Community News & Updates

Stay informed with the latest happenings, achievements, and announcements from our community.

All News

calendar_today October 23, 2026

Tapiના સોનગઢમાં જમીન વિવાદ અને ત્રાસથી કંટાળી હિન્દુ યુવકની આત્મહત્યા!

તાપીના સોનગઢમાં જમીન વિવાદ અને કેટલાક શખ્સોના સતત ત્રાસથી કંટાળીને એક હિન્દુ યુવકે પોતાની જીવનલીલા ટૂંકાવી લીધી છે. યુવકના પરિવારજનો દ્વારા ગંભીર આક્ષેપો કરવામાં આવ્યા છે કે અગાઉ ઘરની જમીન મુદ્દે આસપાસના લોકો દ્વારા તેમને ભારે હેરાનગતિ કરવામાં આવતી હતી. આ મામલે યુવકે વારંવાર સ્થાનિક પોલીસ સ્ટેશન તેમજ રાજ્યના ગૃહમંત્રી હર્ષ સંઘવીની ઓફિસે સુધી જઈને ન્યાય માટે ધક્કા ખાધા હતા, પરંતુ કોઈ સંતોષકારક કાર્યવાહી ન થવાથી નાસીપાસ થઈને યુવકે આત્મહત્યાનું પગલું ભરી લીધું હતું.મૃતકનો વિધર્મી શખ્સો સામે આક્ષેપો કરતો ઓડિયો વાયરલઆત્મહત્યાની આ ઘટના બાદ મૃતક યુવકનો એક ઓડિયો સોશિયલ મીડિયા પર જોરશોરથી વાયરલ થયો હતો, જેમાં તેણે સોનગઢ નગરના કેટલાક વિધર્મી શખ્સો દ્વારા આપવામાં આવતા ત્રાસ અને પરેશાની વિશે ખુલાસા કર્યા હતા. આ વાયરલ ઓડિયો અને પરિવારના આક્ષેપોને આધારે પોલીસ તંત્ર હરકતમાં આવ્યું છે. સોનગઢ પોલીસે આ પ્રકરણને ગંભીરતાથી લઈને સલીમ મુલ્લા (સોનગઢ ભાજપના પૂર્વ કોર્પોરેટર), વસીમ ઉર્ફે દાદુ, રિયાઝ શેખ, ઇમ્તિયાઝ શેખ અને બિપિન રતન ગામીત સહિત ૫ થી વધુ આરોપીઓ વિરુદ્ધ ગુનો નોંધીને કાયદેસરની તપાસના ચક્રો ગતિમાન કર્યા છે.પોલીસ દ્વારા આરોપીઓને ઝડપી પાડવા તપાસ શરૂઘટનાની ગંભીરતા જોતા સોનગઢ પંથકમાં ભારે રોષ અને ચકચાર મચી જવા પામી છે. પોલીસે વાયરલ ઓડિયો ક્લિપ, પ્રાથમિક પુરાવાઓ અને પરિવારની ફરિયાદને આધારે નામજોગ આરોપીઓની ધરપકડ કરવા માટેની તજવીજ હાથ ધરી છે. વહીવટી અને પોલીસ તંત્ર દ્વારા કાયદો અને વ્યવસ્થાની પરિસ્થિતિ જાળવી રાખીને તમામ આરોપીઓ સામે કડક કાર્યવાહી કરવામાં આવશે તેવી ખાતરી આપવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 23, 2026

New Delhi : ચીની સેના પેટ્રોલિંગ નિયમો તોડે ત્યારે સીમાવર્તી ક્ષેત્રોમાં સ્થિતિ વણસે છે: વિદેશ મંત્રાલય

