Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Botad News: PGVCLનો જાદૂ કે કાંડ? વીજ કનેક્શન કે મીટર વગર જ મોકલ્યું લાઈટ બિલ! Video

બોટાદ જિલ્લાના ગઢડા તાલુકાના ઢસા PGVCL કચેરીની ઘોર બેદરકારી સામે આવતા ભારે ચકચાર મચી ગઈ છે. ગઢડાના જલાલપુર ગામે વીજ તંત્રની લાપરવાહીનો એવો કિસ્સો સામે આવ્યો છે, જેને જોઈને સૌકોઈ આશ્ચર્યચકિત થઈ ગયા છે. ગામમાં વીજ કનેક્શન કે મીટર ફીટ કરવામાં આવ્યા ન હોવા છતાં ગ્રાહકોને લાઈટ બિલ મોકલી આપવામાં આવતા તંત્રની કામગીરી સામે ગંભીર સવાલો ઊભા થયા છે.કેબલ અને મીટર નથી છતાં બન્ને ગ્રાહકોને 818 રૂપિયાનું બિલપ્રાપ્ત વિગતો અનુસાર, જલાલપુર ગામના રહેવાસી શૈલેષભાઈ કેશુભાઈ ડોડીયા અને ગોબરભાઈ કાળાભાઈ સોલંકી દ્વારા ઘર વપરાશ માટે નવા વીજ કનેક્શન મેળવવા માટે અરજી કરવામાં આવી હતી. આ અરજી બાદ સ્થળ પર માત્ર વીજ પોલ નાખવામાં આવ્યા છે, પરંતુ હજુ સુધી ન તો કેબલ નાખવામાં આવ્યો છે, અને ન તો કોઈ મીટર બેસાડવામાં આવ્યું છે. છતાં પણ આશ્ચર્યજનક રીતે આ બંને ગ્રાહકોને તંત્ર દ્વારા રૂ. 818 - 818 નું લાઈટ બિલ ફટકારી દેવામાં આવ્યું છે.ગ્રાહકે વીડિયો બનાવી સોશિયલ મીડિયામાં કર્યો વાયરલકોઈપણ પ્રકારની વીજ સેવા કે મીટર વગર જ વીજ બિલ હાથમાં આવી જતા ગ્રાહકો પણ ચોંકી ઉઠ્યા હતા. આ અનોખી બેદરકારીથી રોષે ભરાયેલા ગ્રાહકે પોતાની આપવીતી જણાવતો એક વીડિયો બનાવીને સોશિયલ મીડિયામાં વાયરલ કરી દીધો છે. આ વીડિયો વાયરલ થતાં જ ઢસા PGVCL કચેરીના અધિકારીઓની કામગીરી સામે સ્થાનિક લોકો અને વેપારીઓમાં ભારે રોષ જોવા મળી રહ્યો છે. =આ પણ વાંચો: 26 October Top News: રાહુલ ગાંધીનો કોર્ટ કેસ, વાવાઝોડાનું એલર્ટ અને બ્રિક્સ સંસદીય ફોરમ સહિતના દેશ-વિદેશના મુખ્ય અપડેટ્સ

Read Full Story arrow_forward

calendar_today October 25, 2026

Morbi News: ટંકારાના જબલપુરમાં ગ્રામજનોનો સપાટો, દેશી દારૂ સાથે મહિલા ઝડપાઈ, Video

મોરબી જિલ્લાના ટંકારા તાલુકામાંથી એક ચોંકાવનારો કિસ્સો સામે આવ્યો છે. ટંકારાના જબલપુર ગામમાં ગ્રામજનોએ અસામાજિક પ્રવૃત્તિઓ સામે લડત આપીને જાતે જ દારૂ ઝડપી પાડવાની મોટી કામગીરી કરી છે. ગામમાં ચાલતા ગેરકાયદે દારૂના ધંધાથી ત્રાસી ગયેલા જાગૃત ગ્રામજનોએ એક મહિલાને દેશી દારૂની થેલીઓ સાથે રંગેહાથ પકડી લીધી હતી.દેશી દારૂની થેલીઓ સાથે મહિલા ઝડપાઈપ્રાપ્ત વિગતો અનુસાર, જબલપુર ગામે દેશી દારૂનું વેચાણ કરતી એક મહિલા નાના બાળક સાથે શંકાસ્પદ હાલતમાં દારૂની થેલીઓ સાથે ફરી રહી હતી. ગ્રામજનોએ સતર્કતા દાખવીને આ મહિલાને પકડી લીધી હતી અને તાત્કાલિક પોલીસને આ અંગેની જાણ કરી હતી. ગ્રામજનો દ્વારા લેવાયેલા આ પગલાંથી બૂટલેગરોમાં ભારે ફફડાટ ફેલાઈ ગયો છે. =ગામડાઓમાં હોમ ડિલિવરી અને પોલીસની ભૂમિકા સામે સવાલોઆ ઘટના બાદ સ્થાનિક લોકોમાં ભારે રોષ જોવા મળી રહ્યો છે. ગ્રામજનો દ્વારા એવો ગંભીર આક્ષેપ કરવામાં આવ્યો છે કે, ગ્રામ્ય વિસ્તારોમાં અવારનવાર દેશી અને વિદેશી દારૂની 'હોમ ડિલિવરી' જેવી ગેરકાયદે પ્રવૃત્તિઓ બેફામ બની રહી છે. સવાલ એ ઉઠી રહ્યો છે કે, જબલપુર ગામમાં આ પ્રકારે ખુલ્લેઆમ દારૂનું ગેરકાયદે વેચાણ કોના આશીર્વાદથી ચાલી રહ્યું છે? સ્થાનિક ટંકારા પોલીસ આ બુટલેગરો સામે ક્યારે કડક લગામ કસશે તે એક મોટો પ્રશ્ન બન્યો છે.આ પણ વાંચો: Morbi News: કાર ભરીને દારૂની હેરાફેરી કરતો બુટલેગર ઝડપાયો, 4.09 લાખનો મુદ્દામાલ જપ્ત!

