Community News & Updates

Stay informed with the latest happenings, achievements, and announcements from our community.

All News

calendar_today October 18, 2026

Limbdi નજીક ભયાનક માર્ગ અકસ્માત, વળાંક પર બે બાઇક સામસામે અથડાતાં બે યુવાનોના કરુણ મોત

સુરેન્દ્રનગર જિલ્લાના લીંબડી નજીક એક અત્યંત કરુણ અને હૃદયદ્રાવક માર્ગ અકસ્માતની ઘટના સામે આવી છે. રસ્તા પર આવેલા એક તીવ્ર વળાંક પરથી પસાર થઈ રહેલી 2 બાઇક સામસામે ધડાકાભેર અથડાઈ હતી. આ અકસ્માત એટલો ભયાનક હતો કે બંને બાઇકના કુરચેકુરચા ઉડી ગયા હતા અને તેના પર સવાર વાહનચાલકો રસ્તા પર દૂર ફેંકાઈ જઈને રક્તરંજિત થઈ ગયા હતા. ધડાકો સાંભળીને આસપાસના સ્થાનિક લોકો અને વાહનચાલકો તાત્કાલિક મદદ માટે ઘટનાસ્થળે દોડી આવ્યા હતા.108 મારફતે હોસ્પિટલ ખસેડાયા, પરંતુ રસ્તામાં જ દમ તોડ્યોઘટના અંગે સ્થાનિકો દ્વારા તાત્કાલિક 108 એમ્બ્યુલન્સને જાણ કરવામાં આવી હતી. માહિતી મળતાં જ 108 ની ટીમ ઘટનાસ્થળે પહોંચી ગઈ હતી અને લોહીલુહાણ હાલતમાં પડેલા બંને ઈજાગ્રસ્તોને પ્રાથમિક સારવાર આપીને ત્વરિત લીંબડી સિવિલ હોસ્પિટલ ખાતે ખસેડવાની કામગીરી હાથ ધરી હતી. જોકે, બંને વાહનચાલકોને માથા અને શરીરના ભાગે અત્યંત ગંભીર ઈજાઓ પહોંચી હોવાથી હોસ્પિટલ પહોંચે તે પહેલાં જ રસ્તામાં જ બંનેના કરુણ મોત નીપજ્યા હતા.પોલીસે મૃતદેહોને PM અર્થે ખસેડી તપાસ હાથ ધરીબંને ઈજાગ્રસ્તોને હોસ્પિટલ લાવવામાં આવતાં ત્યાં ફરજ પરના તબીબોએ તેમને મૃત જાહેર કર્યા હતા. એકસાથે 2 લોકોના અકસ્માતમાં મોત થવાના કારણે બંને મૃતકોના પરિવારજનો અને વિસ્તારમાં શોકની ભારે કાલિમા છવાઈ ગઈ છે. ઘટના અંગે લીંબડી સ્થાનિક પોલીસને જાણ કરાતાં પોલીસ કાફલો સિવિલ હોસ્પિટલ અને ઘટનાસ્થળે પહોંચી ગયો હતો. પોલીસે મૃતદેહોનો કબજો મેળવીને પોસ્ટમોર્ટમ (PM) અર્થે ખસેડી અકસ્માતનો ગુનો નોંધી આગળની કાયદેસરની તપાસ હાથ ધરી છે.આ પણ વાંચો : Ahmedabad News : વિયેતનામથી લાવવામાં આવેલા વેક્યૂમ પેકેટ્સમાં શું છુપાયું હતું? જાણો એરપોર્ટ કસ્ટમ્સના હાથમાં શું લાગ્યું...!

Read Full Story arrow_forward

calendar_today October 18, 2026

Suratના અડાજણમાં પ્રાચીન સંસ્કૃતિનો ધબકાર, છેલ્લા 20 વર્ષથી જીવંત રખાઈ શેરી ગરબાની પરંપરા

