Community News & Updates

Stay informed with the latest happenings, achievements, and announcements from our community.

All News

calendar_today October 26, 2026

Vadodara News: દિવાળીના તહેવારોને લઈ પોલીસ એલર્ટ, ભીડભાડવાળા વિસ્તારોમાં સઘન ચેકિંગ!

દિવાળીના તહેવારોને ધ્યાનમાં રાખીને વડોદરા પોલીસ સંપૂર્ણપણે એક્શન મોડમાં આવી ગઈ છે. તહેવારો દરમિયાન શહેરમાં કાયદો અને વ્યવસ્થા જળવાઈ રહે તથા કોઈ અનિચ્છનીય ઘટના ન ઘટે તે માટે પોલીસ દ્વારા સંવેદનશીલ અને ભીડભાડવાળા વિસ્તારોમાં સઘન ચેકિંગ હાથ ધરવામાં આવ્યું છે.ડોગ સ્ક્વોડ, બોમ્બ સ્ક્વોડ અને ડ્રોન કેમેરાનો ઉપયોગશહેરના સૌથી વ્યસ્ત અને ભીડભાડવાળા વિસ્તાર ગણાતા મંગળ બજારમાં પોલીસે ખાસ સઘન તપાસ હાથ ધરી હતી. આ સુરક્ષા અભિયાનમાં સુરક્ષા વ્યવસ્થાને વધુ મજબૂત બનાવવા માટે ડોગ સ્ક્વોડ (Dog Squad) અને બોમ્બ સ્ક્વોડ (Bomb Squad) ને પણ સામેલ કરવામાં આવ્યા હતા. આ ઉપરાંત, આકાશમાંથી નજર રાખવા અને સુરક્ષાનું નિરીક્ષણ કરવા માટે ડ્રોન (Drone) નો પણ ઉપયોગ કરવામાં આવ્યો હતો.નાગરિકોને સાવચેત રહેવા અને કાળજી રાખવા પોલીસની અપીલતહેવારોની ખરીદી માટે બજારોમાં ઉમટી રહેલી ભારે ભીડને ધ્યાનમાં રાખીને વડોદરા પોલીસે નાગરિકોને ખાસ સાવચેત રહેવા અપીલ કરી છે. બજારોમાં અવરજવર કરતી વખતે પોતાના કિંમતી સામાન, પર્સ અને દાગીનાની વિશેષ કાળજી રાખવા તેમજ કોઈપણ શંકાસ્પદ વસ્તુ કે વ્યક્તિ જણાય તો તુરંત પોલીસને જાણ કરવા સૂચના આપવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Vadodaraના બાજવામાં મહિલાનું શંકાસ્પદ મોત: સાસરિયાઓ સામે માનસિક ત્રાસના ગંભીર આક્ષેપો

વડોદરાના બાજવા વિસ્તારમાં એસિડ પીધા બાદ કાળઝાળ પીડાથી કાજલ નામની મહિલાના મોતનો મામલો સામે આવ્યો છે. આ દુર્ઘટના બાદ મૃતક કાજલના પિતાએ તેના સાસરિયાઓ સામે અત્યંત ગંભીર આક્ષેપો કર્યા છે. પિતાનું કહેવું છે કે સાસરિયાઓના સતત માનસિક ત્રાસ અને અવારનવાર થતા ઝઘડાથી કંટાળીને તેમની દીકરીએ આત્યંતિક પગલું ભરીને આપઘાત કર્યો છે.સાસરિયાઓનું બહાનુ અને પિતાનું હ્રદયદ્રાવક નિવેદનઆ સમગ્ર ઘટના અંગે સાસરિયાઓએ એવો બચાવ કર્યો હતો કે કાજલે ભૂલથી પાણીને બદલે એસિડ પી લીધું હતું. બીજી તરફ, શોકાતુર પિતાએ સાસરિયાઓ સામે ગંભીર આક્ષેપ કરતા જણાવ્યું હતું કે અગાઉ સમાધાન પેટે સાસરિયાઓએ તેમની પાસે રૂપિયા 10 લાખની માંગણી કરી હતી. પિતાએ દીકરી પ્રત્યેનો અમીટ પ્રેમ વ્યક્ત કરતા ભાવુક થઈને કહ્યું હતું કે, "હું રૂપિયા ૨૫ લાખ આપવા તૈયાર છું, પણ કોઈક રીતે મારી દીકરીને મને બેઠી કરી આપો."અવારનવારના ઝઘડા અને ન્યાયની માગમૃતક કાજલના પરિવારજનોના જણાવ્યા અનુસાર સાસરિયાઓ દ્વારા અવારનવાર નાની-મોટી બાબતોને લઈને ઝઘડા કરવામાં આવતા હતા અને દીકરીને માનસિક રીતે સતત હેરાન કરવામાં આવતી હતી. આ દુઃખદ ઘટનાને પગલે પોલીસે મામલાની ગંભીરતાને ધ્યાનમાં રાખીને વધુ તપાસ હાથ ધરી છે, ત્યારે પીડિત પરિવાર દ્વારા દીકરીના મોત માટે જવાબદાર સાસરિયાઓ સામે કડક કાર્યવાહીની માંગ કરવામાં આવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Gandhinagar: PM મોદીના આગમન પૂર્વે ગાંધીનગરમાં ધમધમાટ! હર્ષ સંઘવીએ બોલાવી હાઈ-લેવલ બેઠક

