Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Balasinor : બાલાસિનોર શહેરમાં શેરી ગરબાની પરંપરા યથાવત

બાલાસિનોર નગરના શ્રી સમરી માતાજી, પટેલવાડા કાલિકા માતા અને પાંચ હાટડીયા હનુમાનજી મંદિર પાસે આજે પણ ગુજરાતની મૂળ ઓળખ સમાન સદીઓ જૂની શેરી ગરબાની સંસ્કૃતિ અકબંધ જોવા મળી રહી છે. નવાબી નગરી તરીકે ઓળખાતા બાલાસિનોરમાં સમરી માતાજીના મંદિરે, પટેલવાડા વિસ્તારના કાલિકા માતા મંદિરે અને પાંચ હાટડીયા વિસ્તારમાં હનુમાનજી મંદિરે સ્થાનિક મંડળો દ્વારા પેઢીઓથી ચાલી આવતી પરંપરા મુજબ નવરાત્રી મહોત્સવની ધામધૂમપૂર્વક અને શ્રદ્ધાભેર ઉજવણી કરાઈ રહી છે. સ્થાનિક અગ્રણીઓના જણાવ્યા મુજબ, બાપ-દાદાના સમયથી અનેક પેઢીઓથી અહીં માતાજીના ચોકમાં શેરી ગરબા રમવાની પ્રથા અવિરત ચાલી આવે છે. ?નગરના આ વિવિધ સ્થળોએ માતાજીના પાવન સાનિધ્યમાં સર્વ સમાજના પરિવારો એકત્ર થઈને માતાજીની આરાધના, આરતી અને વિધિવત પૂજન-અર્ચન કરે છે. પરંપરાગત સૂર અને તાલે માતાજીના પ્રાચીન છંદ, ગરબા અને ભક્તિમય સંગીતના ગૂંજતા નાદ સાથે શેરીમાં નાના-મોટા સૌ કોઈ હર્ષોલ્લાસપૂર્વક ગરબે ઘૂમીને ભક્તિમાં લીન બને છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Nadiad : કપડવંજમાં તોતિંગ વૃક્ષ ટ્રક ઉપર તૂટી પડતાં દોડધામ

કપડવંજ શહેરના નગી દરવાડા પાસે મધરાત્રે અચાનક તોતિંગ વૃક્ષ ધરાશાયી થયું હતું. આ વૃક્ષ રોડ પર દોડતી ટ્રક ઉપર પડયું હતું. સદનસીબે ટ્રકના ચાલકને જનહાની થઇ નથી. આ વૃક્ષને લઇને મુખ્યરોડ એક કલાક ઉપરાંત બંધ રહ્યો હતો. જેથી વાહન વ્યવહાર પર અસર પડી હતી. કપડવંજ શહેરના નદી દરવાજા રોડ પર વૃક્ષોની હારમાળા આવેલી છે. આ વૃક્ષોનું સમયાંતરે રોડ પર નમી ગયેલા ડાખીઓનું કટીંગ કરવા આવ્યુ ન હતુ.આ રોડ પર થી રાત્રિના અઢી વાગ્યાના અરસામાં એક ટ્રક પસાર થઇ રહી હતી. ત્યારે નદી દરવાજા પાસે આ ટ્રક પર અચાનક તોતિંગ વૃક્ષ ધરાશાયી થયું હતું. આ વૃક્ષ પડતાની સાથે જ આ રોડ પરનો વાહન વ્યવહાર બંધ થઇ ગયો હતો. આ ઘટનાની જાણ થતાં સ્થાનિક પોલીસ , ફાયરબ્રિગેડની ટીમ તાત્કાલિક સ્થળ પર દોડી આવ્યા હતા. ટ્રાફિક નિયંત્રણ કરવામાં આવ્યો હતો. આ વૃક્ષ પડવાથી ટ્રક ચાલકનો આબાજ બચાવ થયો હતો. રોડ પરપડેલા વૃક્ષોની ડાળી સહિત કટીંગ કર્યા બાદ વહેલી સવારે રાબેતા મુજહ રોડ કાર્યરત થઇ ગયો હતો. તંત્ર દ્વારા આ રોડ પરના જોખમી વૃક્ષોને દૂર કરવામાં આવે તેવી માગ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Banaskantha : થરામાં ભોંયરામાં છુપાવેલા રૂપિયા 3.66 લાખનાં ફટાકડા ઝડપાયા