ભારત અને તિબેટ સીમા પોલીસના મહાનિદેશક શત્રુજીત સિંહ કપૂર દ્વારા અરુણાચલ પ્રદેશ સરહદે બંને સેનાઓ વચ્ચે ફેસ-ઓફ ચાલી રહ્યું હોવાના નિવેદન બાદ વિદેશ મંત્રાલયે શુક્રવારે સ્પષ્ટતા રજૂ કરી છે. વિદેશ મંત્રાલયના પ્રવક્તા રણધીર જાયસવાલે જણાવ્યું કે ચીની સેના અગાઉથી નક્કી પેટ્રોલિંગ પદ્ધતિઓથી ભટકે ત્યારે સરહદી વિસ્તારોમાં સ્થિતિ વણસે છે.અનેક સ્થળે ફેસ-ઓફ હજુ પણ ચાલી રહ્યું છેઆઈટીબીપીના મહાનિદેશક શત્રુજીત સિંહ કપૂરે એક કાર્યક્રમમાં જણાવ્યું હતું કે અરુણાચલ પ્રદેશમાં પરિસ્થિતિ એવી બની છે કે અનેક સ્થળે ફેસ-ઓફ હજુ પણ ચાલી રહ્યું છે. ડીજી કક્ષાના ઉચ્ચ અધિકારી દ્વારા ભારત અને ચીન વચ્ચે અરુણાચલમાં સૈન્ય ટકરાવ ચાલુ હોવાની આ પ્રથમ સ્વીકારોક્તિ માનવામાં આવે છે. કોંગ્રેસે કેન્દ્ર સરકાર સામે તીખી પ્રતિક્રિયા આપીઆ નિવેદન બાદ વિપક્ષ કોંગ્રેસે કેન્દ્ર સરકાર સામે તીખી પ્રતિક્રિયા આપીને ખુલાસો માગ્યો હતો. વિદેશ મંત્રાલયે શુક્રવારે કહ્યું કે આ મુદ્દાની ચોક્કસ વિગતો રક્ષા મંત્રાલય આપશે.સરહદે શાંતિ અને સ્થિરતા અનિવાર્ય પ્રવક્તા રણધીર જાયસવાલે સ્પષ્ટ કર્યું કે બંને પક્ષો વાસ્તવિક નિયંત્રણ રેખા પર બાકી રહેલા વિવાદિત મુદ્દા ઉકેલવા તેમજ ગેરસમજ અને ખોટી ગણતરીથી બચવા હાલની રાજદ્વારી તથા સૈન્ય વ્યવસ્થાઓનો ઉપયોગ કરી રહ્યા છે. તેમણે કહ્યું કે સરહદના યોગ્ય સંચાલન માટે એલએસી અંગેની સમજ સુધારવા ચર્ચા કરવા સહમતી સધાઈ છે અને સંબંધોના વિકાસ માટે સરહદે શાંતિ અને સ્થિરતા અનિવાર્ય છે.અનેક ભાગો પર બંને દેશો વચ્ચે મતભેદો પ્રવર્તે છેભારત અને ચીન વચ્ચેની વાસ્તવિક નિયંત્રણ રેખા બંને દેશોના વાસ્તવિક નિયંત્રણ હેઠળના વિસ્તારોને અલગ પાડતી સીમારેખા છે. ભારતના સત્તાવાર આંકડા મુજબ આ સરહદની કુલ લંબાઈ આશરે 3,488 કિલોમીટર છે, જોકે ચીન આ આંકડા સાથે સહમત નથી અને સરહદના અનેક ભાગો પર બંને દેશો વચ્ચે મતભેદો પ્રવર્તે છે. અરુણાચલ પ્રદેશમાં એલએસીની લંબાઈ આશરે 1,126 કિલોમીટરસમગ્ર એલએસીને ત્રણ સેક્ટરમાં વિભાજિત કરવામાં આવે છે, જેમાં પશ્ચિમી સેક્ટરમાં લદ્દાખ, મધ્ય સેક્ટરમાં હિમાચલ પ્રદેશ અને ઉત્તરાખંડ, જ્યારે પૂર્વીય સેક્ટરમાં સિક્કિમ અને અરુણાચલ પ્રદેશનો સમાવેશ થાય છે. અરુણાચલ પ્રદેશમાં એલએસીની લંબાઈ આશરે 1,126 કિલોમીટર માનવામાં આવે છે. બંને દેશો વચ્ચે સરહદનું સંપૂર્ણ સીમાંકન ન થયું હોવાથી સીમા ક્યાંથી પસાર થાય છે તે અંગે બંને પક્ષોની અલગ ધારણાઓ છે. આ કારણથી પેટ્રોલિંગ દરમિયાન સૈનિકો સામસામે આવી જવા અને ટકરાવની ઘટનાઓ બનતી રહી છે. વર્ષ 2020ના ગલવાન સંઘર્ષ બાદ સરહદ પર તણાવ અને સુરક્ષા વ્યવસ્થા બંને દેશો માટે પ્રમુખ મુદ્દા બન્યા છે.              આ પણ વાંચો :   Gujarat માં 17 IAS અધિકારીઓની બદલી, અનેક જિલ્લાઓના કલેક્ટર અને DDO બદલાયા 

Read Full Story arrow_forward

calendar_today October 23, 2026

Haryana Power Crisis: ગુરુગ્રામના ઉદ્યોગોને ₹10,000 કરોડનું નુકસાન, જનરેટર ચલાવવાથી ખર્ચ થયો બમણો

