Community News & Updates

Stay informed with the latest happenings, achievements, and announcements from our community.

All News

calendar_today October 17, 2026

Deesaમાં ફૂડ વિભાગની ટીમે તાસ્વી માર્કેટિંગમાંથી રૂ.4.82 લાખના શંકાસ્પદ ઘીનો જથ્થો કર્યો સીઝ!

બનાસકાંઠા જિલ્લાના ડીસા શહેરમાં ફૂડ એન્ડ ડ્રગ્સ વિભાગે મોટી કાર્યવાહી કરીને મિલવટખોરો સામે લાલ આંખ કરી છે. રિસાલા બજારમાં આવેલી તાસ્વી માર્કેટિંગ એન્ડ ડેરી પ્રોડક્ટ્સ નામની પેઢી પર સરપ્રાઈઝ ચેકિંગ હાથ ધરીને ફૂડ વિભાગે રૂ.4.82 લાખની કિંમતનો 794.2 લીટર શંકાસ્પદ ઘીનો જથ્થો જપ્ત કર્યો છે. અગાઉ સબ-સ્ટાન્ડર્ડ ઘીના મામલે દંડાઈ ચૂકેલી આ પેઢી સામે કાયદાકીય શિકંજો વધુ મજબૂત કરવામાં આવ્યો છે.રિસાલા બજારમાંથી 794.2 લીટર શંકાસ્પદ ઘી જપ્તફૂડ એન્ડ ડ્રગ્સ વિભાગની ટીમે દરોડા દરમિયાન તાસ્વી માર્કેટિંગમાંથી 'પરિવાર કાઉ ઘી' બ્રાન્ડનું 429.2 લીટર પેક્ડ ઘી તેમજ 329 કિલો લૂઝ (ખુલ્લું) શંકાસ્પદ ઘી જપ્ત કર્યું છે. સ્થાનિકોના આરોગ્ય સાથે ચેડાં કરતા આ જથ્થાના સેમ્પલ લઈને તાત્કાલિક ધોરણે લેબોરેટરી પરીક્ષણ અર્થે મોકલી આપવામાં આવ્યા છે. લેબ રિપોર્ટ આવ્યા બાદ આગળની કાનૂની કાર્યવાહી હાથ ધરવામાં આવશે.સ્ટેટ લાયસન્સ રદ થયા બાદ સેન્ટ્રલ FSSAI હેઠળ ચાલતો ખેલતપાસ દરમિયાન ચોંકાવનારો ખુલાસો થયો છે કે આ અગાઉ પણ લાલચંદ પંચીવાલા સામે સબ-સ્ટાન્ડર્ડ ઘી વેચવા બદલ દંડનીય કાર્યવાહી થઈ ચૂકી હતી. સ્ટેટ ઓથોરિટી દ્વારા પેઢીનું લાયસન્સ રદ કરવામાં આવ્યા બાદ પણ આ પેઢીએ સેન્ટ્રલ FSSAI લાયસન્સ મેળવીને ગેરકાયદે પ્રવૃત્તિ ચાલુ રાખી હતી. આ ગંભીર બાબતને ધ્યાને રાખી ફૂડ વિભાગે સમગ્ર મામલે સેન્ટ્રલ ઓથોરિટીને લેખિત જાણ કરી આગળની કાર્યવાહી શરૂ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 17, 2026

Ahmedabad : ગોતામાં નકલી સોસનો પર્દાફાશ,આઈ શ્રી ખોડિયાર પેઢીમાંથી 10,000 કિલો નકલી સોસનો જથ્થો જપ્ત

અમદાવાદમાં નાગરિકોના આરોગ્ય માટે મ્યુનિસિપલ કોર્પોરેશન સક્રિય બન્યું છે. આરોગ્ય વિભાગ દ્વારા ચાલી રહેલી તપાસનો આ ત્રીજો દિવસ હતો. આ દરમિયાન ગોતા વિસ્તારમાં કાર્યવાહી કરવામાં આવી હતી. ગોતા સ્થિત આઈ શ્રી ખોડિયાર એકમમાં ટીમે દરોડો પાડ્યોગોતા સ્થિત આઈ શ્રી ખોડિયાર એકમમાં ટીમે દરોડો પાડ્યો હતો. ત્યાં વિસ્તૃત તપાસ હાથ ધરવામાં આવી હતી. આ ચકાસણી દરમિયાન ગંભીર બાબતો સામે આવી હતી. સોસ બનાવવામાં ટામેટાંનો બિલકુલ ઉપયોગ થતો નહોતો. તેના બદલે પપૈયા અને બટેટાના પલ્પનો વ્યાપક ઉપયોગ થતો હતો. આ સાથે સોસમાં પ્રતિબંધિત સિન્થેટિક કલર ઉમેરવામાં આવતો હતો. આ રીતે નકલી સોસ તૈયાર કરાતો હોવાનું પકડાયું હતું.10 હજાર કિલો નકલી સોસનો જથ્થો જપ્ત મનપાની આરોગ્ય ટીમે તાત્કાલિક કડક પગલાં ભર્યા હતા. સ્થળ પરથી 10 હજાર કિલો નકલી સોસનો જથ્થો જપ્ત કરાયો હતો. આ બનાવટ અંગે આધાર મેળવવા તંત્ર સજ્જ બન્યું છે. અધિકારીઓ દ્વારા સોસના વિવિધ સેમ્પલ એકત્રિત કરવામાં આવ્યા છે. આ તમામ નમૂનાઓને પૃથક્કરણ માટે લેબોરેટરીમાં મોકલવામાં આવશે. જેથી તેમાં રહેલા તત્વોની ચોક્કસ વિગતો જાણી શકાય. લેબ અહેવાલ આવ્યા બાદ આગળની કાનૂની કાર્યવાહી કરવામાં આવશે.2 માસ અગાઉ મનપા દ્વારા અહીં દરોડો પડ્યોઆ પેઢી પર અગાઉ પણ તંત્ર દ્વારા કાર્યવાહી થઈ હતી. આશરે 2 માસ અગાઉ મનપા દ્વારા અહીં દરોડો પડ્યો હતો. તે સમયે ઉત્પાદન પરિસરમાં ભારે ગંદકી જોવા મળી હતી. ત્યારે આરોગ્ય વિભાગે નિયમ મુજબ જરૂરી કાર્યવાહી કરી હતી. આમ છતાં ફરી અહીં ભેળસેળવાળો સોસ બનાવવાનું ચાલુ રખાયું હતું. આખરે તંત્રએ કડક હાથે કામ લઈ સમગ્ર જથ્થો સીલ કર્યો છે.  આ પણ વાંચો    :   Vadodara : ગરબાના પાસની મોટી રામાયણ...સતત ફોનથી કંટાળ્યા નગરસેવકો...આખરે કહી દીધું પાસ માટે ફોન કે મેસેજ ના કરો..

