Community News & Updates

Stay informed with the latest happenings, achievements, and announcements from our community.

All News

calendar_today October 27, 2026

27 October Top News : સંરક્ષણ મંત્રાલય પર હુથીઓએ કર્યો મિસાઈલ હુમલો, વોટની સાથે નોટની પણ લડાઈ

27 ઓક્ટોબરના ગુજરાત, દેશ-વિદેશના મુખ્ય સમાચાર, રાજકારણ, સુપ્રીમ કોર્ટ, હવામાન અને મહત્વપૂર્ણ ઘટનાઓના તાજા અપડેટ્સ વાંચો.(1) Saudi Defense Ministry Attack: સાઉદી અરેબિયાના સંરક્ષણ મંત્રાલય પર હુથીઓએ કર્યો મિસાઈલ હુમલો  (2)  Sandesh Digital Explainer : વોટની સાથે નોટની પણ લડાઈ, અમેરિકાની ચૂંટણીમાં અબજોપતિઓનું કરોડોનું દાન, વાંચો રસપ્રદ માહિતી  (3) Japan Disaster Warning: જાપાનમાં મોટી કુદરતી આફતની શક્યતા, ઘરમાં 7 દિવસનો ખોરાક અને પાણીનો જથ્થો રાખવા આદેશ  (4) Gujaratની પ્રાથમિક શાળાઓમાં દિવાળી વેકેશનની તારીખોની સત્તાવાર જાહેરાત; 5થી 25 નવેમ્બર સુધી રહેશે રજાઓ!  (5)  Surat : ફટાકડાના સ્ટોલ માટે હવે ફાયર NOC નહીં લેવી પડે, રાજ્ય સરકારના પરિપત્રથી વેપારીઓને મોટી રાહત  (6) Canadaમાં થયેલા ગમખ્વાર અકસ્માતમાં ગાંધીનગરના દશેલા ગામના યુવક સહિત 4 ભારતીયોના કરુણ મોત! (7) Explainer Cyclone: બંગાળની ખાડીમાં જ કેમ ત્રાટકે છે વધુ ચક્રવાત? અરબી સમુદ્ર પાછળ કેમ? જાણો મોટું કારણ...  (8) Ahmedabad News : આપના ધારાસભ્ય ચૈતર વસાવાને સુપ્રીમ કોર્ટમાંથી મોટી રાહત, 3 દિવસના વચગાળાના જામીન મંજૂર  (9) Ahmedabad: શેલામાં PSI ના પત્નીના ગળામાંથી સોનાની ચેઈન ઝૂંટવી બાઈક સવારો ફરાર (10) SC: રાહુલ ગાંધીને SCએ ફટકારી નોટિસ, ગર્ભવતી મહિલા પત્રકારને ધક્કો માર્યાનો આરોપ

Read Full Story arrow_forward

calendar_today October 27, 2026

Gir Somnath : ઉનાના વાંસોજ ગામે એક જ પરિવારના 3 સભ્યોની તબિયત લથડી, 3 વર્ષની બાળકીનું શંકાસ્પદ મોત