ઉદ્યોગ સંગઠનોએ દાવો કર્યો છે કે એકલા ગુરુગ્રામને અત્યાર સુધીમાં આશરે ₹10,000 કરોડનું નુકસાન થયું છે. વીજ વિતરણ લાઇસન્સ આપવાનો વિરોધ ગુરુગ્રામ અને નુહમાં ખાનગી કંપનીને વીજ વિતરણ લાઇસન્સ આપવાનો વિરોધ વીજ કર્મચારીઓ કરી રહ્યા છે. હરિયાણા વીજળી નિયમનકારી આયોગએ ઇલેવન પાવર પ્રાઇવેટ લિમિટેડને આ બે જિલ્લાઓમાં 25 વર્ષ માટે સમાંતર વીજ વિતરણ લાઇસન્સ આપ્યું છે. આનો અર્થ એ છે કે બીજી કંપની હાલની વીજ વિતરણ કંપનીની સાથે વીજળી સપ્લાય કરી શકશે. એકવાર નવી કંપનીનું નેટવર્ક સંબંધિત વિસ્તારોમાં પહોંચી જશે, પછી 8.3 લાખથી વધુ ગ્રાહકો પાસે તેમના વીજળી સપ્લાયર પસંદ કરવાનો વિકલ્પ હશે. ગુરુગ્રામમાં ₹10,000 કરોડનું નુકસાનETV ભારતના અહેવાલમાં, પ્રોગ્રેસિવ ફેડરેશન ઓફ ટ્રેડ એન્ડ ઇન્ડસ્ટ્રીના અધ્યક્ષ દીપક મૈનીએ દાવો કર્યો હતો કે વીજળી કટોકટીને કારણે ગુરુગ્રામ જિલ્લાના ઉદ્યોગોને અત્યાર સુધીમાં આશરે ₹10,000 કરોડનું નુકસાન થયું છે. જો કે, આ ઉદ્યોગ સંગઠન દ્વારા આપવામાં આવેલ અંદાજ છે. તેમણે સમજાવ્યું કે ઉદ્યોગો સામાન્ય રીતે પ્રતિ યુનિટ વીજળી પર ₹10 થી 11 ખર્ચ કરે છે. જો કે, વીજળી આઉટેજ દરમિયાન જનરેટર ચલાવવાથી આ ખર્ચ પ્રતિ યુનિટ ₹22થી 23 થાય છે. મારુતિ અને હોન્ડા જેવી મોટી કંપનીઓ પાસે વૈકલ્પિક વીજળી વ્યવસ્થા છે, તેથી તેઓ આ કટોકટીનો સામનો કરવા માટે વધુ સારી સ્થિતિમાં છે. સરકારને પત્ર લખીને મદદ માંગીPFTI એ હરિયાણા સરકારને પત્ર લખીને ગુરુગ્રામ અને અન્ય ઔદ્યોગિક વિસ્તારોમાં વીજ પુરવઠો વહેલામાં વહેલી તકે પુનઃસ્થાપિત કરવાની માંગ કરી છે. સંગઠનના જણાવ્યા અનુસાર, 21 ઓક્ટોબરે રાત્રે 10 વાગ્યે શરૂ થયેલી હડતાળ પછી, વીજળી ગુલ થવાને કારણે ઘણા ઔદ્યોગિક વિસ્તારોમાં કામ ખોરવાઈ ગયું હતું, જેના કારણે કર્મચારીઓ નિષ્ક્રિય રહ્યા હતા. પત્રમાં એમ પણ કહેવામાં આવ્યું છે કે વીજ ફરિયાદ કેન્દ્રો અને સંબંધિત અધિકારીઓનો સંપર્ક કરવા છતાં, લોકોને અસંતોષકારક પ્રતિભાવો મળી રહ્યા છે. કેટલાક ગ્રાહકોને કહેવામાં આવી રહ્યું છે કે DHBVN કર્મચારીઓની હડતાળને કારણે વીજ પુરવઠો પુનઃસ્થાપિત કરવો અશક્ય છે. આ આવશ્યક સેવાઓ જાળવવા માટે વૈકલ્પિક વ્યવસ્થાઓ વિશે પ્રશ્નો ઉભા કરે છે.નાની કંપનીઓ માટે મોટી સમસ્યાઓરેડિયસ સિનર્જીઝ ઇન્ટરનેશનલના એક્ઝિક્યુટિવ ડિરેક્ટર ડૉ. ભારત ભૂષણે પણ જણાવ્યું હતું કે લાંબા સમય સુધી વીજ પુરવઠો બંધ રહેવાથી ઉત્પાદન, વ્યવસાય, તૈયાર માલની ઉપલબ્ધતા અને ડિલિવરી સમય પર અસર પડી શકે છે. જનરેટર ચલાવવાથી કંપનીઓનો ખર્ચ વધે છે. મોટી કંપનીઓ આ બોજ અમુક અંશે સહન કરી શકે છે, પરંતુ નાની કંપનીઓને તે કરવામાં મુશ્કેલી પડશે. તેમણે કહ્યું કે જનતા અને ઉદ્યોગો બંનેને પડી રહેલી મુશ્કેલીઓને ધ્યાનમાં રાખીને, સરકાર અને હડતાળ પર રહેલા કામદારોએ શક્ય તેટલી વહેલી તકે વાતચીત દ્વારા ઉકેલ શોધવો જોઈએ જેથી વીજ પુરવઠો સામાન્ય થઈ શકે.આ પણ વાંચોઃ યુરોપમાં આબોહવા પરિવર્તને સર્જ્યો ભારે વિનાશ, 50 હજારથી વધુના મોત

Read Full Story arrow_forward