Read Full Story arrow_forward

calendar_today October 17, 2026

Ahmedabad : કીર્તિદાન ગઢવીના પરંપરા નગરી ગરબામાં રેમ્પ પર નીકળેલી ખીલીઓથી ખેલૈયાઓને જોખમ હોવાનો આક્ષેપ

અમદાવાદમાં આયોજિત કીર્તિદાન ગઢવીના પરંપરા નગરી ગરબા મહોત્સવમાં ખેલૈયાઓની સુરક્ષા સામે ગંભીર સવાલો ઊભા થયા છે. ગ્રાઉન્ડમાં તૈયાર કરાયેલા વિવિધ રેમ્પ પર ખીલીઓ બહાર નીકળેલી હોવાથી ગરબે ઘૂમતા એક ખેલૈયાના પગમાં વાગતા તે ઇજાગ્રસ્ત થયો હોવાનો દાવો સામાજિક કાર્યકર શુભમ ઠાકરે કર્યો છે. આ મામલે સ્થળ પર સુરક્ષાના અભાવનો આક્ષેપ કરાયો છે.રેમ્પ પર ખીલીઓ બહાર નીકળેલી હોવાનો ગંભીર આક્ષેપગરબા ગ્રાઉન્ડના અનેક પ્લોટમાં બનાવેલા રેમ્પ પર ખીલીઓ બહાર નીકળેલી હોવાનો ગંભીર આક્ષેપ કરવામાં આવ્યો છે. ખેલૈયાઓ જ્યારે ઉત્સાહપૂર્વક રાસ-ગરબા રમી રહ્યા હતા ત્યારે રેમ્પ પર રહેલી ખુલ્લી ખીલી વાગવાને કારણે એક ખેલૈયાને પગમાં ઈજા પહોંચી હતી. આ ઘટના પ્રકાશમાં આવ્યા બાદ ખેલૈયાઓની સુરક્ષાને લઈને ભારે હોબાળો મચ્યો છે. સંબંધિત ખામીઓ તાત્કાલિક ધોરણે દૂર કરવા અપીલસામાજિક કાર્યકર શુભમ ઠાકરે આયોજકોને તાકીદે તમામ રેમ્પની ઊંડાણપૂર્વક તપાસ કરવા અને સુરક્ષા સંબંધિત ખામીઓ તાત્કાલિક ધોરણે દૂર કરવા અપીલ કરી છે. હજારો લોકો જ્યાં એકઠા થતા હોય ત્યાં આવી બેદરકારી ખેલૈયાઓના જીવ સામે જોખમ ઊભું કરી શકે છે.ઇમરજન્સી એક્ઝિટની વ્યવસ્થા સામે પણ ગંભીર સવાલોઆ ઉપરાંત ગરબા મહોત્સવમાં ગોલ્ડ ઝોન પાસધારકો માટે રાખવામાં આવેલી ઇમરજન્સી એક્ઝિટની વ્યવસ્થા સામે પણ ગંભીર સવાલો ઉઠાવવામાં આવ્યા છે. અગાઉ ગરબાની તૈયારીઓ ચાલી રહી હતી તે દરમિયાન ડોમ ધરાશાયી થવાની ઘટના બની હતી તેનો પણ ઉલ્લેખ કરવામાં આવ્યો હતો. કોર્પોરેશનમાં સત્તાવાર ફરિયાદ કરવામાં આવશેશુભમ ઠાકરે સ્પષ્ટ ચીમકી ઉચ્ચારી છે કે જો આયોજકો દ્વારા સુરક્ષા વ્યવસ્થામાં તાત્કાલિક સુધારો કરવામાં નહીં આવે તો અમદાવાદ મ્યુનિસિપલ કોર્પોરેશનમાં સત્તાવાર ફરિયાદ કરવામાં આવશે. ગરબા મહોત્સવમાં ખેલૈયાઓની સલામતી સુનિશ્ચિત કરવા માટે મ્યુનિસિપલ કોર્પોરેશન અને સંબંધિત તંત્ર તાકીદે સ્થળ તપાસ હાથ ધરે તેવી માંગણી પણ તેમણે કરી છે. આ પણ વાંચો :    Vadodara : ગરબાના પાસની મોટી રામાયણ...સતત ફોનથી કંટાળ્યા નગરસેવકો...આખરે કહી દીધું પાસ માટે ફોન કે મેસેજ ના કરો..                                

Read Full Story arrow_forward