સુરત શહેર તેના ઉત્સવપ્રિય સ્વભાવ અને નવરાત્રીની ભવ્ય ઉજવણી માટે સમગ્ર વિશ્વમાં જાણીતું છે. આજના આધુનિક સમયમાં જ્યાં મોટા મોટા કમર્શિયલ ડોમ અને લાખો રૂપિયાની ટિકિટો વાળા ગરબા મહોત્સવોનું ચલણ વધ્યું છે, ત્યારે સુરતના અડાજણ વિસ્તારમાં આજે પણ મા આરાધનાના સાચા પ્રતીક સમા શેરી ગરબાની પરંપરાને ખૂબ જ શ્રદ્ધા અને ઉત્સાહ સાથે જીવંત રાખવામાં આવી છે. શેરી ગરબા એ જ ગુજરાતના અસલી અને પ્રાચીન ગરબા તરીકે ઓળખાય છે, જેની સંસ્કૃતિ આજે પણ અહીં અકબંધ જોવા મળે છે.છેલ્લા 20 વર્ષથી સતત આયોજનઅડાજણ વિસ્તારમાં રહીશો દ્વારા એકજૂથ થઈને છેલ્લા 20 વર્ષથી સતત શેરી ગરબાનું ભવ્ય અને સાત્ત્વિક આયોજન કરવામાં આવી રહ્યું છે. આ ગરબાની સૌથી મોટી ખાસિયત એ છે કે તેમાં કોઈ કમર્શિયલ ભેદભાવ હોતો નથી. અહીં 5 વર્ષના નાના બાળકોથી લઈને 70 વર્ષથી વધુ વયના વૃદ્ધો અને વડીલો પણ એકસાથે એક જ તાલે મા અંબાના ગરબે ઘૂમે છે. મંડપમાં માતાજીના ગરબા સ્થાપિત કરી પરંપરાગત ઢોલના તાલે રાસ-ગરબા રમીને લોકો નવરાત્રીનો પવિત્ર આનંદ માણે છે.આધુનિક યુગમાં પ્રાચીન સંસ્કૃતિ અને ભક્તિભાવનું ઉત્તમ ઉદાહરણગરબા માત્ર મનોરંજન નથી પરંતુ મા શક્તિની આરાધનાનું પવિત્ર માધ્યમ છે. શેરી ગરબામાં રહેલો કૌટુંબિક ભાવ અને પ્રેમ ભાવના આજના મોટા આયોજનોમાં જોવા મળતી નથી. અડાજણના સ્થાનિક લોકોનું કહેવું છે કે, નવી પેઢી પોતાની પ્રાચીન સંસ્કૃતિ અને ધાર્મિક મૂલ્યોથી જોડાયેલી રહે તે માટે તેઓ વિતેલા 20 વર્ષથી આ પરંપરા જાળવી રહ્યા છે અને આગામી સમયમાં પણ આ શેરી ગરબાનો વારસો આ જ રીતે આગળ ધપાવતા રહેશે.આ પણ વાંચો : Limbdi નજીક ભયાનક માર્ગ અકસ્માત, વળાંક પર બે બાઇક સામસામે અથડાતાં બે યુવાનોના કરુણ મોત

Read Full Story arrow_forward

calendar_today October 18, 2026

India News: જાણો ટાઈગર શ્રોફ પર ફાયરિંગ કરનારો ગેંગસ્ટર અનિલ પંડિત કોણ છે?

