEOથી AI એન્જિનિયર સુધી, જાણો લાખો-કરોડોના પેકેજ
Read Full Story arrow_forward
