Ahmedabad: ચાંદખેડામાં દીકરીની છેડતીની ફરિયાદ કરવા ગયેલા દંપતી પર છરી અને મરચાની ભૂકીથી ખૂની હુમલો
અમદાવાદ શહેરના ચાંદખેડા વિસ્તારમાં આવેલા જગતપુર સ્થિત ‘સેરેનિટી સ્પેસ’ સોસાયટીમાં કાયદો અને વ્યવસ્થાના ધજાગરા ઉડાડતો એક અત્યંત ચોંકાવનારો કિસ્સો સામે આવ્યો છે. પોતાની સગીર વયની દીકરીને હેરાન-પરેશાન કરતા કિશોરના માતા-પિતાને સમજાવવા અને ફરિયાદ કરવા ગયેલા દંપતી પર સામા પક્ષે પૂર્વઆયોજિત કાવતરું રચીને જીવલેણ હુમલો કર્યો હતો. મહિલાની આંખમાં મરચાની ભૂકી નાખી આંધળા કરવાનો પ્રયાસ કરી તેના પતિ પર છરીના ઉપરાછાપરી ઘા ઝીંકી દેવામાં આવ્યા હતા. જાહેરમાં બનેલી આ લોહિયાળ મારામારીની સમગ્ર ઘટના સોસાયટીના સીસીટીવી (CCTV) કેમેરામાં કેદ થઈ ગઈ છે, જેના આધારે ચાંદખેડા પોલીસે ગુનો નોંધી કાયદેસરની કાર્યવાહી હાથ ધરી છે.છેડતીની ફરિયાદ કરતાં ધમકી આપી સોસાયટીમાં બોલાવ્યાચાંદખેડા જગતપુર વિસ્તારમાં રહેતા મીરાબેન સોની અને તેમના પતિ મિથુનભાઈ સોનીની સગીર પુત્રીને સોસાયટી નજીક રહેતો એક કિશોર અવારનવાર હેરાન કરતો હતો.દીકરીની આ પજવણી અંગે માતા મીરાબેને કિશોરના માતા-પિતાને જાણ કરીને પોતાના પુત્રને સમજાવવા વિનંતી કરી હતી.જોકે, કિશોરના માતા-પિતાએ પોતાની ભૂલ સ્વીકારવાના બદલે ઉશ્કેરાઈને મીરાબેન અને તેમના પતિ મિથુનભાઈને ધમકીઓ આપીને જગતપુર સેરેનિટી સ્પેસ સોસાયટી ખાતે મળવા બોલાવ્યા હતા.પત્નીએ આંખમાં મરચું નાખ્યું, પતિએ છરીના ઘા ઝીંક્યામિથુનભાઈ અને મીરાબેન સોની જ્યારે ત્યાં પહોંચ્યા ત્યારે કિશોરના પિતા ઋષભ ચૌહાણ અને તેની પત્ની બિંદિયા ચૌહાણ અગાઉથી જ જીવલેણ હથિયારો અને મરચાની ભૂકી સાથે તૈયાર ઊભા હતા.વાતચીત દરમિયાન ઉગ્ર બોલાચાલી થતાં બિંદિયા ચૌહાણે અચાનક પોતાની પાસે રહેલી લાલ મરચાની ભૂકી મીરાબેન સોનીની આંખમાં ફેંકી દીધી હતી, જેથી તેઓ કશું જોઈ ન શકે અને બૂમાબૂમ કરવા લાગ્યા હતા.આ દરમિયાન ઋષભ ચૌહાણે છૂપાવી રાખેલી ધારદાર છરી કાઢી મિથુનભાઈ સોની પર જીવલેણ હુમલો કરી દીધો હતો.લોહીલુહાણ હાલતમાં ઇજાગ્રસ્ત બનેલા મિથુન સોની અને આંખોમાં બળતરાથી પીડાતા મીરાબેનને તાત્કાલિક સ્થાનિક હોસ્પિટલમાં સારવાર અર્થે ખસેડવામાં આવ્યા છે.સમગ્ર મારામારી CCTV માં કેદ: પોલીસ તપાસ તેજઆ હુમલા દરમિયાન સોસાયટીના રહીશોમાં ભારે નાસભાગ અને ભયનો માહોલ સર્જાયો હતો. આરોપીઓ દ્વારા કરવામાં આવેલા આ ઘાતક હુમલાના પુરાવા સોસાયટીના સીસીટીવી કેમેરામાં કેદ થઈ ગયા છે. ચાંદખેડા પોલીસે સીસીટીવી ફૂટેજ કબજે કરીને હુમલાખોર ઋષભ ચૌહાણ અને તેની પત્ની બિંદિયા વિરુદ્ધ હત્યાના પ્રયાસ અને મારામારી સહિતની કલમો હેઠળ ગુનો નોંધવાની તજવીજ હાથ ધરી છે.આ પણ વાંચો: Morbi: હળવદમાં ઠંડા પીણાની બોટલમાંથી નીકળી મરેલી માખી; ગોકુલ મેંગોક્રશ પીવા જતાં ડોક્ટર ચોંકી ઉઠ્યા
Read Full Story arrow_forward
