android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Vallabh vidyanagar : એસ.એમ.પટેલ કોલેજમાં રોલ-પ્લે યોજાયું
calendar_today October 26, 2026

Vallabh vidyanagar : એસ.એમ.પટેલ કોલેજમાં રોલ-પ્લે યોજાયું

ચારૂતર વિદ્યામંડળ સંચાલિત એસ.અમ.પટેલ કોલેજ ઓફ હોમ સાયન્સ ઓટોનોમસના માનવ વિકાસ અને કૌટુંબિક અભ્યાસ વિભાગ દ્વારા વિવિધ લગ્ન પરંપરાઓની ઉજવણી -રોલ-પ્લે યોજાયુ હતું. કાર્યક્રમનું આયોજન આચાર્ય ડૉ.ભાવના ચૌહાણના વડપણ હેઠળ ડૉ.વંદના મોદી દ્વારા કરવામાં આવ્યું હતું. રોલ પ્લેમાં વિદ્યાર્થીઓએ હિંદુ લગ્ન, પંજાબી લગ્ન, મુસ્લિમ લગ્ન અને ખ્રિસ્તી લગ્ન પરંપરાઓનું જીવંત નિરૂપણ કર્યું હતું. કાર્યક્રમનો મુખ્ય હેતુ વિદ્યાર્થીઓને વિવિધ સમુદાયોની લગ્ન પરંપરાઓનો પ્રત્યક્ષ અનુભવ તથા વિવિધ સંસ્કૃતિઓ પ્રત્યે સમજ, સ્વીકાર અને સન્માનની ભાવના વિકસાવવાનો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Vallabh vidyanagar : ચરોતર એજ્યુ. પટાંગણામાં નવરાત્રિ ઉજવાઈ
calendar_today October 26, 2026

Vallabh vidyanagar : ચરોતર એજ્યુ. પટાંગણામાં નવરાત્રિ ઉજવાઈ

ચરોતર એજ્યુકેશન સોસાયટી દ્વારા આયોજિત આદિ દેવી મહારુદ્રા મહોત્સવ 2026 ની ઉજવણીમાં આણંદ સ્થિત ડી.એન હાઇસ્કૂલના ધોરણ 9 થી 12 ના વિદ્યાર્થીઓ અને શિશુવિહાર શાળાના બાળકો પરંપરાગત પોષાકમાં સજ્જ થઇને માં આદ્યશક્તિના ગરબે ઝુમી સમગ્ર પરિસરને ભક્તિમય બનાવ્યુ હતું. કાર્યક્રમનો મુખ્ય હેતુ વિદ્યાર્થીઓમાં સંસ્કાર, સંસ્કૃતિ અને માતૃશક્તિની ઉપાસનાનું સિંચન કરવાનો હતો. કાર્યક્રમમાં હાઇસ્કૂલના આચાર્ય અને સુપરવાઇઝર તથા શિશુવિહાર શાળાના આચાર્ય બેલાબેન પટેલે વિદ્યાર્થીઓના જીવનમાં સુખ, શાંતિ, સમૃદ્ધિ, નવી ઉર્જા અને સફળતાનો સંચાર થાય તેવી શુભકામનાઓ પાઠવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Nadiad : વડતાલ મંદિરે શરદોત્સવની ભવ્ય ઉજવણી
calendar_today October 26, 2026

Nadiad : વડતાલ મંદિરે શરદોત્સવની ભવ્ય ઉજવણી

સ્વામિનારાયણ સંપ્રદાયના તીર્થધામ વડતાલ મંદિરમાં રવિવારે શરદોત્સવની ભવ્ય ઉજવણી કરાઇ હતી. આ નિમિતે ભવ્ય રાસોત્સવનું આયોજન કરવામાં આવ્યું હતું. આ રાસોત્સવ મોટાલાલજી સૌરભપ્રસાદ મહારાજના સાંનિધ્યમાં યોજાયો હતો. આ ઉત્સવમાં મોટી સંખ્યામાં હરિભકતોએ લાભ લીધો હતો. સોમવારે શરદપૂર્ણિમા મુકુટોત્સવ પૂનમ પ્રસંગે દર્શનાર્થીઓનો મહેરામણ ઊમટી પડયો હતો. વડતાલ સ્વામિનારાયણ મંદિરના ચેરમેન ડો. સંતવલ્લભ સ્વામીએ જણાવ્યું હતું કે, મંદિરમાં આસો સુદ ચૌદશ રવિવાર રાત્રિએ મંદિર પરિસરના હરિમંડપ પાછળ કાષ્ટની 100 ફૂટ ઊંચી માંડવડીમાં ચાંદનીની રોશનીમાં શ્રીહરિ બિરાજમાન થયા હતા. આ પ્રસંગે ભગવાનનું પૂજન આરતી ઉતારવામાં આવી હતી. ત્યારબાદ રાત્રિના 9 થી 12 કલાક દરમિયાન ગુણાત્તીત ઓરકેસ્ટ્રા કલાકુંજ સુરતના સથવારે અંદાજીત પાંચ હજાર ઉપરાંત હરિભકતોએ રાસની રમઝટ બોલાવી હતી. શરદોત્સવની ઉજવણીમાં સત્સંગ મહાસભાના પ્રમુખ નૌતમ સ્વામી, કોઠારી દેવપ્રકાશ સ્વામી તથા અન્ય સંતો , યજમાન પરિવાર અને વડતાલ સહિત વલેટવા , સંજાયા , નરસંડા,જોળ , બામરોલી તથા આસપાસના ગામોના મોટી સંખ્યામાં હરિભકતો ઉપસ્થિત રહીને દર્શનનો લાભ લીધો હતો. અને દૂધ પૌંઆનો પ્રસાદ લઇને ધન્યતા અનુભવી હતી. જયારે સોમવારે શરદ પૂનમ નિમિતે મંદિરમાં બિરાજમાન શ્રી લક્ષ્મીનારાયણ દેવ, શ્રી હરિકૃષ્ણ મહારાજ સહિત દેવોને વિશેષ વાઘા અને સુવર્ણ આભૂષણો ધરાવવામાં આવ્યા હતા. સવારે મંગળા આરતી થી લઇને રાત્રે શયન આરતી સુધી ભકતોનો અવિરત પ્રવાહ રહ્યો હતો. આખો દિવસ સ્વામિનારાયણ મહામંત્રથી નાદથી યાત્રાધામ ગુંજી ઉઠયું હતુંગુજરાતના વધુ સમાચાર વાંચવા માટે ક્લિક કરો

Read Full Story arrow_forward