Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 31 August ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
રાજ્યભરની શાળાઓમાં મધ્યાહ્ન ભોજન પીરસતા PM પોષણ યોજનાના કર્મચારીઓએ પોતાની પડતર માંગણીઓને લઈને સરકાર સામે આરપારની લડાઈનું બ્યુગલ ફૂંક્યું છે. વર્ષોથી સળગતા પ્રશ્નો અંગે વારંવાર રજૂઆતો કરવા છતાં કોઈ ઉકેલ ન આવતા આખરે 96,000 જેટલા કર્મચારીઓએ એકજૂથ થઈને સરકારને આખરી અલ્ટીમેટમ આપી દીધું છે.અનેક રજૂઆતો છતાં ઉકેલ ન આવતાં રોષPM પોષણ યોજના હેઠળ ફરજ બજાવતા કર્મચારીઓ વિતેલા ઘણા સમયથી પોતાના હક્કો અને વિવિધ પડતર માંગણીઓ અંગે તંત્ર અને સરકારના દ્વાર ખટખટાવી રહ્યા છે. સરકાર દ્વારા આ બાબતે કોઈ યોગ્ય અને સંતોષકારક નિર્ણય ન લેવાતાં કર્મચારીઓમાં ભારે અસંતોષ અને રોષની લાગણી જન્મી છે. કર્મચારી મંડળોએ સ્પષ્ટ કર્યું છે કે, જો તેમની વ્યાજબી માંગણીઓનો ઉકેલ લાવવામાં નહીં આવે તો તેઓ આગામી દિવસોમાં સમગ્ર રાજ્યમાં કામગીરી ઠપ્પ કરીને ઉગ્ર આંદોલન કરશે.માસિક રૂ. 30,000 લઘુત્તમ વેતન ચૂકવવા માગકર્મચારીઓની મુખ્ય માંગણીઓમાં વેતન વધારો સૌથી અગ્રસ્થાને છે. મોંઘવારીના આ યુગમાં હાલ મળી રહેલું માનદવેતન અત્યંત ઓછું હોવાનો આક્ષેપ કરીને કર્મચારીઓએ માસિક લઘુત્તમ વેતન રૂ. 30,000 ચૂકવવાની માગ કરી છે. કર્મચારીઓનું કહેવું છે કે, આટલી આકરી મહેનત સામે મળતું વેતન પરિવારનું ગુજરાન ચલાવવા માટે અપૂરતું છે.અકસ્માતમાં રૂ. 4 લાખનું વળતર અને નોકરીની સુરક્ષા આપવા રજૂઆતઆર્થિક માગણીઓ ઉપરાંત કર્મચારીઓએ પોતાની સામાજિક અને નોકરીની સુરક્ષાનો પણ મુદ્દો ઉઠાવ્યો છે.અકસ્માત વળતર: ફરજ દરમિયાન જો કોઈ કર્મચારીનું આકસ્મિક રીતે મોત નિપજે તો તેના આશ્રિત પરિવારને રૂ. 4 લાખનું આર્થિક વળતર આપવામાં આવે.નોકરીની સુરક્ષા: વર્ષોથી અસ્થાયી ધોરણે કામ કરી રહેલા આ તમામ કર્મચારીઓને નોકરીની કાયમી કે પૂર્ણ સુરક્ષા પૂરી પાડવામાં આવે.જો સરકાર દ્વારા આગામી સમયમાં આ દિશામાં કોઈ સકારાત્મક પગલાં ભરવામાં નહીં આવે, તો રાજ્યની પ્રાથમિક શાળાઓમાં ભોજન વ્યવસ્થા ખોરવાય તેવા એંધાણ વર્તાઈ રહ્યા છે.આ પણ વાંચો - Patan News: ભાવનગર બાદ હવે પાટણમાં લઠ્ઠાકાંડની આશંકા, બે મોત થયા બાદ LCB પર ધારાસભ્યનો સીધો આક્ષેપ
Read Full Story arrow_forward
સુરત રેલવે સ્ટેશન પર મુસાફરોના આરોગ્ય સાથે ખુલ્લેઆમ થતાં ચેડાંનો એક ચોંકાવનારો વીડિયો શનિવારે વહેલી સવારે સામે આવ્યો હતો. પ્લેટફોર્મ પર આવેલા એક ફૂડ સ્ટોલના ડિસ્પ્લે કાચની અંદર તાજા પફ પર એક ઉંદર નિશ્ચિંત બનીને મોજથી પફ ખાતો કેમેરામાં કેદ થયો હતો. સ્ટેશન પર હાજર એક જાગૃત નાગરિકે આ સમગ્ર દ્રશ્ય પોતાના મોબાઈલમાં શૂટ કરીને સોશિયલ મીડિયા પર વાઇરલ કરી દીધું હતું.સુરત રેલવે સ્ટેશનનો સ્ટોલ કાયમ માટે બંધઆ વીડિયો વાઇરલ થતાં જ પશ્ચિમ રેલવેના ઉચ્ચ અધિકારીઓ દોડતા થઈ ગયા હતા. રેલવે પ્રશાસને બનાવની ગંભીરતા સમજીને તાત્કાલિક ધોરણે આકરી કાર્યવાહી કરવાનો નિર્ણય લીધો હતો. સામાન્ય રીતે સરકારી કે રેલવે તંત્ર આવા બનાવોમાં નાનો-મોટો દંડ ફટકારીને કાગળો બંધ કરી દેતું હોય છે, પરંતુ આ કેસમાં પશ્ચિમ રેલવેએ દાખલો બેસાડતી કાર્યવાહી કરી છે. રેલવેએ સંચાલક એજન્સી સામે કાયદેસરના પગલાં ભરીને સ્ટોલને કાયમ માટે બંધ કરાવી દીધો છે અને સંબંધિત એજન્સીનો કોન્ટ્રાક્ટ પણ કાયમી ધોરણે રદ કરી નાખ્યો છે.રેલવેએ દાખલારૂપ કડક એક્શન લીધુંબીજી તરફ, સુરત શહેરમાં છેલ્લા એક જ અઠવાડિયામાં જુદી જુદી હોટેલો, રેસ્ટોરન્ટ્સ અને ખાણીપીણીની દુકાનોમાંથી ખાદ્ય પદાર્થોમાં જીવાતો, અખાદ્ય વસ્તુઓ અને બેદરકારીના 3 થી 4 બનાવો પ્રકાશમાં આવ્યા છે.પરંતુ સુરત મહાનગરપાલિકા (SMC) નો આરોગ્ય વિભાગ આવી ગંભીર બેદરકારી દાખવનારા વેપારીઓ કે હોટેલો સામે માત્ર મામુલી દંડ કે નોટિસ ફટકારીને સંતોષ માની લે છે. રેલવે તંત્રના આકરા પગલાં બાદ હવે સુરત મનપા પણ લોકોના આરોગ્ય સાથે ચેડાં કરતા સંગ્રહખોરો અને હોટેલ માલિકો સામે આવી જ કડક કાર્યવાહી કરે તેવી માંગ ઉઠી છે.આ પણ વાંચો: Patan: ચાણસ્મા પોલીસે જાહેરમાં માર મારતાં HCની નોટિસ, DGP અને 20થી વધુ પોલીસકર્મીઓને 21 સપ્ટેમ્બરે કોર્ટમાં હાજર થવા આદેશ
Read Full Story arrow_forward