ગીર સોમનાથ જિલ્લાના ઉના તાલુકા સ્થિત વાંસોજ ગામે એક જ પરિવારના ત્રણ સભ્યોની તબિયત અચાનક લથડી જતાં ગંભીર પરિસ્થિતિ સર્જાઈ હતી. રાત્રિભોજન લીધા બાદ પતિ અને પત્નીને ઊલટી તેમજ અશક્તિની તકલીફ ઊભી થઈ હતી. આ સારવાર પ્રક્રિયા દરમિયાન તેમની ત્રણ વર્ષની માસૂમ દીકરી જીનલ અચાનક ઢળી પડી હતી અને તેનું શંકાસ્પદ મોત નીપજ્યું હતું.અસ્વસ્થતા અનુભવતા ગામમાં જ પ્રાથમિક સારવાર લીધીવાંસોજ ગામે બનેલી આ કરુણ ઘટના અંગે મળતી વિગતો અનુસાર, પરિવારે રાત્રે ભોજન લીધા બાદ મોડી રાત્રે અંદાજે 2 વાગ્યે અસ્વસ્થતા અનુભવતા ગામમાં જ પ્રાથમિક સારવાર લીધી હતી. જોકે સવારના સમયે માતા અને પિતા બંનેને અચાનક ચક્કર આવવાની સમસ્યા થતાં પરિવારે તાત્કાલિક ઘરે જ સ્થાનિક ડૉક્ટરને બોલાવ્યા હતા.જીનલ અચાનક બેભાન થઈને જમીન પર ઢળી પડીઘરમાં જ્યારે બીમાર માતા અને પિતાની સારવાર ચાલી રહી હતી, તે જ સમયે તેમની ત્રણ વર્ષની પુત્રી જીનલ અચાનક બેભાન થઈને જમીન પર ઢળી પડી હતી. બાળકીની સ્થિતિ અત્યંત નાજુક જણાતાં તેને તાબડતોબ 108 એમ્બ્યુલન્સ મારફતે સારવાર માટે હોસ્પિટલ ખસેડવામાં આવી હતી. પરંતુ ત્યાં ફરજ પરના તબીબે પ્રાથમિક તપાસ બાદ આ માસૂમ બાળકીને મૃત જાહેર કરી હતી.માતા અને પિતાને વધુ સારવાર માટે ઉના ખસેડાયાબીજી તરફ ગંભીર અસર પામેલા બાળકીના માતા અને પિતાને વધુ સારવાર માટે ઉના શહેરની ખાનગી હોસ્પિટલમાં દાખલ કરવામાં આવ્યા છે, જ્યાં હાલ બંને સારવાર હેઠળ છે. પોલીસ કાફલો ઘટનાસ્થળે પહોંચ્યોઆ સમગ્ર બનાવની જાણ થતાં જ નવાબંદર મરીન પોલીસ કાફલો ઘટનાસ્થળે પહોંચ્યો હતો અને કાયદેસરની તપાસનો ધમધમાટ શરૂ કર્યો હતો. બાળકીના અકાળે થયેલા મોત પાછળ ખોરાકી ઝેરી અસર છે કે પછી અન્ય કોઈ ભેદી કારણ જવાબદાર છે, તે દિશામાં પોલીસે તપાસ કેન્દ્રિત કરી છે. પોસ્ટમોર્ટમ રિપોર્ટ આવ્યા બાદ સાચું કારણ સ્પષ્ટ થશેમાસૂમ જીનલના મૃતદેહનું ચોક્કસ કારણ જાણી શકાય તે માટે તેને પોસ્ટમોર્ટમ અર્થે જામનગર ખાતે ખસેડવામાં આવ્યો છે. પોલીસના જણાવ્યા મુજબ વિગતવાર પોસ્ટમોર્ટમ રિપોર્ટ આવ્યા બાદ જ બાળકીના મોતનું સાચું કારણ સ્પષ્ટ થશે. આ કરુણ ઘટનાથી વાંસોજ પંથકમાં ચકચાર પ્રસરી છે. આ પણ વાંચો  :  Sandesh Digital Explainer : વોટની સાથે નોટની પણ લડાઈ, અમેરિકાની ચૂંટણીમાં અબજોપતિઓનું કરોડોનું દાન, વાંચો રસપ્રદ માહિતી                                

Read Full Story arrow_forward

calendar_today October 27, 2026

Gir Somnath : ગીર ગઢડાના ફાટસર ગામે 55 ફૂટ ઊંડા કૂવામાંથી સિંહણ અને માદા નીલગાયના મૃતદેહ મળ્યા, વન વિભાગમાં દોડધામ