Read Full Story arrow_forward

calendar_today October 25, 2026

Ahmedabad: એકતાનગર પરેડ માટે દેશભરમાંથી 200 NCC કેડેટ્સ સજ્જ; 31 ઓક્ટોબરે રચાશે નવો ઇતિહાસ!

અખંડ ભારતના શિલ્પી લોખંડી પુરુષ સરદાર વલ્લભભાઈ પટેલની જન્મજયંતિ નિમિત્તે દર વર્ષે ૩૧ ઓક્ટોબરના રોજ ઉજવાતા ‘રાષ્ટ્રીય એકતા દિવસ’ની ભવ્ય ઉજવણી માટે એકતાનગર ખાતે તડામાર તૈયારીઓ ચાલી રહી છે. વિશ્વની સૌથી ઊંચી પ્રતિમા 'સ્ટેચ્યૂ ઓફ યુનિટી'ના સાનિધ્યમાં યોજાનારી રાષ્ટ્રીય એકતા દિવસની પ્રતિષ્ઠિત પરેડમાં ભાગ લેવા માટે દેશભરના નેશનલ કેડેટ કોર્પ્સ (NCC) ના પસંદગી પામેલા ૨૦૦ કેડેટ્સ એકતાનગર પહોંચી ચૂક્યા છે. કેડેટ્સ દ્વારા શિસ્ત, સમર્પણ અને અખંડ ભારતની ભાવનાને ઉજાગર કરવા માટે સઘન સૈન્ય ડ્રિલ અને ફિઝિકલ ટ્રેનિંગ શરૂ કરી દેવામાં આવી છે.17 NCC ડિરેક્ટોરેટ્સના 200 કેડેટ્સનો વિશેષ કેમ્પ સ્ટેચ્યૂ ઓફ યુનિટી ખાતે આયોજિત વિશેષ નેશનલ ઇન્ટિગ્રેશન કેમ્પમાં દેશના કાશ્મીરથી કન્યાકુમારી અને પૂર્વોત્તર રાજ્યો સહિત કુલ 17 NCC ડિરેક્ટોરેટ્સમાંથી શ્રેષ્ઠ 200 કેડેટ્સની પસંદગી કરવામાં આવી છે.આ યુવા કેડેટ્સને પરેડ માટે કડક ફિઝિકલ ટ્રેનિંગ, પ્રોફેશનલ ડ્રિલ અને માનસિક એકાગ્રતા માટે નિયમિત યોગ સત્રોની તાલીમ આપવામાં આવી રહી છે.પરેડ સિવાય કેડેટ્સમાં લીડરશિપ (નેતૃત્વ ક્ષમતા), જાહેર વક્તવ્ય અને આપત્તિ/કટોકટી વ્યવસ્થાપન જેવા મહત્વપૂર્ણ વિષયો પર તજજ્ઞો દ્વારા માર્ગદર્શન પૂરું પાડવામાં આવી રહ્યું છે.'એક ભારત, શ્રેષ્ઠ ભારત'નો જીવંત સંદેશવિવિધ રાજ્યો અને સંસ્કૃતિમાંથી આવેલા કેડેટ્સ વચ્ચે સાંસ્કૃતિક આદાનપ્રદાન થાય તે માટે સાંધ્ય કાર્યક્રમોનું આયોજન કરવામાં આવ્યું છે, જે ‘એક ભારત, શ્રેષ્ઠ ભારત’ની થીમને સાચા અર્થમાં ચરિતાર્થ કરે છે.31 ઓક્ટોબરના રોજ યોજાનારી મુખ્ય ઉજવણીમાં દેશના ટોચના મહાનુભાવોની ઉપસ્થિતિમાં આ કેડેટ્સ ભવ્ય પરેડનું પ્રદર્શન કરશે.સરદાર સરોવર અને સ્ટેચ્યૂ ઓફ યુનિટીના પાવન પરિસરમાં દેશના ખૂણે-ખૂણેથી આવેલા યુવાનો પોતાની શિસ્તબદ્ધ કૂચ અને દેશભક્તિથી સમગ્ર વાતાવરણને રાષ્ટ્રભાવનાથી રંગી દેશે.આ પણ વાંચો: Ahmedabad: PM મોદીના પિતા પર અભદ્ર ટિપ્પણીથી પટનાથી ગુજરાત સુધી આક્રોશ; સીએમ પટેલ અને નાયબ મુખ્યમંત્રી સંઘવી આક્રમક

Read Full Story arrow_forward