Community News & Updates

WAR ROOM : ચક્રવાત 'અર્નબ' ક્યાં મચાવશે તબાહી?

Read Full Story arrow_forward

Vadodara: બાકી બિલો નહીં ચૂકવાતા 31 ઓક્ટોબરથી વડોદરા સિટી બસના 5 રૂટ બંધ થશે, હજારો મુસાફરોને મુશ્કેલી

વડોદરા શહેરમાં સિટી બસ સેવા સંભાળતી વિનાયક લોજીસ્ટિક્સ દ્વારા બાકી બિલો પાસ ન થવાના કારણે આગામી 31 ઓક્ટોબરથી મહત્વના પાંચ રૂટ બંધ કરવાનો નિર્ણય લેવાયો છે. મહાનગરપાલિકાના ઓડિટ વિભાગે ક્વેરી કાઢીને બિલ અટકાવ્યા હોવાથી સંચાલકે કામગીરી સ્થગિત કરી છે. પાલિકા જ્યાં સુધી નાણાકીય મંજૂરી ન આપે ત્યાં સુધી બસો દોડાવવામાં નહીં આવે.અંદાજે 200 જેટલી બસ ટ્રીપને સીધી અસર પહોંચશેવિનાયક લોજીસ્ટિક્સ દ્વારા લેવાયેલા આ નિર્ણયને પગલે વાઘોડિયા, રસુલાબાદ, બાજવા, રણોલી તેમજ ચાણસદ રૂટ પર દોડતી સિટી બસોના પૈડા થંભી જશે. આ પાંચેય મહત્વપૂર્ણ રૂટ બંધ થવાના કારણે દૈનિક અંદાજે 200 જેટલી બસ ટ્રીપને સીધી અસર પહોંચશે. નાગરિકોને ભારે હાલાકી વેઠવી પડશેશહેર અને આસપાસના વિસ્તારોને જોડતા આ રૂટો પરથી રોજિંદા હજારો મુસાફરો મુસાફરી કરતા હોય છે. અચાનક બસ સેવા બંધ થવાથી નોકરિયાતો, વિદ્યાર્થીઓ અને સામાન્ય નાગરિકોને ભારે હાલાકી વેઠવી પડશે. નિયમિત અવરજવર કરતા હજારો પ્રવાસીઓ રઝળી પડે તેવી સ્થિતિનું નિર્માણ થશે.ઓડિટ વિભાગ દ્વારા વિવિધ ક્વેરીઓ કઢાઇ સમગ્ર વિવાદ પાછળ પાલિકાના ઓડિટ વિભાગની કાર્યવાહી મુખ્ય કારણ બની છે. એજન્સીના બાકી નીકળતા બિલો સંદર્ભે ઓડિટ વિભાગ દ્વારા વિવિધ ક્વેરીઓ કાઢવામાં આવતા લાંબા સમયથી ચૂકવણું અટવાઈ પડ્યું છે. સંચાલક એજન્સીએ સ્પષ્ટ વલણ અપનાવ્યું છે કે મહાનગરપાલિકા જ્યાં સુધી આ બિલો મંજૂર નહીં કરે ત્યાં સુધી આ રૂટો પર બસ સેવા ફરીથી શરૂ કરવામાં આવશે નહીં.આગામી 4 દિવસ રહેશે નજર નોંધનીય બાબત એ છે કે અગાઉ પણ વિનાયક લોજીસ્ટિક્સ દ્વારા બાકી લેણાં મુદ્દે બસ સેવા બંધ કરી દેવામાં આવી હતી. હવે 31 ઓક્ટોબરની મુદત નજીક આવી રહી છે ત્યારે વહીવટી તંત્ર દ્વારા આગામી 4 દિવસમાં આ સમસ્યાનો કોઈ યોગ્ય ઉકેલ લાવવામાં આવે છે કે કેમ તે જોવું રહ્યું. જો સમયસર ઉકેલ નહીં આવે તો 31 તારીખથી હજારો નાગરિકો મુશ્કેલીમાં મુકાશે. પાલિકાના આંતરિક સંકલનના અભાવે શહેરના જાહેર પરિવહનને માઠી અસર પહોંચી રહી છે, જેથી આગામી દિવસોમાં મુસાફરોની ચિંતામાં વધારો થશે. આ પણ વાંચો :    Sandesh Digital Explainer : વોટની સાથે નોટની પણ લડાઈ, અમેરિકાની ચૂંટણીમાં અબજોપતિઓનું કરોડોનું દાન, વાંચો રસપ્રદ માહિતી                                

Read Full Story arrow_forward

Cyclone Arnab: રાત્રે 2થી 4 વાગ્યાની વચ્ચે ત્રાટકશે ચક્રવાત! 150 કિમીની ઝડપે ફૂંકાશે પવન