દિવાળીના તહેવારને ગણતરીના દિવસો બાકી છે ત્યારે થરા શહેરમાં ગીચ વસ્તી વચ્ચે જીવલેણ બેદરકારીનો પર્દાફાશ થયો છે. શહેરના મણિભદ્ર વીર શોપિંગ સેન્ટરના ભોંયરામાં ગેરકાયદે રીતે ખડકી રાખવામાં આવેલા લાખો રૂપિયાના ફ્ટાકડા પર બનાસકાંઠા એસઓજીએ દરોડો પાડી મોટી દુર્ઘટના થતી અટકાવી છે.પ્રાપ્ત વિગતો મુજબ, ગત તા. 15મી ઓક્ટોબરે એસઓજીની ટીમ થરા વિસ્તારમાં નિયમિત ચેકિંગમાં હતી ત્યારે ખાનગી રાહે મળેલી માહિતીના આધારે શોપિંગ સેન્ટરના ભોંયરામાં આવેલી એક દુકાનની ઝપતી લેવામાં આવી હતી. અંદર નજર કરતાં પોલીસ પણ ચોંકી ઉઠી હતી. સાંકડા ભોંયરામાં કોઈપણ જાતની ફાયર સેફ્ટી વિના જુદી જુદી કંપનીના અત્યંત જ્વલનશીલ ફ્ટાકડાના બોક્સના ઢગલા જોવા મળ્યા હતા. તપાસમાં બહાર આવ્યું કે, દુકાનદાર પાસે ફ્ટાકડા રાખવા કે વેચવા માટેનું કોઈ કાયદેસરનું લાયસન્સ નહોતું. એટલું જ નહીં, આગ બુઝાવવાના સાધનો કે સક્ષમ તંત્રનું સેફ્ટી સર્ટિફ્કિેટ પણ નહોતું. જો દિવાળીની ભીડ વચ્ચે અહીં નાનકડી પણ ચિનગારી પડી હોત તો આખું માર્કેટ આગની લપેટમાં આવી શક્યું હોત. આ કાર્યવાહીમાં પોલીસે કુલ રૂ. 3,66,950ની કિંમતનો જથ્થો કબજે કર્યો છે. જેમાં લેપર્ડ કિંગ ઓરિજિનલના 1,140 પેકેટ, ન્યૂ જુલી સરકાર એટમ બોમ્બના 23 પેકેટ અને ટાઈમિંગ સ્કાય માર્શલ એટમ બોમ્બના 535 પેકેટનો સમાવેશ થાય છે.આ પ્રકરણમાં ભક્તિનગર સોસાયટીના રહેવાસી રાજેશકુમાર ચીમનલાલ મહેશ્વરીની સંડોવણી ખુલતાં થરા પોલીસે તેની સામે ભારતીય ન્યાય સંહિતા અને એક્સ્પ્લોઝિવ એક્ટ હેઠળ ગુનો દાખલ કરી ધરપકડની તજવીજ હાથ ધરી છે. ગેરકાયદેસર ફ્ટાકડા નો સંગ્રહ કરનાર આરોપી એવો બચાવ કર્યો હતો કે દિવાળીના વેચાણ માટે હંગામી પરવાનગી લેવાની હોવાથી અગાઉથી માલ મંગાવ્યો હતો, પરંતુ તેની પાસેથી ખરીદીના આધારભૂત બિલ પણ મળ્યા નથી. દિવાળી ટાણે ગેરકાયદે ફ્ટાકડાના સંગ્રહ સામે પોલીસે લાલ આંખ કરતાં વેપારીઓમાં ફ્ફ્ડાટ ફેલાવા પામ્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward