Community News & Updates

Stay informed with the latest happenings, achievements, and announcements from our community.

All News

calendar_today October 23, 2026

Surat News: કામરેજના માછી ગામે તાપી નદીમાં ગેરકાયદે રેતી ખનન સામે ખાણ ખનીજ વિભાગના દરોડા

સુરત જિલ્લાના કામરેજ તાલુકા અંતર્ગત આવતા માછી ગામે તાપી નદીના પટમાં બેરોકટોક અને ગેરકાયદેસર રીતે ચાલી રહેલા રેતી ખનન સામે ખાણ ખનીજ વિભાગ દ્વારા મોટી અને સહારનીય કાર્યવાહી કરવામાં આવી છે. સ્થાનિક સ્તરેથી મળતી વ્યાપક ફરિયાદો અને રજૂઆતોને ધ્યાને લઈને ખાણ ખનીજ વિભાગની ટીમ સક્રિય બની હતી. વિભાગ દ્વારા મોડી રાત્રે અચાનક માછી ગામના નદી કિનારે દરોડા (રેડ) પાડવામાં આવ્યા હતા, જેના કારણે રેતી માફિયાઓમાં ભારે નાસભાગ મચી ગઈ હતી.અંદાજે રૂ.5 લાખની કિંમતનો મુદ્દામાલ જપ્ત કરાયોખાણ ખનીજ વિભાગની ટીમે સઘન તપાસ હાથ ધરીને તાપી નદીના પાણીમાંથી ગેરકાયદે રેતી કાઢવા માટે ઉપયોગમાં લેવાતી એક યાંત્રિક નાવડી (બોટ) તેમજ અન્ય સાધનો સહિત કુલ રૂ.5 લાખની કિંમતનો મુદ્દામાલ કબ્જે કર્યો છે. રાત્રિના સુમારે કરવામાં આવેલી આ અચાનક કાર્યવાહીથી ગેરકાયદે ખનન પ્રવૃત્તિ સાથે સંકળાયેલા ઇસમોમાં મોટો ફફડાટ વ્યાપી ગયો છે. વિભાગ દ્વારા ગેરકાયદે ખનન કરનારાઓ વિરુદ્ધ નિયમોનુસાર દંડકીય અને કાયદેસરની સખત કાર્યવાહીની તજવીજ હાથ ધરવામાં આવી છે.ગેરકાયદે પ્રવૃત્તિઓ પર અંકુશ લાવવા તંત્રની સઘન ઝુંબેશ પ્રાકૃતિક સંસાધનોની ચોરી અને નદીઓના પટને નુકસાન પહોંચાડતા તત્વો સામે વહીવટી તંત્ર દ્વારા આગામી દિવસોમાં પણ આ પ્રકારે સરપ્રાઈઝ ચેકિંગ અને દરોડાની કાર્યવાહી ચાલુ રાખવામાં આવશે. પર્યાવરણ અને નદીઓની સુરક્ષા માટે ખાણ ખનીજ વિભાગની આ કડક કામગીરીથી સ્થાનિક સ્તરે સંતોષની લાગણી ફેલાઈ છે અને ગેરકાયદે ધંધાર્થીઓમાં કાયદાનો ડર ઊભો થયો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 23, 2026

Tapiના સોનગઢમાં જમીન વિવાદ અને ત્રાસથી કંટાળી હિન્દુ યુવકની આત્મહત્યા!

તાપીના સોનગઢમાં જમીન વિવાદ અને કેટલાક શખ્સોના સતત ત્રાસથી કંટાળીને એક હિન્દુ યુવકે પોતાની જીવનલીલા ટૂંકાવી લીધી છે. યુવકના પરિવારજનો દ્વારા ગંભીર આક્ષેપો કરવામાં આવ્યા છે કે અગાઉ ઘરની જમીન મુદ્દે આસપાસના લોકો દ્વારા તેમને ભારે હેરાનગતિ કરવામાં આવતી હતી. આ મામલે યુવકે વારંવાર સ્થાનિક પોલીસ સ્ટેશન તેમજ રાજ્યના ગૃહમંત્રી હર્ષ સંઘવીની ઓફિસે સુધી જઈને ન્યાય માટે ધક્કા ખાધા હતા, પરંતુ કોઈ સંતોષકારક કાર્યવાહી ન થવાથી નાસીપાસ થઈને યુવકે આત્મહત્યાનું પગલું ભરી લીધું હતું.મૃતકનો વિધર્મી શખ્સો સામે આક્ષેપો કરતો ઓડિયો વાયરલઆત્મહત્યાની આ ઘટના બાદ મૃતક યુવકનો એક ઓડિયો સોશિયલ મીડિયા પર જોરશોરથી વાયરલ થયો હતો, જેમાં તેણે સોનગઢ નગરના કેટલાક વિધર્મી શખ્સો દ્વારા આપવામાં આવતા ત્રાસ અને પરેશાની વિશે ખુલાસા કર્યા હતા. આ વાયરલ ઓડિયો અને પરિવારના આક્ષેપોને આધારે પોલીસ તંત્ર હરકતમાં આવ્યું છે. સોનગઢ પોલીસે આ પ્રકરણને ગંભીરતાથી લઈને સલીમ મુલ્લા (સોનગઢ ભાજપના પૂર્વ કોર્પોરેટર), વસીમ ઉર્ફે દાદુ, રિયાઝ શેખ, ઇમ્તિયાઝ શેખ અને બિપિન રતન ગામીત સહિત ૫ થી વધુ આરોપીઓ વિરુદ્ધ ગુનો નોંધીને કાયદેસરની તપાસના ચક્રો ગતિમાન કર્યા છે.પોલીસ દ્વારા આરોપીઓને ઝડપી પાડવા તપાસ શરૂઘટનાની ગંભીરતા જોતા સોનગઢ પંથકમાં ભારે રોષ અને ચકચાર મચી જવા પામી છે. પોલીસે વાયરલ ઓડિયો ક્લિપ, પ્રાથમિક પુરાવાઓ અને પરિવારની ફરિયાદને આધારે નામજોગ આરોપીઓની ધરપકડ કરવા માટેની તજવીજ હાથ ધરી છે. વહીવટી અને પોલીસ તંત્ર દ્વારા કાયદો અને વ્યવસ્થાની પરિસ્થિતિ જાળવી રાખીને તમામ આરોપીઓ સામે કડક કાર્યવાહી કરવામાં આવશે તેવી ખાતરી આપવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 23, 2026

New Delhi : ચીની સેના પેટ્રોલિંગ નિયમો તોડે ત્યારે સીમાવર્તી ક્ષેત્રોમાં સ્થિતિ વણસે છે: વિદેશ મંત્રાલય

