Banaskanthaના અમીરગઢ પંથકમાં અચાનક વાતાવરણ પલટાયું, જગતના તાતની ચિંતા વધી!
બનાસકાંઠા જિલ્લાના સરહદી અમીરગઢ પંથકમાં અચાનક વાતાવરણમાં પલટો આવતાં કાળાં વાદળો ઘેરાયા છે, જેના કારણે સ્થાનિક ખેડૂતોના જીવ અધ્ધર થઈ ગયા છે. ખેતરોમાં હાલ મગફળીનો પાક તૈયાર થઈને લણણીના આરે ઉભો છે, ત્યારે જ અચાનક વરસાદી માહોલ સર્જાતાં પાક ધોવાઈ જવાની અને ભારે નુકસાન થવાની ભીતિ સેવાઈ રહી છે.અમીરગઢ અને આસપાસના ગ્રામ્ય વિસ્તારોમાં વરસાદી છાંટાઅમીરગઢ તાલુકા મથક ઉપરાંત ઈકબાલગઢ, ચૌહાણગઢ અને સરોત્રા સહિતના આસપાસના અનેક ગ્રામ્ય વિસ્તારોમાં આકાશમાં કાળાડીબાગ વાદળો છવાયા છે. કેટલાક વિસ્તારોમાં ધીમી ધારે વરસાદી છાંટા પણ પડ્યા છે. અચાનક બદલાયેલા હવામાનને કારણે ખેતરોમાં લણણી માટે તૈયાર રાખેલા મગફળીના પાકને મોટું નુકસાન થવાની શક્યતાથી ખેડૂતોમાં ભારે ચિંતા વ્યાપી ગઈ છે.તૈયાર મગફળીના પાકને વ્યાપક નુકસાનની આશંકાખેડૂતોએ રાત-દિવસ એક કરીને મગફળીનો પાક તૈયાર કર્યો છે, પરંતુ જો હવે કમોસમી વરસાદ પડે તો મગફળી પલળી જવાથી તેની ગુણવત્તા બગડી શકે તેમ છે. આ ઉપરાંત, કાળો પાક પડી જવાથી બજારમાં યોગ્ય ભાવ ન મળવાની અને આર્થિક ફટકો પડવાની આશંકા વધી ગઈ છે. હાલ ખેડૂતો કુદરત સામે કાકલૂદી કરી રહ્યા છે કે વરસાદ ન પડે અને તેમનો પાક સુરક્ષિત રહે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