બંગાળની ખાડીમાં સર્જાયેલું અત્યંત ગંભીર ચક્રવાતી તોફાન ‘અર્નબ’ આંધ્રપ્રદેશના દરિયાકાંઠા તરફ આગળ વધી રહ્યું છે. IMDના તાજા અપડેટ મુજબ, ચક્રવાત 28 ઑક્ટોબરની વહેલી સવારે 2થી 4 વાગ્યાની વચ્ચે આંધ્રપ્રદેશ અને યાનમના કિનારે ત્રાટકી શકે છે. અગાઉ બપોર સુધીમાં લેન્ડફોલની શક્યતા વ્યક્ત કરવામાં આવી હતી, પરંતુ તોફાનની ઝડપી ગતિને કારણે હવે તે વહેલું કિનારે પહોંચે તેવી આગાહી કરવામાં આવી છે. તાજા અહેવાલ મુજબ, ચક્રવાત સાથે પવનની મહત્તમ ઝડપ 125થી 135 કિમી પ્રતિ કલાક રહેવાની અને ઝાપટામાં 150 કિમી પ્રતિ કલાક સુધી પહોંચવાની શક્યતા છે. દરિયાકાંઠાના વિસ્તારોમાં ભારે વરસાદ, તોફાની પવન અને જનજીવન ખોરવાવાની આશંકા છે. ક્યાં ટકરાશે ચક્રવાત અર્નબ?હવામાન વિભાગની આગાહી પ્રમાણે, ચક્રવાત આંધ્રપ્રદેશ અને યાનમના દરિયાકાંઠે બાપટલા અને વિશાખાપટ્ટનમ વચ્ચે, યાનમની દક્ષિણે કિનારો ઓળંગી શકે છે. આંધ્રપ્રદેશના દરિયાકાંઠાના વિસ્તારો અને દક્ષિણ ઓડિશામાં ભારે વરસાદની શક્યતા હોવાથી વહીવટી તંત્રને સાવચેત રહેવા સૂચના આપવામાં આવી છે. વિશાખાપટ્ટનમ સહિતના વિસ્તારોમાં ભારે વરસાદ અને તેજ પવનને કારણે વૃક્ષો ધરાશાયી થવા, વીજળીના તાર તૂટવા અને વીજપુરવઠો ખોરવાવા જેવી સમસ્યાઓ સર્જાઈ શકે છે. માછીમારો અને દરિયાકાંઠે રહેતા લોકોને ખાસ સાવચેતી રાખવાની સલાહ આપવામાં આવી છે.હજારો લોકોને સુરક્ષિત સ્થળે ખસેડાયાચક્રવાતનો સામનો કરવા આંધ્રપ્રદેશ અને ઓડિશામાં રાહત તથા બચાવ કામગીરી તેજ કરવામાં આવી છે. સંવેદનશીલ વિસ્તારોમાંથી લોકોને સુરક્ષિત સ્થળે ખસેડવામાં આવી રહ્યા છે અને આશ્રયસ્થાનો તૈયાર રાખવામાં આવ્યા છે. મંગળવારે આંધ્રપ્રદેશમાં ઓછામાં ઓછા 89,000 લોકોને જોખમી દરિયાકાંઠાના વિસ્તારોમાંથી ખસેડવામાં આવ્યા હતા. ઓડિશામાં પણ હજારો લોકોને ખસેડવાની તૈયારી કરવામાં આવી રહી હતી. ચક્રવાતની અસરને ધ્યાનમાં રાખીને વિમાનસેવાઓ અને રેલવે વ્યવહાર પર પણ અસર પડી છે. કેટલીક ફ્લાઇટ્સ રદ કરવામાં આવી છે અને મુસાફરોને મુસાફરી પહેલાં સંબંધિત એરલાઇનની નવીનતમ માહિતી તપાસવાની સલાહ આપવામાં આવી છે. લોકોને શું સાવચેતી રાખવી જોઈએ?ચક્રવાતને ધ્યાનમાં રાખીને દરિયાકાંઠાના વિસ્તારોમાં રહેતા લોકોએ સ્થાનિક વહીવટીતંત્ર અને IMDની સૂચનાઓનું પાલન કરવું જોઈએ. અધિકારીઓની સૂચના મળે તો વિલંબ કર્યા વિના સુરક્ષિત આશ્રયસ્થાનમાં જવું જોઈએ. વીજળીના તૂટેલા તાર, પાણી ભરાયેલા રસ્તા અને દરિયાકિનારાથી દૂર રહેવું પણ જરૂરી છે.ચક્રવાતનો માર્ગ અને લેન્ડફોલનો સમય બદલાઈ શકે છે. તેથી લોકો માત્ર અફવાઓ પર વિશ્વાસ કરવાને બદલે હવામાન વિભાગ અને સ્થાનિક આપત્તિ વ્યવસ્થાપન તંત્રના સત્તાવાર અપડેટ પર નજર રાખે.આ પણ વાંચો: Cancerની દવાઓ પર આટલો મોટો નફો કેમ? સુપ્રીમ કોર્ટ કેન્દ્ર પર ભડકી

Read Full Story arrow_forward