ભારત અને તિબેટ સીમા પોલીસના મહાનિદેશક શત્રુજીત સિંહ કપૂર દ્વારા અરુણાચલ પ્રદેશ સરહદે બંને સેનાઓ વચ્ચે ફેસ-ઓફ ચાલી રહ્યું હોવાના નિવેદન બાદ વિદેશ મંત્રાલયે શુક્રવારે સ્પષ્ટતા રજૂ કરી છે. વિદેશ મંત્રાલયના પ્રવક્તા રણધીર જાયસવાલે જણાવ્યું કે ચીની સેના અગાઉથી નક્કી પેટ્રોલિંગ પદ્ધતિઓથી ભટકે ત્યારે સરહદી વિસ્તારોમાં સ્થિતિ વણસે છે.અનેક સ્થળે ફેસ-ઓફ હજુ પણ ચાલી રહ્યું છેઆઈટીબીપીના મહાનિદેશક શત્રુજીત સિંહ કપૂરે એક કાર્યક્રમમાં જણાવ્યું હતું કે અરુણાચલ પ્રદેશમાં પરિસ્થિતિ એવી બની છે કે અનેક સ્થળે ફેસ-ઓફ હજુ પણ ચાલી રહ્યું છે. ડીજી કક્ષાના ઉચ્ચ અધિકારી દ્વારા ભારત અને ચીન વચ્ચે અરુણાચલમાં સૈન્ય ટકરાવ ચાલુ હોવાની આ પ્રથમ સ્વીકારોક્તિ માનવામાં આવે છે. કોંગ્રેસે કેન્દ્ર સરકાર સામે તીખી પ્રતિક્રિયા આપીઆ નિવેદન બાદ વિપક્ષ કોંગ્રેસે કેન્દ્ર સરકાર સામે તીખી પ્રતિક્રિયા આપીને ખુલાસો માગ્યો હતો. વિદેશ મંત્રાલયે શુક્રવારે કહ્યું કે આ મુદ્દાની ચોક્કસ વિગતો રક્ષા મંત્રાલય આપશે.સરહદે શાંતિ અને સ્થિરતા અનિવાર્ય પ્રવક્તા રણધીર જાયસવાલે સ્પષ્ટ કર્યું કે બંને પક્ષો વાસ્તવિક નિયંત્રણ રેખા પર બાકી રહેલા વિવાદિત મુદ્દા ઉકેલવા તેમજ ગેરસમજ અને ખોટી ગણતરીથી બચવા હાલની રાજદ્વારી તથા સૈન્ય વ્યવસ્થાઓનો ઉપયોગ કરી રહ્યા છે. તેમણે કહ્યું કે સરહદના યોગ્ય સંચાલન માટે એલએસી અંગેની સમજ સુધારવા ચર્ચા કરવા સહમતી સધાઈ છે અને સંબંધોના વિકાસ માટે સરહદે શાંતિ અને સ્થિરતા અનિવાર્ય છે.અનેક ભાગો પર બંને દેશો વચ્ચે મતભેદો પ્રવર્તે છેભારત અને ચીન વચ્ચેની વાસ્તવિક નિયંત્રણ રેખા બંને દેશોના વાસ્તવિક નિયંત્રણ હેઠળના વિસ્તારોને અલગ પાડતી સીમારેખા છે. ભારતના સત્તાવાર આંકડા મુજબ આ સરહદની કુલ લંબાઈ આશરે 3,488 કિલોમીટર છે, જોકે ચીન આ આંકડા સાથે સહમત નથી અને સરહદના અનેક ભાગો પર બંને દેશો વચ્ચે મતભેદો પ્રવર્તે છે. અરુણાચલ પ્રદેશમાં એલએસીની લંબાઈ આશરે 1,126 કિલોમીટરસમગ્ર એલએસીને ત્રણ સેક્ટરમાં વિભાજિત કરવામાં આવે છે, જેમાં પશ્ચિમી સેક્ટરમાં લદ્દાખ, મધ્ય સેક્ટરમાં હિમાચલ પ્રદેશ અને ઉત્તરાખંડ, જ્યારે પૂર્વીય સેક્ટરમાં સિક્કિમ અને અરુણાચલ પ્રદેશનો સમાવેશ થાય છે. અરુણાચલ પ્રદેશમાં એલએસીની લંબાઈ આશરે 1,126 કિલોમીટર માનવામાં આવે છે. બંને દેશો વચ્ચે સરહદનું સંપૂર્ણ સીમાંકન ન થયું હોવાથી સીમા ક્યાંથી પસાર થાય છે તે અંગે બંને પક્ષોની અલગ ધારણાઓ છે. આ કારણથી પેટ્રોલિંગ દરમિયાન સૈનિકો સામસામે આવી જવા અને ટકરાવની ઘટનાઓ બનતી રહી છે. વર્ષ 2020ના ગલવાન સંઘર્ષ બાદ સરહદ પર તણાવ અને સુરક્ષા વ્યવસ્થા બંને દેશો માટે પ્રમુખ મુદ્દા બન્યા છે.              આ પણ વાંચો :   Gujarat માં 17 IAS અધિકારીઓની બદલી, અનેક જિલ્લાઓના કલેક્ટર અને DDO બદલાયા 

Read Full Story arrow_forward