Palanpur : અંબાજી હાઈવેને જોડતા નાળા પર ગાબડું
પાલનપુરમાં શિવનગર પાસે અંબાજી હાઈવેને જોડતા માર્ગના નાળા પર ગાબડું પડતાં રસ્તો બંધ છે. સ્થાનિકો અને વાહનચાલકોને લાંબો ફેરો કરવો પડતાં તાત્કાલિક સમારકામની માંગ છે.પાલનપુરના શિવનગર સોસાયટીથી અંબાજી હાઈવે જોડતા મુખ્ય માર્ગ પર પંદર દિવસથી અગાઉ કોઈ અજાણ્યું વાહન આ નાળા ઉપરથી પસાર થતી વખતે અહિં મસ મોટું ગાબડું પડતા પાલિકાએ આ ગાબડાની મરામત કરવાની જગ્યાએ નાળાની સાઈડ પથ્થર અને માટીના ઢગલા કરી રસ્તો બંધ કરી દેતા આ વિસ્તારના રહીશો અને બહારથી આવતા વાહન ચાલકો ભારે મુશ્કેલીનો સામનો કરવો પડે છે. પાલનપુર શક્તિનગરથી હાઈવે અંબાજી તરફ જવાના રસ્તો જેમાં શિવનગર પાસે આવેલ નાળા ઉપર છેલ્લા પંદર દિવસથી પડેલા ગાબડાની પાલિકા દ્વારા મરામત કરવામાં ન આવતા સ્થાનિક લોકોને અવર જવર કરવામાં ભારે મુશ્કેલી વેઠવી પડી રહી છે તેમજ નાળા પર વાહનોની અવર જવર બંધ કરી દેવામાં આવતા બાળકોને શાળાએ મુકવા લેવા જવાને લઈ તેમજ અંબાજી રસ્તાના અને ગામડાઓ તરફથી અવર જવર કરતા વાહન ચાલકોને ભારે હાલાકીનો સામનો કરવો પડે છે. સ્થાનિક બનારસીભાઈ બાબુલાલ જૈને જણાવ્યું હતું કે પંદર દિવસથી નાળા ઉપર ગાબડું પડી ગયું છે જે અંગે સ્થાનિક નગરસેવકોને જાણ કરી છે તેમ છતાં કોઈ નિરાકરણ ન આવતા અમારા શાળામાં ભણતા બાળકોને આ રસ્તો બંધ હોવાના કારણે ચારથી પાંચ કિલોમીટર દુર ફરીને જવું પડે છે તેમજ આસોપાલવ સોસાયટી, શક્તિનગર, ભાગ્યોદય સોસાયટી તેમજ નાળાની સામે મલબાર, ગોકુળ સહિતની અનેક સોસાયટીઓ શહેરમાં આવવાનો મુખ્ય રસ્તો બંધ થઈ જતા લોકો હેરાન પેરશાન થઈ ઉઠયા છે ત્યારે પાલિકા દ્વારા સત્વરે આ નાળાનું સમારકામ કરીને રસ્તો ખુલ્લો કરવામાં આવે તેવી માંગ ઉઠવા પામી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