વડાપ્રધાન નરેન્દ્ર મોદી આગામી 30 અને 31 ઓક્ટોબર દરમિયાન બે દિવસીય ગુજરાતના પ્રવાસે આવી રહ્યા છે. પીએમ મોદીના આ મહત્વપૂર્ણ અને સંવેદનશીલ પ્રવાસને લઈને રાજ્ય સરકાર દ્વારા વ્યાપક પાયે પૂર્વતૈયારીઓ શરૂ કરી દેવામાં આવી છે. કાર્યક્રમોનું સુચારુ સંચાલન, કાયદો-વ્યવસ્થા અને જનસુવિધાની સમીક્ષા કરવા માટે પાટનગર ગાંધીનગર ખાતે નાયબ મુખ્યમંત્રી હર્ષ સંઘવીની અધ્યક્ષતામાં એક ઉચ્ચસ્તરીય બેઠક યોજાઈ હતી. આ બેઠકમાં સંબંધિત જિલ્લાઓના વહીવટી તંત્ર તેમજ પોલીસ પ્રશાસન સાથે વિડીયો કોન્ફરન્સિંગ (VC) દ્વારા સીધો સંવાદ સાધીને કાર્યક્રમોની રૂપરેખાની આખરી સમીક્ષા કરવામાં આવી હતી.કેબિનેટ મંત્રીઓ અને રાજ્યના DGP રહ્યા ઉપસ્થિતગાંધીનગર સ્વર્ણિમ સંકુલ ખાતે યોજાયેલી આ મહત્વની બેઠકમાં નાયબ મુખ્યમંત્રી હર્ષ સંઘવી સાથે કૃષિ મંત્રી જીતુ વાઘાણી, જળસંપત્તિ અને પાણી પુરવઠા મંત્રી કુંવરજી બાવળીયા વિશેષ ઉપસ્થિત રહ્યા હતા. કાયદો-વ્યવસ્થા અને ચુસ્ત સુરક્ષા વ્યવસ્થાની ખાતરી માટે રાજ્યના પોલીસ વડા (DGP), ગૃહ વિભાગના ઉચ્ચ સચિવો તેમજ અન્ય વિભાગોના ઉચ્ચાધિકારીઓ હાજર રહ્યા હતા. સંબંધિત જિલ્લા કલેક્ટરો, મ્યુનિસિપલ કમિશનરો અને જિલ્લા પોલીસ વડાઓ સાથે વર્ચ્યુઅલ માધ્યમથી લાઈવ સમીક્ષા કરી સ્થળ સુરક્ષા, ટ્રાફિક વ્યવસ્થાપન, વીવીઆઈપી પ્રોટોકોલ અને નાગરિકોની અવરજવર માટેના આયોજન અંગે માર્ગદર્શન આપવામાં આવ્યું હતું.બનાસકાંઠા અને નર્મદા (એકતાનગર) ના પ્રવાસે રહેશે PM મોદી30 ઓક્ટોબરના વડાપ્રધાન ઉત્તર ગુજરાતના સરહદી જિલ્લા બનાસકાંઠા ખાતે વિવિધ વિકાસલક્ષી પ્રકલ્પોના લોકાર્પણ અને ખાતમુહૂર્ત તેમજ જનસભાને સંબોધિત કરે તેવી સંભાવના છે.31 ઓક્ટોબર - નર્મદા (રાષ્ટ્રીય એકતા દિવસ) અખંડ ભારતના શિલ્પી સરદાર વલ્લભભાઈ પટેલની જન્મજયંતિ નિમિત્તે કેવડિયા-એકતાનગર ખાતે આયોજિત પ્રતિષ્ઠિત ‘રાષ્ટ્રીય એકતા દિવસ’ની ઉજવણીમાં પીએમ મોદી સહભાગી બનશે. તેઓ સ્ટેચ્યૂ ઓફ યુનિટી ખાતે સરદાર સાહેબને પુષ્પાંજલિ અર્પણ કરશે અને દેશભરના સુરક્ષા દળો તેમજ કેડેટ્સની ભવ્ય રાષ્ટ્રીય એકતા પરેડની સલામી ઝીલશે.સમગ્ર કાર્યક્રમો દરમિયાન કોઈ ચૂક ન રહે તે માટે સંબંધિત તમામ વિભાગોને સંકલનમાં રહીને કામગીરી કરવા નાયબ મુખ્યમંત્રી દ્વારા સૂચના આપવામાં આવી છે.આ પણ વાંચો: Sandesh Digital Explainer: ચાઇનીઝ એકેડેમી ઓફ સાયન્સની ચેતવણીએ ભારતની ઊંઘ ઉડાવી, ગ્લેશિયર પીગળવાથી સર્જાશે જળ પ્રલય!

Read Full Story arrow_forward