મુંબઈના પોશ વિસ્તાર જુહુમાં રવિવારે એક મોટી ઘટના બની હતી. બોલિવૂડ અભિનેતા ટાઈગર શ્રોફ પર અજાણ્યા શખ્સોએ હુમલો કર્યો હતો. ટાઈગર શ્રોફ ફૂટબોલ રમીને પરત ફરી રહ્યા હતા.તેઓ પોતાની બીએમડબલ્યુ કારમાં સવાર થઈને ઘરે જઈ રહ્યા હતા.આ દરમિયાન અજાણ્યા હુમલાખોરોએ તેમની કાર પર નિશાન સાધ્યું હતું.હુમલાખોરોએ કાર પર અંધાધૂંધ અનેક રાઉન્ડ ગોળીબાર કર્યો હતો.આ ફાયરિંગથી સમગ્ર વિસ્તારમાં ભારે ભય ફેલાયો હતો.સદનસીબે અભિનેતા ટાઈગર શ્રોફ આ હુમલામાં સંપૂર્ણ સુરક્ષિત રહ્યા છે.અભિનેતાને ગોળીબારમાં કોઈ પણ પ્રકારની ઈજા થઈ નથી.જોકે તેમની કારના ડ્રાઈવરને આ હુમલામાં ગંભીર ઈજાઓ પહોંચી હતી. ઘાયલ ડ્રાઈવરને તાત્કાલિક સારવાર માટે નાણાવટી હોસ્પિટલમાં ખસેડાયા છે. ગોળીબારની સૂચના મળતા જ મુંબઈ પોલીસ ઘટનાસ્થળે દોડીનાણાવટી હોસ્પિટલમાં હાલ ડ્રાઈવરની સારવાર ચાલી રહી છે.ગોળીબારની સૂચના મળતા જ મુંબઈ પોલીસ ઘટનાસ્થળે દોડી આવી હતી. પોલીસે સમગ્ર વિસ્તારને ચારેય તરફથી કોર્ડન કરી લીધો છે.પોલીસે હુમલાખોરોને ઝડપી પાડવા માટે સઘન તપાસ શરૂ કરી છે.આ હુમલા પાછળ લોરેન્સ બિશ્નોઈ ગેંગનો હાથ હોવાની વિગતો સામે આવી છે.ગેંગ સાથે જોડાયેલા અનિલ પંડિત અને હરમન સંધૂએ હુમલાની જવાબદારી લીધી છે.સોશિયલ મીડિયા પ્લેટફોર્મ ફેસબુક પર અનિલ પંડિતના નામે પોસ્ટ કરવામાં આવી છે.આ પોસ્ટમાં ટાઈગર શ્રોફને નિશાન બનાવવાનું કારણ સ્પષ્ટ કરવામાં આવ્યું છે.પોસ્ટમાં દાવો કરાયો છે કે ટાઈગર શ્રોફને અગાઉ ચેતવણી અપાઈ હતી.તેમને અભિનેતા સલમાન ખાન સાથે કામ ન કરવા તાકીદ કરાઈ હતી. અનેક મોટા હુમલાઓની જવાબદારી સ્વીકારી ચૂક્યો છેઅભિનેતાએ આ ચેતવણીને સંપૂર્ણપણે નજરઅંદાજ કરી દીધી હતી.ચેતવણીની અવગણના કરવા બદલ આ ગોળીબાર કરવામાં આવ્યો હોવાનો દાવો છે. જોકે આ દાવાની સ્વતંત્ર રીતે હજી કોઈ પુષ્ટિ થઈ શકી નથી.પોલીસ આ ફેસબુક પોસ્ટ અને દાવા અંગે ઊંડાણપૂર્વક તપાસ કરી રહી છે.અનિલ પંડિત મૂળ હરિયાણાનો રહેવાસી હોવાનું જાણવા મળ્યું છે.તે હાલના દિવસોમાં અમેરિકામાં રહીને ગુનાહિત પ્રવૃત્તિઓ ચલાવે છે.અનિલ પંડિતને ગેંગસ્ટર લોરેન્સ બિશ્નોઈનો અત્યંત નજીકનો સાથી માનવામાં આવે છે.તે અગાઉ પણ અનેક મોટા હુમલાઓની જવાબદારી સ્વીકારી ચૂક્યો છે.આ હુમલામાં સામેલ હરમન સંધૂ પણ વિદેશમાં રહેતો હોવાની માહિતી છે.અનિલ પંડિતે પોસ્ટ મૂકીને હુમલાની જવાબદારી સ્વીકારીઅનિલ પંડિતનું નામ અગાઉ પણ એક ચકચારી કેસમાં સામે આવ્યું હતું. હરિયાણાના પ્રખ્યાત ગાયક દિલેર ખરકિયાની ગાડી પર ફાયરિંગ થયું હતું. તે ગોળીબારની ઘટનામાં પણ અનિલ પંડિતનું નામ મુખ્યત્વે ઉછળ્યું હતું.તે સમયે થયેલા હુમલામાં સિંગર દિલેર ખરકિયા સદ્નસીબે આબાદ બચી ગયા હતા. તે ગુના બાદ પણ અનિલ પંડિતે પોસ્ટ મૂકીને હુમલાની જવાબદારી સ્વીકારી હતી. આમ આદમી પાર્ટીએ સોશિયલ મીડિયા પર હરિયાણા સરકાર પર આકરા પ્રહારો કર્યા છે. આપ પાર્ટીએ હરિયાણાના મુખ્યમંત્રી નાયબ સિંહ સૈની પર સીધા પ્રહારો કર્યા હતા. પાર્ટીએ આક્ષેપ કર્યો કે મુખ્યમંત્રીના કાર્યકાળમાં ગુનેગારોના હોસલા ખૂબ બુલંદ બન્યા છે. હરિયાણામાં સામાન્ય જનતા પરેશાન છે અને અપરાધીઓ તદ્દન બેખૌફ બન્યા છે. બીજી તરફ મુખ્યમંત્રી નાયબ સિંહ સૈની અન્ય રાજ્યોના પ્રવાસોમાં વ્યસ્ત રહે છે.આ પણ વાંચોઃ Tiger Shroff Firing Case: ટાઈગર શ્રોફ ફાયરિંગ કેસમાં એક્શન! એકની ધરપકડ

Read Full Story arrow_forward