Vadodara News: શિનોરમાં જુગારધામ પર રેડ, માત્ર 5 જુગારીઓ ઝડપાયા, પણ 'મોટા માથા' છટકી ગયા કે બચાવાયા?
વડોદરા જિલ્લામાંથી પોલીસની કડક કાર્યવાહીના સમાચાર સામે આવ્યા છે. વડોદરા ગ્રામ્ય લોકલ ક્રાઈમ બ્રાન્ચ (LCB) ની ટીમે બાતમીના આધારે શિનોર તાલુકાના સુરાશામળ ગામની સીમમાં અચાનક દરોડો પાડ્યો હતો. ગામના તળાવડી વિસ્તાર પાસે આવેલા આંબાના ઝાડ નીચે ખુલ્લામાં ધમધમતા એક જુગારધામ પર પોલીસે રેડ પાડતા બૂટલેગરો અને જુગારીઓમાં ભારે ફફડાટ વ્યાપી ગયો હતો.5 જુગારીઓ ઝડપાયા, રૂ. 78,650 નો મુદ્દામાલ જપ્તપોલીસના આ ઓપરેશન દરમિયાન પત્તાં-પાનાં વડે પૈસાની હારજીતનો જુગાર રમી રહેલા 5 ઈસમોને સ્થળ પરથી જ ઝડપી લેવામાં આવ્યા હતા. પોલીસે પકડાયેલા શખ્સો પાસેથી અંગઝડતીના રોકડા રૂ. 62,500 તથા દાવ પર લાગેલા રૂ. 16,150 મળીને કુલ રૂ. 78,650 નો મુદ્દામાલ જપ્ત કર્યો છે. પોલીસની આ યુક્તિથી જુગારીઓ રંગેહાથ ઝડપાઈ ગયા હતા.શું મોટા માથાઓ છટકી ગયા કે જાણી જોઈને બચાવાયા?આ કાર્યવાહી બાદ સ્થાનિક સ્તરે અનેક પ્રકારની ચર્ચાઓ શરૂ થઈ ગઈ છે. સવાલ એ ઉઠી રહ્યો છે કે, શું આ કેસમાં માત્ર આ પાંચ જ ઈસમો હાજર હતા, કે પછી આ જુગારધામ પાછળ સંકળાયેલા અસલી 'મોટા માથાઓ' પોલીસની પકડમાંથી છટકી ગયા છે? અથવા તો જાણી જોઈને તેમના નામ બહાર ન લાવવામાં આવ્યા? આ પ્રશ્નોએ પોલીસની કામગીરી સામે શંકાની સોય તાણી છે.પોલીસની કામગીરી સામે ઉઠતા સવાલો અને તપાસની માગઆટલા મોટા પાયે ચાલતા જુગારના અડ્ડા પર માત્ર નાના ખેલાડીઓ જ પકડાઈ જવાથી અને મુખ્ય સંચાલકો બચી જવાથી લોકમુખે અનેક ચર્ચાઓ થઈ રહી છે. આ કેસમાં પોલીસ દ્વારા અન્ય કોઈ સંડોવાયેલા શખ્સોની સંભવિત ભૂમિકા છે કે કેમ તે દિશામાં ઊંડાણપૂર્વક તપાસ હાથ ધરવામાં આવે તેવી લોક માગ પ્રબળ બની છે.આ પણ વાંચો: Vadodara News: કોટંબીમાં વિદેશી દારૂની 66,432 બોટલ સાથે 4 ઝડપાયા, 1,28,85,552નો મુદ્દામાલ જપ્ત
Read Full Story arrow_forward
