India News : બોલિવૂડમાં ફરી ગેંગવોર કે ટાર્ગેટ ફાયરિંગ? મુંબઈમાં ટાઇગર શ્રોફની કાર પર હુમલો, CJP નેતા અભિજીત દીપકેના સરકારને ઘેરી
બોલિવૂડ અભિનેતા ટાઇગર શ્રોફ પર રવિવારે સાંજે મુંબઈના પોશ વિસ્તાર જુહૂ ખાતે સનસનાટીભર્યો હુમલો થયો છે. સાંજે આશરે 7:30 વાગ્યે જ્યારે ટાઇગર શ્રોફ ફુટબોલ મેચ પૂરી કરીને પોતાની કારથી પરત ફરી રહ્યા હતા, ત્યારે બાઇક પર આવેલા 2 અજાણ્યા હુમલાખોરોએ તેમની કાર પર સીધું ફાયરિંગ શરૂ કરી દીધું હતું. આ ગોળીબારમાં ટાઇગર શ્રોફના ડ્રાઇવર અને એક ફેનને ગોળી વાગી છે. બંને ઈજાગ્રસ્તોને તાત્કાલિક હોસ્પિટલ ખસેડવામાં આવ્યા છે, જ્યાં તેમની હાલત સ્થિર બતાવવામાં આવી રહી છે. ઘટના બનતા જ મુંબઈ પોલીસ હરકતમાં આવી છે અને હુમલાખોરોને પકડવા માટે 15 અલગ-અલગ ટીમનું ગઠન કરીને સીસીટીવી ફુટેજ કંગાળવાનું શરૂ કર્યું છે.હુમલા બાદ રાજકારણ ગરમાયું, CJP નેતા અભિજીત દીપકેના સરકાર પર પ્રહારઆ ઘટનાના સમાચાર સામે આવતા જ સોશિયલ મીડિયા પર હોબાળો મચી ગયો છે. કૉકરોચ જનતા પાર્ટી (CJP) ના સંયોજક અભિજીત દીપકેએ સોશિયલ મીડિયા પ્લેટફોર્મ X પર આ બાબતે પ્રતિક્રિયા આપતા સરકાર અને દિલ્હી પોલીસની કાર્યશૈલી સામે ગંભીર સવાલો ઉઠાવ્યા છે. તેમણે લખ્યું કે, "વિદ્યાર્થીઓ અને પ્રદર્શનકારીઓ પર કડક પગલાં લેવાને બદલે પોલીસે અસલી ગુનેગારો અને ગુંડાઓને પકડવા પર ધ્યાન કેન્દ્રિત કરવું જોઈએ. જ્યારે સરકાર અને પોલીસની પ્રાથમિકતાઓ બદલાઈ જાય છે ત્યારે આવું જ થાય છે." ઉલ્લેખનીય છે કે, દીપકે તાજેતરમાં 10 October અને 16 October ના રોજ યોજાયેલા વિરોધ પ્રદર્શન દરમિયાન પોલીસ દ્વારા કરાયેલી અટકાયતનો વિરોધ કરી રહ્યા હતા.ડેપ્યુટી CM એકનાથ શિંદેએ આપી કડક કાર્યવાહીની ખાતરીઘટનાની ગંભીરતાને ધ્યાનમાં રાખીને મહારાષ્ટ્રના ડેપ્યુટી CM એકનાથ શિંદેએ મીડિયા સાથે વાતચીત કરી હતી. તેમણે જણાવ્યું કે તેમણે ટાઇગર શ્રોફ અને તેમના પિતા જેકી શ્રોફ બંને સાથે ટેલિફોનિક વાતચીત કરીને સંપૂર્ણ સુરક્ષાની ખાતરી આપી છે. તેમણે ભારપૂર્વક કહ્યું કે, રાજ્ય સરકાર તમામ સેલિબ્રિટીઓ અને નાગરિકોની સુરક્ષા માટે કટિબદ્ધ છે. મુંબઈની શાંતિ ડહોળવાનો કે કોઈને ડરાવવાનો પ્રયાસ કરનારા અસામાજિક તત્વોને કોઈ પણ સંજોગોમાં બક્ષવામાં આવશે નહીં અને તેમની સામે સખતમાં સખત કાનૂની પગલાં લેવામાં આવશે.આ પણ વાંચો : Delhi: કનોટ પ્લેસ જવા નીકળેલા અભિજીત દિપકેની અટકાયત, વાંચો પોલીસની નોટિસમાં શું લખેલું છે
Read Full Story arrow_forward
