Rajkot News: જામકંડોરણાના થોરડીમાં જુગારના અડ્ડા પર રેડ, 7 શકુનીઓ પકડાયા
રાજકોટ જિલ્લાના જામકંડોરણા તાલુકામાં જુગારધામો સામે પોલીસે લાલ આંખ કરી છે. રાજકોટ રેન્જ ટીમે ચોક્કસ બાતમીના આધારે મોડી રાત્રે જામકંડોરણાના થોરડી ગામની સીમમાં દરોડો પાડીને ધમધમતો જુગારનો અડ્ડો ઝડપી પાડ્યો છે. આ કામગીરી દરમિયાન પોલીસે 7 શકુનીઓને મુદ્દામાલ સાથે રંગેહાથ પકડી પાડી કાયદેસરની કાર્યવાહી હાથ ધરી છે.બાતમીના આધારે વાડીમાં મોડી રાત્રે પાડેલા દરોડામળતી વિગતો અનુસાર, જામકંડોરણા તાલુકાના થોરડી ગામથી રામપર રોડ પર આવેલી સીમમાં જુગાર રમાઈ રહ્યો હોવાની ચોક્કસ બાતમી રાજકોટ રેન્જ ટીમને મળી હતી. આ બાતમીને આધારે પોલીસે મોડી રાત્રે થોરડી ગામે રહેતા વિક્રમસિંહ લિલુભા જાડેજાની સીમ વાડીમાં દરોડો પાડ્યો હતો, જ્યાં મોટી રકમનો જુગાર રમાઈ રહ્યો હોવાનું સામે આવ્યું હતું.રૂ. 2,73,300 નો મુદ્દામાલ જપ્તપોલીસે ઘટના સ્થળેથી જુગાર રમતા 7 ઈસમોને ઝડપી લીધા હતા. દરોડા દરમિયાન પોલીસે આરોપીઓ પાસેથી નીચે મુજબની ગણનાપાત્ર રકમ અને સાધન-સામગ્રી જપ્ત કરી છે.રોકડ રકમ: રૂ. 1,28,300 ની રોકડ રકમકુલ જપ્ત મુદ્દામાલ: રોકડ, મોબાઈલ ફોન અને વાહનો સહિત કુલ રૂ. 2,73,300 નો મુદ્દામાલરેન્જ ટીમે તમામ મુદ્દામાલ કબ્જે કરી પકડાયેલા તમામ 7 આરોપીઓ સામે પ્રોહિબિશન અને જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.આ પણ વાંચો - Rajkot : PSI ગળચર પર જમીન દલાલીના વધુ ગંભીર આક્ષેપ, 8 કરોડની 2 એકર જમીન પચાવી પાડ્યાનો પીડિત પરિવારનો દાવો
Read Full Story arrow_forward