ગીર સોમનાથના ગીર ગઢડાના ફાટસર ગામે આવેલી વાડીના 55 ફૂટ ઊંડા કૂવામાંથી સિંહણ અને માદા નીલગાયના મૃતદેહ મળી આવતાં ભારે ચકચાર મચી ગઈ છે. સાંજે 6:30 વાગ્યે આ ઘટનાની જાણ થતાં વન વિભાગની ટીમમાં દોડધામ મચી હતી. એક જ કૂવામાંથી બે વન્ય પ્રાણીઓના રહસ્યમય મોતથી કારણ જાણવા વન વિભાગે તપાસ તેજ કરી છે.ઊંડા કૂવામાંથી સિંહણ અને માદા નીલગાયના મૃતદેહ મળ્યાગીર સોમનાથના ગીર ગઢડા પંથકમાં આવેલા ફાટસર ગામે ધીરુભાઈ કરશનભાઈ વેકરિયાની વાડીમાં આ બનાવ બન્યો હતો. વાડીમાં આવેલા 55 ફૂટ ઊંડા કૂવામાંથી સિંહણ અને માદા નીલગાયના મૃતદેહ મળી આવતાં સમગ્ર પંથકમાં ભારે ચકચાર મચી જવા પામી છે.વન વિભાગની ટીમમાં ભારે દોડધામસાંજે 6:30 વાગ્યે વાડીના કૂવામાં બંને વન્ય પ્રાણીઓના મૃતદેહ હોવાની વિગતો સામે આવતાં જ વન વિભાગને તાત્કાલિક જાણ કરવામાં આવી હતી. આ ઘટનાની માહિતી મળતાં જ વન વિભાગની ટીમમાં ભારે દોડધામ મચી ગઈ હતી અને વનકર્મીઓ તાબડતોબ ઘટનાસ્થળે પહોંચી ગયા હતા.ટીમે ભારે જહેમત ઉઠાવીને મૃતદેહ બહાર કાઢ્યાઘટનાસ્થળે પહોંચેલી વન વિભાગની ટીમે મદદનીશ વન સંરક્ષક કપિલ ભાટિયાની સીધી હાજરીમાં સમગ્ર મામલે જરૂરી કાર્યવાહી શરૂ કરી હતી. જસાધાર રેન્જની ટીમે ભારે જહેમત ઉઠાવીને 55 ફૂટ ઊંડા કૂવામાંથી સિંહણ અને માદા નીલગાય બંનેના મૃતદેહોને બહાર કાઢવાની કામગીરી પૂર્ણ કરી હતી. કૂવામાંથી બંને વન્ય પ્રાણીઓના મૃતદેહો બહાર કાઢ્યા બાદ વન વિભાગ દ્વારા તેમને પોસ્ટમોર્ટમની પ્રક્રિયા માટે તાત્કાલિક જસાધાર એનિમલ કેર સેન્ટર ખાતે ખસેડવામાં આવ્યા હતા.બે વન્ય પ્રાણીઓના મૃતદેહ મળી આવવાની ઘટનાથી ભારે આશ્ચર્ય એક જ કૂવામાંથી સિંહણ તેમજ માદા નીલગાય જેવા બે વન્ય પ્રાણીઓના મૃતદેહ મળી આવવાની ઘટનાથી ભારે આશ્ચર્ય સાથે ચકચાર ફેલાઈ છે. બંને વન્ય પ્રાણીઓના મોત પાછળ કયા કારણો જવાબદાર છે તે અંગે પણ મોટું રહસ્ય સર્જાયું છે. આથી વન વિભાગની ટીમ દ્વારા બંને પ્રાણીઓના મોતનું સાચું કારણ જાણવા અને સમગ્ર મોતનું રહસ્ય ઉકેલવા માટે તપાસ તેજ કરી દેવામાં આવી છે અને તપાસની કાર્યવાહી આગળ વધારાઈ છે. આ પણ વાંચો :   Sandesh Digital Explainer : વોટની સાથે નોટની પણ લડાઈ, અમેરિકાની ચૂંટણીમાં અબજોપતિઓનું કરોડોનું દાન, વાંચો રસપ્રદ માહિતી

Read Full Story arrow_forward